Malgo 6
6
Bis Nazalet loo bagwigilaag Yees
(Maday 13:53-58; Luug 4:16-30)
1Yees gungoy gudoog mu nzo mween, gafudug nzil imos ande balongog bande gu bul bugabudug. 2Ibun giluum gi gisabad gyaluuŋ, Yees gayandag gulooŋ mu nzo yi bisaam yi bayuda. Mukab la baad bamuwug, bavul bayidig ngol. Bawuful ndaa: «Muud wu, gun gamaseen paan yii? Naa muwe ngaaŋ yi mutiind wu ande giyeg gi gusaleen bipa bii? 3Loo de nde musal mabaya, mwaan Maliy, ibun paaŋ Zyaag, Yoze, Zud ande Simon? Ibun bapaaŋ bande ba bakaad loo bazingag ha ande biis?» Mu giind yini yagal pas baa mu gugumeen Yees. 4Ibun Yees gabalees ndaa: «Munsun paan bamugumenege bihan abyooz, gaanz loo bamugumnage a bul bagabudugu, mu nzo nde, mu gigaand gyande ande bapaaŋ bande.» 5Yees loo gagug mugusal gipa ada gimos ha gihan mween, gaanz gazunus gag ndamb yi bambeef bagasi myoog. 6Ibun gayidig ngol nsil mu gugo gugumeen gwa baa.
Giyeg gi batum guum ye bool
(Maday 10:5-15; Luug 9:1-6)
Gungoy, Yees gadamblaag mu mabul ma bela bel mumbad gulooŋ. 7Gabiil Batum bande guum ye bool, ga badum bool bool, ibun gabawe giyeg mu guyid mihuuŋ myambi . 8Ibun gabawe nsiig ndaa: «Loo guseen ada giim mu nzyedel yabeen, gag ga mudi mos; loo guseen mapa , ada sag, ada nziim mu lubeeŋ labeen. 9Lubwaad bilaad, gaanz loo gudwaal masimis mool.»
10Gabalees lyag ndaa: «Mu goonz nzo yin yibaluyamba, lulemen gwaguun dii luludogo. 11De ha bulu bumos baad ba ludunu mu guluyamb ande guluwug, ludoog ha gihan gini, lukugumun maan mu miil myabeen, gwagal gugebes gwa baa.» 12Batum baween mu gulooŋ baad mumbad babalman midim. 13Bayidaag mihuuŋ myambi myavul ande guzunus bambeef ande guba gwiid minog mya maaz.
Lufwa lwa Yowaan Mbodog
(Maday 14:1-12; Luug 9:7-9)
14Todol Elod gawug nsaaŋ ya Yees, mumbad lugum lande la panzaan bihan abyooz. Bambaan mun gunsuun ndaa: «Yowaan Mbodog mafudumug mu lufwa! Gyagiin gili ande giyeg gigusal bipa.» 15Baad bambaan bawaglaag ndaa: «Gileen Eliya,» bambaan ndaa: «Gileen munsuun paan nga mos mukaab lu bansun pan batam.» 16Daaŋ Elod gawug mapaan madaag baad, gayandag gugiwagleen ndaa: «Wunu gafed gal Yowaan Mbodog wu yagyeles mudwe, wu mafudumug!»
17Pamb lo, Elod galeed nswa mu gugam Yowaan, bamugaaŋ mu misiiŋ ibun baluum mukab la bolog, gasal ndubun mumbad guwa Elodyad gyees, mugaaz apaaŋ ande Filipo wun wa gweel Elod. 18Yowaan galesaag Elod ndaa: «Loo wul ande nswa yi gugweel mugaaz wa paaŋ anze!» 19Elodyad ga wugeen Yowan kab, ibun gagamaag pil yi gumuzwesees, gaanz loo gagugaag. 20Pamb lo, Elod gawugaag Yowaan boom, mumbad bugayaab ndaa Yowaan gagal muud wa piim ande wa saand, ibun gamugebeeg. Daaŋ alooz lun Elod gazolaag guwug Yowaan, gagiyaŋasaag ngol; kisi loo gazolaag gag gumuwug. 21Kisi loo, mu giluum giguyangalal gi lubudug lwe Elod, Elodyad gadeel pwasal yi gulungus luzol lande. Mu giluum mween Elod gasalas kiinz yinen ibun gabilis baad abooz basalaag ande nde, bamfum babanen babapumbul ande bamfum bagizig ba Galiley. 22Mwaan mukaad wa pin wu Elodiad gawiŋin ibun gin, gawe Elod gyees ande baad bagabilis mu kiinz. Todol gawagal gul mwaan mukaad ndaa: «Ndoom abyooz bimazol, buyiguwa.» 23Gagyel mungey gul nde ndaa: «Buyiguwaa abyooz biuloma, ada ndamb yi gimfum gya mee.» 24Mwaan mukaad gaduug gawuful ngwaan ndaa: «Kii yafed guloom?» Ngwaan ndaa: «mudwe wa Yowaan Mbodog.» 25Mwaan mukaad gafudug nswaal gulu todol ibun gamuloom: «Yimazol daaŋ lalu wungwe mudwe wa Yowaan Mbodog atal looŋ!» 26Todol gadeel pas yavul gu mudim, loo gadeel pil yigudun mumbad ndef yigagyel gutwaal a baad bagabilis. 27Mumbal mos, todol gaduum mos mukab lu bapumbul bande mu gumudwaleen mudwe wa Yowaan. Pumbul gaween mu bolog, gagyel mudwe wa Yowaan. 28Ibun gadwaal mudwe atal a looŋ ibun gawe mwaan mukaad, mwaan mukaad gawe ngwaan. 29Daaŋ Balongog ba Yowaan bawug nsaaŋ yin, bawiy mu guseen mvuum ibun bayiziig mu mazyaam.
Yees galiis baad mafuund madaan
(Maday 14:13-21; Luug 9:10-17; Yowaan 6:1-14)
30Daaŋ batum bafudug gulu Yees ibun ba mudeel paan ayooz yibasal ande mamb mabalooŋ . 31Bwabun, baad baweneeg ande bawiyaag bagal bavul, Yees ande batum bande loo badeleeg daaŋ lugulya. Gyagin gabalees ndaa: «Luwiy gumos ande me tweneen ha gihan gi gingeeŋ mumbad guheel gisyoo.» 32Bawiŋin mu bwaad, aba buyig, baween ha gihan gi gingeeŋ. 33Gaanz baad bavul babadeel munu guween, baseen tiin mu mabul amooz maginziuŋ mumbad bubayaab gunu baweneeg, baduul mu miil ha gihan gini gutwaal Yees gaduul ande balongog bande.
34Daaŋ Yees gaduug mu bwaad, gadeel gibug gya baad, gayul ande kyeen mumbad baa, pamb lo bagal nga mameem mago ngungul. Ibun gayandag gubalooŋ mapaan mavul. 35Daaŋ lagal langa dya, balongog bande bapusaan bela bel ibun bamulees ndaa: «Daaŋ ladye, gihan gi gileen mu gingeŋ. 36Bafudul baad baa baween mu mabul makuund ande mu mabul mabel a bel mu gusuum biim bigulya.» 37Yees ga bafudeleen ndaa: «Lubawe bebeen malya!» Gaanz balongog bamuwuful ndaa: «Wagumeen nsil twe dusuum mapa ande nziim yi bibende kaam yool mumbad dubalisi?» 38Yees gabawuful ndaa: «Mapa makwe lulama? Lwe ludal teege.» Baween mugudal ibun bansuun ndaa: «Tuleen ande mapa madaan ande bambiiz bool.» 39Yees gabawe nswa yigubabweznes abooz mu bilig atal bidiid. 40Baad babwensen mu gilig gya Kaam ande gi maguumadaan. 41Yees gaseen mapa ama madan ande bambiiz aba bool, ganyaman miis gu tal, gafudul madond gul Nzaam. Gagyeel mapa, gawe balongog mumbad gugabeen baad. Gagabas lyaag bambiiz aba bool gul baa abooz. 42Baad abooz bali ibun bawugud. 43Gungoy gulya, balongog badol bidin bi bambiiz ande bimapa, bayulus bisaanz guum yebyeel 44Baad bali mapa bagal babagal mafuund madan.
