KHABÊNG 10

Noah Chha Delachha Heh Chhũ Achha Heh

(1Ngĩ 1.5-23)

1Are heh Noah chha dela chha Shem, Ham ngãle Japheth chhũ achha heh. Are wãrem pumma jodông lûm diko dela chha heh chhat wah.

2Japheth chha dela chha heh —Gomer, Magog, Madai, Javan, Tubal, Mesheck, ngãle Tiras —thin a thin mîn kepte mihnyãn heh te awã. 3Gomer chhũ achha heh Ashkenaz, Riphat, ngãle Togarmah heh dâng wah. 4Javan chhũ achha heh Elishah, Spain, Cyprus, ngãle Rhodes. 5thin a jotung jokêm wah hah nâng sôngte mihnyãn heh te awã heh dâng wah. Are heh a Japheth chhũ achha heh, thin a mâmâ jat apat ma, mâmâ diak akan nâng mâmâ jab ajâ jab lahma phânsông wah.

6Ham chha heh —Cush, Egypt, Libya, ngãle Canaan —ngãle thin a thinmîn kepte heh te awã. 7Cush chhũ achha heh Seba, Havilah, Sabtah, Raamah, ngãle Sabteca. Raamah chhũ achha heh Sheba ngãle Dedan heh. 8Cush chha dela chha dâng wah, ate mîn pa Nimrod, te a hahtokkhoh ko khhabâng thhôan ajîente dong thhôan dâng wah. 9Teso ma chohsû lahma te a nyahrãng ngemhapte dong thhôan dâng wah ngãle eroh wah mihnyãn hehma aroh ngãekah, “Teso ma nanga Nimrod rãngrãng ngemhapte dong thhôan chenhôan hoh!” 10Khhabâng ko ate hahsông khhen ko Babylon, Erech, ngãle Accad mĩn johbông wah, are wanremlat Babylon nâng dâng wah. 11Ere hah kowah te a Asayria nâng katwah ngãle Nineveh, Rehoboth Ir, ngãle Calah hahdaang heh hôan wah, 12ngãle Resen, epa Nineveh ngãle Calah hahdaang dong mongtung ko dâng wah.

13Egypt chhũ achha heh Lydia, Anam, Lehab ngãle Naphtuh heh dâng wah, 14Pathrus, Casluh, ngãle Crete wah, Philistines jat li ala heh dîen wah.#10.14 Are rãngrãng mãntheh nyapraang pa ngãle Crete wah … li ala dîen wah; Hebrew nâng are hehwah Philistines heh li ala heh dîen wah, ngãle Crete li ala heh dîen wah.

15Canaan chha dela chha —Sidon pa phânnang thhôan, ngãle Heth —thin a thinmîn kepte mihnyãn heh te awã dâng wah. 16Canaan pa are heh te awã dâng wah, Jibusite, Amorit, Girgashit, 17Hivites, Arkites, Sinites, 18Arvadites, Zimarites, ngãle Hamathites. Canaan wah mâmâ jat apat heh phôanghông wah 19epa Canaan heh jatrĩ pa Sidon wah dekhit nge ma Gerar nâng Gaza tâko hokdâng wângwah, ngãle sankat nge ma Sodom, Gomorrah, Admah, ngãle Zeboiim ma Lasha tâko hokdâng wângwah. 20Are heh Ham chhũ achha heh, thin a mâmâ jat apat, ngãle mâmâ diak akan nâng phôang phânsông wah ngãle thinma mâmâ jab ajâ jabwah.

21Shem, te a Japheth phõ dâng wah, te a chentô Hebrew jat heh te awã dâng wah. 22Shem chha dela chha —Elam, Ashur, Arpachshad, Lud ngãle Aram —thin a thin mîn kepte mihnyãn heh te awã. 23Aram chha dela chha heh Uz, Hul, Gether ngãle Meshek mihnyãn heh dâng wah. 24Arpachshad pa Shelah wã, ngãle te a Eber wã. 25Eber nâng dela chha wãnîî dâng wah: wãtheh mîn pa Peleg,#10.25 Peleg: Are mîn pa Hebrew jabnâng “aphânjâ” ngãma ngãekah. chenrãngma ngãko rangkhhen wah mihnyãn heh ate sanpoat ko phânjâ wah; ngãle ahân wãtheh mîn pa Joktan. 26Joktan chhũ achha heh Almodad, Shelep, Hazarmaveth ngãle Jera wah mihnyãn heh dâng wah, 27Hadoram, Uzal, Diklah, 28Obal, Abimael, Sheba, 29Ophir, Havila ngãle Jobab; thin phangtang Joktan chhũ achha wah dâng wah. 30Thin sõng ekah hah pa Mesha ma Sankat nge wah kõte diak Sephar tôko dâng wah. 31Are heh Shem chhũ achha heh, thin a mâmâ jat apat, jab ajâ, jũnko mâmâ diak akan nâng phânsông wah.

32Are mihnyãn heh phangtang Noah chhũ achha heh dâng wah, mâmâ te awĩ heh jũnko mâmâ diak akan dang lahma sông wah. Jodông lûm diko hahtokkhoh phangtang jat pat ekah heh Noah chha dela chha heh chhũ achha tutã wah dîen ekah.

Currently Selected:

KHABÊNG 10: Nokte

Highlight

Copy