Zââ 17
17
Jezu yû Ndjapä mbrə atrawaya nə̂ ye
1Mandânə ə̂në tshə pâ əpʉ nə rə gâ ye kɔ, Jezu nə lîshi gâ lafɔ ə pâ əpʉ ə pa: «Abä, alɔ nə lî gâ ye. Mbë Ɨrɨ zə, kanika Ɨrɨ zə nə mbe əbə, 2ka, mata ə̂në bə zâ awlra kə ətshə gâ pâ azü nɔ̂ kɔ, tshə za sorô nə̂ alɔnɔ̂ kə azü nɔ̂ ə̂në bə kô əndje kə ətshə gâ ye kɔ. 3Kandää, sorô nə̂ alɔnɔ̂ nə kə də̂ kə pa əndje wusə̂ zə, əbə, tshî, tə djatra Ndjapä ə wusə̂ ətshə ə̂në bə wlâ ətshə kɔ, Jezu Kristə. 4Əmə, mə mbê əbə pâ ashɔ gâ ye. Mə mbrə̂ kosəra ə̂në bə zâ kə əmə ndə kə pa mə mbrə nə kɔ nɔ̂ gâ ye. 5Â ə̂në a ləye, əbə, Abä, mbë əmə gâ ngotə̂ zə də ə̂tə̂ zə də kə mbe ətshe ə̂në mə sə̂ də nə ngotə̂ zə angbʉlînə ndə kə pa bə sô tshepashɔ kɔ.
6«Mə yîsə̂ zə gashu kə azü ə̂në bə kô əndje kə əmə lə takpa tə̂ azü tshepashɔ nə kɔ gâ ye. Əndje sə̂ tə ənə̂ zə, â bə kô əndje kə əmə gâ ye, â əndje bâta əpʉ ama zə gâ ye. 7Kpəsəye, əndje wusə̂ nə ə pa ərə nɔ̂ ə̂në bə zâ kə əmə kɔ, ə tô mâ ndə zə je. 8Mbrə ə̂në mə mʉ̂ aəpʉ ə̂në bə pâ kə əmə kɔ kə əndje gâ ye, əndje yîndə nə gâ ye. Əndje wûsə̂ nə ngâ ə pa mə tô mâ ndə zə â nâ kɔ, â əndje yîndə nə də lɔsu əndje ə pa əbə əbə kə wlâ əmə kɔ.
9«Əmə, mə sə kə yu əbə mbrə əndje. Mə yu əbə yu mbrə azü tshepashɔ nə ne, bale mə yu əbə mbrə əndje ə̂në bə kô əndje kə əmə gâ ye kɔ, mbrə ə̂në əndje sə tə ənə̂ zə. 10Bale, ərə nɔ̂ ə̂në ə sə tə ənə̂ əmə kɔ, ə sə tə ənə̂ zə, â ərə ə̂në ə sə tə ənə̂ zə kɔ, ə sə tə ənə̂ əmə; â ə̂yî əmə sə kə tshe lə əndje.
11«Mə sə sə pə kwatə̂mə pâ ashɔ nə ne, bale əndje, əndje daka pə pâ ashɔ nə, â əmə, mə sə kə gu gâ ndə zə. Abä ə̂në bə sə kpî kɔ, bäta əndje də awlra əɨrɨ zə, əɨrɨ sə̂ ə̂në bə zâ kə əmə kɔ, kanika əndje sə kʉ bale mata əzə̂. 12Alɔ ə̂në mə sə̂ pə lə takpa tə̂ əndje kɔ, əmə, mə bâta əndje də awlra əɨrɨ zə, əɨrɨ sə̂ ə̂në bə zâ kə əmə kɔ. Mə bâta əndje, â ə̈bə̈ əzü bale lə takpa tə̂ əndje yû yû ne, də̂ ne kʉtə̂ ətshə ə̂në tshə lï ndə kə yu nə kɔ kə yû, kanika ndəma Əpʉ Ndjapä mbrə.
13«Ə̂në a ləye, mə sə kə gu gâ ndə zə, bale mə pa əpʉ rə pâ ashɔ nə, kanika ə̂rû nə̂ əmə sə tə̂ lɔsu əndje, ə̂rû ə̂në ə lï nɔ̂ kɔ. 14Əmə, mə yîsə̂ əpʉ nə̂ zə kə əndje gâ ye, bale tshelə azü tshepashɔ nə wə̂ra tə̂ əndje tə̂ əndje gâ ye, mbrə ə̂në əndje sə sə tə ənə̂ tshepashɔ nə ne, mata ə̂në əmə, mə sə sə tə ənə̂ tshepashɔ nə ne kɔ. 15Mə yu əbə yu ndə kə pa bə ko əndje pâ ashɔ nə ne, bale ndə kə pa bə bata əndje tə̂ Əmbrʉ ətshə nə. 16Əndje sə sə tə azü tshepashɔ nə ne, mata əmə, ə̂në mə sə sə tə əzü tshepashɔ nə ne kɔ. 17Kö əndje kpî mbrə əbə tə̂ äwä djatra əpʉ. Əpʉ nə̂ zə də̂ djatra əpʉ nə. 18Mata ə̂në bə wlâ əmə gâ pâ ashɔ kɔ, əmə ndje, mə wla əndje pâ ashɔ nə na na ye. 19Â əmə, mə za tə̂ əmə də ə̂tə̂ əmə kpî kə əbə mbrə əndje, kanika əndje ndje, əndje sə kpî mbrə əbə tə̂ äwä djatra əpʉ nə.
20«Ə də̂ kʉ mbrə əndje də̂ mə yu əbə kɔ ne, bale mə yu əbə ndje mbrə azü ə̂në əndje za lɔsu əndje kə əmə je tə̂ äwä əpʉ nə̂ əndje kɔ. 21Mə yu əbə ndə kə pa əndje nɔ̂ əndje sə kʉ bale; mata ə̂në əbə, Abä, bə sə lə əmə, â əmə, mə sə lə zə kɔ, ka əndje sə kʉ bale lə əzə̂, kanika azü tshepashɔ yində nə də lɔsu əndje ə pa əbə kə wlâ əmə kɔ.
22«Â əmə, mə sə kə mbrə ndə kə pa əndje sɔtə̂ kə mbe ətshe mata ə̂në bə mbrə̂ â mə sɔ̂tə̂ kə mbe ətshe kɔ, kanika əndje sə kʉ bale mata əzə̂, ə̂në a sə kʉ bale kɔ. 23Əmə, mə sə lə əndje â əbə, bə sə lə əmə, kanika əndje sə tə djatra əpʉ kʉ bale, ka azü tshepashɔ nə wusə̂ nə ə pa əbə əbə kə wlâ əmə â bə yində əndje mata ə̂në bə yində əmə kɔ.
24«Abä, mə yində nə ə pa ətshe ə̂në əmə, mə sə kə sə tə̂ nə kɔ, əndje ə̂në bə kô əndje kə əmə kɔ, əndje sə ndje gâ ngotə̂ əmə, kanika əndje wu ə̂yî əmə, ə̂yî ə̂në bə zâ kə əmə gâ ye kɔ, mbrə ə̂në bə yində əmə angbʉlînə ndə kə pa bə sô tshepashɔ. 25Abä ə̂në kə mbrə ərə nə̂ zə sə də äwänə kɔ, azü tshepashɔ wûsə̂ zə wû bale ne; bale əmə, mə wûsə̂ zə â azü səye wûsə̂ nə ə pa əbə kə wlâ əmə kɔ. 26Mə mbrə̂ â əndje wûsə̂ zə gâ ye, â mə sə kə mbrə ndə kə pa əndje yerɔ əbə, ndə kə pa kə yində əmə ə̂në bə yində əmə kɔ sə tə̂ lɔsu əndje, mata ə̂në əmə, mə sə lə əndje kɔ.»
Currently Selected:
Zââ 17: liy
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation
Zââ 17
17
Jezu yû Ndjapä mbrə atrawaya nə̂ ye
1Mandânə ə̂në tshə pâ əpʉ nə rə gâ ye kɔ, Jezu nə lîshi gâ lafɔ ə pâ əpʉ ə pa: «Abä, alɔ nə lî gâ ye. Mbë Ɨrɨ zə, kanika Ɨrɨ zə nə mbe əbə, 2ka, mata ə̂në bə zâ awlra kə ətshə gâ pâ azü nɔ̂ kɔ, tshə za sorô nə̂ alɔnɔ̂ kə azü nɔ̂ ə̂në bə kô əndje kə ətshə gâ ye kɔ. 3Kandää, sorô nə̂ alɔnɔ̂ nə kə də̂ kə pa əndje wusə̂ zə, əbə, tshî, tə djatra Ndjapä ə wusə̂ ətshə ə̂në bə wlâ ətshə kɔ, Jezu Kristə. 4Əmə, mə mbê əbə pâ ashɔ gâ ye. Mə mbrə̂ kosəra ə̂në bə zâ kə əmə ndə kə pa mə mbrə nə kɔ nɔ̂ gâ ye. 5Â ə̂në a ləye, əbə, Abä, mbë əmə gâ ngotə̂ zə də ə̂tə̂ zə də kə mbe ətshe ə̂në mə sə̂ də nə ngotə̂ zə angbʉlînə ndə kə pa bə sô tshepashɔ kɔ.
6«Mə yîsə̂ zə gashu kə azü ə̂në bə kô əndje kə əmə lə takpa tə̂ azü tshepashɔ nə kɔ gâ ye. Əndje sə̂ tə ənə̂ zə, â bə kô əndje kə əmə gâ ye, â əndje bâta əpʉ ama zə gâ ye. 7Kpəsəye, əndje wusə̂ nə ə pa ərə nɔ̂ ə̂në bə zâ kə əmə kɔ, ə tô mâ ndə zə je. 8Mbrə ə̂në mə mʉ̂ aəpʉ ə̂në bə pâ kə əmə kɔ kə əndje gâ ye, əndje yîndə nə gâ ye. Əndje wûsə̂ nə ngâ ə pa mə tô mâ ndə zə â nâ kɔ, â əndje yîndə nə də lɔsu əndje ə pa əbə əbə kə wlâ əmə kɔ.
9«Əmə, mə sə kə yu əbə mbrə əndje. Mə yu əbə yu mbrə azü tshepashɔ nə ne, bale mə yu əbə mbrə əndje ə̂në bə kô əndje kə əmə gâ ye kɔ, mbrə ə̂në əndje sə tə ənə̂ zə. 10Bale, ərə nɔ̂ ə̂në ə sə tə ənə̂ əmə kɔ, ə sə tə ənə̂ zə, â ərə ə̂në ə sə tə ənə̂ zə kɔ, ə sə tə ənə̂ əmə; â ə̂yî əmə sə kə tshe lə əndje.
11«Mə sə sə pə kwatə̂mə pâ ashɔ nə ne, bale əndje, əndje daka pə pâ ashɔ nə, â əmə, mə sə kə gu gâ ndə zə. Abä ə̂në bə sə kpî kɔ, bäta əndje də awlra əɨrɨ zə, əɨrɨ sə̂ ə̂në bə zâ kə əmə kɔ, kanika əndje sə kʉ bale mata əzə̂. 12Alɔ ə̂në mə sə̂ pə lə takpa tə̂ əndje kɔ, əmə, mə bâta əndje də awlra əɨrɨ zə, əɨrɨ sə̂ ə̂në bə zâ kə əmə kɔ. Mə bâta əndje, â ə̈bə̈ əzü bale lə takpa tə̂ əndje yû yû ne, də̂ ne kʉtə̂ ətshə ə̂në tshə lï ndə kə yu nə kɔ kə yû, kanika ndəma Əpʉ Ndjapä mbrə.
13«Ə̂në a ləye, mə sə kə gu gâ ndə zə, bale mə pa əpʉ rə pâ ashɔ nə, kanika ə̂rû nə̂ əmə sə tə̂ lɔsu əndje, ə̂rû ə̂në ə lï nɔ̂ kɔ. 14Əmə, mə yîsə̂ əpʉ nə̂ zə kə əndje gâ ye, bale tshelə azü tshepashɔ nə wə̂ra tə̂ əndje tə̂ əndje gâ ye, mbrə ə̂në əndje sə sə tə ənə̂ tshepashɔ nə ne, mata ə̂në əmə, mə sə sə tə ənə̂ tshepashɔ nə ne kɔ. 15Mə yu əbə yu ndə kə pa bə ko əndje pâ ashɔ nə ne, bale ndə kə pa bə bata əndje tə̂ Əmbrʉ ətshə nə. 16Əndje sə sə tə azü tshepashɔ nə ne, mata əmə, ə̂në mə sə sə tə əzü tshepashɔ nə ne kɔ. 17Kö əndje kpî mbrə əbə tə̂ äwä djatra əpʉ. Əpʉ nə̂ zə də̂ djatra əpʉ nə. 18Mata ə̂në bə wlâ əmə gâ pâ ashɔ kɔ, əmə ndje, mə wla əndje pâ ashɔ nə na na ye. 19Â əmə, mə za tə̂ əmə də ə̂tə̂ əmə kpî kə əbə mbrə əndje, kanika əndje ndje, əndje sə kpî mbrə əbə tə̂ äwä djatra əpʉ nə.
20«Ə də̂ kʉ mbrə əndje də̂ mə yu əbə kɔ ne, bale mə yu əbə ndje mbrə azü ə̂në əndje za lɔsu əndje kə əmə je tə̂ äwä əpʉ nə̂ əndje kɔ. 21Mə yu əbə ndə kə pa əndje nɔ̂ əndje sə kʉ bale; mata ə̂në əbə, Abä, bə sə lə əmə, â əmə, mə sə lə zə kɔ, ka əndje sə kʉ bale lə əzə̂, kanika azü tshepashɔ yində nə də lɔsu əndje ə pa əbə kə wlâ əmə kɔ.
22«Â əmə, mə sə kə mbrə ndə kə pa əndje sɔtə̂ kə mbe ətshe mata ə̂në bə mbrə̂ â mə sɔ̂tə̂ kə mbe ətshe kɔ, kanika əndje sə kʉ bale mata əzə̂, ə̂në a sə kʉ bale kɔ. 23Əmə, mə sə lə əndje â əbə, bə sə lə əmə, kanika əndje sə tə djatra əpʉ kʉ bale, ka azü tshepashɔ nə wusə̂ nə ə pa əbə əbə kə wlâ əmə â bə yində əndje mata ə̂në bə yində əmə kɔ.
24«Abä, mə yində nə ə pa ətshe ə̂në əmə, mə sə kə sə tə̂ nə kɔ, əndje ə̂në bə kô əndje kə əmə kɔ, əndje sə ndje gâ ngotə̂ əmə, kanika əndje wu ə̂yî əmə, ə̂yî ə̂në bə zâ kə əmə gâ ye kɔ, mbrə ə̂në bə yində əmə angbʉlînə ndə kə pa bə sô tshepashɔ. 25Abä ə̂në kə mbrə ərə nə̂ zə sə də äwänə kɔ, azü tshepashɔ wûsə̂ zə wû bale ne; bale əmə, mə wûsə̂ zə â azü səye wûsə̂ nə ə pa əbə kə wlâ əmə kɔ. 26Mə mbrə̂ â əndje wûsə̂ zə gâ ye, â mə sə kə mbrə ndə kə pa əndje yerɔ əbə, ndə kə pa kə yində əmə ə̂në bə yində əmə kɔ sə tə̂ lɔsu əndje, mata ə̂në əmə, mə sə lə əndje kɔ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation