Malgo 3
3
Yees gazunus muud mu giluum gi gisabad
(Maday 12:9-14; Luug 6:6-14)
1Gungoy, Yees gawiiŋ mu nzo yi bisaam yi bayuda, gunu gwagal ande muud mos wagal ande goog langa fwa. 2Bafalize bamudalaag piim a piim de bugamuzunusa mu giluum gi gisabad, mumbad basagaag pil yi gumufuund. 3Ibun Yees galees muud wagal goog langa fwa, mada ha gutwaal a baad abooz. 4Gungoy Yees gabawuful: «Nsig ya biis kii yinsunaga? Gusal mapiim delo mambi mu giluum gi gisabad? Gulu muud wulu mu pas delo gumuboomon gafii?» Gaanz loo bazol gufudul ada mvuud. 5Yees gabadal mu kyeen ibun gawug pas yavul gu mudim mumbad midim mya baa myagal bwiid nga midoy.Yees galees mukaas: «Silimini goog lanze.» Lu gasilimin, mumbal yimos goog lazuun. 6Bafalize baduug mu nzo yi bisaam yi bayuda, mumbal imos bavugaan ande baad ba Elod basi mfuun mumbad guzwa Yees 7Yees ande balongog bande baween mumbiim zwa la Galiley, ibun gibug gyangol gya baad gibalab. Baad baduug gu Galiley ande Yudey, 8gu Yelusalem, mu giziuŋ gi Idume, giziuŋ gyagal gu mbiim yambaan ya Yoldan ande mu giziuŋ gya Tir ande gya Sidon. Bawiyaag mu gibug gul yees mumbad bawug amyooz migasalaag. 9Yees gadum balongog bande bamuyilgeen bwaad mumbad baad bago gumunyaad. 10Mumbad gazunusaag baad bavul, abooz bagal ande bikaas banwananeeg gumugam mumbad bazuun. 11Bagal ande mihuuŋ mya mviind daaŋ lu bamudeel, bafogom mu miil myande ibun bawagal mu ndag yangol ndaa: «Nze wulu Mwaan a Nzaam!» 12Gaanz Yees gabadunus mu gugoguda ndaa Nde naa gili.
Yees gasool batum guum ye bool
(Maday 10:1-4; Luug 6:12-16)
13Yees ganiin hato musel, gayandag gubiil baad bagazolaag, ibun abooz bagabiil bawiy gulu nde. 14Mukab la baa gasool baad guum ye bool, gabawe ziin batuum. Mumbad bagal ande nde, ande mu gubadum mu guyabas Nsaaŋ ya Piim, 15ibun gabawe giyeg gi guyid mihuuŋ myambi . 16Dala mazin ma baad guum ye bool bagapon: Simon wu gawe zin la Pedel, 17Zyaag ande paaŋ ande Yowaan, baan ba Zebede, ba ban Yees gabawe zin Bowanelzyes lusongolol ndaa: «baad bal nga gilum#3:17 gufwanas ande Luug 9: 54.», 18Andele, Filipo, Badolme, Maday, Doma, Zyaag mwaan Alfe, Tade, Simon wa nwananeeg mumbad gipwaanz gya nsi, 19ande Yudas Iskaliyod, wun wadeg Yees.
Yees do sadan
20Daaŋ Yees gawiŋin mu nzo, baad bavul bauvugaan lyaag han, ibun gwalomog ndaa Nde ande balongog bande loo badeel lyaag daaŋ lu gulyaa. 21Daaŋ bapaaŋ bazum la Yees babawug ndubun, bawiy mu gumuseen mu gingolo ngol, pamb lo bawaglaag ndaa: «Wabe gilawa!»
