BATA MRAISAM
MRAISAM
Apostleme Bata de au Luk. e Samlia keyi de kerelwa da. Cide kiehlangbe au dainzwa Jisu caisui keraime, Kemci Rabe puisau gade pe ha Samlia keyi de “Jerusalem ga, Judea nah Samaria pelane ga, nah kideu penlih kecang ga” (1.8) rangrwa bi kecu ranglia kera deda. Cide au Christianme nlai kepet rasam cide Judahme kak gade pe bangdua lu delü kideu pelane gu kenlum ge tei lu. Keraube pe laisiu kepeime dage Christianme au Romme Hegwangram teu nreu gidi kera lungnei ge au melie kecu, nah Christianme kenlum de au Judahme renet de teicang kelu de delie kecu rang nci kecang liah gai.
Bata de mzi pwa zidi kecum tei lubui, Jisu ha Samlia keyi paurwa njareu reu kepet nah Nqwa ndeu kelu lia kegai rehi gade: 1. Jisu nghang kedi cai Jerusalem ga Christianme mlai ndeu cu kecu; 2. Palestine deu keda lebie di kepet; nah 3. Mediterranean deu Rom kecang, di si mie kecu.
Bata ga pekieh kenlangbe au Kemci Rabe, pentecost benai Jerusalem ga kenkieng teu eh kenlumme da kegwangbe nah Nqwabe nah pe muiteume de laisiukwak ga rauteu kelabe dung ketei dau saulia nah tei nkieng jüja kegwangbe ta de delie. Christian keraime sam au zierang ketei sam dungge gage rau mduih pwa la, nah.
Bata ga raupwa kela matei kedibe dung de au kenlumme teilung ga nah Nqwabe kangbau ga sam aide kenkieng kebam lia gai.
Pelung Ga Kela dung
Zierang tei kera ketelei 1:1-26
(a) Jisu gu aja nah sampet kekambe 1:1-11
(b) Judas pa pwa keloibe 1:12-26
Jerusalem ga zierang ketei 2:1—8:3
Judah nah Samaria ga zierang ketei 8:4—12:25
Paul ta 13:1—28:31
(a) Zierang ketei hebeuh raitube 13:1—14:28
(b) Jerusalem gade kenkwa 15:1-35
(c) Zierang ketei hebeuh pekenabe 15:36—18:22
(d) Zierang ketei hebeuh pekecumbe 18:23—21:16
(e) Paul Jerusalem, Caesarea, nah Rom gade hebaang ketei 21:17—28:31
Currently Selected:
BATA MRAISAM: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.