ᓇᕼᐅᒥᐅᑉ ᐊᒡᓚᖏᑦ 1
1
1 #
ᐂᓮᐊᓯ 10:5-34; 14:24-27; ᔨᐸᓁᐊ 2:13-15. ᐅᑯᐊ ᐅᖃᐅᓯᖃᖅᐳᑦ ᓂᓂᕕᒥᒃ, ᓇᕼᐅᒥᐅᑉ ᑕᑯᑎᑕᐅᑦᔪᑎᒋᓚᐅᖅᑕᖏᑦ, ᓄᓇᒥᑦ ᐃᓪᑰᓯᒦᑎᓪᓗᒍ.
ᐊᑕᓂᐅᑉ ᓂᓐᖓᖕᓂᖓ ᓂᓂᕕᒥᐅᓄᑦ
2ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᖅᑎᐅᓪᓗᓂᓗ;
ᐊᑕᓂᖅ ᐊᑭᓂᐊᖅᐳᖅ ᓂᓐᖓᐅᒪᓕᖅᓗᓂᓗ;
ᐊᑕᓂᐅᑉ ᐊᑭᕋᖅᑐᖅᑎᓂ ᐊᑭᓂᐊᖅᐰᑦ,
ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.
3ᐊᑕᓂᖅ ᕿᓄᐃᑉᐳᖅ ᐱᒃᓴᖅᑐᓂᓕᒡᔫᓪᓗᓂᓗ,
ᓱᒋᐊᖅᓯᑦᑍᓕᓐᖏᓚᕐᓗ ᖃᕿᐊᓕᕐᖕᓂᖃᖏᑦᑐᓂᒃ.
ᐊᑕᓂᖅ ᐃᓂᖃᖅᐳᖅ ᐅᓚᔪᔭᕐᖕᒥ ᐊᖅᑯᓇᕐᔪᐊᒥᓗ,
ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.
4ᐃᒪᕐᕕᒃ ᓱᐊᒃᐹ ᐸᓂᖅᑎᓪᓗᒍᓗ, ᑰᓕᒫᓪᓗ ᓴᓗᐊᖅᑎᑉᐰᑦ;
ᐹᓴᓂ ᑳᕐᒥᐅᓕᓗ ᑐᖁᓕᕘᒃ, ᐱᕈᖅᓯᐊᓪᓗ ᓕᐸᓇᓂᒥ ᑐᖁᓕᒋᕗᑦ.
5ᖃᖅᑲᕐᔪᐊᑦ ᓴᔪᒃᐳᑦ ᐊᑕᓂᐅᑉ ᓵᖓᓂ,
ᐱᖑᐊᕐᔪᐃᓪᓗ ᐊᐅᒃᐳᑦ ᑖᑦᓱᒪ ᓵᖓᓂ;
ᐊᑕᓂᖅ ᓴᖅᑭᒻᒪᑦ ᓄᓇ ᓴᔪᒃᐱᓗᒃᐳᖅ;
ᓄᓇᕐᔪᐊᓕᒫᖅ ᐃᓄᓕᒫᖏᓪᓗ ᑕᕝᕙᓂ ᐃᓂᖃᖅᑐᑦ ᓴᔪᒃᐳᑦ.
6ᓂᓐᖓᓕᖅᐸᑦ, ᑭᓇ ᐊᓐᓇᒍᓐᓇᕋᔭᖅᐹ?
ᑭᓇᓗ ᐊᓐᓇᒍᓐᓇᖅᐹ ᓂᓐᖓᐅᒪᕕᒡᔪᐊᕐᖕᓂᖓᓂᑦ?
ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ;
ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.
7ᐊᑕᓂᖅ ᐱᐅᔫᕗᖅ;
ᑕᑎᖃᖅᑐᑦ ᓴᐳᑎᓯᒪᖕᒪᒋᑦ ᐊᑲᐅᖏᑦᑐᑦ ᓇᓪᓕᐅᑎᓯᒪᑎᓪᓗᒋᑦ;
ᓴᐳᑎᕔᓪᓗ ᑖᑦᓱᒧᖓ ᕿᒫᔪᑦ ᐃᑲᔪᖅᑕᐅᔪᒪᓪᓗᑎᒃ.
8ᐅᓗᑦᔭᐅᔪᑎᑐᑦ ᐊᑭᕋᖅᑐᖅᑎᓂ ᐊᑕᖏᖅᓗᒋᑦ ᓄᖑᑦᓱᒫᖅᐰᑦ,
ᐊᑭᕋᖅᑐᖅᑎᓂᓗ ᕿᒫᑎᑦᓱᒫᖅᐰᑦ ᑖᖅᑐᕐᔪᐊᕐᖕᒧᑦ.
9ᓱᖕᒪᑦ ᐃᓱᒪᒃᓴᖅᓯᐅᕋᓱᒃᐱᓰ ᐊᑭᕋᖅᑐᕈᒪᓪᓗᓯ ᐊᑕᓂᕐᖕᒧᑦ?