Yees gadambal atal mazya
(Maday 14:22-33; Yowaan 6:15-21)
45Mbal imos, Yees gawingis balongog bande mu bwaad mumbad baweneeg gutwaal nde gu sim la zwaa, gu ndaamb ya mbaanz a Bedsayida, ibun ndebeen gafudul bibuug bya baad. 46Gungoy gufudul baad, gaween gu musel mumbad gusaam. 47Labwi piib, bwaad bwaduul akaba kab la mweez, ibun Yees gagal andeeg a maan. 48Gadeel ndaa balongog bande bagal mupas mugupus bwaad mumbad muhuuŋ gabafudulaag lungingoy, daaŋ bwiis bwaduul mu gudeem, Yees gadambal hata mazya#6:48 Yob 9.8; Mig 77.20; Malg 4.41 , mumbad gubalab, gazoloog lyaag mugu balig. 49Daaŋ balongog badeel Yees mun gudambal atal mazya, bayindilaag ndaa mufa mugul ibun bayandag gubog mundag ya ngol. 50Abooz bamudeel, ibun boom bwangol bubagam, bayandag mu gudegeed. Mbal imos,Yees gabalees ndaa: «Loo guwug boom, wu me.» 51Ibun gawiŋin mu bwaad, mumbiim a baa, muhuuŋ galemeen. Balongog bayidig ngol. 52Mumbad loo bayabeen bipa bi mapa: mayel mabaa magal magidin mu guguyabeen.
Yees gazunus bambeef gundaamb ya Genezalet
(Maday 14:34-36)
53Gungoy yigubwiil zwaa, baduul mu maan ma giziuuŋ gya Genezalet. 54Baduug mu bwaad, mumbal imos bayabeen ndaa wu Yees. 55Baad baseen tiin mu giziuŋ agyooz bayandag mu gudwaal bambeef atala byaanz gun gubawugaag ndaa wulaguun. 56Bihan abyooz byaweneeg Yees, mu mabul, mu mambaanz dolo mu bilaaŋ, baad badwaalaag bambeef ha bihan bin bigudnaga baad bavul, ibun balomoog gul Yees ndaa gawe baad nzil yigugam ada nsooŋ yi mulel ande. Ibun baad abooz ban bagamaag, bazunaag.
Currently Selected:
Malgo 6: noq
Highlight
Share
Copy
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
Malgo 6
6
Bis Nazalet loo bagwigilaag Yees
(Maday 13:53-58; Luug 4:16-30)
1Yees gungoy gudoog mu nzo mween, gafudug nzil imos ande balongog bande gu bul bugabudug. 2Ibun giluum gi gisabad gyaluuŋ, Yees gayandag gulooŋ mu nzo yi bisaam yi bayuda. Mukab la baad bamuwug, bavul bayidig ngol. Bawuful ndaa: «Muud wu, gun gamaseen paan yii? Naa muwe ngaaŋ yi mutiind wu ande giyeg gi gusaleen bipa bii? 3Loo de nde musal mabaya, mwaan Maliy, ibun paaŋ Zyaag, Yoze, Zud ande Simon? Ibun bapaaŋ bande ba bakaad loo bazingag ha ande biis?» Mu giind yini yagal pas baa mu gugumeen Yees. 4Ibun Yees gabalees ndaa: «Munsun paan bamugumenege bihan abyooz, gaanz loo bamugumnage a bul bagabudugu, mu nzo nde, mu gigaand gyande ande bapaaŋ bande.» 5Yees loo gagug mugusal gipa ada gimos ha gihan mween, gaanz gazunus gag ndamb yi bambeef bagasi myoog. 6Ibun gayidig ngol nsil mu gugo gugumeen gwa baa.
Giyeg gi batum guum ye bool
(Maday 10:5-15; Luug 9:1-6)
Gungoy, Yees gadamblaag mu mabul ma bela bel mumbad gulooŋ. 7Gabiil Batum bande guum ye bool, ga badum bool bool, ibun gabawe giyeg mu guyid mihuuŋ myambi . 8Ibun gabawe nsiig ndaa: «Loo guseen ada giim mu nzyedel yabeen, gag ga mudi mos; loo guseen mapa , ada sag, ada nziim mu lubeeŋ labeen. 9Lubwaad bilaad, gaanz loo gudwaal masimis mool.»
10Gabalees lyag ndaa: «Mu goonz nzo yin yibaluyamba, lulemen gwaguun dii luludogo. 11De ha bulu bumos baad ba ludunu mu guluyamb ande guluwug, ludoog ha gihan gini, lukugumun maan mu miil myabeen, gwagal gugebes gwa baa.» 12Batum baween mu gulooŋ baad mumbad babalman midim. 13Bayidaag mihuuŋ myambi myavul ande guzunus bambeef ande guba gwiid minog mya maaz.
Lufwa lwa Yowaan Mbodog
(Maday 14:1-12; Luug 9:7-9)
14Todol Elod gawug nsaaŋ ya Yees, mumbad lugum lande la panzaan bihan abyooz. Bambaan mun gunsuun ndaa: «Yowaan Mbodog mafudumug mu lufwa! Gyagiin gili ande giyeg gigusal bipa.» 15Baad bambaan bawaglaag ndaa: «Gileen Eliya,» bambaan ndaa: «Gileen munsuun paan nga mos mukaab lu bansun pan batam.» 16Daaŋ Elod gawug mapaan madaag baad, gayandag gugiwagleen ndaa: «Wunu gafed gal Yowaan Mbodog wu yagyeles mudwe, wu mafudumug!»
17Pamb lo, Elod galeed nswa mu gugam Yowaan, bamugaaŋ mu misiiŋ ibun baluum mukab la bolog, gasal ndubun mumbad guwa Elodyad gyees, mugaaz apaaŋ ande Filipo wun wa gweel Elod. 18Yowaan galesaag Elod ndaa: «Loo wul ande nswa yi gugweel mugaaz wa paaŋ anze!» 19Elodyad ga wugeen Yowan kab, ibun gagamaag pil yi gumuzwesees, gaanz loo gagugaag. 20Pamb lo, Elod gawugaag Yowaan boom, mumbad bugayaab ndaa Yowaan gagal muud wa piim ande wa saand, ibun gamugebeeg. Daaŋ alooz lun Elod gazolaag guwug Yowaan, gagiyaŋasaag ngol; kisi loo gazolaag gag gumuwug. 21Kisi loo, mu giluum giguyangalal gi lubudug lwe Elod, Elodyad gadeel pwasal yi gulungus luzol lande. Mu giluum mween Elod gasalas kiinz yinen ibun gabilis baad abooz basalaag ande nde, bamfum babanen babapumbul ande bamfum bagizig ba Galiley. 22Mwaan mukaad wa pin wu Elodiad gawiŋin ibun gin, gawe Elod gyees ande baad bagabilis mu kiinz. Todol gawagal gul mwaan mukaad ndaa: «Ndoom abyooz bimazol, buyiguwa.» 23Gagyel mungey gul nde ndaa: «Buyiguwaa abyooz biuloma, ada ndamb yi gimfum gya mee.» 24Mwaan mukaad gaduug gawuful ngwaan ndaa: «Kii yafed guloom?» Ngwaan ndaa: «mudwe wa Yowaan Mbodog.» 25Mwaan mukaad gafudug nswaal gulu todol ibun gamuloom: «Yimazol daaŋ lalu wungwe mudwe wa Yowaan Mbodog atal looŋ!» 26Todol gadeel pas yavul gu mudim, loo gadeel pil yigudun mumbad ndef yigagyel gutwaal a baad bagabilis. 27Mumbal mos, todol gaduum mos mukab lu bapumbul bande mu gumudwaleen mudwe wa Yowaan. Pumbul gaween mu bolog, gagyel mudwe wa Yowaan. 28Ibun gadwaal mudwe atal a looŋ ibun gawe mwaan mukaad, mwaan mukaad gawe ngwaan. 29Daaŋ Balongog ba Yowaan bawug nsaaŋ yin, bawiy mu guseen mvuum ibun bayiziig mu mazyaam.
Yees galiis baad mafuund madaan
(Maday 14:13-21; Luug 9:10-17; Yowaan 6:1-14)
30Daaŋ batum bafudug gulu Yees ibun ba mudeel paan ayooz yibasal ande mamb mabalooŋ . 31Bwabun, baad baweneeg ande bawiyaag bagal bavul, Yees ande batum bande loo badeleeg daaŋ lugulya. Gyagin gabalees ndaa: «Luwiy gumos ande me tweneen ha gihan gi gingeeŋ mumbad guheel gisyoo.» 32Bawiŋin mu bwaad, aba buyig, baween ha gihan gi gingeeŋ. 33Gaanz baad bavul babadeel munu guween, baseen tiin mu mabul amooz maginziuŋ mumbad bubayaab gunu baweneeg, baduul mu miil ha gihan gini gutwaal Yees gaduul ande balongog bande.
