Luka 4
4
Okugezesebwa kwa Yesu
(Mat 4:1-11; Mak 1:12,13)
1OYesu, yazwire oku Yoludaani naizwire oMwoyo Akwera nʼamutwala omwirungu. 2Gyeyayoyeereibwe oSetaani okumala ebiro amakumi anai. Ebiro ebyo byona tiyaliire kantu, era oku nkango yaabyo enzala nʼemuluma.
3OSetaani nʼamukoba, “Niwaabba Mwana wa Kanca, lagira amabbaale gani gafooke emere.”
4Baitu oYesu nʼairamu, “Ebyawandiikiibwe bikoba, ‘Omuntu tabbanga mwomi na mere yonkai.’”#Tek 8:3
5OSetaani nʼamutwala oku lusozi aiguru, omu kaire akadooli nʼamulanga amanga ga nsi goona. 6Nʼamukoba, “Nkwiza okukuweerya obusobozi bwona nʼekitiinisya kyabyo kyona, kubba, byampeereibwe, era nsobola okubiweerya buli gwenkwendya. 7Kale niwandamya, byona byona byabba byamu.”
8OYesu nʼamwiramu, “Kyawandiikiibwe kiti, ‘Ramyanga oMukama oKanca waamu, era nigwo oweerezenge yenkai.’”#Tek 6:13
9OSetaani nʼatwala oYesu aiguru oku lukanga lwa iramyo nʼamukoba, “Niwaabba Mwana wa Kanca, guluka ogwe ansi, 10kubba kyawandikiibwe nti,
‘OKanca aliragira abamalaika baamwe bakukwatiire omu mikono gyabwe,
11oleke okwekona okugulu okwibbaale.’#Zab 91:11-12”
12OYesu nʼamukoba, “Togezesyanga Mukama oKanca waamu.”#Tek 6:16
13OSetaani niyamaare okumugezesya omu buli ngeri nʼamuleka, okwikya lwalitunga omukisa ogundi.
OYesu nibaamugaine e Naazaleesi
(Mat 4:12-17; Mak 1:14,15)
14Nibyaweire oYesu nʼaira e Galiraaya naizwire amaani ga Mwoyo Akwera, era amawuro ga kwira kwamwe ni gaika omu kitundu kyona. 15OYesu yayegeserye omu makumbaaniro goona, era buli omwei nʼamuwaisya.
Aba Nazaaleesi bakugaana okwikiriza oYesu
(Mat 13:53-58; Mak 6:1-6)
16OYesu nʼaiza e Nazaaleesi, gyeyakuliire, era ekiro kya Sabbiiti nʼayaba omwikumbaaniro, ka niyaali amanyiriire. Nʼayemeera okusoma. 17Ni bamuwa ekitabo kya Isaaya omulangi, niyakiswekwire, nʼaika we kikoba:
18“Nduku oMwoyo wa Kanca,
kubba yansensereku amafuta
okukobera abaseege Amawuro Agasai.
Yantumire okutaisya ababbwe,
okulibbula abaigali ba maiso,
nʼokuweerya emirembe abakumigwa.
19Okulangiira omwaka gwa Kanca ogwa kusaasira.”#Isa 61:1,2
20Niyamaare okusoma, nʼaswekaku ekitabo, nʼakiweerya omuweereza, nʼaikaara. Boona boona abaali omwikumbaaniro ni bamuwanga amaiso. 21Nʼatandika okubasoboora ati, “Ekiro kya leero ekyawandiikiibwe kini kiikiire nka ni mwawuliire.”
22Boona boona baasiimire era ni bawuniikiira olwa bigambo byamwe era ni beebulya, “Oni tiniye mwana wa Yusufu?”
23OYesu nʼabakoba, “Mazima mwalincwera olugero luni nti, ‘Musawu weerulumule wenkai! Koora ani omu kibuga kyamu ebyetwawuliire nokukola e Kaperenawumu.’”
24Kambakobere: Omulangi tabba na kitiinisya mu nsi yaamwe. 25Ekya mazima, omu biro byʼEriya waalowo abanamwandu baingi omu Isirairi, eiguru nilyebbwere emyaka esatu nʼekitundu enjura netekutoonya era ni wagwa enzala gingi omu nsi. 26Baitu Eriya tiyatumiibwe wandi woona woona, okwiyaku e wa namwandu e Zerufasi omu kitundu kya Sidoni.#4:26 Kyali kibuga ekyali enzai wa iyanga lya Isirairi. 27Era omu Isirairi mwalumu abagenge baingi omu biro bya mulangi Erisa, baitu ndoowo yatambiibwe, okwiyaku oNaamani yenkai oMusuuli.
28Abantu boona boona omwikumbaaniro nibaawulire ni bagongera muno. 29Ni baimuka ni bamusindiikiirya okumwiya omu kibuga ni bamutwala okumwegegwe gwa kasozi ekibuga kwe kyayombokerwe, nga bakwendya okumunaga ansi. 30Baitu nʼabaakalamu ni yeeyabira.
OYesu okupeka omuzumu
(Mak 1:21-28)
31Obwo nʼayaba e Kaperenawumu, ekibuga omu Galiraaya, era oku Sabbiiti nʼatandika okwegesya abantu. 32Abantu ni beewuunya okwegesya kwamwe, kubba yaali akubazisya busobozi.
33Omwikumbaaniro mwalimu omusaiza eyaaliku omuzumu, nʼakokooma muno, 34“We! Okututakisya ki? OYesu oMunazaaleesi oizire okutuzikya? Nkumaite—oli Mweru wa Kanca!”
35OYesu nʼalagira omuzumu nti, “Sirika, muzweku.” Obwo omuzumu, ni gukubbirawo omusaiza ansi omu maiso gaabwe, ni gumuzwaku atawutaire.
36Abantu boona boona ni bawuniikiriire ni bakobangana, “Kuni kwegesya kwa mulingo ki! Okwa busobozi nʼamaani okulagira emizumu okuzwawo!” 37Amawuro gaamwe ni gaizula omu bitundu byona ebyerereire ekitundu ekyo.
OYesu okutamba abaingi
(Mat 8:14-17; Mak 1:29-34)
38OYesu niyazwire omwikumbaaniro yayabire mu maka ga Simooni. Ati onyibyala wa Simooni yaali mulwaire wa musuja, oYesu nʼasabibwa okumujuna. 39Nʼainamira oku mulwaire nʼayamira omusuja, ni gwaba. Omukali nʼaimukirawo nʼatandika okuweereza abantu.
40Eisana niryali likugwa, ni baleetera oYesu abantu abandwaire eza buli ngeri, nʼabatamba boona boona nakubataaku emikono. 41Mazima, emizumu gyazwire oku bantu, nibakukokooma bati, “Oli Mwana wa Kanca!” Baitu nʼagisirikya obutairayo kubaza, kubba gyetejerye nti niye Kurisito.
OYesu okukoba omu makumbaaniro
(Mak 1:35-39)
42Obwire nibwakeire, oYesu nʼazwa omu kibuga nayaba omu kifo ekyenagireku. Abantu ni batandika okumuswaga, era nibaamuboine, ni bamugaana okwaba. 43Baitu Ye nikwo okubakoba, “Nteekwa okukoba Amawuro Agasai aga bukama bwa Kanca nʼomu bibuga ebindi, kubba ekyo oKanca nikyo yantumire okukola.” 44OYesu ni yeeyongera okukoba Amawuro Agasai omu makumbaaniro ga Buyudaaya.
Currently Selected:
Luka 4: RUULI-NYALA
Highlight
Share
Copy
Want to have your highlights saved across all your devices? Sign up or sign in
Luka 4
4
Okugezesebwa kwa Yesu
(Mat 4:1-11; Mak 1:12,13)
1OYesu, yazwire oku Yoludaani naizwire oMwoyo Akwera nʼamutwala omwirungu. 2Gyeyayoyeereibwe oSetaani okumala ebiro amakumi anai. Ebiro ebyo byona tiyaliire kantu, era oku nkango yaabyo enzala nʼemuluma.
3OSetaani nʼamukoba, “Niwaabba Mwana wa Kanca, lagira amabbaale gani gafooke emere.”
4Baitu oYesu nʼairamu, “Ebyawandiikiibwe bikoba, ‘Omuntu tabbanga mwomi na mere yonkai.’”#Tek 8:3
5OSetaani nʼamutwala oku lusozi aiguru, omu kaire akadooli nʼamulanga amanga ga nsi goona. 6Nʼamukoba, “Nkwiza okukuweerya obusobozi bwona nʼekitiinisya kyabyo kyona, kubba, byampeereibwe, era nsobola okubiweerya buli gwenkwendya. 7Kale niwandamya, byona byona byabba byamu.”
8OYesu nʼamwiramu, “Kyawandiikiibwe kiti, ‘Ramyanga oMukama oKanca waamu, era nigwo oweerezenge yenkai.’”#Tek 6:13
9OSetaani nʼatwala oYesu aiguru oku lukanga lwa iramyo nʼamukoba, “Niwaabba Mwana wa Kanca, guluka ogwe ansi, 10kubba kyawandikiibwe nti,
‘OKanca aliragira abamalaika baamwe bakukwatiire omu mikono gyabwe,
11oleke okwekona okugulu okwibbaale.’#Zab 91:11-12”
12OYesu nʼamukoba, “Togezesyanga Mukama oKanca waamu.”#Tek 6:16
13OSetaani niyamaare okumugezesya omu buli ngeri nʼamuleka, okwikya lwalitunga omukisa ogundi.
OYesu nibaamugaine e Naazaleesi
(Mat 4:12-17; Mak 1:14,15)
14Nibyaweire oYesu nʼaira e Galiraaya naizwire amaani ga Mwoyo Akwera, era amawuro ga kwira kwamwe ni gaika omu kitundu kyona. 15OYesu yayegeserye omu makumbaaniro goona, era buli omwei nʼamuwaisya.
