Mat 1

Jesus sien Jeschlajchts-Rejista

Luk 3:23-38

1Daut Buak von de Jennerazion von Jesus Christus, de Sän von David, de Sän von Abraham. 1Mo 22:18; 1Chr 17:11 2Abraham haud Isaak; Isaak haud Jakob; Jakob haud Juda un siene Breeda; 1Mo 21:3,12; 25:26; 29:35; 49:10 3Juda haud Perez un Zara met de Tamar; Perez haud Hezron; Hezron haud Aram; Rut 4:18-22; 1Mo 38:29-30 4Aram haud Aminadab; Aminadab haud Nahasson; Nahasson haud Salmon; 5Salmon haud Boas met de Rahab; Boas haud Obed met de Rut; Obed haud Isai; Jos 2:1; Rut 4:13-17 6Isai haud dän Kjennich David. De Kjennich David haud Salomo met Uria siene jewäsne Fru; 2Sa 12:24 7Salomo haud Rehabeam; Rehabeam haud Abija; Abija haud Asa; 1Chr 3:10-16 8Asa haud Josafat; Josafat haud Joram; Joram haud Usija; 9Usija haud Jotam; Jotam haud Ahas; Ahas haud Hiskia; 10Hiskia haud Manasse; Manasse haud Amon; Amon haud Josia; 11Josia haud Jechonja un siene Breeda, en de Tiet aus see no Babelon wajchjefieet worden. 2Kje 25:7,11,21

12No däm see no Babelon wajchjefieet wieren, haud Jechonja Salatiel; Salatiel haud Serubabel; 1Chr 3:17; Esr 3:2 13Serubabel haud Abiud; Abiud haud Eljakim; Eljakim haud Asor, 14Asor haud Zadok; Zadok haud Achim; Achim haud Eliud; 15Eliud haud Eleasar; Eleasar haud Mattan; Mattan haud Jakob; 16Jakob haud Josef, Maria äa Maun, von dee Jesus jebuaren wort, dee Christus jenant woat. Luk 1:27

17Soo sent aule Jennerazionen von Abraham bat David vieetieen Jennerazionen; un von David bat see no Babelon wajchjefieet worden, vieetieen Jennerazionen; un von donn aus see no Babelon wajchjefieet worden, bat Christus kjeem, vieetieen Jennerazionen.

Jesus wort jebuaren

Luk 2:1-7

18De Jeburt von Jesus Christus passieed soo aus dit: Aus Siene Mutta Maria däm Josef aunvetrut wia, noch ea see toopkjeemen, worden see en, daut see vom Heiljen Jeist schwanga wia. Luk 1:35 19Oba Josef, äa Maun, wiels hee jerajcht wia un ar nich wull en Schaund brinjen, docht hee, daut hee ar em Jeheemen entloten wudd. 20Wäarent hee dit em Senn haud, kjikj, een Enjel vom Harn kjeem em Droom no am un säd: Josef, du Sän von David, fercht die nich, Maria, diene Fru, no die to nämen; wiels daut, waut en ar aunjefongen es, es vom Heiljen Jeist. 21Un see woat eenen Sän jebuaren, un sienen Nomen saust du Jesus nanen; wiels Hee woat Sien Volkj raden von äare Sinden. Ps 130:8; Luk 2:21; Apj 4:12 22Dit es oba aula doawäajen passieet, soo daut erfelt wort, waut von däm Harn es jesajcht worden derch dän Profeet, dee doa säd: Jes 7:14 23“Kjikj, eene Junkfru woat schwanga sennen un eenen Sän jebuaren, un see woaren Am dän Nomen Emmanuel jäwen”; äwasat meent daut: Gott met ons. 24Aulsoo Josef, vom Schlop oppjewakjt, deed, waut de Enjel vom Harn am befolen haud, un neem siene Fru no sikj 25un erkjand ar nich, bat see äaren ieeschtjebuarnen Sän jebuaren haud; un hee jeef Am dän Nomen Jesus.

Matäus

Currently Selected:

Mat 1: DKB

Highlight

Copy