ᔫᐱᐅᑉ ᐊᒡᓚᖏᑦ 1
1
ᓵᑖᓇᓯᐅᑉ ᐆᒃᑐᖅᓗᐃᓂᖓ ᔫᐱᒥᒃ
1ᐊᖑᑎᑕᖃᓚᐅᖅᐳᖅ ᔫᐱᒥᒃ ᐊᑎᓕᖕᒥᒃ, ᓄᓇᒥ ᐅᔾᒥ ᐊᑎᓕᖕᒥ, ᐊᖑᓪᓗ ᑖᓐᓇ ᐸᓯᔭᒃᓴᐅᓂᖃᓚᐅᓐᖏᓚᖅ ᒪᑭᑕᑦᓯᐊᖅᓗᓂᓗ, ᒎᑎᒧᓪᓗ ᑐᒃᓯᐊᕐᕕᖃᖃᑦᑕᖅᓗᓂ, ᐱᐅᖏᑦᑐᓕᓂᕐᖕᒥᒡᓗ ᐊᑐᖅᑍᓕᒪᓪᓗᓂ. 2ᐃᕐᖕᓂᖃᓚᐅᖅᐳᖅ 7ᓂᒃ ᐱᖓᓱᓂᒡᓗ ᐸᓂᖃᖅᓗᓂ. 3ᓰᐱᖁᑎᖃᓚᐅᖅᐳᓪᓗ 7,000ᓂᒃ, ᑳᒥᓕᖁᑎᖃᖅᓗᓂᓗ#1:3 ᑳᒥᓕᒃ ᐅᕝᕙᓗ ᐱᑯᓕᒃ 3,000ᓂᒃ, 1,000ᓂᒡᓗ ᐃᒻᒧᒃᓯᐅᒐᖁᑎᖃᖅᓗᓂ, 500ᓂᒡᓗ ᓯᐅᑎᖅᑯᖅᑐᔪᖁᑎᖃᖅᓗᓂ ᐊᕐᖕᓇᓪᓗᖕᓂᒃ, ᐅᓄᖅᑐᓂᒡᓗ ᐱᔨᖃᖅᓗᓂ; ᐊᔪᖅᓴᖏᓐᓂᖅᐹᖑᓚᐅᖅᐳᕐᓗ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓕᒫᓂᑦ.
4ᔫᐱᐅᓪᓗ ᐃᕐᖕᓂᖏᑦ ᓇᓪᓕᐅᑎᔭᕌᖓᒥᒃ ᐊᑐᓂᑦ ᓇᓪᓕᒃᑭᓪᓗᑎᒃ ᓂᕆᕕᒡᔪᐊᖅᑎᑦᓯᖃᑦᑕᓚᐅᖅᐳᑦ; ᐃᓚᓕᒫᖏᓪᓗ ᐅᐸᒃᐸᒃᑭᓪᓗᑎᒃ, ᑍᒪᓐᖓᓕᒫᕐᓗ ᓇᔭᑎᒃ ᐱᖓᓱᑦ ᐃᓚᐅᑎᑉᐸᒃᓱᒋᑦ ᓂᕆᖃᑎᒋᔪᒪᓪᓗᒋᑦ ᐃᒥᖃᑎᒋᔪᒪᓪᓗᒋᓪᓗ. 5ᐅᓪᓛᑕᒫᓪᓗ ᓂᕆᕕᒡᔪᐊᕐᖕᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᖅᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᖅᑐᓕᓂᕐᖕᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᖅᐸᓚᐅᖅᐳᕐᓗ ᐃᓱᒪᖃᖅᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᖅᑐᖅᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.
6 #
ᒨᓯᓯ ᓯᕗᓪᓖᑦ 6:2. ᐅᓪᓗᕐᓕ ᓇᓪᓕᐅᑎᖕᒪᑦ ᕿᓚᖕᒥᐅᑍᑦ ᐊᑕᓂᐅᑉ ᓵᖓᓅᕐᕕᒃᓴᖓᑦ, ᓵᑖᓇᓯᑦᑕᐅᖅ ᐊᑭᕋᖅᑐᖅᑎ ᑖᒃᑯᓄᖓ ᐃᓚᒋᔭᐅᓚᐅᕆᕗᖅ. 7ᐊᑕᓂᐅᓪᓕ ᓵᑖᓇᓯ ᐊᐱᕆᕚ, “ᖃᓄᐃᓯᒪᓕᖅᐲᑦ?”
ᓵᑖᓇᓯᐅᑉ ᑭᐅᕚ, “ᓇᓂᑐᐃᓐᓇᖅ ᐊᕙᒻᒧᒐᖅᓯᒪᕗᖓ ᓄᓇᕐᔪᐊᓕᒫᒥ.”
8ᐊᑕᓂᐅᓪᓗ ᐊᐱᕆᕚ, “ᐱᔨᒐ ᔫᐱ ᐃᒃᐱᒋᓯᒪᕕᐅᒃ? ᓄᓇᕐᔪᐊᓕᒫᒥ ᑖᑦᓱᑐᓇᖅ ᓱᖁᓯᔪᐃᑦᑑᑎᒋᔪᒥᒃ ᐱᑕᖃᓐᖏᓚᖅ ᐃᓄᑦᓯᐊᕙᐅᑎᒋᔪᖃᕋᓂᓗ, ᑖᑦᓱᒪ ᑐᒃᓯᐊᕐᕕᒋᖃᑦᑕᖅᐹᖓ ᑲᒪᑦᓯᐊᕋᓱᐊᖅᓗᓂᓗ ᐱᐅᖏᑦᑐᒥᒃ ᖃᓄᑐᐃᓐᓇᑦᓯᐊᖅ ᐊᑐᖅᑍᓕᓪᓗᓂ.”
9 #
ᑕᑯᑎ 12:10. ᓵᑖᓇᓯᓗ ᑭᐅᕗᖅ, “ᔫᐱᐅᑉ ᓱᓕ ᑐᒃᓯᐊᕐᕕᒋᖃᑦᑕᕋᔭᖅᐹᑏᑦ ᐃᓕᖕᓄᑦ ᐱᑦᓯᐊᕐᕕᐅᔪᓐᓁᕋᓗᐊᕈᓂ? 10ᑍᒪᓐᖓᑦ ᓴᐳᒻᒥᔧᓐᓇᕋᕕᐅᒃ ᐃᓚᒋᔭᓕᒫᖏᓪᓗ ᐱᖁᑎᓕᒫᖏᓪᓗ ᑲᒪᒋᑦᓯᐊᖅᓗᒋᑦ, ᖃᓄᐃᓕᐅᕐᖕᓂᓕᒫᖓᒍᓪᓗ ᓮᒻᒪᖅᑎᖃᑦᑕᖅᓯᒪᒐᕕᐅᒃ, ᐃᒻᒧᒃᓯᐅᒐᓂᒡᓗ ᐅᓄᖅᑐᐊᓗᖕᓂᒃ ᑐᓂᓯᒪᒐᕕᐅᒃ ᓄᓇᓕᓕᒫᒥᒃ ᓈᓯᓯᒪᓪᓗᐊᖅᑐᓂᒃ. 11ᒫᓐᓇᓕ ᐱᖁᑎᓕᒫᖏᓐᓂᒃ ᓄᖑᕈᑎᒐᔭᕈᕕᐅᒃ ᐃᓕᖕᓄᑦ ᑐᖅᑲᓪᓚᕆᒡᓗᓂ ᓇᕐᕈᓕᕋᔭᖅᐳᖅ!”
12ᑕᕝᕙ ᐊᑕᓂᖅ ᓵᑖᓇᓯᒧᑦ ᐅᖃᖅᐳᖅ, “ᑕᑯᒋᑦ, ᐱᖁᑎᓕᒫᖏᑦ ᐱᔪᓐᓇᕐᖕᓂᕐᖕᓄᐊᖅᐸᒃᑲ, ᔫᐱᓕ ᓇᖕᒥᓂᖅ ᐋᓐᓂᖅᑍᓕᒍ.” ᑍᒤᒻᒪᑦ ᓵᑖᓇᓯ ᑕᕝᕙᓐᖓᑦ ᕿᒪᕉᑎᕗᖅ.
ᔫᐱᐅᑉ ᕿᑐᕐᖓᖏᑕ ᐱᖁᑎᖏᑕᓗ ᓄᖑᑕᐅᓂᖏᑦ
13ᐅᓪᓗᐃᓪᓕ ᐃᓚᖓᓐᓂ ᔫᐱᐅᑉ ᕿᑐᕐᖓᖏᑦ ᓂᕆᕕᒡᔪᐊᖅᑎᓪᓗᒋᑦ ᐃᕐᖕᓂᖓᑕ ᐊᖓᔪᒃᓯᖅᐹᑉ ᐃᒡᓗᖓᓂ; 14ᑐᓴᖅᑎᑦᓯᔨ ᐅᓪᓚᒡᓗᓂ ᔫᐱᒧᐊᖅᐳᖅ ᐅᖃᖅᓗᓂᓗ, “ᓄᓇᓕᕆᑎᓪᓗᑕ ᐱᕈᖅᓰᕕᖕᒥ ᐆᒪᔪᓄᑦ, ᓯᐅᑎᖅᑯᖅᑐᔪᓪᓗ ᖃᓂᒋᔭᑦᑎᓐᓃᓪᓗᑎᒃ ᓂᕆᓇᓱᒃᑎᓪᓗᒋᑦ. 15ᑎᑭᑦᑐᖃᓚᐅᖅᐳᖅ ᓴᐱᐊᒥᐅᓂᒃ ᑕᒪᕐᖕᒥᒡᓗ ᑎᒡᓕᓚᐅᖅᐰᑦ, ᐱᔨᓕᒫᑎᓪᓗ ᑐᖁᓪᓗᓂᒋᑦ ᐅᕙᖓᓕ ᐊᒥᐊᒃᑯᑑᕗᖓ ᕿᒪᒃᓯᓚᐅᕋᒪ ᑐᓴᖅᑎᑦᓱᒪᓪᓗᑎᑦ.”
