Matayo 8
8
Yesʉ ʉkʉmʉkomya mʉnyambili
Maliko 1:40-45; Lʉka 5:12-16
1Itungo, Yesʉ naɨ wahulumʉka kʉpuma mʉlʉgʉlʉ, antʉ ɨdʉ ɨkamʉtyata. 2Ʉʉgwa mʉntʉ ʉng'wɨ naɨ wambʉe mbili wɨkaza, wɨkatugama pamɨgʉlʉ ang'wa Yesʉ wɨkamʉlompa wɨkalʉnga, “Isekʉlʉ anga ʉlowe ʉhumile, kʉnkomya.
3Yesʉ wɨkahʉmbʉla ʉmʉkono wakwe, wɨkamʉtonya, wɨkamʉɨla, “Ndoilwe! Komya.” Itʉngo lɨlo mbili a mʉntʉ nʉanso ɨkahega wɨkakomya. 4Sʉnga Yesʉ wɨkamʉɨla “Komanɨɨlya! ʉleke kʉmʉtambʉɨla mʉntʉ wɨhi,” “Longola wɨambye kʉ mʉpolyi, ʉpʉmye isongeelyo anga nɨilagɨigwe nu Mʉsa, kʉkamɨnkɨɨlya antʉ kɨna wakomya
Yesʉ ʉkʉkomya mitʉmi wang'wa mankata nʉakʉ Loma
Lʉka 7:1-10
5Lʉhikʉ lʉng'wɨ Yesʉ naɨ ʉkingɨla mʉkɨsalɨ ka Kapelinaumu, mʉkʉlʉ ʉng'wɨ nʉwa anyambita a kʉ Lumi wɨkamʉhanga wɨkamɨnena, 6wɨkalʉnga, “Isekʉlʉ, mitʉmi wane ʉlae mʉ ʉlɨlɨ ʉkʉlwala ʉlwae wɨgandi hangɨ shanga ʉhumile ga nʉkʉpɨlʉka”
7Yesʉ wɨkamʉɨla “Mpembilye kʉmʉkomya.”
8Mʉkʉlʉ nʉwa anyambita nʉwanso wɨkamʉɨla “Isekulu shanga ɨnonee ʉewe wingɨle mʉnyʉmba ane. Ingɨ lagɨɨlya ʉdu, mitʉmi wane ʉkʉkomya. 9Kʉnsoko, nʉnene ga nɨ mʉntʉ nɨnkolɨ mʉ wɨmɨɨlwi nʉwa antʉ angɨɨza, nkete amboi nɨ nɨɨmɨɨe. Nɨmʉlagɨɨlya ʉng'wɨ wao, ‘Longola! Nʉyo wɨlongola, nʉmʉya nɨmʉɨla, ‘Pembya!’ Nʉyo wɨpembya, nʉmitʉmi wane anga nʉmʉile, ‘Itʉme ikani ɨlɨ! Nʉyo wɨtʉma.”
10Yesʉ naɨ wija nkani niyanso akakʉɨlwa, wɨkaaɨla ɨantʉ naɨ amʉtyatɨle, “Kʉmʉɨla ɨtai, nkɨlɨ kʉmʉona mʉntʉ wɨhi mihɨɨ a Isilaeli nʉkete ʉhʉɨɨli anga nʉwa mʉntʉ ʉyʉ. 11Itɨgwa, kʉmʉɨla kɨna antʉ ɨdʉ akʉpembya kʉpʉma kilya nɨ ng'weli, nawo akikiɨ miloeelya palʉng'wɨ nʉ Ibilahimʉ nʉ Isaki nʉ Yakobo mʉ ʉtemi wang'wi Itunda. 12Ingɨ awo naɨatakɨwe kʉteng'wa ni Itunda akʉgʉng'wa kʉnzi mʉkiti, papo gwa akʉlɨlɨla nʉkelya mino.” 13Sʉnga Yesʉ wɨkamuɨla mankata nʉwanso nʉwa kʉ Loma, “Longola kitolako, nɨɨtule anga nʉʉhʉɨɨe.”
Nʉ mitʉmi wakwe wɨkakomya itungo lɨlo.
Yesʉ ʉkʉkomya antʉ ɨdʉ
Maliko 1:29-34; Lʉka 4:38-41
14Yesʉ naɨ wingɨla mʉnyʉmba ang'wa Petelo wɨkahanga mʉkwɨngwa nʉwa kɨsʉngʉ nʉ ang'wa Petelo ʉlae mʉʉlɨlɨ mʉlwae do. 15Itɨgwa, ʉ Yesʉ wɨkamʉtonya kʉmʉkono mʉsʉngʉ nʉanso itungo lɨlo ʉlwae wɨkamʉleka wɨkakomya, wɨkaʉka wɨkatula anoneelelya ndya.
16Lyoa la mpɨndɨ anyakɨsalɨ nɨkanso ɨkamʉletela antʉ ɨdʉ naɨ akete ahɨng'wɨ nawa naɨ alwae. Yesʉ wɨkakenela ahɨng'wɨ ɨkahega, nʉkʉakomya ɨhi ʉ ʉlwae wao. 17Aɨ witʉmile itɨ kʉtimɨlya lʉnkani naɨ ʉtambʉe mʉmanga ʉ Isaya,
“Ng'wenso wakʉhegeye ʉnementalu witʉ,
nʉkʉhegelya ndwala yitʉ.”
Mʉatakɨwe kishiɨ amanyisigwa ang'wa Yesʉ
Lʉka 9:57-62
18Yesʉ naɨ waona wapilimɨɨligwa nɨ antʉ ɨdʉ, wɨkaalaga amanyisigwa akwe atambʉke kitʉmbi nʉla lʉzɨ la Galilaya. 19Sʉnga mʉmanyisi ʉng'wɨ nʉwa malagɨɨlyo ang'wa Musa wɨkamʉhanga ʉ Yesʉ, wɨkamʉɨla, “Mʉmanyisi kʉʉtyata pɨhi nʉkʉhongeela.”
20Yesʉ wɨkamʉsʉkɨɨlya, “Amʉlʉla akete igaya ni nyʉnyi yikete iuyɨ, Ʉng'waa Mʉntʉ mʉgila paʉlalo.”
21Sʉnga mʉmanyisigwa ʉng'wɨ hangɨ wɨkamʉɨla ʉ Yesʉ, “Isekʉlʉ, ngombye hanza nende nʉmʉɨke ʉ tata wane.”
22Ingɨ Yesʉ wɨkamʉɨla “Aleke antʉ nɨatuile anga akule aaɨke ɨashi aʉya! Ʉewe ntyate.”
Yesʉ ʉkʉkɨɨla kɨntingʉ kɨlule
Maliko 4:35-41; Lʉka 8:22-25
23Naɨ akɨla nanso Yesʉ akanankɨla mibɨnɨ ɨkalongolania palʉng'wɨ nɨamanyisigwa akwe. 24Itʉngo lilo kɨntingʉ kɨkapumɨla mʉlʉzɨ, ibɨnɨ lɨkakakʉnikilwa ni maɨngo, Yesʉ akaze walala tʉlo. 25Amanyisigwa ang'wa Yesʉ ɨkamʉhanga ɨkamʉpitya, ɨkamʉɨla, “Isekʉlʉ, kʉgʉne, kaaka kapɨla kʉshe!”
26Yesʉ wɨkaasʉkɨɨlya, ‘‘Ka maambwa nʉwoa? Ʉnyenye mɨantʉ nɨa ʉhʉɨɨli ʉniino!” Wɨkaʉka itʉngo lilo, wɨkakikenela ɨkɨntingʉ maɨngo ɨkatɨga ihɨ twɨɨ.
27Antʉ ɨhi ɨkamʉkʉɨlwa ʉ Yesʉ, azelʉnga, “Mʉntʉ ʉyʉ wɨʉlɨ? Ga nɨ kɨntingʉ nɨ maɨngʉ yɨkʉmʉgombya”
Yesʉ ʉkʉakomya antʉ abɨɨlɨ nɨakete ahɨng'wɨ
Maliko 5:1-20; Lʉka 8:26-39
28Lʉhikʉ lʉlya Yesʉ naɨwapɨka kitʉmbɨ la lʉzɨ nʉ lʉkʉlʉ kʉ kɨsali ka Agelasi, kʉng'wanso wɨkatankana nɨ antʉ abɨɨlɨ nɨakete ahɨng'wɨ apʉmile mʉibɨɨla. Antʉ nɨanso aɨ aogopilwe nɨ antʉ ɨhi kʉtile naɨ wɨgema kʉkɨɨla nzɨla nanso. 29Papo paapo antʉ nɨanso ɨkamitʉntɨɨla ʉ Yesʉ, ɨkamʉɨla, “Ʉewe Ng'wana wang'wi Itunda ʉkʉhiya ʉkʉtende ʉlɨ? Itɨ ʉzee kaja inone, nitʉngo litʉ lɨkɨlɨ lɨpike?”
30Pakʉpɨ nɨpang'wanso aɨyikolɨ ngʉlima yɨdʉ yɨkʉdɨma. 31Ahɨng'wɨ nɨanso ɨkaminena ɨkamʉɨla, “Ang'wɨ ʉkʉʉpʉmya mʉantʉ awa, kʉgombye kingɨle mʉngulima izo.”
32Yesʉ wɨkaaɨla, “Ali longoli.” Papo paapo ahɨng'wɨ lɨkapʉma mʉantʉ nɨanso, yɨngɨla mʉngulima. Idale lɨhi nɨla ngulima lɨkahʉlʉmʉkɨla kʉnsimo nʉkʉgwɨla mʉlʉzi nʉlʉkʉlʉ, ngʉlima yɨhi yɨkashɨla mʉmo.
33Adɨma ngʉlima niyanso ɨkamankɨɨla mʉkɨsalɨ kao, kʉng'wanso ɨkaaganʉɨla ɨantʉ impola yɨhi naɨ yitendekile kʉ antʉ nɨ abɨɨlɨ naɨ ingɨɨwe nɨ ahɨng'wɨ. 34Sʉnga, antʉ ɨhi mʉkɨsalɨ nɨkanso ɨkapuma ɨkamʉhanga ʉ Yesʉ, ɨkaminena wahege mʉkɨsalɨ kao.
Currently Selected:
Matayo 8: IBV
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved
Matayo 8
8
Yesʉ ʉkʉmʉkomya mʉnyambili
Maliko 1:40-45; Lʉka 5:12-16
1Itungo, Yesʉ naɨ wahulumʉka kʉpuma mʉlʉgʉlʉ, antʉ ɨdʉ ɨkamʉtyata. 2Ʉʉgwa mʉntʉ ʉng'wɨ naɨ wambʉe mbili wɨkaza, wɨkatugama pamɨgʉlʉ ang'wa Yesʉ wɨkamʉlompa wɨkalʉnga, “Isekʉlʉ anga ʉlowe ʉhumile, kʉnkomya.
3Yesʉ wɨkahʉmbʉla ʉmʉkono wakwe, wɨkamʉtonya, wɨkamʉɨla, “Ndoilwe! Komya.” Itʉngo lɨlo mbili a mʉntʉ nʉanso ɨkahega wɨkakomya. 4Sʉnga Yesʉ wɨkamʉɨla “Komanɨɨlya! ʉleke kʉmʉtambʉɨla mʉntʉ wɨhi,” “Longola wɨambye kʉ mʉpolyi, ʉpʉmye isongeelyo anga nɨilagɨigwe nu Mʉsa, kʉkamɨnkɨɨlya antʉ kɨna wakomya
Yesʉ ʉkʉkomya mitʉmi wang'wa mankata nʉakʉ Loma
Lʉka 7:1-10
5Lʉhikʉ lʉng'wɨ Yesʉ naɨ ʉkingɨla mʉkɨsalɨ ka Kapelinaumu, mʉkʉlʉ ʉng'wɨ nʉwa anyambita a kʉ Lumi wɨkamʉhanga wɨkamɨnena, 6wɨkalʉnga, “Isekʉlʉ, mitʉmi wane ʉlae mʉ ʉlɨlɨ ʉkʉlwala ʉlwae wɨgandi hangɨ shanga ʉhumile ga nʉkʉpɨlʉka”
7Yesʉ wɨkamʉɨla “Mpembilye kʉmʉkomya.”
