Mat Nakharan ɨrpɨrɨp taha nauoua ɨk Matiu
Nakharan ɨrpɨrɨp taha nauoua ɨk Matiu
?Pehe ramrai nauoua ɨk? Matiu ramrai nauoua ɨk. In ker lə nərəmim min kətilɨm-kətilɨm-mɨkiu (12) taha Iesu. Nətɨgɨn ker mɨn in Lifae. Matiu in iərəm Isrel iərəm ramos mani taha takɨs taha kafman taha Rom. Mɨro Iesu ramaunin məma tɨrva iərəmim ker tahan.
?Ramrai rɨvɨn kəm pehe? Ramrai nauoua ɨk rɨvɨn to nərəm Isrel, mɨro ramrai lə nakharan Kris iərəm ravkɨrin Bislama taha nərəmim min pətɨm lə nian an.
?Narɨkan taha nərəmim rɨtol lə nian ramrai? Lə nian taha Iesu, nərəm Isrel kamaitite lahau lə kafman taha Rom. Kamaitəlɨgin nakharan taha iəni oas min taha Ughin lə Oltesteman, iərəm kameikharin wus ker iərəm tɨrɨpva mosmiuh ilar. Kamaiunin wus an məma Mesaea (lə nakharan taha iərəm Isrel), o Kristo (lə nakharan taha nərəm Kris).
?Ramrai nauoua ɨk tona? Matiu ramrai nauoua ɨk məma tɨrhuatɨkun rhakək məma Iesu in Kristo (Mesaea), iərəm Ughin rɨnɨnitha məma tɨrhalipa məma tɨrosmiuh Isrel. Matiu ramakharin nakharan ripɨr taha iəni min taha Ughin lə Oltesteman, mhuatɨkun rhakək məma nakharan min an rɨva in nɨpəlakɨn lə Iesu. Kəni Matiu rolkeike məma nərəmim takarhinatin məma Iesu in Iərəmɨra ilɨs akɨn, in Iərəmɨra lə niko taha Ughin, niko lə neai.
Currently Selected:
Mat Nakharan ɨrpɨrɨp taha nauoua ɨk Matiu: Lenakel NT
Highlight
Share
Copy
Want to have your highlights saved across all your devices? Sign up or sign in
(c) 2023 Covenanter Press - Presbyterian Reformed Church of Australia