Zââ Kumu əpʉ
Kumu əpʉ
Âdâ kə ta fraka səke də̂ yea
Ə̂rɔ̂ əpʉ ə̂në əzü-awla Zââ tâ kɔ kə səke. Tshə pâ ndəma ərə ə̂në Jezu mbrə̂ pâ ashɔ səke kɔ, də ərə ə̂në tshə yîsə̂ nə kə azü kɔ, ndje də əpʉ kuzu ye, gâ ndə əpʉ kə she ətshə. Jezu yîsə̂ əpʉ kə azü ə kâ gâ pâ nə, ə grɔ̂ arəka tə̂ azü, ə grɔ̂ aafrɔ ayirə̂ lə azü, ə mbrə̂ alabə̈ aərə ngbatshe ə̂në ə rô pâ kumu azü gâ ye kɔ.
Fraka ə̂në Zââ nə tâ kɔ, ə ko tə̂ ye ko nɔ̂ də aənə̂ sə̂ ə̂në Matiɔ, də Markə, gâ ndə Luki tâ kɔ ne. Ngâ, Zââ nə wû ə pa azü ə̂në əne tâ fraka səke kə əndje kɔ, əndje wûsə̂ afraka səkɔ gâ ye, ə wûsə̂ əpʉ ə̂në Jezu pâ lə nə kɔ, də ərə ə̂në tshə mbrə̂ kɔ ndje gâ ye. Âdârə ə̂në tshə pâ pâ ndə əpʉ ərə ə̂në Matiɔ nə, də Markə nə gâ ndə Luki nə pâ ndə nə gâ ye kɔ lə fraka nə ne.
Zââ nə pâ Jezu sə tə əde, tə̂ kə vɔtə̂ kə ta fraka səke. Tshə pâ əpʉ ə pa Əpʉ nə̂ Ndjapä kə sə̂ â nâ gâ pâ ashɔ səke ndə kə pa ə sə tə əzü kɔ. Jezu mbrə̂ alabə̈ aərə ngbatshe ə̂në ə rô pâ kumu azü gâ ye kɔ, kanika əndje wusə̂ nə mâ tə̂ lɔsu əndje ə pa tshə sə tə Əyïngerə ə̂në Ndjapä kê ətshə pə-ê tə̂ amanə ə pa ətshə kə sə̂ â she azü lə kuzu.
Tə̂ alɔ nə̂ Jezu, tshelə takpa tə̂ azü sɔ̂ gâ ye, alabə̈ nə zâ lɔsu əndje kə Jezu nə, mbrə ə̂në əndje wûsə̂ nə mâ tə̂ lɔsu əndje ə pa tshə sə̂ tə Ɨrɨ Ndjapä. Ənə̂ alabə̈ əndje, tshelə əndje wə̂ra tə̂ əndje tə̂ ye gâ ye, əndje pâ tshə sə̂ tə ə̈bə̈ əzü nə̂ Sataa, tshə sə̂ kə gu Ndjapä, â tshə lî kəmə ndə kə pa əndje wo ətshə gâ ye.
Zââ pâ əpʉ ə pa: «Aərə sə̂ ə̂në əndje tâ əpʉ nə kɔ, ə sə ndə kə pa e yində nə də lɔsu e ə pa Jezu sə tə Kristə nə, tə Ɨrɨ Ndjapä, â tə̂ äwä kə yində nə də lɔsu e nə, e sə də sorô də əɨrɨ ye.» Zââ 20.31.
Əpʉ tshelə fraka səke na rəke
1. (1.1-18) Kə mbe Əpʉ
2. (1.19-34) Kə mʉ əpʉ nə̂ Zââ Batistə
3. (1.35-51) Jezu kê aangbʉlî atrawaya nə̂ ye
4. (2.1–12.50) Äwä mindû amanə bishi, Jezu mbrə̂ alabə̈ aərə ə̂në ə rô pâ kumu azü gâ ye kɔ
5. (13.1–19.42) Bale dəmashi Jezu pâ ashɔ səke: ngbanga nə̂ ye, də əpʉ kuzu ye
6. (20.1-10) Jezu shê
7. (20.11–21.25) Jezu bʉ̂ gâ tə̂ atrawaya nə̂ ye
Currently Selected:
Zââ Kumu əpʉ: liy
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation
Zââ Kumu əpʉ
Kumu əpʉ
Âdâ kə ta fraka səke də̂ yea
Ə̂rɔ̂ əpʉ ə̂në əzü-awla Zââ tâ kɔ kə səke. Tshə pâ ndəma ərə ə̂në Jezu mbrə̂ pâ ashɔ səke kɔ, də ərə ə̂në tshə yîsə̂ nə kə azü kɔ, ndje də əpʉ kuzu ye, gâ ndə əpʉ kə she ətshə. Jezu yîsə̂ əpʉ kə azü ə kâ gâ pâ nə, ə grɔ̂ arəka tə̂ azü, ə grɔ̂ aafrɔ ayirə̂ lə azü, ə mbrə̂ alabə̈ aərə ngbatshe ə̂në ə rô pâ kumu azü gâ ye kɔ.
Fraka ə̂në Zââ nə tâ kɔ, ə ko tə̂ ye ko nɔ̂ də aənə̂ sə̂ ə̂në Matiɔ, də Markə, gâ ndə Luki tâ kɔ ne. Ngâ, Zââ nə wû ə pa azü ə̂në əne tâ fraka səke kə əndje kɔ, əndje wûsə̂ afraka səkɔ gâ ye, ə wûsə̂ əpʉ ə̂në Jezu pâ lə nə kɔ, də ərə ə̂në tshə mbrə̂ kɔ ndje gâ ye. Âdârə ə̂në tshə pâ pâ ndə əpʉ ərə ə̂në Matiɔ nə, də Markə nə gâ ndə Luki nə pâ ndə nə gâ ye kɔ lə fraka nə ne.
Zââ nə pâ Jezu sə tə əde, tə̂ kə vɔtə̂ kə ta fraka səke. Tshə pâ əpʉ ə pa Əpʉ nə̂ Ndjapä kə sə̂ â nâ gâ pâ ashɔ səke ndə kə pa ə sə tə əzü kɔ. Jezu mbrə̂ alabə̈ aərə ngbatshe ə̂në ə rô pâ kumu azü gâ ye kɔ, kanika əndje wusə̂ nə mâ tə̂ lɔsu əndje ə pa tshə sə tə Əyïngerə ə̂në Ndjapä kê ətshə pə-ê tə̂ amanə ə pa ətshə kə sə̂ â she azü lə kuzu.
Tə̂ alɔ nə̂ Jezu, tshelə takpa tə̂ azü sɔ̂ gâ ye, alabə̈ nə zâ lɔsu əndje kə Jezu nə, mbrə ə̂në əndje wûsə̂ nə mâ tə̂ lɔsu əndje ə pa tshə sə̂ tə Ɨrɨ Ndjapä. Ənə̂ alabə̈ əndje, tshelə əndje wə̂ra tə̂ əndje tə̂ ye gâ ye, əndje pâ tshə sə̂ tə ə̈bə̈ əzü nə̂ Sataa, tshə sə̂ kə gu Ndjapä, â tshə lî kəmə ndə kə pa əndje wo ətshə gâ ye.
Zââ pâ əpʉ ə pa: «Aərə sə̂ ə̂në əndje tâ əpʉ nə kɔ, ə sə ndə kə pa e yində nə də lɔsu e ə pa Jezu sə tə Kristə nə, tə Ɨrɨ Ndjapä, â tə̂ äwä kə yində nə də lɔsu e nə, e sə də sorô də əɨrɨ ye.» Zââ 20.31.
Əpʉ tshelə fraka səke na rəke
1. (1.1-18) Kə mbe Əpʉ
2. (1.19-34) Kə mʉ əpʉ nə̂ Zââ Batistə
3. (1.35-51) Jezu kê aangbʉlî atrawaya nə̂ ye
4. (2.1–12.50) Äwä mindû amanə bishi, Jezu mbrə̂ alabə̈ aərə ə̂në ə rô pâ kumu azü gâ ye kɔ
5. (13.1–19.42) Bale dəmashi Jezu pâ ashɔ səke: ngbanga nə̂ ye, də əpʉ kuzu ye
6. (20.1-10) Jezu shê
7. (20.11–21.25) Jezu bʉ̂ gâ tə̂ atrawaya nə̂ ye
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation