Evikholwa 19
19
Paulo Kerwacha Efeso
1Apolo nasiri Korintho, Paulo kavichira embeka chindi kola Efeso eyi kanyola avalondi vatiti. 2Kavacheva, “Enywe mwanyola Roho Muchwenufu olu mwasuvira?” Vamuwolera, “Tawe, ata khuchawulirakho mbo Roho Muchwenufu aliwo ta.” 3Kawola nundi, “Ne khanu mwavatiswa musi?” Vawola, “Mwivatiswa lia Yohana.” 4Paulo kavawolera, “Yohana kavatisa owuvatiso weliekanira, kawoleranga avanju mbo vasuvire oyo onache enyuma wuwe, nali, Yesu.” 5Olu vawulira kano, vamala vavatiswa mulicha lia Omwami Yesu. 6Paulo kavachakho amakhono mana Roho Muchwenufu kavekhera, vanja okhulomaloma munimi nivachusa owunabii. 7Vosi alala vali vola avanju ekhumi navaviri.
8Paulo kengira musinagogi mana kekhalamo khulwemiesi kitachu nalomaloma nowusachaafu, katema okhukhwesa avanju muwami wa Nyasaye. 9Valala munivo vali nesireka valova okhusuvira, valomalomanga owuvi okhulondana nende engira ya Omwami emberi wesituma. Kawukula avalondi kavachulamo mana kachianakana okhuva namalomaloma wulinyinga munju eyokhusomeramo eya Turano. 10Kachianakana kachio khumiaka kiviri okhwola avamenywa vosi ava Asia vawulira ekhuwa lia Omwami, nivalimo Avayahudi nende Avagiriki.
Avana va Skewa Vatimania Evisieno
11Nyasaye kakhola amangayimwa kavichiriye okhuvichira mumakhono ka Paulo. 12Avanju vawukulanga evitambaya vivie nende enguo chichie chiemilimo nivayirira avalwaye mana vasosa. Avali nende roho vavi vavachulamo. 13Avayahudi valala avakendanga nivatimania evisieno vanja okhutumikhira elicha lia Omwami Yesu khuavao avali nende roho vavi nivawola, “Khutimania mulicha lia Yesu oyu Paulo kerwachanga.” 14Avasoliri saba, avana va omukuhani mukhongo owa Avayahudi mbo Skewa vali khuvakholanga vachio. 15Roho muvi naye kavachipa, “Ese manyire Yesu, nundi emanyire Paulo, nanywe ninywe anu?” 16Omunju wali nevisieno kavasunakho kavakhupa mana kavaminya vosi. Verukha okhuchula munju omwo sichula nundi nivawumiyire. 17Efuma yamakhuwa kano yakenda yola mumbeka chiosi echia Efeso mana yamanyikha khu Avayahudi nende avagiriki. Elicha lia Omwami Yesu liahewa oluyali. 18Avasuvirwa avangi vanja okhwechusa niveyama evikholwa viawe. 19Avali nivakholirenge owulosi vosi vechusa valecha evitau viawe awulafu vavisamba. Olu vakhola esawu yevitau evio, vanyola mbo viali viola esende chiefesa eelefu amakhumi kachanu. 20Ekhuwa lia Omwami liachianakana okhuvalaa nilinyola amaani nawusia.
Okukhero mu Efeso
21Kano kosi nikakhakholekha Paulo kachoola mu Roho okhuvichira Makedonia nende Akaya mana achie Yerusalemu nawola, “Ninakhavakho eweneyo, kenyekha nundi mbonekho Roma.” 22Kamala achume vaviri khuvayetereri vave, Timoteo nende Erasto okhuchia Makedonia, naye kekhalakho Asia khulwevise.
23Enyinga echio njechi owukoyanu owukali wachulira Efeso okhulondana nende engira ya Omwami. 24Omunju mulala kaliyo mbo Dametrio, omwichanyi wefesa, owalombanga evinamuyima viefesa evia Atemi okhuchula khuvivia. Emilimo ekio kialecha owukhala owukali khuvanju ava kakholanga navo. 25Kamala kawusa avanju vosi avakhola emilimo ngekieneki alala mana kavawolera, “Vasiange, mumanyire muchi owuyinda wefwe owukali wuchula muwukhala wuno. 26Ne munawonanga nundi muwulira mbo Paulo aomberesise avanju avangi siyiri Efeso yong'ene ta nausa aambi Asia yosi navawolera mbo nyasaye valombirwe namakhono kavanju sivali nyasaye tawe. 27Khanu ndinowuchi mbo owukhala wefwe wuno wuli okhwononokha, nundi Etemperi lia nyasaye wefwe wesikhasi, Atemi, silirikhuvakho nesifune ta, nundi oluyali lulwe luli khuviya, mana nje nyasaye oyu Asia nesialo siosi sisikamiranga.”
