ᔪᐊᓇᓯᐅᑉ ᐊᒡᓚᖏᑦ 2
2
ᑬᓇᒥ ᑲᑎᑎᑕᐅᔪᖃᕐᖕᓂᖓ
1ᐅᓪᓗᐃᑦ ᐱᖓᔪᖓᓐᓂ ᑬᓇᒥ ᒐᓕᓕᐊᒦᑦᑐᒥ ᑲᑎᑎᑕᐅᔪᖃᓚᐅᖅᐳᖅ, ᔩᓱᓯᐅᑉ ᐊᓈᓇᖓ ᑕᕝᕙᓃᑉᐳᖅ; 2ᔩᓱᓯᑦᑕᐅᖅ ᕾᖁᔭᐅᓯᒪᒋᕗᑦ ᑲᑎᑎᑕᐅᔫᖕᓄᑦ, ᐃᓕᓐᓂᐊᖅᑎᖏᓪᓗ. 3ᐅᐂᓃᑦ ᓄᖑᒻᒪᑕ, ᐊᓈᓇᖓᑕ ᔩᓱᓯ ᐅᖃᐅᑎᕚ, “ᐅᐂᓂᒥᒃ ᓄᖑᕈᑎᕗᑦ.”
4ᔩᓱᓯᐅᑉ ᐅᖃᐅᑎᕚ, “ᐊᕐᖕᓈᖅ, ᖃᓄᐃᓕᐅᖁᓗᖓ ᐅᖃᕆᐊᖃᓐᖏᓚᑎᑦ, ᐱᕕᒃᓴᕋ ᓱᓕ ᓇᓪᓕᐅᑎᓯᒪᖏᒻᒪᑦ.”
5ᑕᕝᕙ ᔩᓱᓯᐅᑉ ᐊᓈᓇᖓᑕ ᐱᔩᑦ ᐅᖃᐅᑎᕔᑦ, “ᖃᓄᑐᐃᓐᓇᖅ ᐱᖁᔨᒃᐸᑦ ᒪᓕᖕᓂᐊᖅᐸᓯ.”
6ᔫᑎᑦ ᒪᓕᒐᖃᕐᖕᒪᑕ ᐅᒃᐱᕈᓯᑐᖃᕐᖕᒥᒃᑎᒍᑦ ᓱᓇᑐᐃᓐᓁᑦ ᓴᓗᒻᒪᖅᓴᑕᐅᒋᐊᖃᕐᖕᓂᖏᓐᓂᒃ, ᑍᒤᒻᒪᑦ ᐱᖓᓲᔪᖅᑐᓂᒃ ᐃᒥᖃᐅᑎᓂᒃ ᑕᕝᕙᓃᑦᑐᖃᖅᐳᖅ, ᐊᑐᓂᑦ ᐃᒪᖃᕈᓐᓇᖅᑐᓂᒃ ᐊᑕᐅᓯᖅ 20ᒥᑦ 30ᒧᑦ ᖃᓪᓗᑎᓂᒃ. 7ᔩᓱᓯᐅᑉ ᐱᔩᑦ ᐅᖃᐅᑎᕔᑦ, “ᐅᑯᐊ ᐃᒥᖃᐅᑏᑦ ᐃᒥᕐᖕᒥᒃ ᐃᒻᒥᖅᓯᐅᒃ.” ᑕᕝᕙ ᐃᒻᒥᖅᐰᑦ ᑕᑕᓪᓗᒋᑦ. 8ᐅᖃᐅᑎᕔᑦ, “ᑕᕝᕙᓐᖓᑦ ᖃᓗᓯᓗᓯ, ᓂᕆᕕᒡᔪᐊᖅᑐᑦ ᐊᖓᔪᖅᑳᖓᓐᓄᑦ ᐋᑦᓯᓕᕆᑦᓯ.” ᑕᕝᕙ ᐋᑦᓯᕗᑦ ᑖᑦᓱᒧᖓ, 9ᓂᕆᕕᒡᔪᐊᖅᑐᑦ ᐊᖓᔪᖅᑳᖓᑦᑕ ᐃᒥᖅ ᐆᒃᑐᕋᒥᐅᒃ ᐅᐂᓂᐅᓕᖅᑐᖅ, ᖃᐅᔨᒪᓚᐅᓐᖏᓚᖅ ᓇᑭᑦ ᐱᖕᒪᖔᑦ ᐱᔨᓪᓕ ᐃᒥᕐᖕᒥᒃ ᖃᓗᓯᖅᑲᐅᔪᑦ ᖃᐅᔨᒪᕗᑦ, ᓂᕆᕕᒡᔪᐊᖅᑐᑦ ᐊᖓᔪᖅᑳᖓᑦᑕ ᐅᐃᒃᓴᖅ ᕾᖁᕚ 10ᐅᖃᐅᑎᓪᓗᒍ, “ᐱᐅᓯᕆᔭᐅᓲᖑᕗᖅ ᐅᐂᓂ ᒪᒪᕐᖕᓂᖅᐹᖅ ᓯᕗᓪᓕᐅᑎᓪᓗᒍ; ᓂᕆᔭᖅᑐᖅᓯᒪᔪᓪᓕ ᐃᒥᕇᖅᓯᒪᓕᖅᐸᑕ, ᑭᖑᓕᐅᑎᓪᓗᒍ ᐅᐂᓂ ᒪᒪᖏᓐᓂᖅᓴᖅ ᐊᑐᐃᓐᓇᕈᖅᑕᐅᓲᖑᕗᖅ; ᐃᕝᕕᓪᓕ ᐅᐂᓂ ᒪᒪᕐᖕᓂᖅᐹᖅ ᑭᖑᓪᓕᐅᑎᖔᖅᐸᑦ.”
11ᑕᒪᑦᔭ ᔩᓱᓯᐅᑉ ᓇᓗᓁᒃᑯᑕᖏᑕ ᓯᕗᓪᓕᖅᐹᖓᑦ, ᐱᓂᐊᕐᖕᓂᕆᓚᐅᖅᑕᖓ ᑬᓇᒥ ᒐᓕᓕᐊᒦᑦᑐᒥ, ᑕᕝᕙᓂ ᓂᖅᑐᕐᖕᓇᕐᖕᓂᕐᔪᐊᓂ ᓴᖅᑭᑎᓚᐅᖅᐹ; ᐃᓕᓐᓂᐊᖅᑎᖏᑕᓗ ᐅᒃᐱᕆᕚᑦ.
12 #
ᒫᑎᐅᓯ 4:13. ᑕᒪᑐᒪ ᑭᖑᓂᖓᒍᑦ ᔩᓱᓯ, ᐊᓈᓇᖓᓗ, ᖃᑕᓐᖑᑎᖏᓪᓗ ᐃᓕᓐᓂᐊᖅᑎᖏᓪᓗ ᑲᐲᕐᓂᐊᒧᐊᖅᐳᑦ; ᑕᕝᕙᓃᑉᐳᓪᓗ ᐅᓪᓗᓂᒃ ᐅᓄᖏᑦᑐᓂᒃ.
ᔩᓱᓯᐅᑉ ᑐᒃᓯᐊᕐᕕᒡᔪᐊᕐᖕᒧᐊᕐᖕᓂᖓ
ᒫᑎᐅᓯ 21:12-13; ᒫᑯᓯ 11:15-17; ᓘᑲᓯ 19:45-46
13 #
ᒨᓯᓯ ᐂᑉᐸᖏᑦ 12:1-27. ᔫᑎᑦ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᕐᕕᖓᑦ ᖃᒡᓕᓕᕐᖕᒪᑦ, ᔩᓱᓯ ᔨᕉᓴᓕᒻᒧᐊᖅᐳᖅ. 14ᑐᒃᓯᐊᕐᕕᒡᔪᐊᕐᖕᒥᓗ ᐃᓄᖕᓂᒃ ᑕᑯᕗᖅ ᐃᒻᒧᒃᓯᐅᒊᑦ ᐸᖕᓂᖏᓐᓂᒃ ᓰᐱᓂᒡᓗ ᐊᕿᒡᒋᐅᔮᖅᑐᓂᒡᓗ ᓂᐅᕐᕈᑎᖃᖅᑐᓂᒃ, ᑮᓇᐅᔭᓂᒡᓗ ᑕᐅᖅᓰᔩᑦ ᐱᓇᓱᐊᖅᑎᓪᓗᒋᑦ ᐱᓇᓱᐊᒐᕐᖕᒥᖕᓂᒃ. 15ᐊᒃᖢᓈᒥᒃ ᑏᒐᕈᑎᓕᐅᕋᒥ, ᑕᕝᕙᓃᑦᑐᓕᒫᑦ ᐊᓂᑎᑉᐰᑦ, ᓰᐲᓪᓗ ᐃᒻᒧᒃᓯᐅᒊᓪᓗ ᐸᖕᓂᖏᑦ, ᑐᒃᓯᐊᕐᕕᒡᔪᐊᒥᑦ; ᑮᓇᐅᔭᓂᒡᓗ ᑕᐅᖅᓰᔩᑦ ᓵᖏᑦ ᐅᕐᕈᑎᑉᐰᑦ ᑮᓇᐅᔧᓪᓗ ᓈᕕᓪᓗᑎᒃ ᓇᒧᑐᐃᓐᓇᖅ. 16ᐊᕿᒡᒋᐅᔭᓂᒡᓗ ᓂᐅᕐᕈᑎᓖᑦ ᐅᖃᐅᑎᕔᑦ, “ᐅᑯᐊ ᑕᕝᕙᓐᖓᑦ ᐊᓂᑎᓚᐅᖅᓯᐅᒃ; ᐊᑖᑕᒪ ᐃᒡᓗᖓ ᓂᐅᕕᕐᕕᐅᑎᑕᒃᓴᕆᓐᖏᓚᓯ.” 17#ᐃᓐᖏᕈᑦ 69:9.ᑕᕝᕙ ᐃᓕᓐᓂᐊᖅᑎᖏᑦ ᐃᖅᑬᕗᑦ ᑎᑎᕋᖅᓯᒪᔪᖃᕐᖕᒪᑦ, “ᐃᒡᓗᖕᓄᑦ ᐃᓗᖏᖅᓲᑎᖃᕐᖕᓂᕐᖕᒪ ᐊᒃᓱᕈᖅᑎᓕᖅᐹᖓ.”#2:17 ᐃᓐᖏᕈᑦ 69:9
18ᑕᕝᕙ ᔫᑎᑦ ᐊᖓᔪᖅᑳᖏᑕ ᐅᖃᐅᑎᕚᑦ, “ᖃᓄᖅ ᓇᓗᓁᒃᑯᑕᕐᖕᒥᒃ ᓴᖅᑭᑎᑦᓯᔪᓐᓇᖅᐲᑦ ᐅᕙᑦᑎᓐᓄᑦ ᑍᒤᓕᐅᕈᓐᓇᕐᖕᓂᕐᖕᓄᑦ?”
19 #
ᒫᑎᐅᓯ 26:61; 27:40; ᒫᑯᓯ 14:58; 15:29. ᔩᓱᓯᐅᑦ ᑭᐅᕔᑦ, “ᐅᓇ ᑐᒃᓯᐊᕐᕕᒡᔪᐊᖅ ᐊᓯᕈᕈᑦᓯᐅᒃ, ᐅᓪᓗᓂᒡᓗ ᐱᖓᓱᓂᒃ ᓇᑉᐸᖅᑎᑦᑐᒫᖅᐸᕋ.”
20ᑕᕝᕙ ᔫᑎᑦ ᐅᖃᖅᐳᑦ, “ᐅᓈ ᑐᒃᓯᐊᕐᕕᒡᔪᐊᖅ ᓴᓇᔭᐅᓯᒪᔪᖅ ᐊᕐᕌᒍᓂᒃ 46ᓂᒃ, ᓇᑉᐸᖅᑎᑦᓱᓐᓇᖅᐱᐅᒃ ᐅᓪᓗᓂᒃ ᐱᖓᓱᓂᒃ?”
21ᔩᓱᓯᓕ ᑐᒃᓯᐊᕐᕕᒡᔪᐊᕐᖕᒥᒃ ᐅᖃᐅᓯᖃᖅᐳᖅ ᑎᒥᒥᓂᒃ. 22ᑍᒤᒻᒪᑦ ᑐᖁᖓᔪᓂᑦ ᒪᑭᓯᒪᓕᕐᖕᒪᑦ, ᐃᓕᓐᓂᐊᖅᑎᖏᑕ ᔩᓱᓯᐅᑉ ᐅᖃᐅᓯᕆᓚᐅᖅᑕᖏᑦ ᐃᖅᑲᓚᐅᖅᐰᑦ; ᐊᒡᓔᑦ ᐅᒃᐱᕆᕔᑦ ᔩᓱᓯᐅᓪᓗ ᐅᖃᐅᓯᕆᓚᐅᖅᑕᖏᑦ.
ᔩᓱᓯᐅᑉ ᖃᐅᔨᒪᓂᖓ ᐃᓅᑉ ᐱᐅᓯᖓᓂᒃ
23ᔩᓱᓯ ᔨᕉᓴᓕᒻᒦᑎᓪᓗᒍ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᖅᑎᓪᓗᒋᑦ, ᐊᒥᓱᑦ ᐅᒃᐱᓕᖅᐳᑦ ᑖᑦᓱᒧᖓ ᓇᓗᓁᒃᑯᑕᕐᖕᓂᒃ ᑕᑯᒐᒥᒃ ᐱᓇᓱᐊᖅᑕᖏᓐᓂᒃ. 24ᔩᓱᓯᓕ ᓇᖕᒥᓂᖅ ᐃᓚᓕᐅᑎᒻᒪᕆᓚᐅᓐᖏᓚᖅ ᐃᓄᖕᓄᑦ, 25ᐃᓄᓕᒫᑦ ᖃᐅᔨᒪᑦᓯᐊᕋᒥᒋᑦ ᐃᓄᖕᓄᑦ ᓇᓪᓕᐊᓐᓄᓪᓘᓐᓃᑦ ᓇᓗᓁᖅᓯᕕᐅᔭᕆᐊᖃᓚᐅᓐᖏᓚᖅ; ᖃᐅᔨᒪᑦᓯᐊᕋᒥ ᐃᓅᑉ ᐃᓗᒥᐅᑕᕆᔭᖏᓐᓂᒃ.
Currently Selected:
ᔪᐊᓇᓯᐅᑉ ᐊᒡᓚᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.