ᑖᑦᓱᒪ ᓄᖑᑦᓱᒫᖅᐹᓯ;
ᓇᓪᓕᐊᑦ ᐊᑕᐅᓯᐊᖏᓪᓗᓂ ᐊᑭᒪᔪᓐᓇᖏᒻᒪᑦ ᑖᑦᓱᒥᖓ.
10ᑲᑭᓪᓚᕐᖕᓇᖅᑎᑐᑦ ᓂᒐᕕᓯᒪᑎᓪᓗᒋᑦ, ᐋᖓᔮᖅᑎᑎᑐᓪᓗ ᐋᖓᔮᖅᑎᓪᓗᒋᑦ, ᓄᖑᑕᐅᔪᒫᖅᐳᑦ ᐃᑯᒪᒧᑦ ᐃᕕᒃᓱᒐᖅᑎᑐᑦ ᑭᓪᓗᖅᑕᐅᓯᒪᓪᓗᑎᒃ ᐸᓂᖅᑐᑎᑐᑦ.
11ᑕᕝᕙ ᐃᓕᖕᓂᑦ ᓂᓂᕖ, ᐃᓄᖕᒥᒃ ᐱᐅᖏᑦᑐᕐᔪᐊᒥᒃ ᓯᓔᕐᕆᒃᓯᔨᒥᒃ ᓴᖅᑭᑦᑐᖃᖅᐳᖅ, ᐊᑕᓂᕐᖕᒥᒃ ᐱᓂᐊᕐᖕᓂᕐᖕᒥᒍᑦ ᐊᑭᕋᖅᑐᖅᑐᒥᒃ, ᐱᐅᖏᑦᑐᒥᒡᓗ ᐃᓱᒪᓕᐅᖅᓯᒪᔪᒥᒃ. 12ᐊᑕᓂᖅ ᐃᒫᒃ ᐅᖃᖅᐳᖅ: “ᐊᑭᕋᓯ ᓴᓐᖏᔫᓪᓗᑎᒃ ᐅᓄᕋᓗᐊᕐᖕᒪᑕ, ᓄᖑᑕᐅᔪᒫᖅᐳᑦ ᐊᓯᐅᓗᑎᒡᓗ. ᐃᓄᖁᑎᒃᑲ, ᐊᒃᓱᕈᕐᖕᓇᖅᑐᒃᑰᖅᑎᓚᐅᕋᓗᐊᖅᐸᑦᓯ, ᑍᒤᑦᑐᒃᑰᖅᑎᒃᑲᓐᓂᕐᖕᓂᐊᓐᖏᓚᑦᓯᓕ. 13ᒫᓐᓇ ᐊᑭᕋᑦᓯ ᐃᓕᑦᓯᓐᓄᑦ ᐱᔪᓐᓇᕐᖕᓂᖃᕐᖕᓂᖓᑦ ᓄᖅᑲᖅᑎᓐᓂᐊᖅᐸᕋ ᐊᑦᓱᖏᐅᑏᓪᓗ ᐃᓕᑦᓯᓐᓂᒃ ᕿᒃᑐᕋᖅᓗᒋᑦ.”
14ᐊᑕᓂᖅ ᐱᖁᔭᓕᐅᓚᐅᖅᐳᖅ ᐊᑭᕋᑦᓯᓐᓄᑦ: “ᑭᖑᕚᒃᓴᖃᕐᖕᓂᐊᕈᓐᓁᖅᐳᓯ; ᒎᑎᓯᓗ ᑐᒃᓯᐊᕐᕕᑦᓯᓐᓃᑦᑐᑦ ᓴᓇᓐᖑᐊᖅᓯᒪᔪᑦ ᖄᐹᓕᖅᓯᒪᔪᓪᓗ ᓴᕕᕋᔭᖕᒥᒃ ᓄᖑᑎᓐᓂᐊᖅᐸᒃᑲ. ᒫᓐᓇ ᐃᑎᖅᓴᓕᐅᕆᓕᖅᐳᖓ ᐃᓗᕕᕐᕕᒃᓴᑦᓯᓐᓂᒃ ᐊᑑᑎᖃᕈᓐᓃᕋᑦᓯ.”
15 #
ᐂᓮᐊᓯ 52:7. ᑕᑯᒋᑦ, ᐅᖃᕆᐊᖅᑐᖅᑐᖅ ᕾᓕᖅᐳᖅ ᖃᖅᑲᑎᒍᑦ ᐅᖃᕆᐊᖅᑐᖅᑐᖅ ᑐᓴᕈᒥᓇᖅᑐᒥᒃ, ᓵᓚᖃᕐᖕᓂᕐᖕᒥᒃ ᐅᖃᕆᐊᖅᑐᖅᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᖅᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᖕᓂᐊᕈᓐᓃᖅᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.
Currently Selected:
ᓇᕼᐅᒥᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.