Evikholwa 18
18
Nivali Korintho
1Nikakhamala akenako, Paulo kachula Atene kachia Korintho. 2Kanyolayo Omuyahudi mulala owalangwa mbo Akula, omwiwulwa wa Ponto, nachulirenge wusa Italia nomukhaye wuwe, Priskila, esikira mbo omwami wa Italia, Klaudio kali achayeo elako mbo Avayahudi vosi vachule Roma. Kachia okhuvawona. 3Okhuvera mbo Paulo kali musoni wamakaali nganivo, kekhala navo vakholanga vosi emilimo kiokhusona amakaali. 4Wulinyinga yesabato kavanga namayingano musinagogi natema okhukalusania Avayahudi nende Avagiriki.
5Evise evi Sila nende Timoteo volera nivachula Makedonia, Paulo kali atirikhire evise vivie viosi nikerwachira Avayahudi owuloli mbo Masiya nje Yesu. 6Olu valova amakhuwa kake nivamutukha, kavasisimulira enguo chichie navawolera, “Mwakocha ako kenywe mwavene! Ese mbumakho esikha siosisiosi ta. Okhuchulira nyingayino ndikho njia khu Avachali Avayahudi.” 7Kachula awenao kachia munju yomunju walangwa mbo Tito Yusto, owenamiranga Nyasaye nenyumba yiye yali aambi nende esinagogi. 8Omwimirisi wesinagogi owalangwa mbo Krispo, kasuvira mu Omwami alala nende avenju yiye vosi. Avakorintho avangi nivakhawulira amerwacho ka Paulo, vasuvira mana vavatiswa. 9Esiro silala Omwami kawonekhera Paulo mulola mana kamuwolera, “Ocharia ta, lomaloma wusa ochawulera tawe, 10esikira ndi ninawe. Omunju sialikhoo olikhutema okhukhuwumisa ta, ndi navanju vange avangi mwitookho muno.” 11Kekhalayo khulwomwaka mulala nemiesi sita navekesa ekhuwa lia Nyasaye.
12Olu Galio kawukula owuchuki wa Akaya, Avayahudi vewusa alala vasangirira Paulo mana vamuyira emberi wesina, 13vawola, “Omunju ono anaveyeresanga avanju mbo venamire Nyasaye mungira chichalonda amalako ta.” 14Olu Paulo kali nikenya okhulomaloma, Galio kawolera Avayahudi, “Kava mbo ekhuwa lino lilondana nende amakoso namwe owumayanu owumunju ono akholire, nakhavaye nesifune siokhuchekeresa amaliro kenywe Avayahudi; 15Nausa olu makhuwa kalondana wusa nende amalomaloma nende amecha nende amalako kenywe avene, kalengeremo mwavene, ese sindikhuva omukhalaki mukano tawe.” 16Kavatimania okhuchula musiina. 17Vosi vamala vatira Sosthene, omuchuki musinagogi, vamukhupa emberi wesina. Galio sikawukulakho mukenako olukendo ta.
Okhukoola Antiokia
18Paulo kekhalayo khulwenyinga enyingi mana kasava omunwa khuvasie kamala kachulayo alala nende Priskila nende Akula, vengira eliacho vachia vola Siria. Olu kola Kenkrea, kaveka efwiri khumuchwe sikira kali kewava. 19Vachia vola Efeso mana kavalekhayo, kachia musinagogi kanja nundi okhuyingana nende Avayahudi. 20Vamucheva achianakane okhwikhalayo navo kalova. 21Nachulayo kawola, “Endavakoolere Nyasaye nasima,” kamala kachula Efeso.
22Olu kola Kaisarea, kachia Yerusalemu kakhesa ekanisa mana kamala kachia Antiokia. 23Nikakhekhalayo khulwevise evititi, kachekukha kanja okhukenderera embeka nembeka echia Galatia nende Frugia natinyirisa avalondi vosi.
Apolo kerwacha Efeso nende Korintho
24Omuyahudi mulala mbo Apolo, omwiwulwa wa Aleksandria, kacha Efeso. Kali mulomalomi omulayi owamanya Amaandiko wulayi wene. 25Kali kekesewa mungira chia Omwami, ne kalomaloma namaani nikekesa awene evinju vilondana ni Yesu. 26Kanja okhulomaloma nowusachaafu musinagogi. Olu Priskila nende Akula vamuwulira, vamuwukula vamwekesa wulayi wene engira ya Nyasaye. 27Olu kapara okhuchia Akaya, avasiefwe avo vamutinyirisa mana vaandikira avalondi valiyo mbo vamwingise. Nga kolayo, kali nowukhonyi owukali khuvaerwa vali nivasuviye okhuvichira mumbavasi chia Nyasaye. 28Okhuvichira muwuchachaafu wuwe, kayinganianga Avayahudi awulafu mana kavekesa okhuvichira mumaandiko mbo ng'ali Masiya nje Yesu.
Currently Selected:
Evikholwa 18: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Evikholwa 18
18
Nivali Korintho
1Nikakhamala akenako, Paulo kachula Atene kachia Korintho. 2Kanyolayo Omuyahudi mulala owalangwa mbo Akula, omwiwulwa wa Ponto, nachulirenge wusa Italia nomukhaye wuwe, Priskila, esikira mbo omwami wa Italia, Klaudio kali achayeo elako mbo Avayahudi vosi vachule Roma. Kachia okhuvawona. 3Okhuvera mbo Paulo kali musoni wamakaali nganivo, kekhala navo vakholanga vosi emilimo kiokhusona amakaali. 4Wulinyinga yesabato kavanga namayingano musinagogi natema okhukalusania Avayahudi nende Avagiriki.
5Evise evi Sila nende Timoteo volera nivachula Makedonia, Paulo kali atirikhire evise vivie viosi nikerwachira Avayahudi owuloli mbo Masiya nje Yesu. 6Olu valova amakhuwa kake nivamutukha, kavasisimulira enguo chichie navawolera, “Mwakocha ako kenywe mwavene! Ese mbumakho esikha siosisiosi ta. Okhuchulira nyingayino ndikho njia khu Avachali Avayahudi.” 7Kachula awenao kachia munju yomunju walangwa mbo Tito Yusto, owenamiranga Nyasaye nenyumba yiye yali aambi nende esinagogi. 8Omwimirisi wesinagogi owalangwa mbo Krispo, kasuvira mu Omwami alala nende avenju yiye vosi. Avakorintho avangi nivakhawulira amerwacho ka Paulo, vasuvira mana vavatiswa. 9Esiro silala Omwami kawonekhera Paulo mulola mana kamuwolera, “Ocharia ta, lomaloma wusa ochawulera tawe, 10esikira ndi ninawe. Omunju sialikhoo olikhutema okhukhuwumisa ta, ndi navanju vange avangi mwitookho muno.” 11Kekhalayo khulwomwaka mulala nemiesi sita navekesa ekhuwa lia Nyasaye.
12Olu Galio kawukula owuchuki wa Akaya, Avayahudi vewusa alala vasangirira Paulo mana vamuyira emberi wesina, 13vawola, “Omunju ono anaveyeresanga avanju mbo venamire Nyasaye mungira chichalonda amalako ta.” 14Olu Paulo kali nikenya okhulomaloma, Galio kawolera Avayahudi, “Kava mbo ekhuwa lino lilondana nende amakoso namwe owumayanu owumunju ono akholire, nakhavaye nesifune siokhuchekeresa amaliro kenywe Avayahudi; 15Nausa olu makhuwa kalondana wusa nende amalomaloma nende amecha nende amalako kenywe avene, kalengeremo mwavene, ese sindikhuva omukhalaki mukano tawe.” 16Kavatimania okhuchula musiina. 17Vosi vamala vatira Sosthene, omuchuki musinagogi, vamukhupa emberi wesina. Galio sikawukulakho mukenako olukendo ta.
Okhukoola Antiokia
18Paulo kekhalayo khulwenyinga enyingi mana kasava omunwa khuvasie kamala kachulayo alala nende Priskila nende Akula, vengira eliacho vachia vola Siria. Olu kola Kenkrea, kaveka efwiri khumuchwe sikira kali kewava. 19Vachia vola Efeso mana kavalekhayo, kachia musinagogi kanja nundi okhuyingana nende Avayahudi. 20Vamucheva achianakane okhwikhalayo navo kalova. 21Nachulayo kawola, “Endavakoolere Nyasaye nasima,” kamala kachula Efeso.
22Olu kola Kaisarea, kachia Yerusalemu kakhesa ekanisa mana kamala kachia Antiokia. 23Nikakhekhalayo khulwevise evititi, kachekukha kanja okhukenderera embeka nembeka echia Galatia nende Frugia natinyirisa avalondi vosi.
Apolo kerwacha Efeso nende Korintho
24Omuyahudi mulala mbo Apolo, omwiwulwa wa Aleksandria, kacha Efeso. Kali mulomalomi omulayi owamanya Amaandiko wulayi wene. 25Kali kekesewa mungira chia Omwami, ne kalomaloma namaani nikekesa awene evinju vilondana ni Yesu. 26Kanja okhulomaloma nowusachaafu musinagogi. Olu Priskila nende Akula vamuwulira, vamuwukula vamwekesa wulayi wene engira ya Nyasaye. 27Olu kapara okhuchia Akaya, avasiefwe avo vamutinyirisa mana vaandikira avalondi valiyo mbo vamwingise. Nga kolayo, kali nowukhonyi owukali khuvaerwa vali nivasuviye okhuvichira mumbavasi chia Nyasaye. 28Okhuvichira muwuchachaafu wuwe, kayinganianga Avayahudi awulafu mana kavekesa okhuvichira mumaandiko mbo ng'ali Masiya nje Yesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024