Evikholwa 17
17
Paulo nende Sila Thesalonike
1Olu vali nivakhavicha mumatookho ka Amfipoli nende Apolonia, vola Thesalonike eyi esinagogi lia Avayahudi liali. 2Paulo kengira musinagogi nga kali nikanala mana kekhalayo amachuma katachu nayingana navanju okhulondana namaandiko. 3Kavekesa muwang'ali mbo kenyekhanga wusa Kristo anyaswe nundi asisimukhe okhuchula muvafu. Kavawolera, “Yesu oyu nirwacha ono Nje Kristo.” 4Valala khunivo veyama vemeta khumukanda kwa Paulo nende Sila. Nga vakhola Avagiriki avangi avasuvirifu nende avakhaye avangi avoluyali mwitookho omwo. 5Avayahudi vava neuva, vachia vawusa avanju vamayanu valomba okukhero mwitookho omwo mwosi. Vengirira enju ya Yasoni nivapara mbo valikhunyolamo Paulo nende Sila. 6Olu vavakhaywa, vakhwesulula Yasoni nende avasiefwe valala vavayira emberi wavami vetookho nivayula, “Avanju vanononanga esialo mbavano vachire eno yosi. 7Yasoni avengisise mana vosi vanakholanga akachalondana nende amalako ka Kaisari, nivawola vachi khuli nomuchuki wundi mbo Yesu.” 8Avanju nende avemirisi vetookho elio vasinyikha muno olu vawulira amakhuwa ako. 9Valomba Yasoni navasie vaana omuchungo kwolana khovavalekhula.
Vali Berea
10Avasiefwe vakhola lwangulwangu okhuchuma Paulo nende Sila musiro mbo vachie mwitookho lia Berea. Olu volayo, vengira musinagogi lia Avayahudi. 11Avayahudi veweneyo vali vawuliri okhuvicha avali Thesalonike. Vawulira ekhuwa nomwoyo kwosi nivalonderera Amaandiko wulinyinga okhuwona niva mbo evinju vino via ng'ali namwe tawe. 12Avangi khunivo vasuvira, nivalimo avakhaye avoluyali Avagiriki navasacha. 13Olu Avayahudi va Thesalonike vawulira mbo Paulo kerwacha ekhuwa lia Nyasaye mwitookho lia Berea liosi, vamala vachiayo yosi vanja nundi okhulomba okukhero nivachwanjwania avanju veweneyo. 14Avasiefwe nivakhawona vachio, vamala vachusa Paulo lwangulwangu vamuerekesa kavichira khunyanja. Sila nende Timoteo vatong'a enyuma. 15Avaerekesa Paulo vachia naye vola mwitookho lia Atene, valakiriswa mbo vawolere Sila nende Timoteo vachie lwangu, vachekukha.
Nivali Atene
16Paulo nasivalindiye Atene, kasinyikha muno mumwoyo olu kawona mbo evifwananie viali viechula mwitookho omwo. 17Kamala kalomaloma nende Avayahudi alala navasuviri vamaanga musinagogi. Nundi enasoko yosi kalomalomanga wulinyinga nende avanju vanyolanga oweyangu wokhuvichayo. 18Kali nelomaloma nundi nende avalondi vamekeso ka Epikuro nende Stoiki (avali nivasuvira mbo Nyasaye awumao nundi awuma owunyali khu kosikosi akakholekha musialo). Valala vawola, “Owamakhuwa mangi ono kenya okhuwola sina?” Avandi vawola, “Awonekhana nga mwirwachi wavanyasaye vakeni.” Vawola vachio sikira mbo kerwachanga Yesu nende esisimukha. 19Vamuwukula vamuyira emberi wesikhaso sietookho esialangwa mbo Areopago, mana vawola, “Khwekomba okhumanya amekeso mayakha akawekesa kano njakali?” 20Evinju evi owola vino viwonekhana evikeni mumachwi kefwe, khanu khwenya okhumanya mbo kali nesifune sina. 21Avanju va Atene nende avakeni vali nivamenyayo vawukula evise viawe evingi okhuchekeresa nende okhuwolera avanju amakeni kali nikawolekha.
22Paulo kema emberi wesikhaso sia Areopago, kawola: “Avanju va Atene, mbona mbo mungira chiosi enywe muwonekhana avanju vedini muno. 23Esikira nga mbichirenge eyineyi ninengera evinju vienywe evi musikamiranga, mbwene owaali owu vaandikakho mbo, ‘khu Nyasaye oyu ochamanyikhire.’ Khanu Oyu mwinamiranga ochamanyikhire oyo ngwoyu mwirwachira. 24Nyasaye walomba ekulu nende viosi evilimo, Omwami wekulu nelova, siamenyanga mu Etemperi chialombwa namakhono kavanju tawe, 25nundi siakhalavanirwanga namakhono kavanju ochi fwana kekomba siosisiosi ta. Esikira niye njoweresanga wulimunju owulamu, omuya nende wulisinju. 26Okhuchula khumunju mulala, kalonga avanju vevialo viosi kavacha mumbeka chiosi echiesialo, mbo vamenyemo. Kaweresa wulimunju enyinga chichie chiokhumenya musialo kachao nenjakho chia aavanakhamenye, 27mbo vanyale okhutakha Nyasaye, nesuvira mbo ata nivavasa wusa volane okhumunyola. Ne mana sialikho aleyi nende siawuli mulala khwifwe ta. 28Esikira,
‘Muniye khumenyanga, khukenda nundi khuliwo’.
Nga valala khuvembi venywe vawola,
‘Efwe khuli vana vave.’
29Khanu nikhuli vana va Nyasaye, sikenyekha khupare mbo Nyasaye ali ngedhahabu, namwe efesa, namwe ekina, evinju vichulana namakesi komunju ta. 30Munyinga chiowusiru womunju Nyasaye kekhola mbo siawona tawe, nausa evise vino kenya wulimunju awunju wosi kekanire, 31esikira mbo kachao olutalo olu achia okhukhalakira esialo muwuchwenufu okhuvichira khumunju oyu kachoola omwene. Khukano kasuvisia avanju vosi okhuvichira mukhumusisimusa okhuchula muvafu.”
32Olu vawulira okhulondana nende esisimukha liavafu, valala vachekherera, navandi vawola, “Khwenya khukhuwulirekho nundi nulomaloma khukene kano.” 33Paulo kamala kavachulamo. 34Avanju valala nivalimo Dionisio okhuchula Areopago, nende omukhasi olangwa mbo Damari navandi, vamulonda mana vamusuvira.
Currently Selected:
Evikholwa 17: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Evikholwa 17
17
Paulo nende Sila Thesalonike
1Olu vali nivakhavicha mumatookho ka Amfipoli nende Apolonia, vola Thesalonike eyi esinagogi lia Avayahudi liali. 2Paulo kengira musinagogi nga kali nikanala mana kekhalayo amachuma katachu nayingana navanju okhulondana namaandiko. 3Kavekesa muwang'ali mbo kenyekhanga wusa Kristo anyaswe nundi asisimukhe okhuchula muvafu. Kavawolera, “Yesu oyu nirwacha ono Nje Kristo.” 4Valala khunivo veyama vemeta khumukanda kwa Paulo nende Sila. Nga vakhola Avagiriki avangi avasuvirifu nende avakhaye avangi avoluyali mwitookho omwo. 5Avayahudi vava neuva, vachia vawusa avanju vamayanu valomba okukhero mwitookho omwo mwosi. Vengirira enju ya Yasoni nivapara mbo valikhunyolamo Paulo nende Sila. 6Olu vavakhaywa, vakhwesulula Yasoni nende avasiefwe valala vavayira emberi wavami vetookho nivayula, “Avanju vanononanga esialo mbavano vachire eno yosi. 7Yasoni avengisise mana vosi vanakholanga akachalondana nende amalako ka Kaisari, nivawola vachi khuli nomuchuki wundi mbo Yesu.” 8Avanju nende avemirisi vetookho elio vasinyikha muno olu vawulira amakhuwa ako. 9Valomba Yasoni navasie vaana omuchungo kwolana khovavalekhula.
Vali Berea
10Avasiefwe vakhola lwangulwangu okhuchuma Paulo nende Sila musiro mbo vachie mwitookho lia Berea. Olu volayo, vengira musinagogi lia Avayahudi. 11Avayahudi veweneyo vali vawuliri okhuvicha avali Thesalonike. Vawulira ekhuwa nomwoyo kwosi nivalonderera Amaandiko wulinyinga okhuwona niva mbo evinju vino via ng'ali namwe tawe. 12Avangi khunivo vasuvira, nivalimo avakhaye avoluyali Avagiriki navasacha. 13Olu Avayahudi va Thesalonike vawulira mbo Paulo kerwacha ekhuwa lia Nyasaye mwitookho lia Berea liosi, vamala vachiayo yosi vanja nundi okhulomba okukhero nivachwanjwania avanju veweneyo. 14Avasiefwe nivakhawona vachio, vamala vachusa Paulo lwangulwangu vamuerekesa kavichira khunyanja. Sila nende Timoteo vatong'a enyuma. 15Avaerekesa Paulo vachia naye vola mwitookho lia Atene, valakiriswa mbo vawolere Sila nende Timoteo vachie lwangu, vachekukha.
Nivali Atene
16Paulo nasivalindiye Atene, kasinyikha muno mumwoyo olu kawona mbo evifwananie viali viechula mwitookho omwo. 17Kamala kalomaloma nende Avayahudi alala navasuviri vamaanga musinagogi. Nundi enasoko yosi kalomalomanga wulinyinga nende avanju vanyolanga oweyangu wokhuvichayo. 18Kali nelomaloma nundi nende avalondi vamekeso ka Epikuro nende Stoiki (avali nivasuvira mbo Nyasaye awumao nundi awuma owunyali khu kosikosi akakholekha musialo). Valala vawola, “Owamakhuwa mangi ono kenya okhuwola sina?” Avandi vawola, “Awonekhana nga mwirwachi wavanyasaye vakeni.” Vawola vachio sikira mbo kerwachanga Yesu nende esisimukha. 19Vamuwukula vamuyira emberi wesikhaso sietookho esialangwa mbo Areopago, mana vawola, “Khwekomba okhumanya amekeso mayakha akawekesa kano njakali?” 20Evinju evi owola vino viwonekhana evikeni mumachwi kefwe, khanu khwenya okhumanya mbo kali nesifune sina. 21Avanju va Atene nende avakeni vali nivamenyayo vawukula evise viawe evingi okhuchekeresa nende okhuwolera avanju amakeni kali nikawolekha.
22Paulo kema emberi wesikhaso sia Areopago, kawola: “Avanju va Atene, mbona mbo mungira chiosi enywe muwonekhana avanju vedini muno. 23Esikira nga mbichirenge eyineyi ninengera evinju vienywe evi musikamiranga, mbwene owaali owu vaandikakho mbo, ‘khu Nyasaye oyu ochamanyikhire.’ Khanu Oyu mwinamiranga ochamanyikhire oyo ngwoyu mwirwachira. 24Nyasaye walomba ekulu nende viosi evilimo, Omwami wekulu nelova, siamenyanga mu Etemperi chialombwa namakhono kavanju tawe, 25nundi siakhalavanirwanga namakhono kavanju ochi fwana kekomba siosisiosi ta. Esikira niye njoweresanga wulimunju owulamu, omuya nende wulisinju. 26Okhuchula khumunju mulala, kalonga avanju vevialo viosi kavacha mumbeka chiosi echiesialo, mbo vamenyemo. Kaweresa wulimunju enyinga chichie chiokhumenya musialo kachao nenjakho chia aavanakhamenye, 27mbo vanyale okhutakha Nyasaye, nesuvira mbo ata nivavasa wusa volane okhumunyola. Ne mana sialikho aleyi nende siawuli mulala khwifwe ta. 28Esikira,
‘Muniye khumenyanga, khukenda nundi khuliwo’.
Nga valala khuvembi venywe vawola,
‘Efwe khuli vana vave.’
29Khanu nikhuli vana va Nyasaye, sikenyekha khupare mbo Nyasaye ali ngedhahabu, namwe efesa, namwe ekina, evinju vichulana namakesi komunju ta. 30Munyinga chiowusiru womunju Nyasaye kekhola mbo siawona tawe, nausa evise vino kenya wulimunju awunju wosi kekanire, 31esikira mbo kachao olutalo olu achia okhukhalakira esialo muwuchwenufu okhuvichira khumunju oyu kachoola omwene. Khukano kasuvisia avanju vosi okhuvichira mukhumusisimusa okhuchula muvafu.”
32Olu vawulira okhulondana nende esisimukha liavafu, valala vachekherera, navandi vawola, “Khwenya khukhuwulirekho nundi nulomaloma khukene kano.” 33Paulo kamala kavachulamo. 34Avanju valala nivalimo Dionisio okhuchula Areopago, nende omukhasi olangwa mbo Damari navandi, vamulonda mana vamusuvira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024