28Olu vawulira kano vasinyikha muno, vanja okhuyokera nivawola, “Atemi wa Avaefeso njomukhongo!” 29Okukhero kwechula mwitookho omwo. Vatira Gayo nende Aristariko, avamenywa va Makedonia avakendanga nende Paulo, vavayira awunju wemivayo. 30Paulo kekomba kengiremo navo nichasi avalondi vamukania. 31Avemirisi valala avali avasale vave vosi vamuchumira ekhuwa nivamukania mbo achengira musikuri tawe. 32Oluyoka lwali lungi awunju ao, wulimunju ayokera nikenya esinju siawukhanire nowundi. Omukhung'ano kwosi kwatondovana avanju vakochwa mbo vachire alala sikirasi. 33Avayahudi vali vachaye Aleksanda emberi, khanu avanju venya avawolere esifune siomukhung'ano. Aleksanda kavekesa nomukhono nikenya vawulere keteteye. 34Olu vawona mbo muyahudi niye, vakhupa oluyoka khumasa kaviri nivawola, “Omukhongo nje Atemi wa Avaefeso!” 35Omuaandiki wetookho kavawoleresa mana kawola, “Avanju va Efeso, njanu ochamanyire achi etookho liava Efeso liosi lilindanga Etemperi lia Atemi nende ekina elialakakha okhuchula mwikulu? 36Awumakhoo onyala okhukania akenako tawe, khanu wulere, muchakholakho siosisiosi nimuchamanyirisise ta. 37Mulechire avanju vano ano ne sivanuli mu Etemperi liefwe ta, nundi sivawoyekho amavi khu nyasaye wefwe Atemi ta. 38Khanu niva mbo Dametrio navanju vave valikho nesikha khumulala khuvanju vano, evikhalakiro viliwo, nundi avesikhalakiro vosi valiwo; nevache vasitake. 39Niva mbo mulikho nakandi kayirwe musikhaso sienyekha. 40Mumanye mbo vanyala vachusitaka mana vachukhalakira khulwokhulecha okukhero nyingayino ne sikhulikho nesifune esi khunyala khuana khulwokukhero kuno ta.” 41Olu kamala okhuwola kano, kamala kasalania esituma esio.
Currently Selected:
Evikholwa 19: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Evikholwa 19
19
Paulo Kerwacha Efeso
1Apolo nasiri Korintho, Paulo kavichira embeka chindi kola Efeso eyi kanyola avalondi vatiti. 2Kavacheva, “Enywe mwanyola Roho Muchwenufu olu mwasuvira?” Vamuwolera, “Tawe, ata khuchawulirakho mbo Roho Muchwenufu aliwo ta.” 3Kawola nundi, “Ne khanu mwavatiswa musi?” Vawola, “Mwivatiswa lia Yohana.” 4Paulo kavawolera, “Yohana kavatisa owuvatiso weliekanira, kawoleranga avanju mbo vasuvire oyo onache enyuma wuwe, nali, Yesu.” 5Olu vawulira kano, vamala vavatiswa mulicha lia Omwami Yesu. 6Paulo kavachakho amakhono mana Roho Muchwenufu kavekhera, vanja okhulomaloma munimi nivachusa owunabii. 7Vosi alala vali vola avanju ekhumi navaviri.
8Paulo kengira musinagogi mana kekhalamo khulwemiesi kitachu nalomaloma nowusachaafu, katema okhukhwesa avanju muwami wa Nyasaye. 9Valala munivo vali nesireka valova okhusuvira, valomalomanga owuvi okhulondana nende engira ya Omwami emberi wesituma. Kawukula avalondi kavachulamo mana kachianakana okhuva namalomaloma wulinyinga munju eyokhusomeramo eya Turano. 10Kachianakana kachio khumiaka kiviri okhwola avamenywa vosi ava Asia vawulira ekhuwa lia Omwami, nivalimo Avayahudi nende Avagiriki.
Avana va Skewa Vatimania Evisieno
11Nyasaye kakhola amangayimwa kavichiriye okhuvichira mumakhono ka Paulo. 12Avanju vawukulanga evitambaya vivie nende enguo chichie chiemilimo nivayirira avalwaye mana vasosa. Avali nende roho vavi vavachulamo. 13Avayahudi valala avakendanga nivatimania evisieno vanja okhutumikhira elicha lia Omwami Yesu khuavao avali nende roho vavi nivawola, “Khutimania mulicha lia Yesu oyu Paulo kerwachanga.” 14Avasoliri saba, avana va omukuhani mukhongo owa Avayahudi mbo Skewa vali khuvakholanga vachio. 15Roho muvi naye kavachipa, “Ese manyire Yesu, nundi emanyire Paulo, nanywe ninywe anu?” 16Omunju wali nevisieno kavasunakho kavakhupa mana kavaminya vosi. Verukha okhuchula munju omwo sichula nundi nivawumiyire. 17Efuma yamakhuwa kano yakenda yola mumbeka chiosi echia Efeso mana yamanyikha khu Avayahudi nende avagiriki. Elicha lia Omwami Yesu liahewa oluyali. 18Avasuvirwa avangi vanja okhwechusa niveyama evikholwa viawe. 19Avali nivakholirenge owulosi vosi vechusa valecha evitau viawe awulafu vavisamba. Olu vakhola esawu yevitau evio, vanyola mbo viali viola esende chiefesa eelefu amakhumi kachanu. 20Ekhuwa lia Omwami liachianakana okhuvalaa nilinyola amaani nawusia.
Okukhero mu Efeso
21Kano kosi nikakhakholekha Paulo kachoola mu Roho okhuvichira Makedonia nende Akaya mana achie Yerusalemu nawola, “Ninakhavakho eweneyo, kenyekha nundi mbonekho Roma.” 22Kamala achume vaviri khuvayetereri vave, Timoteo nende Erasto okhuchia Makedonia, naye kekhalakho Asia khulwevise.
23Enyinga echio njechi owukoyanu owukali wachulira Efeso okhulondana nende engira ya Omwami. 24Omunju mulala kaliyo mbo Dametrio, omwichanyi wefesa, owalombanga evinamuyima viefesa evia Atemi okhuchula khuvivia. Emilimo ekio kialecha owukhala owukali khuvanju ava kakholanga navo. 25Kamala kawusa avanju vosi avakhola emilimo ngekieneki alala mana kavawolera, “Vasiange, mumanyire muchi owuyinda wefwe owukali wuchula muwukhala wuno. 26Ne munawonanga nundi muwulira mbo Paulo aomberesise avanju avangi siyiri Efeso yong'ene ta nausa aambi Asia yosi navawolera mbo nyasaye valombirwe namakhono kavanju sivali nyasaye tawe. 27Khanu ndinowuchi mbo owukhala wefwe wuno wuli okhwononokha, nundi Etemperi lia nyasaye wefwe wesikhasi, Atemi, silirikhuvakho nesifune ta, nundi oluyali lulwe luli khuviya, mana nje nyasaye oyu Asia nesialo siosi sisikamiranga.”
28Olu vawulira kano vasinyikha muno, vanja okhuyokera nivawola, “Atemi wa Avaefeso njomukhongo!” 29Okukhero kwechula mwitookho omwo. Vatira Gayo nende Aristariko, avamenywa va Makedonia avakendanga nende Paulo, vavayira awunju wemivayo. 30Paulo kekomba kengiremo navo nichasi avalondi vamukania. 31Avemirisi valala avali avasale vave vosi vamuchumira ekhuwa nivamukania mbo achengira musikuri tawe. 32Oluyoka lwali lungi awunju ao, wulimunju ayokera nikenya esinju siawukhanire nowundi. Omukhung'ano kwosi kwatondovana avanju vakochwa mbo vachire alala sikirasi. 33Avayahudi vali vachaye Aleksanda emberi, khanu avanju venya avawolere esifune siomukhung'ano. Aleksanda kavekesa nomukhono nikenya vawulere keteteye. 34Olu vawona mbo muyahudi niye, vakhupa oluyoka khumasa kaviri nivawola, “Omukhongo nje Atemi wa Avaefeso!” 35Omuaandiki wetookho kavawoleresa mana kawola, “Avanju va Efeso, njanu ochamanyire achi etookho liava Efeso liosi lilindanga Etemperi lia Atemi nende ekina elialakakha okhuchula mwikulu? 36Awumakhoo onyala okhukania akenako tawe, khanu wulere, muchakholakho siosisiosi nimuchamanyirisise ta. 37Mulechire avanju vano ano ne sivanuli mu Etemperi liefwe ta, nundi sivawoyekho amavi khu nyasaye wefwe Atemi ta. 38Khanu niva mbo Dametrio navanju vave valikho nesikha khumulala khuvanju vano, evikhalakiro viliwo, nundi avesikhalakiro vosi valiwo; nevache vasitake. 39Niva mbo mulikho nakandi kayirwe musikhaso sienyekha. 40Mumanye mbo vanyala vachusitaka mana vachukhalakira khulwokhulecha okukhero nyingayino ne sikhulikho nesifune esi khunyala khuana khulwokukhero kuno ta.” 41Olu kamala okhuwola kano, kamala kasalania esituma esio.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024