Yohana Akokhuchangirira
Akokhuchangirira
Injili Nga Yaandikwa Ni Yohana Yekesa Yesu nga Ekhuwa lia wuli lwosi elia Nyasaye, “Liekhola omunju ne kamenya mwifwe.” (1.14) Nga esitau siene siwola, Injili yino yaandikwa mbo kho avaisoma vave nivasuvira mbo Yesu njomuwonia wali kalakwa, Omwana wa Nyasaye, ne mbo okhuvichira musuvira muniye vave nivanyola owulamu (20.31).
Akokhuchangirira nikakhawa akawulirisa Ekhuwa lia wuli lwosi elia Nyasaye okhuva Yesu, esitonye siamberi esia Injili yino siekesa amangayimwa lukano nalukano akekesa mbo Yesu njomuwonia owali kalakwa, Omwana wa Nyasaye. Akalonda khukokhwanja njelomaloma lichumbula evi amangayimwa kano kekesa. Esitonye sino esiesitau siwola ngavanju valala vasuvira mu Yesu ne vava avalondi vave, navo avandi vakhayana ne valova okhusuvira. Emiliango kia 13-17 kiaandikwa muwuleyi okhuva alala khwa Yesu nende Avalondi vave esiro esivamutirirakho, namakhuwa kokhuvachekekha nende okhuvatinyirisa olutalo lulala kho avambwe. Emiliango kiokhumalirikha kiekesa nga Yesu katirwa, kayalwa, kavambwa nundi kasisimukha, nokhuwonekha khukhwe khuvalondi vave nikakhasisimukha.
Olukano lwa omukhasi oyu vatira muwuheyi 8.1-11. Lwaandikwa muvikhalaka esikira amaandiko kamberi nende avaandiki vokhuchangirira sivali valucha muvangeri tawe, navo avandi valumetamo awunju wundi.
Yohana acha esinani khu esianwa siowulamu wa wuli lwosi okhuvichira mu Kristo, esianwa sianja evise vino ne esicha khwavo aveyama Yesu ngengira, owung'ali nende owulamu. Esinju siwonekha olukali njokhuchumikha khwevinju via wulinyinga, evikhuwona muwulamu okhwekesa evinju via roho, ngamachi, omukati, owulafu, Omwayi nende amakondi kake, nende omusabibu nende etunda liakwo.
Akalimo
Akokhuchangirira 1.1-18
Yohana Omuvatisi Nende Avalondi vamberi ava Yesu 1.19-51
Emilimo kia Yesu Muvanju 2.1—12.50
Enyinga chichie chiokhumalirikha mu nende aambi ni Yerusalemu 13.1—19.42
Esisimukha nende okhuwonekhana khwa Omwami 20.1-31
Okhumalirikha: Okhuwonekha nundi Galilaya 21.1-25
Currently Selected:
Yohana Akokhuchangirira: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024