Aba Nazaaleesi bakugaana okwikiriza oYesu
(Mat 13:53-58; Mak 6:1-6)
16OYesu nʼaiza e Nazaaleesi, gyeyakuliire, era ekiro kya Sabbiiti nʼayaba omwikumbaaniro, ka niyaali amanyiriire. Nʼayemeera okusoma. 17Ni bamuwa ekitabo kya Isaaya omulangi, niyakiswekwire, nʼaika we kikoba:
18“Nduku oMwoyo wa Kanca,
kubba yansensereku amafuta
okukobera abaseege Amawuro Agasai.
Yantumire okutaisya ababbwe,
okulibbula abaigali ba maiso,
nʼokuweerya emirembe abakumigwa.
19Okulangiira omwaka gwa Kanca ogwa kusaasira.”#Isa 61:1,2
20Niyamaare okusoma, nʼaswekaku ekitabo, nʼakiweerya omuweereza, nʼaikaara. Boona boona abaali omwikumbaaniro ni bamuwanga amaiso. 21Nʼatandika okubasoboora ati, “Ekiro kya leero ekyawandiikiibwe kini kiikiire nka ni mwawuliire.”
22Boona boona baasiimire era ni bawuniikiira olwa bigambo byamwe era ni beebulya, “Oni tiniye mwana wa Yusufu?”
23OYesu nʼabakoba, “Mazima mwalincwera olugero luni nti, ‘Musawu weerulumule wenkai! Koora ani omu kibuga kyamu ebyetwawuliire nokukola e Kaperenawumu.’”
24Kambakobere: Omulangi tabba na kitiinisya mu nsi yaamwe. 25Ekya mazima, omu biro byʼEriya waalowo abanamwandu baingi omu Isirairi, eiguru nilyebbwere emyaka esatu nʼekitundu enjura netekutoonya era ni wagwa enzala gingi omu nsi. 26Baitu Eriya tiyatumiibwe wandi woona woona, okwiyaku e wa namwandu e Zerufasi omu kitundu kya Sidoni.#4:26 Kyali kibuga ekyali enzai wa iyanga lya Isirairi. 27Era omu Isirairi mwalumu abagenge baingi omu biro bya mulangi Erisa, baitu ndoowo yatambiibwe, okwiyaku oNaamani yenkai oMusuuli.
28Abantu boona boona omwikumbaaniro nibaawulire ni bagongera muno. 29Ni baimuka ni bamusindiikiirya okumwiya omu kibuga ni bamutwala okumwegegwe gwa kasozi ekibuga kwe kyayombokerwe, nga bakwendya okumunaga ansi. 30Baitu nʼabaakalamu ni yeeyabira.
OYesu okupeka omuzumu
(Mak 1:21-28)
31Obwo nʼayaba e Kaperenawumu, ekibuga omu Galiraaya, era oku Sabbiiti nʼatandika okwegesya abantu. 32Abantu ni beewuunya okwegesya kwamwe, kubba yaali akubazisya busobozi.
33Omwikumbaaniro mwalimu omusaiza eyaaliku omuzumu, nʼakokooma muno, 34“We! Okututakisya ki? OYesu oMunazaaleesi oizire okutuzikya? Nkumaite—oli Mweru wa Kanca!”
35OYesu nʼalagira omuzumu nti, “Sirika, muzweku.” Obwo omuzumu, ni gukubbirawo omusaiza ansi omu maiso gaabwe, ni gumuzwaku atawutaire.
36Abantu boona boona ni bawuniikiriire ni bakobangana, “Kuni kwegesya kwa mulingo ki! Okwa busobozi nʼamaani okulagira emizumu okuzwawo!” 37Amawuro gaamwe ni gaizula omu bitundu byona ebyerereire ekitundu ekyo.
OYesu okutamba abaingi
(Mat 8:14-17; Mak 1:29-34)
38OYesu niyazwire omwikumbaaniro yayabire mu maka ga Simooni. Ati onyibyala wa Simooni yaali mulwaire wa musuja, oYesu nʼasabibwa okumujuna. 39Nʼainamira oku mulwaire nʼayamira omusuja, ni gwaba. Omukali nʼaimukirawo nʼatandika okuweereza abantu.
40Eisana niryali likugwa, ni baleetera oYesu abantu abandwaire eza buli ngeri, nʼabatamba boona boona nakubataaku emikono. 41Mazima, emizumu gyazwire oku bantu, nibakukokooma bati, “Oli Mwana wa Kanca!” Baitu nʼagisirikya obutairayo kubaza, kubba gyetejerye nti niye Kurisito.
OYesu okukoba omu makumbaaniro
(Mak 1:35-39)
42Obwire nibwakeire, oYesu nʼazwa omu kibuga nayaba omu kifo ekyenagireku. Abantu ni batandika okumuswaga, era nibaamuboine, ni bamugaana okwaba. 43Baitu Ye nikwo okubakoba, “Nteekwa okukoba Amawuro Agasai aga bukama bwa Kanca nʼomu bibuga ebindi, kubba ekyo oKanca nikyo yantumire okukola.” 44OYesu ni yeeyongera okukoba Amawuro Agasai omu makumbaaniro ga Buyudaaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in