LUCAS 5
5
Gyelmilaguer ne wlaa Jesus ne wga ndalyaa mël
(Mt. 4:18-22; Mr. 1:16-20)
1Tebtir chene zu Jesus runis-Genesaret, kesentyent ndal mén wdxiin lo Ne. Noze reen men Ne por ne rlaan men gon men xdiiz Dëdyuzh. 2Lex wii Ne zob txup bark guex runis, le yra men ne rkaa gozmël wruu lenbark zagye xgyix men. 3Orguin wdee Ne te leen bark guin ne nak xbark Simon, lex wnab Ne lo Simon ne ydxig Simono lodee nis. Zhich guin wzob Ne lenbark guin, axtegue nga zob Ne wneluu Ne mén. 4Chene wluzh wnii Ne lo yra mén guin, re Ne lo Simon:
―Gutsano bark ledne gyëtdee, lex gutxoon xgyix de chen ynëëz de mël.
5Wke Simon, re Simon:
―Maxter, ydebgyëëlendxee kalaa noo dxiin yra noo; bet mël wnëëzdet noo. Per kom laa de rkyeen, tsatxoon noo we ste.
6Chene wtxoon meno, kesentyent ndal mël wnëëz men, axtegue rrëz xgyix men. 7Lex wluu men senye lo xkompanyer men ne nuu ste lenbark guin, chen tsa men gun men xyudar men. Lex wa men, wsezaa men mël yrup bark axtegue mer nzebgyëto. 8Ne wii Simon neguin, wzuzhib men lo Jesus, re men:
―Gubetxee lo noo Dechey, porke mendol nak noo.
9Kesentyent wdxe Simon yra Simon men ne ndxinno Simon nga por tant ndal mël wnëëz Simon yra Simon men. 10Zenga ke wdxe Xwa yrup Xwa Jacob ne nak xkompanyer Simon; xpee Zebedew nak yrup menree. Orguin re Jesus lo Simon:
―Ydxedet de. Desde orree gak de men ne ylaa mén xpén Dëdyuzh.
11Chene wdxinno men bark runis, wsan men yrandxoo. Lex zanal men Jesus.
Wneseyaken Jesus te men ne rzak gyiz ne la lepra
(Mt. 8:1-4; Mr. 1:40-45)
12Tebtir chene ka Jesus te gyëz, wdxiin te mgyeey ne rzak gyiz ne la lepra; zegne wii men Jesus, wzuzhib men lo Ne axtegue wtee lo men lyu, wnab men lo Ne, re men:
―Dechey, belnaal yna de zun de gan yneseyaken de noo.
13Lex wzegaa Ne nya Ne wtee No led men, re Ne lo men:
―Sna noo. Gugyaken.
Orgueguin wyaken led mén guin. 14Lex re Ne lo men:
―Rut lo guedet de neree; nonchee lo fxuz gutsa gutsaluu led de no gutsaron xgoon de ne che wakndaa de nes lo Dëdyuzh zegne zëëd lo ley ne wdee Dëdyuzh lo Moises chen gaknan mén ne che wyaken led de.
15Per dxe kon dxe mazre zarëëts diiz yra ne rlaa Jesus, no ndal mén rdop lo Ne chen gon men ne rzëët Ne no chen yneseyaken Ne men. 16Per rrunsu Ne lo men yra men, ra Ne ledne yëtet mén ranab Ne lo Dëdyuzh.
Wneseyaken Jesus te mgyeey ne noze waknet led
(Mt. 9:1-8; Mr. 2:1-12)
17Te dxe ne kaneluu Jesus mén, nga zob tebëd men ne nak farisew no le tebëd maxter ley ne wruu yra gyëz ne nak lo lyu ne la Galilea no le ne nak lo lyu ne la Judea no le Jerusalén. Wdee Dëdyuzh poder lo Jesus chen yneseyaken Ne mén. 18Lex wdxiin tebëd mén wdxinneey men te mgyeey ne noze waknet led, zhoob men te lo lonwin. Rlaan men ndee men lenyuu chen ngyix men mengyiz guin lo Ne. 19Per rakdet tee men por tant ndal mén ndxin. Orguin wyeep men xtoo yuu, wlis men tebëd tezh; lex nes guin wlit men mengyiz guin ydebxloon men, wgyix men men lo Ne gwrooltee lad yra mén guin. 20Chene wii Ne ne rlaleedx yra mén guin Ne, re Ne lo mengyiz guin:
―Le xdol de che wak perdon.
