KHABÊNG 9
9
Joban Ma Noah Demnâng Tôamsêmmîn
1 #
Kha 1.28
Joban ma Noah ngãle ate chha dela chha hehnâng rangkoh lahma ngatwah, “Chhũ achha jahmõang chohchha en, eroh kobã nê chhũ nê chha heh hahtokkhoh phangtang emen sõnga. 2Chentô ngem angah, ngãle wõchhũ wõchha heh nangran che lahma etonga. Thin chentô pa nang dekkhhên ko thîenkoh ekĩ. 3Ade phûmma nangma thin taphhek oh, ngãle phẽmdek wandã hehmĩn ta phhek oh; Are heh phangtang Ngãma nangnâng phhekchhah rãng koh ekĩ. 4#Lev 7.26-27; 17.10-14; 19.26; Npt 12.16, 23; 15.23Rohkomĩn nangma wantheh la phhekthĩn pa, hẽ wînthû ngem la phhekmin; Ngãma are tãng ekĩ pa rôandông pa hẽ ko tonga. 5Hẽnma komĩn mihnyãn maritphe ako, ate mĩn chêmsiet rêmin. Ngãle chenni ngem angah ma mihnyãn ritkek ekah a ere ngem pamĩn ritphê rêmin. 6#Kha 1.26; Loa 20.13Mihnyãn nyũchha pa Joban rãngrãng hôan wah, eroh wah hẽnma komĩn mihnyãn ritphe ekah a temĩn hẽnma komĩn ritphê min
7 #
Kha 1.28
“Nangma chhũ achha jahmõang chha oh, eroh kobã nang chhũ nang chha hehma hahtokkhoh pa emen sõnga.”
8Joban ma Noah ngãle ate chha dela chha hehnâng ngatwah, 9“Athâng heh Ngãma nê ngãle nê chhũ nê chha heh demnâng tôam semmîn ekah, 10ngãle chentô ahînte jat heh demnâng tôam semmîn ekãng —chentô wõchhũ wõchha ngãle ngem angah heh demnâng —ngãle nang demko khhôankho kowah chentô loatchhõan tah heh demnâng tôam semmîn ekãng. 11Are jabkhab demko Ngãma nê demnâng tôam semmîn ekah: Ngãma tôamsem ekãng Ngãma chenthû mĩn ahînte jat heh jodông lũmthuk lakma laritphe tû min; ngãle hahtokkhoh pa chenthû mĩn jodông lũmthuk lakma lachhihsiet tû min. 12Ngãma are tôamsêm pa nang ngãle chentô ahînte jat heh demnâng rôantang rôanjêng rãng tôam semmîn ekah, 13Ngãma Ngã thunu doakhap pa phôamnâng thîen ekãng. Apa hahtokkhoh demnâng Ngã tôam sêmmîn mãn edanga. 14Chenthû Ngãma rangkho pa phôam ma doapbuk thuk lakma, ere poatko chaangchoi hôngko, 15Ngãma nê demnâng ngãle chentô ngem angah heh demnâng chenthû mĩn Ngãma jodông lũmthuk lakma nê lachhihsiet tû min ngãma tôamsem tek pa ethonghûn ang. 16Chenthû phôam nâng chaangchoi mahõng tah ko, Ngãma eko sûlakma hahtokkhoh wah chentô ahînte jat demnâng rôantang rôanjêng rãng tôam semmîn tek pa echhẽmhûn ang. 17Epa Ngãma chentô ahînte jat heh demnâng tôam sêmmîn mãn edanga.”
Noah Ngãle Ate Chha Delachha Heh
18Noah chha khhôankho kowah loatchhõan tah heh Shem, Ham, ngãle Japheth dâng wah. (Ham pa Canaan wã dâng wah.) 19Are Noah chha wãrem pa hahtokkhoh wah chentô mihnyãn nyũchha heh te awã heh.
20Noah, te a pitmoatte dâng wah, ngãle te a khhabâng thhôan Angur thong bângkhiette dâng wah. 21Tema khem rõanchhẽ jokdiko, te a khemmok wah, ephûmma ate khhet heh koakphe lahma bôanglõang ma ate tembu hum ko jupwah. 22Chenthû Canaan wã Ham ma atewã bôanglõang ma jup pa khê phûmma, tema rangsâ nâng kã lahma ate naa wãnîî ko thôkoh wah. 23Ephûmma Shem ngãle Japheth nîîma khhet tõan lahma thin tokdi nge chhoakkho ko loakwah. Ediko thinma thinwã bôanglõang pa nekchenkhẽ ekĩ ngãma mitkẽ nâng sû lahma humkhhen ko tokdi nge ma ngak khhoam wãng lahma thinwã nâng phuhkoh wah. 24Chenthû Noah khemmok sâ lahma ate chha naadi ma tenâng chenni rẽtah a epa jet lahma, 25tema ngatwah,
“Canaan khoh nâng achhih chenhû a!
te a ate phõ heh hũ ahaa chendanga.
26tema ngatwah, Teso, Shem Joban nâng rô e!
Canaan thin hũ ahaa chendanga.
27Joban ma Japheth#9.27 Japheth: Are mîn pa Hebrew jabnâng “jat ajâ” ngãma ngatwah rãngrãng jab ekah. jat ajâthuk chenrẽ a!
Ate chhũ achha heh Shem mihnyãn heh demnâng chenjoh sõng a!
Canaan pa Japheth hũ ahaa dângmin.”
28Jodong lûm diko Noah chârem roak bengâ rangpâ hîn wah. 29ngãle te a châ ekhũ roak bengâ rangpâ ko ritwah.
Currently Selected:
KHABÊNG 9: Nokte
Highlight
Share
Copy
Want to have your highlights saved across all your devices? Sign up or sign in
The Bible Society of India
Videos for KHABÊNG 9
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Ep 34. Genesis 10: How Noah’s Sons Shaped the World & God's Redemption Story
The Bible Show
Episode 19: Feeding of Four thousand with the Syrophonecian woman
The Bible Show