Namba 16
16
Kora mo Datan mo Abiram trifala i agens long Moses
1-2 #
Jud 1.11
Nao i gat wan man i stap, we nem blong hem Kora, mo papa blong hem Ijara. Hem i laen* blong Kohat, we i wan pikinini blong Livae.* Nao man ya i girap, i agens long Moses. Mo i gat tri man we i joen long hem, we nem blong trifala, Datan mo Abiram mo On. Trifala ya i laen blong Ruben.* Datan mo Abiram, papa blong tufala Eliab, mo On, papa blong hem Pelet. Mo i gat tu handred fifti man bakegen oli joen long hem. Olgeta ya oli lida we ol man oli jusumaot olgeta fastaem mo oli savegud olgeta. 3Nao olgeta oli kam wanples long fes blong Moses wetem hae pris, mo oli talem long tufala se, “!Tufala! !Yutufala i go tumas ya! Yumi evriwan long kampani ya i blong Hae God, mo hem i stap wetem yumi evriwan. ?From wanem yutufala i putumap yutufala bakegen, se yutufala i hae moa long mifala?”
4Taem Moses i harem tok ya, hem i nildaon, i bodaon we fes blong hem i godaon kasem graon, nao i prea. 5Nao biaen, hem i talem long Kora mo ol man blong hem se, “Tumora long moning, Hae God bambae i soemaot long yumi se hu nao i tabu, i man blong hem. Man we hem i jusumaot finis blong i mekem ol wok blong hem, man ya nao bambae hem i letem hem i kam klosap long hem long Olta blong hem. 6-7Tumora, long moning, yu wetem ol man blong yu, bambae yufala i tekem ol sensa* blong yufala, yufala i putum faea long olgeta, mo yufala i karem i kam. Bambae yufala i putum insens* long olgeta, nao yufala i kam pas long Olta blong Hae God. Nao bambae yumi luk se hu long yumi nao we hem i bin jusumaot. !Yufala ol Livaet* nao, yufala i go tumas!”
8Nao hem i gohed, i talem se, “Kora. !Yufala ol Livaet i mas lesin! 9God blong yumi, hem i bin makemaot yufala long ol narafala laen ya blong yumi, blong yufala i save kam klosap long hem. Yufala i save mekem wok blong hem insaed long Haos Tapolen blong hem, mo yufala i save mekem ol wok tu blong givhan long mifala evriwan. ?Yufala i ting se hemia i wan smol samting ya? 10!Hem i letem long yufala wetem ol narafala Livaet blong yufala i tekem hae nem ya, be naoia yufala i stap traem tekem wok blong pris tu! 11!Yu wetem ol man ya blong yu, taem yufala i stap tok agens long hae pris, be yufala i stap tok agens long Hae God ya!”
12Nao Moses i singaot Datan mo Abiram blong tufala i kam luk hem, be tufala i talem se, “!Mitufala i no save kam! 13!Yu luk! !Yu yu tekemaot mifala long gudfala graon ya long Ijip, blong kilim mifala i ded long draeples ya! ?Olsem wanem? ?Hemia i no naf long yu yet? !Yu yu no save kam masta blong mifala! 14!Yu yu no tekem mifala i go long wan gudfala graon yet! !Yu no givim wan graon yet long mifala blong mifala i planem ol garen* mo ol plantesen blong mifala long hem! ?Yu ting se mifala i blaen? !Mitufala i no save kam!”
15Nao Moses i kros tumas from samting ya, mo hem i prea, i talem se, “!Hae God, sipos olgeta ya oli wantem givim presen long yu, be bambae yu no tekem! !Mi mi no mekem wan samting nating i rong long olgeta! !Nating we smol samting nomo olsem dongki no wanem we olgeta oli gat, be mi mi no tajem nating!”
16Nao hem i talem long Kora se, “Tumora, yu wetem olgeta ya we oli biaen long yu, mo hae pris tu, bambae yufala evriwan i mas kam stanap long fes blong Haos Tapolen blong Hae God. 17Yufala evriwan i mas tekem ol sensa* blong yufala i kam, nao bambae yufala i bonem insens long olgeta, blong givim i go long Hae God blong mekem wosip long hem.” 18Nao long nekis dei, olgeta evriwan oli tekem ol sensa blong olgeta, oli putum faea long olgeta, mo oli putum insens long olgeta, nao oli kam stanap wetem Moses mo hae pris long doa blong yad blong Haos Tapolen ya. 19Nao Kora i singaot olgeta man oli kam stanap long ples ya, oli stap fesem Moses mo hae pris long doa blong Haos Tapolen ya.#16.19: Tok long fas haf blong vas ya i folem plante olfala Oltesteman long lanwis ya Hibru, be sam olfala kopi blong ol Oltesteman ya i talem olsem. Nao Kora i singaot ol man blong hem oli kam stanap long ples ya, oli stap fesem Moses mo hae pris long doa blong Haos Tapolen ya. Nao wantaem nomo, laet ya we i saen we i saen, we i soemaot we Hae God i stap, hem i kam saen long olgeta evriwan, 20nao Hae God i talem long Moses mo hae pris se, 21“Yutufala i muv i gobak. Bambae mi mi kilim olgeta ya naoia nomo.”
22Be tufala i nildaon, tufala i bodaon we fes blong tufala i godaon kasem graon, mo tufala i talem se, “God, yu yu stamba blong laef. Olgeta man oli kasem laef long yu nomo. ?Olsem wanem? ?Sipos wan man nomo i mekem samting nogud, be bambae yu kros long mifala evriwan from?”
23Nao Hae God i talem long Moses se, 24“Yu talem long olgeta man, se oli mas gowe long ol haos tapolen blong Kora mo blong Datan mo blong Abiram.”
25Nao Moses wetem ol lida blong olgeta man oli go luk Datan mo Abiram. 26Nao hem i talemaot long olgeta man se, “Yufala i mas gowe long ol haos tapolen blong ol man nogud ya. Hae God bambae i tekemaot olgeta, wetem ol sin blong olgeta. Yufala i no mas tajem olting blong olgeta. Sipos no, bambae yufala tu i lus wetem olgeta.” 27Nao ol man oli gowe long ol haos tapolen blong trifala ya.
Long taem ya, Datan mo Abiram, tufala i kam afsaed finis, tufala wetem ol woman blong tufala mo ol pikinini blong tufala oli stap stanap long doa blong ol haos tapolen blong olgeta. 28Nao Moses i talem long olgeta man se, “Naoia nomo, bambae yufala i save we Hae God nao i sanem mi blong mi mekem olgeta samting ya. Mo bambae yufala i save tu we mi mi no mekem olgeta samting ya long tingting blong mi nomo. 29Sipos olgeta ya oli ded long prapa taem blong ded blong olgeta, we Hae God i no panisim olgeta, hemia i min se hem i no bin sanem mi. 30Be sipos hem i mekem wan samting we i narafala olgeta, we i no gat man yet i luk, we graon i open bigwan, nao olgeta ya oli foldaon i go long hol ya wetem olting blong olgeta, mo graon i berem olgeta we oli laef yet, nao oli godaon wantaem long Hom* blong ol Dedman, nao bambae yufala i save se olgeta ya oli tanem baksaed long hem.”
31Nao taem we hem i talem tok ya finis, wantaem nomo, graon i brok, i open bigwan stret aninit long ples blong Datan mo Abiram. 32Nao tufala wetem ol famle blong tufala, mo olgeta man blong Kora, olgeta evriwan oli foldaon i go long hol ya wetem olting blong olgeta, 33mo graon i berem olgeta we oli laef yet. Oli godaon long Hom blong ol Dedman wetem olting blong olgeta. Graon ya i berem olgeta, nao oli lus. 34Olgeta man we oli stap long ples ya oli harem we olgeta ya oli singaot bigwan, nao olgeta oli fraet, oli ronwe, mo oli stap singsingaot bigwan se, “!Yumi resis! !Sipos no, graon ya bambae i open bakegen, nao yumi foldaon long hem tu!”
35Nao Hae God i sanem wan faea i kam we i laet bigwan, nao i bonem ol tu handred fifti man ya we oli tekem insens i kam, blong givim i go long hem.
Ol sensa
36Nao Hae God i talem long Moses se, 37“Moses. Yu talem long pris ya Eleasara pikinini blong Eron, blong i go long ples ya we asis blong ol man ya we faea i kakae olgeta i stap long hem, i tekemaot ol sensa* blong olgeta. Hem i mas kafsaedem ol sakol we i laet we i stap long olgeta, i mas saksakem olbaot long narafala ples longwe, be i mas karem ol sensa ya i kam, from we oli tabu, oli blong mi. 38Olgeta oli kam tabu long taem ya we ol man ya oli tekem olgeta, oli kam bonem insens* long olgeta blong givim long mi. Ol man ya oli ded from ol sin blong olgeta, be ol sensa ya blong olgeta, ol man oli wokem long bras, nao yu mas hamarem olgeta oli kam flat, blong wokem wan bigfala bras blong kavremap Olta blong mi. Nao bigfala bras ya bambae i kam wan saen blong soemaot rod long yufala.” 39Nao pris ya i tekem ol sensa ya, i givim long ol man, blong oli go hamarem olgeta oli kam flat gud, oli wokem wan bras blong kavremap Olta ya long hem. 40Nao bigfala bras ya i kam wan strong saen long ol laen* blong Isrel,* se man we i no laen blong Hae Pris Eron i no save kam long Olta blong Bonem Insens blong mekem wosip long Hae God. Bras ya i stap soemaot se sipos wan man i mekem olsem, bambae hem i ded olsem we Kora wetem ol man blong hem oli ded. Nao pris ya i mekem olgeta samting ya, stret olsem we Hae God i talem.
Hae Pris Eron i sevem olgeta man
41-42Nao long nekis dei, olgeta man oli kam wanples blong luk Moses mo Hae Pris Eron, blong tok agens long tufala, mo taem oli luk tufala, oli talem se, “!E! !Yutufala i kilim ol man blong Hae God ya!” Nao taem oli tok long tufala finis, oli lukluk i go long Haos Tapolen blong Hae God, mo oli luk we klaod i kavremap Haos Tapolen ya mo laet ya we i saen we i saen, we i soemaot we Hae God i stap, hem i stap saen olbaot long ples ya. 43Nao Moses wetem hae pris, tufala i go stanap long doa blong Haos Tapolen ya, 44mo Hae God i talem long Moses se, 45“!Yutufala i muv i gowe long olgeta ya! !Bambae mi kilim olgeta tu oli ded wantaem nomo!”
Nao tufala i nildaon, tufala i bodaon we fes blong tufala i godaon kasem graon, tufala i prea. 46Nao Moses i talem long hae pris ya se, “!Ei! !Hae God i kros finis! !Wan rabis sik i stap kilim olgeta ya! !Yu kwik! Yu go tekem sensa* blong yu, yu tekem faea long Olta ya, yu putum long hem, mo yu putum insens* long hem, nao yu karem, yu go joen long olgeta, yu mekem olgeta oli klin long fes blong Hae God. !Yu hareap!”
47Nao hae pris i mekem olsem we hem i talem. Hem i tekem sensa blong hem, i resis i go long medel blong ol man we oli stap long ples ya, mo taem hem i luk we rabis sik ya i stap kilim olgeta, hem i bonem insens blong mekem wosip long Hae God, blong mekem olgeta oli klin long fes blong hem. 48Samting ya i blokem rabis sik ya, nao wantaem nomo, hem i luk we olgeta we oli laef oli stap narasaed, olgeta we oli ded oli stap narasaed, mo hem i stap long medel. 49Mo namba blong olgeta we oli ded long taem ya i kasem fotin taosen seven handred, be oli no kaontem olgeta ya we oli ded long trabol blong Kora. 50Nao taem rabis sik ya i finis, hae pris i gobak long ples ya we Moses i stap long hem, long doa blong Haos Tapolen blong Hae God.
Currently Selected:
Namba 16: OBBR
Highlight
Copy
Compare
Share
Want to have your highlights saved across all your devices? Sign up or sign in
Open Bislama Bible Revised
Bible Society of the South Pacific © 2012
Namba 16
16
Kora mo Datan mo Abiram trifala i agens long Moses
1-2 #
Jud 1.11
Nao i gat wan man i stap, we nem blong hem Kora, mo papa blong hem Ijara. Hem i laen* blong Kohat, we i wan pikinini blong Livae.* Nao man ya i girap, i agens long Moses. Mo i gat tri man we i joen long hem, we nem blong trifala, Datan mo Abiram mo On. Trifala ya i laen blong Ruben.* Datan mo Abiram, papa blong tufala Eliab, mo On, papa blong hem Pelet. Mo i gat tu handred fifti man bakegen oli joen long hem. Olgeta ya oli lida we ol man oli jusumaot olgeta fastaem mo oli savegud olgeta. 3Nao olgeta oli kam wanples long fes blong Moses wetem hae pris, mo oli talem long tufala se, “!Tufala! !Yutufala i go tumas ya! Yumi evriwan long kampani ya i blong Hae God, mo hem i stap wetem yumi evriwan. ?From wanem yutufala i putumap yutufala bakegen, se yutufala i hae moa long mifala?”
4Taem Moses i harem tok ya, hem i nildaon, i bodaon we fes blong hem i godaon kasem graon, nao i prea. 5Nao biaen, hem i talem long Kora mo ol man blong hem se, “Tumora long moning, Hae God bambae i soemaot long yumi se hu nao i tabu, i man blong hem. Man we hem i jusumaot finis blong i mekem ol wok blong hem, man ya nao bambae hem i letem hem i kam klosap long hem long Olta blong hem. 6-7Tumora, long moning, yu wetem ol man blong yu, bambae yufala i tekem ol sensa* blong yufala, yufala i putum faea long olgeta, mo yufala i karem i kam. Bambae yufala i putum insens* long olgeta, nao yufala i kam pas long Olta blong Hae God. Nao bambae yumi luk se hu long yumi nao we hem i bin jusumaot. !Yufala ol Livaet* nao, yufala i go tumas!”
8Nao hem i gohed, i talem se, “Kora. !Yufala ol Livaet i mas lesin! 9God blong yumi, hem i bin makemaot yufala long ol narafala laen ya blong yumi, blong yufala i save kam klosap long hem. Yufala i save mekem wok blong hem insaed long Haos Tapolen blong hem, mo yufala i save mekem ol wok tu blong givhan long mifala evriwan. ?Yufala i ting se hemia i wan smol samting ya? 10!Hem i letem long yufala wetem ol narafala Livaet blong yufala i tekem hae nem ya, be naoia yufala i stap traem tekem wok blong pris tu! 11!Yu wetem ol man ya blong yu, taem yufala i stap tok agens long hae pris, be yufala i stap tok agens long Hae God ya!”
12Nao Moses i singaot Datan mo Abiram blong tufala i kam luk hem, be tufala i talem se, “!Mitufala i no save kam! 13!Yu luk! !Yu yu tekemaot mifala long gudfala graon ya long Ijip, blong kilim mifala i ded long draeples ya! ?Olsem wanem? ?Hemia i no naf long yu yet? !Yu yu no save kam masta blong mifala! 14!Yu yu no tekem mifala i go long wan gudfala graon yet! !Yu no givim wan graon yet long mifala blong mifala i planem ol garen* mo ol plantesen blong mifala long hem! ?Yu ting se mifala i blaen? !Mitufala i no save kam!”
15Nao Moses i kros tumas from samting ya, mo hem i prea, i talem se, “!Hae God, sipos olgeta ya oli wantem givim presen long yu, be bambae yu no tekem! !Mi mi no mekem wan samting nating i rong long olgeta! !Nating we smol samting nomo olsem dongki no wanem we olgeta oli gat, be mi mi no tajem nating!”
16Nao hem i talem long Kora se, “Tumora, yu wetem olgeta ya we oli biaen long yu, mo hae pris tu, bambae yufala evriwan i mas kam stanap long fes blong Haos Tapolen blong Hae God. 17Yufala evriwan i mas tekem ol sensa* blong yufala i kam, nao bambae yufala i bonem insens long olgeta, blong givim i go long Hae God blong mekem wosip long hem.” 18Nao long nekis dei, olgeta evriwan oli tekem ol sensa blong olgeta, oli putum faea long olgeta, mo oli putum insens long olgeta, nao oli kam stanap wetem Moses mo hae pris long doa blong yad blong Haos Tapolen ya. 19Nao Kora i singaot olgeta man oli kam stanap long ples ya, oli stap fesem Moses mo hae pris long doa blong Haos Tapolen ya.#16.19: Tok long fas haf blong vas ya i folem plante olfala Oltesteman long lanwis ya Hibru, be sam olfala kopi blong ol Oltesteman ya i talem olsem. Nao Kora i singaot ol man blong hem oli kam stanap long ples ya, oli stap fesem Moses mo hae pris long doa blong Haos Tapolen ya. Nao wantaem nomo, laet ya we i saen we i saen, we i soemaot we Hae God i stap, hem i kam saen long olgeta evriwan, 20nao Hae God i talem long Moses mo hae pris se, 21“Yutufala i muv i gobak. Bambae mi mi kilim olgeta ya naoia nomo.”
22Be tufala i nildaon, tufala i bodaon we fes blong tufala i godaon kasem graon, mo tufala i talem se, “God, yu yu stamba blong laef. Olgeta man oli kasem laef long yu nomo. ?Olsem wanem? ?Sipos wan man nomo i mekem samting nogud, be bambae yu kros long mifala evriwan from?”
23Nao Hae God i talem long Moses se, 24“Yu talem long olgeta man, se oli mas gowe long ol haos tapolen blong Kora mo blong Datan mo blong Abiram.”
25Nao Moses wetem ol lida blong olgeta man oli go luk Datan mo Abiram. 26Nao hem i talemaot long olgeta man se, “Yufala i mas gowe long ol haos tapolen blong ol man nogud ya. Hae God bambae i tekemaot olgeta, wetem ol sin blong olgeta. Yufala i no mas tajem olting blong olgeta. Sipos no, bambae yufala tu i lus wetem olgeta.” 27Nao ol man oli gowe long ol haos tapolen blong trifala ya.
Long taem ya, Datan mo Abiram, tufala i kam afsaed finis, tufala wetem ol woman blong tufala mo ol pikinini blong tufala oli stap stanap long doa blong ol haos tapolen blong olgeta. 28Nao Moses i talem long olgeta man se, “Naoia nomo, bambae yufala i save we Hae God nao i sanem mi blong mi mekem olgeta samting ya. Mo bambae yufala i save tu we mi mi no mekem olgeta samting ya long tingting blong mi nomo. 29Sipos olgeta ya oli ded long prapa taem blong ded blong olgeta, we Hae God i no panisim olgeta, hemia i min se hem i no bin sanem mi. 30Be sipos hem i mekem wan samting we i narafala olgeta, we i no gat man yet i luk, we graon i open bigwan, nao olgeta ya oli foldaon i go long hol ya wetem olting blong olgeta, mo graon i berem olgeta we oli laef yet, nao oli godaon wantaem long Hom* blong ol Dedman, nao bambae yufala i save se olgeta ya oli tanem baksaed long hem.”
31Nao taem we hem i talem tok ya finis, wantaem nomo, graon i brok, i open bigwan stret aninit long ples blong Datan mo Abiram. 32Nao tufala wetem ol famle blong tufala, mo olgeta man blong Kora, olgeta evriwan oli foldaon i go long hol ya wetem olting blong olgeta, 33mo graon i berem olgeta we oli laef yet. Oli godaon long Hom blong ol Dedman wetem olting blong olgeta. Graon ya i berem olgeta, nao oli lus. 34Olgeta man we oli stap long ples ya oli harem we olgeta ya oli singaot bigwan, nao olgeta oli fraet, oli ronwe, mo oli stap singsingaot bigwan se, “!Yumi resis! !Sipos no, graon ya bambae i open bakegen, nao yumi foldaon long hem tu!”
35Nao Hae God i sanem wan faea i kam we i laet bigwan, nao i bonem ol tu handred fifti man ya we oli tekem insens i kam, blong givim i go long hem.
Ol sensa
36Nao Hae God i talem long Moses se, 37“Moses. Yu talem long pris ya Eleasara pikinini blong Eron, blong i go long ples ya we asis blong ol man ya we faea i kakae olgeta i stap long hem, i tekemaot ol sensa* blong olgeta. Hem i mas kafsaedem ol sakol we i laet we i stap long olgeta, i mas saksakem olbaot long narafala ples longwe, be i mas karem ol sensa ya i kam, from we oli tabu, oli blong mi. 38Olgeta oli kam tabu long taem ya we ol man ya oli tekem olgeta, oli kam bonem insens* long olgeta blong givim long mi. Ol man ya oli ded from ol sin blong olgeta, be ol sensa ya blong olgeta, ol man oli wokem long bras, nao yu mas hamarem olgeta oli kam flat, blong wokem wan bigfala bras blong kavremap Olta blong mi. Nao bigfala bras ya bambae i kam wan saen blong soemaot rod long yufala.” 39Nao pris ya i tekem ol sensa ya, i givim long ol man, blong oli go hamarem olgeta oli kam flat gud, oli wokem wan bras blong kavremap Olta ya long hem. 40Nao bigfala bras ya i kam wan strong saen long ol laen* blong Isrel,* se man we i no laen blong Hae Pris Eron i no save kam long Olta blong Bonem Insens blong mekem wosip long Hae God. Bras ya i stap soemaot se sipos wan man i mekem olsem, bambae hem i ded olsem we Kora wetem ol man blong hem oli ded. Nao pris ya i mekem olgeta samting ya, stret olsem we Hae God i talem.
Hae Pris Eron i sevem olgeta man
41-42Nao long nekis dei, olgeta man oli kam wanples blong luk Moses mo Hae Pris Eron, blong tok agens long tufala, mo taem oli luk tufala, oli talem se, “!E! !Yutufala i kilim ol man blong Hae God ya!” Nao taem oli tok long tufala finis, oli lukluk i go long Haos Tapolen blong Hae God, mo oli luk we klaod i kavremap Haos Tapolen ya mo laet ya we i saen we i saen, we i soemaot we Hae God i stap, hem i stap saen olbaot long ples ya. 43Nao Moses wetem hae pris, tufala i go stanap long doa blong Haos Tapolen ya, 44mo Hae God i talem long Moses se, 45“!Yutufala i muv i gowe long olgeta ya! !Bambae mi kilim olgeta tu oli ded wantaem nomo!”
Nao tufala i nildaon, tufala i bodaon we fes blong tufala i godaon kasem graon, tufala i prea. 46Nao Moses i talem long hae pris ya se, “!Ei! !Hae God i kros finis! !Wan rabis sik i stap kilim olgeta ya! !Yu kwik! Yu go tekem sensa* blong yu, yu tekem faea long Olta ya, yu putum long hem, mo yu putum insens* long hem, nao yu karem, yu go joen long olgeta, yu mekem olgeta oli klin long fes blong Hae God. !Yu hareap!”
47Nao hae pris i mekem olsem we hem i talem. Hem i tekem sensa blong hem, i resis i go long medel blong ol man we oli stap long ples ya, mo taem hem i luk we rabis sik ya i stap kilim olgeta, hem i bonem insens blong mekem wosip long Hae God, blong mekem olgeta oli klin long fes blong hem. 48Samting ya i blokem rabis sik ya, nao wantaem nomo, hem i luk we olgeta we oli laef oli stap narasaed, olgeta we oli ded oli stap narasaed, mo hem i stap long medel. 49Mo namba blong olgeta we oli ded long taem ya i kasem fotin taosen seven handred, be oli no kaontem olgeta ya we oli ded long trabol blong Kora. 50Nao taem rabis sik ya i finis, hae pris i gobak long ples ya we Moses i stap long hem, long doa blong Haos Tapolen blong Hae God.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Open Bislama Bible Revised
Bible Society of the South Pacific © 2012