Esaburi 6
6
Esala lia Owuyeti mu Evise Viowutinyu
Khu omwembesi: nowukhana wulondana nende Sheminiti. Esaburi ya Daudi.
1Ewe OMWAMI, ochambalavira mwichima lilio ta,
namwe wungololose muwululu wuwo ta.
2Mbonere esisa, Ewe OMWAMI, esikira mbweye amaani.
Ewe OMWAMI, mbonie, esikira amakumba kange kafwokoyire.
3Omwoyo kwange kwosi kunyakhana olukali.
Nausa Ewe OMWAMI, okhwola lina?
4Kalukhana, Ewe OMWAMI, owonie owulamu wange,
nanule khulwowusimi wuwo owa wuli lwosi.
5Esikira mwifwa sialikhoo onyala kakhukhewulira ta,
ne njanu onyala kakhufumia nali emakombe?
6Nduyire nokhulira khwange;
wulisiro ndosia esitanda siange nemikhula kiamasika,
Ndosia owuliri wange namaliro kange.
7Emoni chiange chiluyiriye esikira esiveera,
chiwechekherera esikira avasiku vange vosi.
8Njulekho, enywe mwesi avakholi vamavi,
esikira OMWAMI awuliye amaliro kange.
9OMWAMI kawuliye amasayo kange,
OMWAMI afukiriranga esava liange.
10Avasiku vange vosi vachia okhuambwa esoni nokhutondovana;
Vachia okhukalukhana, mana vaambisiwe esoni muvise evititi.
Currently Selected:
Esaburi 6: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