21Orguin nuu lextoo men ne nak farisew yra men maxter ley: “¿Txu nak ménree ne rnii men diznyaan por Dëdyuzh? Rut rundet gan gun perdon xdol mén, sinke nonchee Dëdyuzh run gan run perdon xdol mén.”
22Per wdeegue Jesus kwent gan kox nuu lextoo men, lex re Ne lo men:
―¿Penak rlebleedx de zegwa? 23¿Pe mazre mbëëdee gue noo lo mén: “Le xdol de che wak perdon”, u ne gue noo: “Gutsaxee, gugya”? 24Orree kwii de yra de gante ne Men ne wdxiid wak Mén rap men poder nee gyëzlyuree por ne gun men perdon xdol mén.
Lex re Ne lo mengyiz guin:
―Yna noo lo de, gutsaxee gulis xloon de, gugya ruxyuu de.
25Orgueguin waxee men nes lo yra mén guin, wlis men xloon men ne waa men lo, lex sya men ruxyuu men, ryaldet rzaknon men Dëdyuzh. 26Wzee wzak yrandxee mén guin, wzelo men no men wzaknzoon Dëdyuzh; kesentyent rdxe men yra men, re men:
―Nedxeree wii be ne gardetlel kwii be.
WbĂ«z Jesus LevĂ
(Mt. 9:9-13; Mr. 2:13-17)
27Zhich guin wruu Jesus nga. Lex wii Ne lo te men ne la LevĂ ne rgoob zeg impwest, zob men ledne rezh zeg impwest, lex re Ne lo men:
―Gutanal noo.
28Orguin wzuli men; wsan men yrandxoo, zanal men Jesus.
29Zhich guin wlaa men te lniroo ruxyuu men por Jesus. Kesentyent ndal men ne rgoob zeg impwest ndxinno Ne lo mezh no ndal ke noze mén. 30Per wzelo yra men ne nak farisew yra men maxter ley ne nuu lad ke men, rnii men por xpén Ne, re men lo men:
―¿Penak ru rootee de yra de men ne rgoob zeg impwest no le yra de mendol?
31Wke Jesus, re Ne lo men:
―Men ne ngyëël, rkyiinden men doctor, sinke men ne rzhuun, men guin rkyiinen doctor. 32Noo zëëdet noo zëdye noo menwen, sinke le noo zëdye mendol chen ysaan men xgyelmal men.
Kwent ne rkwan mén
(Mt. 9:14-17; Mr. 2:18-22)
33Lex wnabdiiz men lo Jesus, re men:
―¿Penak kesentyent rkwan xpén Xwa no le xpén men ne nak farisew no kesentyent rnab men lo Dëdyuzh, le xpén de syemper ru rootee men?
34Wke Jesus, re Ne:
―Lo te dooy, ¿peguin zun de gan ydeedet de ne gu xemyooz nobye myentras ne benak zu nobye lo men? 35Per sdxiin dxe ne ybetxee nobye lo men; cheguin si ykwan men gudet men.
36No re ke Ne lo men:
―Rut rtxuugdet te lërkweb chen ykadaa men te lëryuux. Belne ylaa men zenga, sxiin men lërkweb no ngyidetzeg gyan lërkweb led lëryuux. 37Ni rut rgaadet binkweb lengyedyuux, porke belne ylaa men zenga, stxëz binkweb gyedyuux; nigle xiin bin, nigle xiin gyed. 38Por neguin binkweb leen ke gyedkweb taa we, chen zenga ni tebo xiindet. 39No ni te mén ne roo bin ne che wakxche nuu, ynadet goo binkweb, porke nan men: “Wendee nlaan bin ne che wakxche nuu.”
Currently Selected:
LUCAS 5: zpi
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.