Yees gabala fudul mamvud mu mfundeen yande
(Maday 12:22-32; 12:10; Luug 11:14-23; 12:10)
22Balooŋ bansiig ban baduug gu Yelusalem bawagal ndaa: «Gagal ande muhuuŋ wa Belsabul, mukab lande!» Ibunu: «Gabala yid mihuuŋ myambi mu giyeg gya mfum wu mihuuŋ mween!» 23Yees gababiil ibun gabaleseeg mu bingan ndaa: «Kii mutind sadan gafed gugiyid ndebeen? 24De gimfuum gimos gya gabaana, gimfumu mween loo gyaziiŋ. 25De baad bazum lumos bagabaana, zum mween loo laziiŋ. 26De sadan wuginwanasa ibun gakagigabas ndebeen, loo gasugunun, ibun nsug yande ya monogo. 27«Pamb lo, loo muud wafed wiŋin mu nzo ya muud wangol mumbad gulugul biim byande de ndaa loo gamusi mu misiiŋ gutwaal. Guleen gag bwabun dewasal ndubun, hana wafwaan mu gulugul biim byande bya nzo. 28Ya ululees nsil mukyeleg: masuum ande mandag amooz mambi mafed gudugaan baad Nzaam bugamalolol. 29Gaanz muud awooz wadug Muhuuŋ Agelel loo bamulolol, gadwaal lem lu masuum mween mvul ande mvul. 30Yees gawagal ndubun mumbad bansunaag ndaa: «Gili ande muhuuŋ wa mbi.»
Maam ande bapaaŋ ba Yees
(Maday 12:46-50; Luug 8:19-21)
31Maam ande bapaaŋ ba Yees ba babagal bawiy, bamad hanze, ibun badum muud mu gubiil Yees. 32Baad bavul nsil bagal mumbiim ande. Ibun bawiy mu gumulees ndaa: «Ngwag ande bapaaŋ banze baba bagal ande ba bakaad baleen hanze, mu gugusag.» 33Yees gabafuduleen ndaa: «Naa maam amee, banaa bapaaŋ ba mee?» 34Ibun gadal baad bagal mumbiim nde, ibun gawagal ndaa: «Ludal, maan amee ande bapaaŋ bamee abaa. 35Muud awooz wusalaga luzol la Nzaam, nde wawuun wulu paaŋ amee wa bagal, wu mukaad ande maam amee.»
Currently Selected:
Malgo 3: noq
Highlight
Share
Copy
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
Malgo 3
3
Yees gazunus muud mu giluum gi gisabad
(Maday 12:9-14; Luug 6:6-14)
1Gungoy, Yees gawiiŋ mu nzo yi bisaam yi bayuda, gunu gwagal ande muud mos wagal ande goog langa fwa. 2Bafalize bamudalaag piim a piim de bugamuzunusa mu giluum gi gisabad, mumbad basagaag pil yi gumufuund. 3Ibun Yees galees muud wagal goog langa fwa, mada ha gutwaal a baad abooz. 4Gungoy Yees gabawuful: «Nsig ya biis kii yinsunaga? Gusal mapiim delo mambi mu giluum gi gisabad? Gulu muud wulu mu pas delo gumuboomon gafii?» Gaanz loo bazol gufudul ada mvuud. 5Yees gabadal mu kyeen ibun gawug pas yavul gu mudim mumbad midim mya baa myagal bwiid nga midoy.Yees galees mukaas: «Silimini goog lanze.» Lu gasilimin, mumbal yimos goog lazuun. 6Bafalize baduug mu nzo yi bisaam yi bayuda, mumbal imos bavugaan ande baad ba Elod basi mfuun mumbad guzwa Yees 7Yees ande balongog bande baween mumbiim zwa la Galiley, ibun gibug gyangol gya baad gibalab. Baad baduug gu Galiley ande Yudey, 8gu Yelusalem, mu giziuŋ gi Idume, giziuŋ gyagal gu mbiim yambaan ya Yoldan ande mu giziuŋ gya Tir ande gya Sidon. Bawiyaag mu gibug gul yees mumbad bawug amyooz migasalaag. 9Yees gadum balongog bande bamuyilgeen bwaad mumbad baad bago gumunyaad. 10Mumbad gazunusaag baad bavul, abooz bagal ande bikaas banwananeeg gumugam mumbad bazuun. 11Bagal ande mihuuŋ mya mviind daaŋ lu bamudeel, bafogom mu miil myande ibun bawagal mu ndag yangol ndaa: «Nze wulu Mwaan a Nzaam!» 12Gaanz Yees gabadunus mu gugoguda ndaa Nde naa gili.
Yees gasool batum guum ye bool
(Maday 10:1-4; Luug 6:12-16)
13Yees ganiin hato musel, gayandag gubiil baad bagazolaag, ibun abooz bagabiil bawiy gulu nde. 14Mukab la baa gasool baad guum ye bool, gabawe ziin batuum. Mumbad bagal ande nde, ande mu gubadum mu guyabas Nsaaŋ ya Piim, 15ibun gabawe giyeg gi guyid mihuuŋ myambi . 16Dala mazin ma baad guum ye bool bagapon: Simon wu gawe zin la Pedel, 17Zyaag ande paaŋ ande Yowaan, baan ba Zebede, ba ban Yees gabawe zin Bowanelzyes lusongolol ndaa: «baad bal nga gilum#3:17 gufwanas ande Luug 9: 54.», 18Andele, Filipo, Badolme, Maday, Doma, Zyaag mwaan Alfe, Tade, Simon wa nwananeeg mumbad gipwaanz gya nsi, 19ande Yudas Iskaliyod, wun wadeg Yees.
Yees do sadan
20Daaŋ Yees gawiŋin mu nzo, baad bavul bauvugaan lyaag han, ibun gwalomog ndaa Nde ande balongog bande loo badeel lyaag daaŋ lu gulyaa. 21Daaŋ bapaaŋ bazum la Yees babawug ndubun, bawiy mu gumuseen mu gingolo ngol, pamb lo bawaglaag ndaa: «Wabe gilawa!»
Yees gabala fudul mamvud mu mfundeen yande
(Maday 12:22-32; 12:10; Luug 11:14-23; 12:10)
22Balooŋ bansiig ban baduug gu Yelusalem bawagal ndaa: «Gagal ande muhuuŋ wa Belsabul, mukab lande!» Ibunu: «Gabala yid mihuuŋ myambi mu giyeg gya mfum wu mihuuŋ mween!» 23Yees gababiil ibun gabaleseeg mu bingan ndaa: «Kii mutind sadan gafed gugiyid ndebeen? 24De gimfuum gimos gya gabaana, gimfumu mween loo gyaziiŋ. 25De baad bazum lumos bagabaana, zum mween loo laziiŋ. 26De sadan wuginwanasa ibun gakagigabas ndebeen, loo gasugunun, ibun nsug yande ya monogo. 27«Pamb lo, loo muud wafed wiŋin mu nzo ya muud wangol mumbad gulugul biim byande de ndaa loo gamusi mu misiiŋ gutwaal. Guleen gag bwabun dewasal ndubun, hana wafwaan mu gulugul biim byande bya nzo. 28Ya ululees nsil mukyeleg: masuum ande mandag amooz mambi mafed gudugaan baad Nzaam bugamalolol. 29Gaanz muud awooz wadug Muhuuŋ Agelel loo bamulolol, gadwaal lem lu masuum mween mvul ande mvul. 30Yees gawagal ndubun mumbad bansunaag ndaa: «Gili ande muhuuŋ wa mbi.»
Maam ande bapaaŋ ba Yees
(Maday 12:46-50; Luug 8:19-21)
31Maam ande bapaaŋ ba Yees ba babagal bawiy, bamad hanze, ibun badum muud mu gubiil Yees. 32Baad bavul nsil bagal mumbiim ande. Ibun bawiy mu gumulees ndaa: «Ngwag ande bapaaŋ banze baba bagal ande ba bakaad baleen hanze, mu gugusag.» 33Yees gabafuduleen ndaa: «Naa maam amee, banaa bapaaŋ ba mee?» 34Ibun gadal baad bagal mumbiim nde, ibun gawagal ndaa: «Ludal, maan amee ande bapaaŋ bamee abaa. 35Muud awooz wusalaga luzol la Nzaam, nde wawuun wulu paaŋ amee wa bagal, wu mukaad ande maam amee.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible