Esaburi 9
9
Ochio Muno khu Nyasaye khulwa Owukhalaki wuwe Owang'ali
Khu omwembesi: Okhulondana nende Muthelabeni. Esaburi ya Daudi.
1Ndikhukhupa ochio khu OMWAMI nomwoyo kwange kwosi;
Ndikhuwolakho khuvikholwa vivio eviokhuwukia.
2Ndikhusangala nokhufumia mwiwe,
Ndikhwembera elicha lilio efuma, Ewe Owamukulu Muno.
3Olu avasiku vange vakomokha,
vekumula mana vasikha emberi wuwo.
4Esikira ewe wukhalakiye muwulungi,
ewe wikhaye khusisala siesikhalakiro mana wakhalakira muwung'ali.
5Ewe waalaviye avamaanga, ewe wononire avoni;
wafutire amecha kawe khulwemiaka nemiaka.
6Avasiku vasikhiye elala;
Ewe wasiuye amatookho kawe;
sikhulivakhewulirakho nundi ta.
7Nausa OMWAMI achuka enyinga chiosi,
kachekekhire esisala sisie siowuchuki khulwesikhalako.
8Akhalakiranga esialo nowulungi,
akhalakiranga avanju nowang'ali.
9OMWAMI nje esiiro ya avaminikha,
esiiro muvise viowutinyu.
10Avo avamanya elicha lilio vacha esuvira liawe mwiwe,
sikira Ewe OMWAMI, siwalekhakho avo avakhutakhatakha ta.
11Yembe efuma khu OMWAMI, omenyanga Siyoni!
Wole muvanju evikholwa vivie!
12Oyo ochunganga avo avetisa amalasire avakhewuliranga;
sikeviriranga okhulira khwavanyakhana ta.
13Mbonere embavasi OMWAMI!
Wona eminyakhano ekinyakhana okhuchula khuvasiku vange,
Ewe owungingulanga okhuchula mwifwa,
14mbombe nikhewulira efuma yiyio yosi,
mbo muviriwa viavanju va Siyoni mbe nifumia muwunanuli wuwo.
15Avamaanga vakwiye mulina eli vayava;
mulukhanda olu avene vakisa okhukulu khwawe avene khwatiywe.
16OMWAMI keyekesise, kamalire okhukhalaka,
avoni vatiywe muvikholwa viawe avene.
17Avamayanu valichia emakombe,
amaanga kosi akevirira Nyasaye.
18Avatakha sivachia okhwivirirwa musialo ta,
nundi owunayi wavamanani siwuchia okhukocha musialo ta.
19Yinyokha Ewe OMWAMI! Ochalekha omunju kakhira ta;
lekha amaanga kakhalakirwe emberi wuwo!
20Kachemo owuchi, Ewe OMWAMI!
Lekha amaanga kamanye mbo vanju wusa! Selah
Currently Selected:
Esaburi 9: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Esaburi 9
9
Ochio Muno khu Nyasaye khulwa Owukhalaki wuwe Owang'ali
Khu omwembesi: Okhulondana nende Muthelabeni. Esaburi ya Daudi.
1Ndikhukhupa ochio khu OMWAMI nomwoyo kwange kwosi;
Ndikhuwolakho khuvikholwa vivio eviokhuwukia.
2Ndikhusangala nokhufumia mwiwe,
Ndikhwembera elicha lilio efuma, Ewe Owamukulu Muno.
3Olu avasiku vange vakomokha,
vekumula mana vasikha emberi wuwo.
4Esikira ewe wukhalakiye muwulungi,
ewe wikhaye khusisala siesikhalakiro mana wakhalakira muwung'ali.
5Ewe waalaviye avamaanga, ewe wononire avoni;
wafutire amecha kawe khulwemiaka nemiaka.
6Avasiku vasikhiye elala;
Ewe wasiuye amatookho kawe;
sikhulivakhewulirakho nundi ta.
7Nausa OMWAMI achuka enyinga chiosi,
kachekekhire esisala sisie siowuchuki khulwesikhalako.
8Akhalakiranga esialo nowulungi,
akhalakiranga avanju nowang'ali.
9OMWAMI nje esiiro ya avaminikha,
esiiro muvise viowutinyu.
10Avo avamanya elicha lilio vacha esuvira liawe mwiwe,
sikira Ewe OMWAMI, siwalekhakho avo avakhutakhatakha ta.
11Yembe efuma khu OMWAMI, omenyanga Siyoni!
Wole muvanju evikholwa vivie!
12Oyo ochunganga avo avetisa amalasire avakhewuliranga;
sikeviriranga okhulira khwavanyakhana ta.
13Mbonere embavasi OMWAMI!
Wona eminyakhano ekinyakhana okhuchula khuvasiku vange,
Ewe owungingulanga okhuchula mwifwa,
14mbombe nikhewulira efuma yiyio yosi,
mbo muviriwa viavanju va Siyoni mbe nifumia muwunanuli wuwo.
15Avamaanga vakwiye mulina eli vayava;
mulukhanda olu avene vakisa okhukulu khwawe avene khwatiywe.
16OMWAMI keyekesise, kamalire okhukhalaka,
avoni vatiywe muvikholwa viawe avene.
17Avamayanu valichia emakombe,
amaanga kosi akevirira Nyasaye.
18Avatakha sivachia okhwivirirwa musialo ta,
nundi owunayi wavamanani siwuchia okhukocha musialo ta.
19Yinyokha Ewe OMWAMI! Ochalekha omunju kakhira ta;
lekha amaanga kakhalakirwe emberi wuwo!
20Kachemo owuchi, Ewe OMWAMI!
Lekha amaanga kamanye mbo vanju wusa! Selah
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024