16ᓱᓕ ᑖᓐᓇ ᐅᖃᓪᓚᒃᑎᓪᓗᒍ, ᐱᔨᖓᑦᑕ ᐃᓚᖓᑦ ᕾᒋᕗᖅ ᐅᖃᖅᓗᓂᓗ, “ᑲᓪᓕᐅᑉ ᖃᐅᒻᒪᓪᓚᖕᓂᖓᓄᑦ ᓰᐱᓕᒫᑦ ᑐᖁᑕᐅᕗᑦ ᓰᐱᓕᕆᔨᓕᒫᓪᓗ, ᐅᕙᖓᓕ ᐊᒥᐊᒃᑯᑑᕗᖓ ᕿᒫᖅᑲᐅᒐᒪ ᐅᖃᐅᑎᔪᒪᓪᓗᑎᑦ.”
17ᓱᓕᓕ ᐅᖃᕇᓚᐅᖅᑎᓐᓇᒍ, ᐱᔨᖓᑦᑕ ᐃᓚᖓᑦ ᕾᒋᕗᖅ ᐅᖃᖅᓗᓂᓗ, “ᐱᖓᓱᐃᖑᓪᓗᑎᒃ ᑲᐅᓪᑎᐊᒥᐅᑦ ᕿᒻᒥᕐᔪᐊᒃᑰᖅᑐᑦ ᐅᕙᑦᑎᓐᓄᑦ ᐅᓇᑕᕆᐊᕐᖕᒪᑕ ᑳᒥᓕᖁᑎᓕᒫᕗᑦ ᑖᒃᑯᓄᖓ ᐱᔭᐅᕗᑦ ᐱᔨᓕᒫᑎᓪᓗ ᑐᖁᑕᐅᓪᓗᑎᒃ, ᐅᕙᖓᓕ ᐊᒥᐊᒃᑯᑑᕗᖓ ᕿᒫᖅᑲᐅᒐᒪ ᐅᖃᐅᑎᔪᒪᓪᓗᑎᑦ.”
18ᓱᓕᓕ ᐅᖃᕇᓚᐅᖅᑎᓐᓇᒍ, ᐱᔨᖓᑦᑕ ᐃᓚᖓᑦ ᕾᒋᕗᖅ ᐅᖃᖅᓗᓂᓗ, “ᕿᑐᕐᖓᑎᑦ ᓂᕆᕕᒡᔪᐊᖅᑎᓪᓗᒋᑦ ᐃᕐᖕᓂᖅᐱᑦ ᐊᖓᔪᒃᓯᖅᐹᑉ ᐃᒡᓗᖓᓂ, 19ᐊᓄᕆᕐᔪᐊᕐᖕᒧᑦ ᑎᑭᑕᐅᑲᓪᓚᖅᑲᐅᕗᑦ ᓄᓇᖃᕐᕕᐅᕙᖏᑦᑐᒥᑦ ᐱᔪᒧᑦ. ᐃᒡᓗᖓᓗ ᓱᕋᒃᑕᐅᕗᖅ ᐊᓄᕆᒧᑦ ᑕᒪᕐᖕᒥᒡᓗ ᑐᖁᑕᐅᓪᓗᑎᒃ ᐅᕙᖓᓕ ᐊᒥᐊᒃᑯᑑᕗᖓ ᕿᒫᖅᑲᐅᒐᒪ ᐅᖃᐅᑎᔪᒪᓪᓗᑎᑦ.”
20ᔫᐱᓗ ᓂᑯᕕᓐᓇᒥ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᖕᒧᑦ, ᓂᐊᖁᓂᓗ ᓄᔧᔭᖅᐹ, ᒪᓂᖅᑲᒧᓪᓗ ᐹᒻᒪᒃᓗᓂ ᑐᒃᓯᐊᖅᐳᖅ. 21ᐅᖃᖅᓗᓂᓗ, “ᐃᕐᖕᓂᐊᖑᓚᐅᖅᐳᖓ ᓱᓇᖃᕐᖕᓇᖓ, ᑐᖁᓂᐊᕆᕗᖓ ᓱᓇᖃᖏᓪᓗᖓ. ᐊᑕᓂᐅᑉ ᑐᓂᓚᐅᖅᐰᑦ ᒫᓐᓇᓗ ᐊᑕᓂᐅᑉ ᑎᒍᒋᕔᑦ. ᐊᑕᓂᐅᑉ ᐊᑎᖓ ᓂᖅᑐᖅᑕᐅᓕ!”
22ᑕᒪᒃᑯᐊᓕ ᑍᒤᒃᑲᓗᐊᕐᖕᒪᑕ, ᔫᐱ ᐸᓯᒃᓯᖏᓐᓇᒥ ᒎᑎᒥᒃ ᑕᒪᑐᒧᖓ ᐊᔪᖅᑐᓕᓚᐅᓐᖏᓚᖅ.
Currently Selected:
ᔫᐱᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.