Piiluu 18
18
Aizik Dɔgebo Yɛlɛ
1A DAANA da wa la a Aboraham zie a Mamere teere pare, o naŋ da zeŋ o sege noɔreŋ ŋmentantuo saŋ. 2#Hib 13:2 O da doɔ la o zu a nyɛ dɔbɔ bata ka ba are peɛle o. O naŋ da wa nyɛ ba, o da zo yi la a sege noɔre ka o tuori ba, a te le vɔgle muro. 3O da yelee la, “N daana, ka fo poɔŋ wa pɛle ne ma, ta wa kyɛŋ pare a fo tontonɔ yiri bare kyɛ gaa. 4N sɔrɔ yɛ la, yɛ vɛŋ ka ba taa koɔ̃ belãã wa ne ka yɛ pɛge yɛ gbɛɛ kyɛ pɛnne a teɛ maaroŋ poɔ. 5Yɛ naŋ pãã wa a yɛ tontonɔ zie, yɛ vɛŋ ka N taa bondirii belãã wa ko yɛ ka yɛ di a leɛ taa faŋ kyɛ pãã gɛrɛ.” Ka ba da yelsɔge, “E a lɛ fo naŋ yeli.” 6A Aboraham da page la wieũ zaa te kpɛ a sege poɔ a Saara zie, a da te yeli ko o, “Page wieũ a te manne zɔŋ ŋman-nɔɛ ata a bu maale sensɛɛ.” 7A Aboraham da zo gaa la o nii poɔ a te nyɔge naalee naŋ taa eŋɛ kyɛ soma ko a o tontonɔ ka o page te ko a maale. 8O pãã da de la a naaber-dɔndɔre, a beroŋ ane a naalee nɛne ba naŋ maale a wa ko a saama, ka ba da dire kyɛ ka o are dendeŋ a ba zie a teɛ pare.
9Ba da soore o la, “Yeŋ ka a fo pɔge Saara be?” Ka o da yeli, “O be la a sege poɔ.” 10#Piil 17:19; Rom 9:9 Lɛ la ka ba kaŋ da yeli, “N naŋ na leɛ waana fo zie yuoni kaŋ ŋaa saŋ, a fo pɔge Saara na taa la bidɔɔ.” A Saara da be la a sege dendɔre noɔreŋ, a Aboraham puoriŋ kyɛ da kyɛllɛ wono a yɛlɛ. 11A Aboraham ane a Saara da korɛɛ la, a nyaŋ; ka a Saara da ba la nyɛrɛ o pɛgre. 12#Piil 17:17; 1 Pit 3:6 A Saara da laara la o poɔŋ a yele, “N naŋ kore baare, ka n serɛ meŋ kore, boŋ sɛŋgaabo noɔ ka n na baŋ la woŋ?” 13A DAANA da soore la a Aboraham, “Bonso ka a Saara la kyɛ yeli, ‘N naŋ pãã kore, n sereŋ na toɔ̃ dɔge la bie?’ 14#Luk 1:37 Boŋ yeli la bebe waa kpeɛŋaa ka a DAANA kontoɔ̃ e? Ka a saŋ wa ta ka N leɛ waana fo zie yuoni kaŋ ŋaa saŋ, a fo pɔge Saara na taa la bidɔɔ.” 15Kyɛ a Saara da kyiiree la a yele, “N ba la”; bonso, o da zoro la dabeɛ̃. Ka a DAANA da yeli, “Serɛzaa, fo laɛ la.”
Ba Naŋ Di A Sodom Teŋɛ Sɛrɛɛ
16A dɔbɔ na da yi la a be gɛrɛ, a kyaare a Sodom teŋɛ seŋ; ka a Aboraham da yi ka o beɛle ba eŋ soriŋ. 17A DAANA da teɛre la o poɔŋ, “N sɔgle a Aboraham a yeli ŋa N naŋ boɔrɔ ka N e, 18#Piil 12:3 N naŋ baŋ ka a Aboraham boorɔ na leɛ la nemboor-kpoŋ, ka a tendaa nemboorɔ zaa nyɛ maaloo o zie be? 19#Begɛ 6:7; 32:46 Ai, N kaa-iri o la ka o na kaa a o biiri ane o yideme naŋ na tu o puori wa zu ka ba na tuuro a DAANA sori a ba sonnoŋ ane ba yelmennoŋ poɔ; ka a lɛ vɛŋ ka a DAANA paale a nɔ-eŋnaa o naŋ da eŋ ko a Aboraham.” 20#Piil 19:13 Lɛ la ka a DAANA da yeli, “A kpɛlle ba naŋ ŋmeɛrɛ kyaare ne a Sodom ane a Gomora yelfaare yɛlɛ waa la faa yaga, ka a ba yelbebe e nimizeɛ yaga! 21#Piil 11:5; Yiel 34:15-16 A ferɛɛ la ka N sigi te nyɛ ka ba sereŋ erɛ la a yɛlɛ ba naŋ yele ka a ta ma, bee ka a ba waa lɛ, ka N baŋ.”
22 #
Piil 19:1
Lɛ la ka a dɔbɔ da leɛ yi a be a kyaare Sodom teŋɛ gɛrɛ, kyɛ ka a Aboraham da naŋ are a DAANA niŋesogɔ. 23#Sɔr 16:22; 2 Sam 24:17 A Aboraham pãã da wa peɛle la a DAANA kyɛ soore, “Fo mɔɔ sereŋ na ko la a nenfaare laŋ ne a nemmenne be? 24Ka nemmenne lezaayi ne pie be a teŋɛ poɔ, fo na ko la a noba zaa, kyɛ koŋ di suuri ko a teŋɛ noba a nemmenne lezaayi ne pie zuiŋ be? 25Ka a waa tɔɔre ne fo naŋ na e a yeli ŋa; ka fo ko a nemmenne laŋ ne a nenfaare, ka a nemmenne ane a nenfaare yɛlɛ e yeni! Ka a lɛ e tɔɔre ne fo! A tendaa zaa Sɛredire koŋ e yɛlɛ naŋ tori be?” 26#Aza 65:8; Mat 24:22; Ezɛk 22:30 Ka a DAANA da yeli, “Ka maa nyɛ nemmenne lezaayi ne pie a Sodom teŋɛ poɔ N na di la a teŋɛ noba zaa yelbebe suuri ko ba a nemmenne na zuiŋ.” 27Ka a Aboraham da yelsɔge, “Sɔroo la, vɛŋ ka n meŋɛ yeli yɛlɛ ko a DAANA, maa naŋ waa tɛne ane tampɛloŋ. 28Ka noba banuu ba kyebe a nemmenne lezaayi ne pie poɔ, fo na sãã la a teŋɛ noba zaa a noba banuu naŋ ba kyebe zuiŋ be?” Ka a DAANA yeli, “N koŋ sãã a teŋɛ ka maa nyɛ noba lezaayi ne banuu a teŋɛ poɔ.” 29A Aboraham da laboreŋ yelee la, “Kyɛ ka noba lezaayi wa bebe.” Ka a DAANA yelsɔge, “A noba lezaayi zuiŋ N koŋ sãã a teŋɛ.” 30#Wed 6:39 Lɛ la ka o da yeli, “DAANA woi, ta vɛŋ ka fo poɔ sãã ne ma ka maa la yeli yɛlɛ. Kyɛ ka noba lezare ne pie wa bebe.” Ka a DAANA da yeli, “N koŋ sãã a teŋɛ ka maa nyɛ nemmenne lezare ne pie a be.” 31A Aboraham da la yelee la, “Sɔroo la, vɛŋ ka n meŋɛ yeli yɛlɛ ko a DAANA. Ka nemmenne lezare wa bebe.” Ka a DAANA yelsɔge, “A nemmenne lezare zuiŋ, N koŋ sãã a teŋɛ.” 32Lɛ la ka o la yeli, “DAANA, ta vɛŋ ka fo poɔ sãã ne ma ka maa na la yeli yel-yenaa yoŋ. Ka nemmenne pie wa be a teŋɛ poɔ.” Ka a DAANA yelsɔge, “A pie na zuiŋ N koŋ sãã a teŋɛ.” 33A DAANA naŋ da wa yeli a yɛlɛ baare, O da gaaɛ la, kyɛ ka a Aboraham da leɛ kuli.
Currently Selected:
Piiluu 18: DGA
Highlight
Share
Copy
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.
Piiluu 18
18
Aizik Dɔgebo Yɛlɛ
1A DAANA da wa la a Aboraham zie a Mamere teere pare, o naŋ da zeŋ o sege noɔreŋ ŋmentantuo saŋ. 2#Hib 13:2 O da doɔ la o zu a nyɛ dɔbɔ bata ka ba are peɛle o. O naŋ da wa nyɛ ba, o da zo yi la a sege noɔre ka o tuori ba, a te le vɔgle muro. 3O da yelee la, “N daana, ka fo poɔŋ wa pɛle ne ma, ta wa kyɛŋ pare a fo tontonɔ yiri bare kyɛ gaa. 4N sɔrɔ yɛ la, yɛ vɛŋ ka ba taa koɔ̃ belãã wa ne ka yɛ pɛge yɛ gbɛɛ kyɛ pɛnne a teɛ maaroŋ poɔ. 5Yɛ naŋ pãã wa a yɛ tontonɔ zie, yɛ vɛŋ ka N taa bondirii belãã wa ko yɛ ka yɛ di a leɛ taa faŋ kyɛ pãã gɛrɛ.” Ka ba da yelsɔge, “E a lɛ fo naŋ yeli.” 6A Aboraham da page la wieũ zaa te kpɛ a sege poɔ a Saara zie, a da te yeli ko o, “Page wieũ a te manne zɔŋ ŋman-nɔɛ ata a bu maale sensɛɛ.” 7A Aboraham da zo gaa la o nii poɔ a te nyɔge naalee naŋ taa eŋɛ kyɛ soma ko a o tontonɔ ka o page te ko a maale. 8O pãã da de la a naaber-dɔndɔre, a beroŋ ane a naalee nɛne ba naŋ maale a wa ko a saama, ka ba da dire kyɛ ka o are dendeŋ a ba zie a teɛ pare.
9Ba da soore o la, “Yeŋ ka a fo pɔge Saara be?” Ka o da yeli, “O be la a sege poɔ.” 10#Piil 17:19; Rom 9:9 Lɛ la ka ba kaŋ da yeli, “N naŋ na leɛ waana fo zie yuoni kaŋ ŋaa saŋ, a fo pɔge Saara na taa la bidɔɔ.” A Saara da be la a sege dendɔre noɔreŋ, a Aboraham puoriŋ kyɛ da kyɛllɛ wono a yɛlɛ. 11A Aboraham ane a Saara da korɛɛ la, a nyaŋ; ka a Saara da ba la nyɛrɛ o pɛgre. 12#Piil 17:17; 1 Pit 3:6 A Saara da laara la o poɔŋ a yele, “N naŋ kore baare, ka n serɛ meŋ kore, boŋ sɛŋgaabo noɔ ka n na baŋ la woŋ?” 13A DAANA da soore la a Aboraham, “Bonso ka a Saara la kyɛ yeli, ‘N naŋ pãã kore, n sereŋ na toɔ̃ dɔge la bie?’ 14#Luk 1:37 Boŋ yeli la bebe waa kpeɛŋaa ka a DAANA kontoɔ̃ e? Ka a saŋ wa ta ka N leɛ waana fo zie yuoni kaŋ ŋaa saŋ, a fo pɔge Saara na taa la bidɔɔ.” 15Kyɛ a Saara da kyiiree la a yele, “N ba la”; bonso, o da zoro la dabeɛ̃. Ka a DAANA da yeli, “Serɛzaa, fo laɛ la.”
Ba Naŋ Di A Sodom Teŋɛ Sɛrɛɛ
16A dɔbɔ na da yi la a be gɛrɛ, a kyaare a Sodom teŋɛ seŋ; ka a Aboraham da yi ka o beɛle ba eŋ soriŋ. 17A DAANA da teɛre la o poɔŋ, “N sɔgle a Aboraham a yeli ŋa N naŋ boɔrɔ ka N e, 18#Piil 12:3 N naŋ baŋ ka a Aboraham boorɔ na leɛ la nemboor-kpoŋ, ka a tendaa nemboorɔ zaa nyɛ maaloo o zie be? 19#Begɛ 6:7; 32:46 Ai, N kaa-iri o la ka o na kaa a o biiri ane o yideme naŋ na tu o puori wa zu ka ba na tuuro a DAANA sori a ba sonnoŋ ane ba yelmennoŋ poɔ; ka a lɛ vɛŋ ka a DAANA paale a nɔ-eŋnaa o naŋ da eŋ ko a Aboraham.” 20#Piil 19:13 Lɛ la ka a DAANA da yeli, “A kpɛlle ba naŋ ŋmeɛrɛ kyaare ne a Sodom ane a Gomora yelfaare yɛlɛ waa la faa yaga, ka a ba yelbebe e nimizeɛ yaga! 21#Piil 11:5; Yiel 34:15-16 A ferɛɛ la ka N sigi te nyɛ ka ba sereŋ erɛ la a yɛlɛ ba naŋ yele ka a ta ma, bee ka a ba waa lɛ, ka N baŋ.”
22 #
Piil 19:1
Lɛ la ka a dɔbɔ da leɛ yi a be a kyaare Sodom teŋɛ gɛrɛ, kyɛ ka a Aboraham da naŋ are a DAANA niŋesogɔ. 23#Sɔr 16:22; 2 Sam 24:17 A Aboraham pãã da wa peɛle la a DAANA kyɛ soore, “Fo mɔɔ sereŋ na ko la a nenfaare laŋ ne a nemmenne be? 24Ka nemmenne lezaayi ne pie be a teŋɛ poɔ, fo na ko la a noba zaa, kyɛ koŋ di suuri ko a teŋɛ noba a nemmenne lezaayi ne pie zuiŋ be? 25Ka a waa tɔɔre ne fo naŋ na e a yeli ŋa; ka fo ko a nemmenne laŋ ne a nenfaare, ka a nemmenne ane a nenfaare yɛlɛ e yeni! Ka a lɛ e tɔɔre ne fo! A tendaa zaa Sɛredire koŋ e yɛlɛ naŋ tori be?” 26#Aza 65:8; Mat 24:22; Ezɛk 22:30 Ka a DAANA da yeli, “Ka maa nyɛ nemmenne lezaayi ne pie a Sodom teŋɛ poɔ N na di la a teŋɛ noba zaa yelbebe suuri ko ba a nemmenne na zuiŋ.” 27Ka a Aboraham da yelsɔge, “Sɔroo la, vɛŋ ka n meŋɛ yeli yɛlɛ ko a DAANA, maa naŋ waa tɛne ane tampɛloŋ. 28Ka noba banuu ba kyebe a nemmenne lezaayi ne pie poɔ, fo na sãã la a teŋɛ noba zaa a noba banuu naŋ ba kyebe zuiŋ be?” Ka a DAANA yeli, “N koŋ sãã a teŋɛ ka maa nyɛ noba lezaayi ne banuu a teŋɛ poɔ.” 29A Aboraham da laboreŋ yelee la, “Kyɛ ka noba lezaayi wa bebe.” Ka a DAANA yelsɔge, “A noba lezaayi zuiŋ N koŋ sãã a teŋɛ.” 30#Wed 6:39 Lɛ la ka o da yeli, “DAANA woi, ta vɛŋ ka fo poɔ sãã ne ma ka maa la yeli yɛlɛ. Kyɛ ka noba lezare ne pie wa bebe.” Ka a DAANA da yeli, “N koŋ sãã a teŋɛ ka maa nyɛ nemmenne lezare ne pie a be.” 31A Aboraham da la yelee la, “Sɔroo la, vɛŋ ka n meŋɛ yeli yɛlɛ ko a DAANA. Ka nemmenne lezare wa bebe.” Ka a DAANA yelsɔge, “A nemmenne lezare zuiŋ, N koŋ sãã a teŋɛ.” 32Lɛ la ka o la yeli, “DAANA, ta vɛŋ ka fo poɔ sãã ne ma ka maa na la yeli yel-yenaa yoŋ. Ka nemmenne pie wa be a teŋɛ poɔ.” Ka a DAANA yelsɔge, “A pie na zuiŋ N koŋ sãã a teŋɛ.” 33A DAANA naŋ da wa yeli a yɛlɛ baare, O da gaaɛ la, kyɛ ka a Aboraham da leɛ kuli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.