Gyɔɔn 5
5
Yeezu Naŋ Saŋ Baaloŋ A Pɛnnoo Bebiri Daare
1A yɛlɛ ama puoriŋ a Gyuumine tigri kaŋ da taɛ la, ka Yeezu da do gaa Gyeruzɛlɛm.
2Koɔ̃-puu zie kaŋ da be la a Gyeruzɛlɛm poɔ a peɛle a dendɔre na ba naŋ boɔlɔ Peere Dendɔre ka ba boɔlɔ o Bɛsaada a Hiburu deme kɔkɔre poɔ. A be da taa la kyaare anuu. 3Baalba yaga da maŋ gaŋ la a bafoɔle poɔ: zɔnne, wɔɔre ane gbɛrɛɛ. [4Ba da maŋ kyɛllɛ la a koɔ̃ dɔ̃ɔ̃mo saŋ, bonso, wagre mine poɔ a Daana maleke da maŋ sigi wa la a kɔmpuu zie, a wa dɔ̃ɔ̃ a koɔ̃. Soba na zaa naŋ wa daŋ kpɛ a koɔ̃ saŋ na ba naŋ wa dɔ̃ɔ̃ a baare, maŋ nyɛ la sammo yi o baaloŋ na zaa o naŋ beɛrɛ.] 5Dɔɔ kaŋ naŋ da le baaloŋ yuomo lezare ne pie ne anii da gaŋ la a be. 6A Yeezu naŋ da wa nyɛ a dɔɔ baala ka o gaŋ a be, kyɛ ka O da baŋ ka o gaŋ la a be ka a kɔɔre, O da soore la a dɔɔ, “Fo boɔrɔ la ka fo nyɛ laafeɛ be?” 7Ka a dɔɔ baala da yelsɔge O, “Neŋkpoŋ, N ba taa neɛzaa naŋ na nyɔge ma eŋ a koɔ̃ poɔ saŋ na ba naŋ maŋ wa dɔ̃ɔ̃ a koɔ̃. N naŋ maŋ wa gaa ka N sigre kpeɛrɛ zaa ka n tɔ kaŋ daŋ ma la kpɛ.” 8#Mat 9:6 Ka a Yeezu yeli ko o, “Vaa-iri de a fo boŋganaa kyɛnɛ gɛrɛ.” 9#Gyn 9:14 A daadaalɛ ka a dɔɔ deɛ nyɛ laafeɛ, a de o boŋganaa a da piili kyɛnɛ.
A bebiri ŋa da waa la a Gyuumine pɛnnoo bebiri daare. 10#Gyɛ 17:21 Lɛ la ka a Gyuumine da yeli ko a dɔɔ naŋ da nyɛ o sammo, “Zenɛ waa la a pɛnnoo bebiri, sori kyebe ka fo tuo fo boŋganaa.” 11Kyɛ ka o da yelsɔge ba, “A dɔɔ na naŋ saŋ ma la yeli ko ma, ‘De a fo boŋganaa kyɛnɛ gɛrɛ.’ ” 12Ka ba da soore o, “Aŋ la a dɔɔ ŋa naŋ yeli ko fo, ‘De a fo boŋganaa kyɛnɛ gɛrɛ’?” 13A dɔɔ da ba baŋ a soba na naŋ saŋ o, bonso, a Yeezu da kpɛ la a nembeɛoŋ poɔ a tɔle te gaa. 14#Gyn 8:11 A lɛ puoriŋ, a Yeezu da te nyɛ o la a Naaŋmen die poɔ a da yeli ko o, “Nyɛ, fo nyɛ la laafeɛ! Tɔɔ daŋ la wa erɛ yelbieri zaa ka yelfaa zaa ta wa pɔge fo.” 15A dɔɔ da yi gaa te yeli ko la a Gyuumine ka a Yeezu la da saŋ o. 16#Mat 12:14 A lɛ zuiŋ, a Gyuumine da piili korɔ la a Yeezu dɔgroŋ, O naŋ da erɛ a yɛlɛ ama taaba a pɛnnoo bebiri daare zuiŋ. 17#Gyn 9:4 Kyɛ ka a Yeezu da leɛ yelsɔge ba, “A N Saa naŋ kyɛnɛ tonɔ la toma, ka N meŋ naŋ tonɔ.” 18#Gyn 7:30; 10:33 A yeli ŋa zuiŋ, a Gyuumine da maaleŋ moɔ la nimiri a boɔrɔ ka ba ko O. Bonso, a pɛnnoo bebiri kyiiruŋ yoŋ naane ka O da saana, kyɛ O naŋ da boɔlɔ Naaŋmen O Saa, ka a lɛ na wuli ka O de la O meŋɛ ka O ne Naaŋmen seŋ taa.
A Bidɔɔ Naŋ Taa Kpeɛ̃õ Yɛlɛ
19 #
Gyn 3:11; 3:32 Ka a Yeezu da yeli ko ba, “Serɛzaa ka N yele korɔ yɛ, a Bidɔɔ koŋ baŋ e yelzaa ne O meŋɛ faŋ, ka a naŋ ba e yeli na O naŋ nyɛ a Saa ka O erɛ yoŋ naane. Bonso, yeli na zaa a Saa naŋ erɛ, a lɛ ne o zu la ka a Bidɔɔ meŋ maŋ e. 20#Gyn 3:35 A Saa nɔŋ la a Bidɔɔ, a maŋ wuli O a anaŋ zaa Ona meŋɛ naŋ maŋ erɛ. A Saa na wuli la a Bidɔɔ yelbɛrɛ naŋ gaŋ ŋaa, ka a na e yɛ nɔmaa. 21Serɛzaa, aŋa a Saa naŋ maŋ seŋ a kuuni lɛ, a e ka ba leɛ voorɔ, a lɛ meŋ ka a Bidɔɔ meŋ maŋ ko banaŋ zaa O naŋ boɔrɔ, nyɔvore. 22#Dan 7:13-14; Tom 17:31 A Saa ba dire neɛzaa sɛrɛɛ, kyɛ O de la sɛrɛɛdiibu zaa ko a Bidɔɔ, 23#Fil 2:10-11; 1 Gyn 2:23 ka ka noba zaa na de emmo ko a Bidɔɔ aŋa lɛ ba naŋ eŋnɛ a Saa. Soba na zaa naŋ ba eŋnɛ a Bidɔɔ, ba eŋnɛ a Saa naŋ toŋ a Bidɔɔ. 24#Gyn 3:16; 3:18 Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”
25 #
Efe 2:5-6
“Serɛzaa ka N yeli ko yɛ, a saŋ tara la; a saŋ gba taɛ la pampana ŋa, ka kuuni na woŋ a Naaŋmen Bie kɔkɔre. Kyɛ banaŋ naŋ na woŋ a kɔkɔre na taa la nyɔvore. 26#Gyn 1:1-4 Aŋa a Saa naŋ e a nyɔvore zaa yiibu zie, lɛ la ka O e ka a O Bidɔɔ meŋ e a nyɔvore zaa yiibu zie. 27#Gyn 5:22 Kyɛ a Saa ko la a Bidɔɔ kpeɛ̃õ ka O di sɛrɛɛ, O naŋ waa a Nensaala Bie zuiŋ. 28Yɛ ta vɛŋ ka yɛ nɔɛ maa ne a ŋaa, bonso, a saŋ waana la ka banaŋ zaa naŋ be ba yaare poore na woŋ a Naaŋmen Bie kɔkɔre 29#Gyn 6:40; Dan 12:2 a wa yi ba yaare poore. Banaŋ naŋ da erɛ soŋ na iri voorɔ la, kyɛ ka banaŋ naŋ da erɛ faa na iri nyɛ dɔgroŋ.”
A Yeezu Dansediribe Yɛlɛ
30 #
Gyn 5:19; 6:38 “N koŋ baŋ e yelzaa ne N meŋɛ kpeɛ̃õ. A lɛ Naaŋmen naŋ maŋ wuli ma, lɛ ka N maŋ di a sɛrɛɛ kyaare ne. N sɛrɛɛdiibu maŋ e la meŋɛ, bonso, N meŋɛ poboɔbo naane ka N erɛ, kyɛ a soba na naŋ toŋ ma poboɔbo la.”
31“Ka maa dire N meŋɛ danseɛ, a N danseɛ ba taa yelmeŋɛ. 32#Gyn 5:36-37 Kyɛ neɛ kaŋ bebe la a dire a N danseɛ. Ka N baŋ ka a O danseɛ O naŋ dire kyaare ne ma waa la yelmeŋɛ. 33#Gyn 1:19-34 Yɛ da toŋ la yɛ noba a Gyɔɔn zie, ka o da di a yelmeŋɛ danseɛ. 34A ba e ŋa N boɔrɛɛ nensaala ka o di N danseɛ, kyɛ N yele la a yɛlɛ ama a yɛ faabo zuiŋ. 35A Gyɔɔn da waa la fentelɛ naŋ dire, a kyaana, ka yɛ da boɔrɔ ka yɛ kyelle belãã a o kyaane poɔ. 36#1 Gyn 5:9; Gyn 1:33; 3:2 Kyɛ N taa la danseɛ naŋ gaŋ a Gyɔɔn deni. A toma na N Saa naŋ ko ma ka N na toŋ te baare, a toma na ne a zu N naŋ tonɔ la dire danseɛ ka a Saa la toŋ ma. 37#Mat 3:17 Kyɛ a Saa naŋ toŋ ma, O meŋɛ meŋ di la N danseɛ. Yɛ daŋ ba woŋ O kɔkɔre, bee a nyɛ O waaloŋ. 38Yɛ ba taa O yelbiri ka o be yɛ nyɔvore poɔ, yɛ naŋ ba sage de a soba na O naŋ toŋ yɛlɛ zuiŋ.”
39 #
Luk 24:27; 2 Tim 3:15-17 “Yɛ maŋ sɔre la, a boɔrɔ yɛlɛ a gansoŋ poɔ, bonso, yɛ teɛre ka a poɔ la ka yɛ na nyɛ nyɔvore naŋ ba taa baaroo, kyɛ a gansoŋ ŋa poɔ yɛlɛ la di N danseɛ. 40Kyɛ ka yɛ zagre ka yɛ wa N zie a wa nyɛ nyɔvore. 41N ba boɔrɔ puubu yi nensaalba zie. 42Kyɛ N baŋ ka yɛ ba taa Naaŋmen nɔmmo yɛ sukyie poore. 43N wa la N Saa yuori eŋɛ, kyɛ ka yɛ ba sage de ma. Kyɛ ka neɛ kaŋ da wa o meŋɛ yuori eŋɛ, yɛ na sage de o la. 44#Gyn 12:43 Wola ka yɛ na e de Naaŋmen yɛlɛ ka yɛnee sagra derɛ puubu naŋ yire yɛ nensaaltaaba zie, kyɛ ba boɔrɔ puubu naŋ yi a soba na yoŋ naŋ waa Naaŋmen? 45#Begɛ 31:26 Yɛ ta teɛre ka N na yeli la yɛ yeli saanaa ko a N Saa. A Mooziz yɛ naŋ de yɛ teɛretɔroo#5:45 Teɛretɔroo: A Dagaaba mine maŋ yeli ka Kyelloo. eŋ, ona la na ko yɛ saanaa. 46#Piil 3:15; 49:10; Begɛ 18:15 Ka yɛnee da sage de a Mooziz yɛlɛ, yɛ da na sage de la N meŋ yɛlɛ, bonso, N yɛlɛ la ka Mooziz da sɛge. 47#Luk 16:31 Kyɛ ka yɛnee ba sage de a yɛlɛ o naŋ sɛge, wola ka yɛ na e sage de a yɛlɛ N naŋ yele?”
Currently Selected:
Gyɔɔn 5: DGA
Highlight
Share
Copy
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.
Gyɔɔn 5
5
Yeezu Naŋ Saŋ Baaloŋ A Pɛnnoo Bebiri Daare
1A yɛlɛ ama puoriŋ a Gyuumine tigri kaŋ da taɛ la, ka Yeezu da do gaa Gyeruzɛlɛm.
2Koɔ̃-puu zie kaŋ da be la a Gyeruzɛlɛm poɔ a peɛle a dendɔre na ba naŋ boɔlɔ Peere Dendɔre ka ba boɔlɔ o Bɛsaada a Hiburu deme kɔkɔre poɔ. A be da taa la kyaare anuu. 3Baalba yaga da maŋ gaŋ la a bafoɔle poɔ: zɔnne, wɔɔre ane gbɛrɛɛ. [4Ba da maŋ kyɛllɛ la a koɔ̃ dɔ̃ɔ̃mo saŋ, bonso, wagre mine poɔ a Daana maleke da maŋ sigi wa la a kɔmpuu zie, a wa dɔ̃ɔ̃ a koɔ̃. Soba na zaa naŋ wa daŋ kpɛ a koɔ̃ saŋ na ba naŋ wa dɔ̃ɔ̃ a baare, maŋ nyɛ la sammo yi o baaloŋ na zaa o naŋ beɛrɛ.] 5Dɔɔ kaŋ naŋ da le baaloŋ yuomo lezare ne pie ne anii da gaŋ la a be. 6A Yeezu naŋ da wa nyɛ a dɔɔ baala ka o gaŋ a be, kyɛ ka O da baŋ ka o gaŋ la a be ka a kɔɔre, O da soore la a dɔɔ, “Fo boɔrɔ la ka fo nyɛ laafeɛ be?” 7Ka a dɔɔ baala da yelsɔge O, “Neŋkpoŋ, N ba taa neɛzaa naŋ na nyɔge ma eŋ a koɔ̃ poɔ saŋ na ba naŋ maŋ wa dɔ̃ɔ̃ a koɔ̃. N naŋ maŋ wa gaa ka N sigre kpeɛrɛ zaa ka n tɔ kaŋ daŋ ma la kpɛ.” 8#Mat 9:6 Ka a Yeezu yeli ko o, “Vaa-iri de a fo boŋganaa kyɛnɛ gɛrɛ.” 9#Gyn 9:14 A daadaalɛ ka a dɔɔ deɛ nyɛ laafeɛ, a de o boŋganaa a da piili kyɛnɛ.
A bebiri ŋa da waa la a Gyuumine pɛnnoo bebiri daare. 10#Gyɛ 17:21 Lɛ la ka a Gyuumine da yeli ko a dɔɔ naŋ da nyɛ o sammo, “Zenɛ waa la a pɛnnoo bebiri, sori kyebe ka fo tuo fo boŋganaa.” 11Kyɛ ka o da yelsɔge ba, “A dɔɔ na naŋ saŋ ma la yeli ko ma, ‘De a fo boŋganaa kyɛnɛ gɛrɛ.’ ” 12Ka ba da soore o, “Aŋ la a dɔɔ ŋa naŋ yeli ko fo, ‘De a fo boŋganaa kyɛnɛ gɛrɛ’?” 13A dɔɔ da ba baŋ a soba na naŋ saŋ o, bonso, a Yeezu da kpɛ la a nembeɛoŋ poɔ a tɔle te gaa. 14#Gyn 8:11 A lɛ puoriŋ, a Yeezu da te nyɛ o la a Naaŋmen die poɔ a da yeli ko o, “Nyɛ, fo nyɛ la laafeɛ! Tɔɔ daŋ la wa erɛ yelbieri zaa ka yelfaa zaa ta wa pɔge fo.” 15A dɔɔ da yi gaa te yeli ko la a Gyuumine ka a Yeezu la da saŋ o. 16#Mat 12:14 A lɛ zuiŋ, a Gyuumine da piili korɔ la a Yeezu dɔgroŋ, O naŋ da erɛ a yɛlɛ ama taaba a pɛnnoo bebiri daare zuiŋ. 17#Gyn 9:4 Kyɛ ka a Yeezu da leɛ yelsɔge ba, “A N Saa naŋ kyɛnɛ tonɔ la toma, ka N meŋ naŋ tonɔ.” 18#Gyn 7:30; 10:33 A yeli ŋa zuiŋ, a Gyuumine da maaleŋ moɔ la nimiri a boɔrɔ ka ba ko O. Bonso, a pɛnnoo bebiri kyiiruŋ yoŋ naane ka O da saana, kyɛ O naŋ da boɔlɔ Naaŋmen O Saa, ka a lɛ na wuli ka O de la O meŋɛ ka O ne Naaŋmen seŋ taa.
A Bidɔɔ Naŋ Taa Kpeɛ̃õ Yɛlɛ
19 #
Gyn 3:11; 3:32 Ka a Yeezu da yeli ko ba, “Serɛzaa ka N yele korɔ yɛ, a Bidɔɔ koŋ baŋ e yelzaa ne O meŋɛ faŋ, ka a naŋ ba e yeli na O naŋ nyɛ a Saa ka O erɛ yoŋ naane. Bonso, yeli na zaa a Saa naŋ erɛ, a lɛ ne o zu la ka a Bidɔɔ meŋ maŋ e. 20#Gyn 3:35 A Saa nɔŋ la a Bidɔɔ, a maŋ wuli O a anaŋ zaa Ona meŋɛ naŋ maŋ erɛ. A Saa na wuli la a Bidɔɔ yelbɛrɛ naŋ gaŋ ŋaa, ka a na e yɛ nɔmaa. 21Serɛzaa, aŋa a Saa naŋ maŋ seŋ a kuuni lɛ, a e ka ba leɛ voorɔ, a lɛ meŋ ka a Bidɔɔ meŋ maŋ ko banaŋ zaa O naŋ boɔrɔ, nyɔvore. 22#Dan 7:13-14; Tom 17:31 A Saa ba dire neɛzaa sɛrɛɛ, kyɛ O de la sɛrɛɛdiibu zaa ko a Bidɔɔ, 23#Fil 2:10-11; 1 Gyn 2:23 ka ka noba zaa na de emmo ko a Bidɔɔ aŋa lɛ ba naŋ eŋnɛ a Saa. Soba na zaa naŋ ba eŋnɛ a Bidɔɔ, ba eŋnɛ a Saa naŋ toŋ a Bidɔɔ. 24#Gyn 3:16; 3:18 Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”
25 #
Efe 2:5-6
“Serɛzaa ka N yeli ko yɛ, a saŋ tara la; a saŋ gba taɛ la pampana ŋa, ka kuuni na woŋ a Naaŋmen Bie kɔkɔre. Kyɛ banaŋ naŋ na woŋ a kɔkɔre na taa la nyɔvore. 26#Gyn 1:1-4 Aŋa a Saa naŋ e a nyɔvore zaa yiibu zie, lɛ la ka O e ka a O Bidɔɔ meŋ e a nyɔvore zaa yiibu zie. 27#Gyn 5:22 Kyɛ a Saa ko la a Bidɔɔ kpeɛ̃õ ka O di sɛrɛɛ, O naŋ waa a Nensaala Bie zuiŋ. 28Yɛ ta vɛŋ ka yɛ nɔɛ maa ne a ŋaa, bonso, a saŋ waana la ka banaŋ zaa naŋ be ba yaare poore na woŋ a Naaŋmen Bie kɔkɔre 29#Gyn 6:40; Dan 12:2 a wa yi ba yaare poore. Banaŋ naŋ da erɛ soŋ na iri voorɔ la, kyɛ ka banaŋ naŋ da erɛ faa na iri nyɛ dɔgroŋ.”
A Yeezu Dansediribe Yɛlɛ
30 #
Gyn 5:19; 6:38 “N koŋ baŋ e yelzaa ne N meŋɛ kpeɛ̃õ. A lɛ Naaŋmen naŋ maŋ wuli ma, lɛ ka N maŋ di a sɛrɛɛ kyaare ne. N sɛrɛɛdiibu maŋ e la meŋɛ, bonso, N meŋɛ poboɔbo naane ka N erɛ, kyɛ a soba na naŋ toŋ ma poboɔbo la.”
31“Ka maa dire N meŋɛ danseɛ, a N danseɛ ba taa yelmeŋɛ. 32#Gyn 5:36-37 Kyɛ neɛ kaŋ bebe la a dire a N danseɛ. Ka N baŋ ka a O danseɛ O naŋ dire kyaare ne ma waa la yelmeŋɛ. 33#Gyn 1:19-34 Yɛ da toŋ la yɛ noba a Gyɔɔn zie, ka o da di a yelmeŋɛ danseɛ. 34A ba e ŋa N boɔrɛɛ nensaala ka o di N danseɛ, kyɛ N yele la a yɛlɛ ama a yɛ faabo zuiŋ. 35A Gyɔɔn da waa la fentelɛ naŋ dire, a kyaana, ka yɛ da boɔrɔ ka yɛ kyelle belãã a o kyaane poɔ. 36#1 Gyn 5:9; Gyn 1:33; 3:2 Kyɛ N taa la danseɛ naŋ gaŋ a Gyɔɔn deni. A toma na N Saa naŋ ko ma ka N na toŋ te baare, a toma na ne a zu N naŋ tonɔ la dire danseɛ ka a Saa la toŋ ma. 37#Mat 3:17 Kyɛ a Saa naŋ toŋ ma, O meŋɛ meŋ di la N danseɛ. Yɛ daŋ ba woŋ O kɔkɔre, bee a nyɛ O waaloŋ. 38Yɛ ba taa O yelbiri ka o be yɛ nyɔvore poɔ, yɛ naŋ ba sage de a soba na O naŋ toŋ yɛlɛ zuiŋ.”
39 #
Luk 24:27; 2 Tim 3:15-17 “Yɛ maŋ sɔre la, a boɔrɔ yɛlɛ a gansoŋ poɔ, bonso, yɛ teɛre ka a poɔ la ka yɛ na nyɛ nyɔvore naŋ ba taa baaroo, kyɛ a gansoŋ ŋa poɔ yɛlɛ la di N danseɛ. 40Kyɛ ka yɛ zagre ka yɛ wa N zie a wa nyɛ nyɔvore. 41N ba boɔrɔ puubu yi nensaalba zie. 42Kyɛ N baŋ ka yɛ ba taa Naaŋmen nɔmmo yɛ sukyie poore. 43N wa la N Saa yuori eŋɛ, kyɛ ka yɛ ba sage de ma. Kyɛ ka neɛ kaŋ da wa o meŋɛ yuori eŋɛ, yɛ na sage de o la. 44#Gyn 12:43 Wola ka yɛ na e de Naaŋmen yɛlɛ ka yɛnee sagra derɛ puubu naŋ yire yɛ nensaaltaaba zie, kyɛ ba boɔrɔ puubu naŋ yi a soba na yoŋ naŋ waa Naaŋmen? 45#Begɛ 31:26 Yɛ ta teɛre ka N na yeli la yɛ yeli saanaa ko a N Saa. A Mooziz yɛ naŋ de yɛ teɛretɔroo#5:45 Teɛretɔroo: A Dagaaba mine maŋ yeli ka Kyelloo. eŋ, ona la na ko yɛ saanaa. 46#Piil 3:15; 49:10; Begɛ 18:15 Ka yɛnee da sage de a Mooziz yɛlɛ, yɛ da na sage de la N meŋ yɛlɛ, bonso, N yɛlɛ la ka Mooziz da sɛge. 47#Luk 16:31 Kyɛ ka yɛnee ba sage de a yɛlɛ o naŋ sɛge, wola ka yɛ na e sage de a yɛlɛ N naŋ yele?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.