34Daaŋ Yees gaduug mu bwaad, gadeel gibug gya baad, gayul ande kyeen mumbad baa, pamb lo bagal nga mameem mago ngungul. Ibun gayandag gubalooŋ mapaan mavul. 35Daaŋ lagal langa dya, balongog bande bapusaan bela bel ibun bamulees ndaa: «Daaŋ ladye, gihan gi gileen mu gingeŋ. 36Bafudul baad baa baween mu mabul makuund ande mu mabul mabel a bel mu gusuum biim bigulya.» 37Yees ga bafudeleen ndaa: «Lubawe bebeen malya!» Gaanz balongog bamuwuful ndaa: «Wagumeen nsil twe dusuum mapa ande nziim yi bibende kaam yool mumbad dubalisi?» 38Yees gabawuful ndaa: «Mapa makwe lulama? Lwe ludal teege.» Baween mugudal ibun bansuun ndaa: «Tuleen ande mapa madaan ande bambiiz bool.» 39Yees gabawe nswa yigubabweznes abooz mu bilig atal bidiid. 40Baad babwensen mu gilig gya Kaam ande gi maguumadaan. 41Yees gaseen mapa ama madan ande bambiiz aba bool, ganyaman miis gu tal, gafudul madond gul Nzaam. Gagyeel mapa, gawe balongog mumbad gugabeen baad. Gagabas lyaag bambiiz aba bool gul baa abooz. 42Baad abooz bali ibun bawugud. 43Gungoy gulya, balongog badol bidin bi bambiiz ande bimapa, bayulus bisaanz guum yebyeel 44Baad bali mapa bagal babagal mafuund madan.
Yees gadambal atal mazya
(Maday 14:22-33; Yowaan 6:15-21)
45Mbal imos, Yees gawingis balongog bande mu bwaad mumbad baweneeg gutwaal nde gu sim la zwaa, gu ndaamb ya mbaanz a Bedsayida, ibun ndebeen gafudul bibuug bya baad. 46Gungoy gufudul baad, gaween gu musel mumbad gusaam. 47Labwi piib, bwaad bwaduul akaba kab la mweez, ibun Yees gagal andeeg a maan. 48Gadeel ndaa balongog bande bagal mupas mugupus bwaad mumbad muhuuŋ gabafudulaag lungingoy, daaŋ bwiis bwaduul mu gudeem, Yees gadambal hata mazya#6:48 Yob 9.8; Mig 77.20; Malg 4.41 , mumbad gubalab, gazoloog lyaag mugu balig. 49Daaŋ balongog badeel Yees mun gudambal atal mazya, bayindilaag ndaa mufa mugul ibun bayandag gubog mundag ya ngol. 50Abooz bamudeel, ibun boom bwangol bubagam, bayandag mu gudegeed. Mbal imos,Yees gabalees ndaa: «Loo guwug boom, wu me.» 51Ibun gawiŋin mu bwaad, mumbiim a baa, muhuuŋ galemeen. Balongog bayidig ngol. 52Mumbad loo bayabeen bipa bi mapa: mayel mabaa magal magidin mu guguyabeen.
Yees gazunus bambeef gundaamb ya Genezalet
(Maday 14:34-36)
53Gungoy yigubwiil zwaa, baduul mu maan ma giziuuŋ gya Genezalet. 54Baduug mu bwaad, mumbal imos bayabeen ndaa wu Yees. 55Baad baseen tiin mu giziuŋ agyooz bayandag mu gudwaal bambeef atala byaanz gun gubawugaag ndaa wulaguun. 56Bihan abyooz byaweneeg Yees, mu mabul, mu mambaanz dolo mu bilaaŋ, baad badwaalaag bambeef ha bihan bin bigudnaga baad bavul, ibun balomoog gul Yees ndaa gawe baad nzil yigugam ada nsooŋ yi mulel ande. Ibun baad abooz ban bagamaag, bazunaag.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible