KHABÊNG 8
8
Jodông lûm Jek
1Joban ma Noah ngãle ate demwah khhôankho kowah chentô ngem angah heh lekphe hõ; tema pông pôngthuk wah, ephûmma jo pa rupjâ wah. 2Hahkhhen wah jomit rapjentah heh tek ngãle rangkhhethung rangpat patkat thĩn pôngkâ kâsek laangtah heh sek rêwah. Ephûmma rangpat pa jekwah, 3ngãle jo pa rerema châtheh roak bengâ rangwô khhenko rupjâ wah, 4Phûmma dâjeng jeng engit kowah echhi wôengit jâko khhôankho pa Ararat hahkõng kho ko jek hokwah. 5Jo pa rerema rupjâ wah, ngãle dâjeng jeng echhi kowah khhabâng rangwô jâko hahkõng kho pa chohkhê wah.
6Jâroak belîî diko Noah ma khhôankho pôngkâ kâsek pa laang wah 7ngãle wakha chîen chhôan wah. Rohkomĩn epa ngak hûhõ, te a jo phangtang mãta tarup tûmlit tûmlit phõangpu lahma tôngwah. 8Ediko, Noah ma jo pa marup ale ngãma sokrãng phâriwõ chîen chhôan wah, 9phûmma hahtokkhoh pa joma lûmthû dâng phûmma phâri pa chatpah thĩn the chohhõ. Phûmma epa khhôankho khhen ko ngakpuk hok wah, ngãle Noah ma ate dekma tãnglõ lahma akhhen nâng pêwên wah. 10Tema ahân jâengit rangwô bêmwah ngãle ediko phâri pa ngak chîen chhôan wah. 11Phûmma sanhêmthah ko phâri ma ate thhun ko olive bãng chhõng chhõng nyan kem lahma ate tânâng ngak hokwah. Ephûmma Noah ma jo pa lâruptah ngãma jetwah. 12Ediko mĩn tema hân jâengit rangwô bẽm lahma phâri pa ngak chîen chhôan wah; ephûmma aderek ko phâri pa ngak hûtûhõ.
13Chenthû Noah châ erok pâtheh rangpâ dângko, khhabâng dâjeng wah khhabâng rangwô jâko jo pa rupjâwah. Noah ma khhôankho supkho pa koakphê wah, ngãle tema tûmlit phôangsok wah, phûmma hahtokkhoh pa choakjâ lahma khêwah. 14Khhadi dâjeng wah roaknîî jâengit rangwô jâ phûmma hahtokkhoh pa senthêmthêm choakjâwah.
15Joban ma Noah nâng ngatwah, 16“Khhôankho kowah nang tangnyũ ngãle nang chha dela chha heh ediko thin tangnyũ heh demnâng loatchhõan oh. 17Nang demwah chentô wõ heh ngãle ngem angah heh sietchhõan oh, eroh kobã thinma achha chha lahma hahtokkhoh phangtang nâng emen jat apat a.” 18Ephûmma Noah ate tangnyũ, ate chha dela chha heh ngãle thin tangnyũ demko khhôankho kowah loatchhôan wah. 19Chentô ngem angah heh ngãle wõ heh khhôankho kowah mâmâ jatjat heh arôam rôam ma loatchhôan wah.
Noah Ma Joban Nâng Joapthĩn Kohwah
20Noah ma Teso nâng chaam hôankoh wah; tema nîem jũnko asâjat ngem ngãle wõ hehwah wanru kep lahma chaamko hotang ma wẽn nâng rokthhek lahma joap wah. 21Ajoap rẽ ekah ngemtûm pumma Teso rĩnmê thukwah, ngãle tema ate dede nâng ngatwah, “Ngãma hahtokkhoh pa mihnyãn hehma kaam chhih moat jũnko chenthû mĩn tem athoak tûmek; Ngãma jet latã thû majû thin hûng pa achhih. Phûmma aderek wah Ngãma chenroh ritphetek a ere rãngrãng chentô ahînte jat heh Ngãma chenthû mĩn ritphe tûmek. 22Hahtokkhoh chentô lektong ekah a, etô ko khiet alî sanpoat ngãle chhahkhhên sanpoat pa etonga. Rangkhâm sanpoat ngãle rangkih sanpoat mĩn etonga, rangcho ngãle rangpaa mĩn etonga, rangwô ngãle rangnyek mĩn etonga.”
Currently Selected:
KHABÊNG 8: Nokte
Highlight
Share
Copy
Want to have your highlights saved across all your devices? Sign up or sign in
The Bible Society of India
KHABÊNG 8
8
Jodông lûm Jek
1Joban ma Noah ngãle ate demwah khhôankho kowah chentô ngem angah heh lekphe hõ; tema pông pôngthuk wah, ephûmma jo pa rupjâ wah. 2Hahkhhen wah jomit rapjentah heh tek ngãle rangkhhethung rangpat patkat thĩn pôngkâ kâsek laangtah heh sek rêwah. Ephûmma rangpat pa jekwah, 3ngãle jo pa rerema châtheh roak bengâ rangwô khhenko rupjâ wah, 4Phûmma dâjeng jeng engit kowah echhi wôengit jâko khhôankho pa Ararat hahkõng kho ko jek hokwah. 5Jo pa rerema rupjâ wah, ngãle dâjeng jeng echhi kowah khhabâng rangwô jâko hahkõng kho pa chohkhê wah.
6Jâroak belîî diko Noah ma khhôankho pôngkâ kâsek pa laang wah 7ngãle wakha chîen chhôan wah. Rohkomĩn epa ngak hûhõ, te a jo phangtang mãta tarup tûmlit tûmlit phõangpu lahma tôngwah. 8Ediko, Noah ma jo pa marup ale ngãma sokrãng phâriwõ chîen chhôan wah, 9phûmma hahtokkhoh pa joma lûmthû dâng phûmma phâri pa chatpah thĩn the chohhõ. Phûmma epa khhôankho khhen ko ngakpuk hok wah, ngãle Noah ma ate dekma tãnglõ lahma akhhen nâng pêwên wah. 10Tema ahân jâengit rangwô bêmwah ngãle ediko phâri pa ngak chîen chhôan wah. 11Phûmma sanhêmthah ko phâri ma ate thhun ko olive bãng chhõng chhõng nyan kem lahma ate tânâng ngak hokwah. Ephûmma Noah ma jo pa lâruptah ngãma jetwah. 12Ediko mĩn tema hân jâengit rangwô bẽm lahma phâri pa ngak chîen chhôan wah; ephûmma aderek ko phâri pa ngak hûtûhõ.
13Chenthû Noah châ erok pâtheh rangpâ dângko, khhabâng dâjeng wah khhabâng rangwô jâko jo pa rupjâwah. Noah ma khhôankho supkho pa koakphê wah, ngãle tema tûmlit phôangsok wah, phûmma hahtokkhoh pa choakjâ lahma khêwah. 14Khhadi dâjeng wah roaknîî jâengit rangwô jâ phûmma hahtokkhoh pa senthêmthêm choakjâwah.
15Joban ma Noah nâng ngatwah, 16“Khhôankho kowah nang tangnyũ ngãle nang chha dela chha heh ediko thin tangnyũ heh demnâng loatchhõan oh. 17Nang demwah chentô wõ heh ngãle ngem angah heh sietchhõan oh, eroh kobã thinma achha chha lahma hahtokkhoh phangtang nâng emen jat apat a.” 18Ephûmma Noah ate tangnyũ, ate chha dela chha heh ngãle thin tangnyũ demko khhôankho kowah loatchhôan wah. 19Chentô ngem angah heh ngãle wõ heh khhôankho kowah mâmâ jatjat heh arôam rôam ma loatchhôan wah.
Noah Ma Joban Nâng Joapthĩn Kohwah
20Noah ma Teso nâng chaam hôankoh wah; tema nîem jũnko asâjat ngem ngãle wõ hehwah wanru kep lahma chaamko hotang ma wẽn nâng rokthhek lahma joap wah. 21Ajoap rẽ ekah ngemtûm pumma Teso rĩnmê thukwah, ngãle tema ate dede nâng ngatwah, “Ngãma hahtokkhoh pa mihnyãn hehma kaam chhih moat jũnko chenthû mĩn tem athoak tûmek; Ngãma jet latã thû majû thin hûng pa achhih. Phûmma aderek wah Ngãma chenroh ritphetek a ere rãngrãng chentô ahînte jat heh Ngãma chenthû mĩn ritphe tûmek. 22Hahtokkhoh chentô lektong ekah a, etô ko khiet alî sanpoat ngãle chhahkhhên sanpoat pa etonga. Rangkhâm sanpoat ngãle rangkih sanpoat mĩn etonga, rangcho ngãle rangpaa mĩn etonga, rangwô ngãle rangnyek mĩn etonga.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India