8Mʉkʉlʉ nʉwa anyambita nʉwanso wɨkamʉɨla “Isekulu shanga ɨnonee ʉewe wingɨle mʉnyʉmba ane. Ingɨ lagɨɨlya ʉdu, mitʉmi wane ʉkʉkomya. 9Kʉnsoko, nʉnene ga nɨ mʉntʉ nɨnkolɨ mʉ wɨmɨɨlwi nʉwa antʉ angɨɨza, nkete amboi nɨ nɨɨmɨɨe. Nɨmʉlagɨɨlya ʉng'wɨ wao, ‘Longola! Nʉyo wɨlongola, nʉmʉya nɨmʉɨla, ‘Pembya!’ Nʉyo wɨpembya, nʉmitʉmi wane anga nʉmʉile, ‘Itʉme ikani ɨlɨ! Nʉyo wɨtʉma.”
10Yesʉ naɨ wija nkani niyanso akakʉɨlwa, wɨkaaɨla ɨantʉ naɨ amʉtyatɨle, “Kʉmʉɨla ɨtai, nkɨlɨ kʉmʉona mʉntʉ wɨhi mihɨɨ a Isilaeli nʉkete ʉhʉɨɨli anga nʉwa mʉntʉ ʉyʉ. 11Itɨgwa, kʉmʉɨla kɨna antʉ ɨdʉ akʉpembya kʉpʉma kilya nɨ ng'weli, nawo akikiɨ miloeelya palʉng'wɨ nʉ Ibilahimʉ nʉ Isaki nʉ Yakobo mʉ ʉtemi wang'wi Itunda. 12Ingɨ awo naɨatakɨwe kʉteng'wa ni Itunda akʉgʉng'wa kʉnzi mʉkiti, papo gwa akʉlɨlɨla nʉkelya mino.” 13Sʉnga Yesʉ wɨkamuɨla mankata nʉwanso nʉwa kʉ Loma, “Longola kitolako, nɨɨtule anga nʉʉhʉɨɨe.”
Nʉ mitʉmi wakwe wɨkakomya itungo lɨlo.
Yesʉ ʉkʉkomya antʉ ɨdʉ
Maliko 1:29-34; Lʉka 4:38-41
14Yesʉ naɨ wingɨla mʉnyʉmba ang'wa Petelo wɨkahanga mʉkwɨngwa nʉwa kɨsʉngʉ nʉ ang'wa Petelo ʉlae mʉʉlɨlɨ mʉlwae do. 15Itɨgwa, ʉ Yesʉ wɨkamʉtonya kʉmʉkono mʉsʉngʉ nʉanso itungo lɨlo ʉlwae wɨkamʉleka wɨkakomya, wɨkaʉka wɨkatula anoneelelya ndya.
16Lyoa la mpɨndɨ anyakɨsalɨ nɨkanso ɨkamʉletela antʉ ɨdʉ naɨ akete ahɨng'wɨ nawa naɨ alwae. Yesʉ wɨkakenela ahɨng'wɨ ɨkahega, nʉkʉakomya ɨhi ʉ ʉlwae wao. 17Aɨ witʉmile itɨ kʉtimɨlya lʉnkani naɨ ʉtambʉe mʉmanga ʉ Isaya,
“Ng'wenso wakʉhegeye ʉnementalu witʉ,
nʉkʉhegelya ndwala yitʉ.”
Mʉatakɨwe kishiɨ amanyisigwa ang'wa Yesʉ
Lʉka 9:57-62
18Yesʉ naɨ waona wapilimɨɨligwa nɨ antʉ ɨdʉ, wɨkaalaga amanyisigwa akwe atambʉke kitʉmbi nʉla lʉzɨ la Galilaya. 19Sʉnga mʉmanyisi ʉng'wɨ nʉwa malagɨɨlyo ang'wa Musa wɨkamʉhanga ʉ Yesʉ, wɨkamʉɨla, “Mʉmanyisi kʉʉtyata pɨhi nʉkʉhongeela.”
20Yesʉ wɨkamʉsʉkɨɨlya, “Amʉlʉla akete igaya ni nyʉnyi yikete iuyɨ, Ʉng'waa Mʉntʉ mʉgila paʉlalo.”
21Sʉnga mʉmanyisigwa ʉng'wɨ hangɨ wɨkamʉɨla ʉ Yesʉ, “Isekʉlʉ, ngombye hanza nende nʉmʉɨke ʉ tata wane.”
22Ingɨ Yesʉ wɨkamʉɨla “Aleke antʉ nɨatuile anga akule aaɨke ɨashi aʉya! Ʉewe ntyate.”
Yesʉ ʉkʉkɨɨla kɨntingʉ kɨlule
Maliko 4:35-41; Lʉka 8:22-25
23Naɨ akɨla nanso Yesʉ akanankɨla mibɨnɨ ɨkalongolania palʉng'wɨ nɨamanyisigwa akwe. 24Itʉngo lilo kɨntingʉ kɨkapumɨla mʉlʉzɨ, ibɨnɨ lɨkakakʉnikilwa ni maɨngo, Yesʉ akaze walala tʉlo. 25Amanyisigwa ang'wa Yesʉ ɨkamʉhanga ɨkamʉpitya, ɨkamʉɨla, “Isekʉlʉ, kʉgʉne, kaaka kapɨla kʉshe!”
26Yesʉ wɨkaasʉkɨɨlya, ‘‘Ka maambwa nʉwoa? Ʉnyenye mɨantʉ nɨa ʉhʉɨɨli ʉniino!” Wɨkaʉka itʉngo lilo, wɨkakikenela ɨkɨntingʉ maɨngo ɨkatɨga ihɨ twɨɨ.
27Antʉ ɨhi ɨkamʉkʉɨlwa ʉ Yesʉ, azelʉnga, “Mʉntʉ ʉyʉ wɨʉlɨ? Ga nɨ kɨntingʉ nɨ maɨngʉ yɨkʉmʉgombya”
Yesʉ ʉkʉakomya antʉ abɨɨlɨ nɨakete ahɨng'wɨ
Maliko 5:1-20; Lʉka 8:26-39
28Lʉhikʉ lʉlya Yesʉ naɨwapɨka kitʉmbɨ la lʉzɨ nʉ lʉkʉlʉ kʉ kɨsali ka Agelasi, kʉng'wanso wɨkatankana nɨ antʉ abɨɨlɨ nɨakete ahɨng'wɨ apʉmile mʉibɨɨla. Antʉ nɨanso aɨ aogopilwe nɨ antʉ ɨhi kʉtile naɨ wɨgema kʉkɨɨla nzɨla nanso. 29Papo paapo antʉ nɨanso ɨkamitʉntɨɨla ʉ Yesʉ, ɨkamʉɨla, “Ʉewe Ng'wana wang'wi Itunda ʉkʉhiya ʉkʉtende ʉlɨ? Itɨ ʉzee kaja inone, nitʉngo litʉ lɨkɨlɨ lɨpike?”
30Pakʉpɨ nɨpang'wanso aɨyikolɨ ngʉlima yɨdʉ yɨkʉdɨma. 31Ahɨng'wɨ nɨanso ɨkaminena ɨkamʉɨla, “Ang'wɨ ʉkʉʉpʉmya mʉantʉ awa, kʉgombye kingɨle mʉngulima izo.”
32Yesʉ wɨkaaɨla, “Ali longoli.” Papo paapo ahɨng'wɨ lɨkapʉma mʉantʉ nɨanso, yɨngɨla mʉngulima. Idale lɨhi nɨla ngulima lɨkahʉlʉmʉkɨla kʉnsimo nʉkʉgwɨla mʉlʉzi nʉlʉkʉlʉ, ngʉlima yɨhi yɨkashɨla mʉmo.
33Adɨma ngʉlima niyanso ɨkamankɨɨla mʉkɨsalɨ kao, kʉng'wanso ɨkaaganʉɨla ɨantʉ impola yɨhi naɨ yitendekile kʉ antʉ nɨ abɨɨlɨ naɨ ingɨɨwe nɨ ahɨng'wɨ. 34Sʉnga, antʉ ɨhi mʉkɨsalɨ nɨkanso ɨkapuma ɨkamʉhanga ʉ Yesʉ, ɨkaminena wahege mʉkɨsalɨ kao.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved