ᐄᓱᕋᐅᑉ ᐊᒡᓚᖏᑦ 1
1
ᓮᕋᓯᐅᑉ ᑎᓕᓯᓂᖓ ᔫᑏᑦ ᐅᑎᖁᓪᓗᒋᑦ
1 #
ᔨᕆᒤᐊ 25:11; 29:10. ᓮᕋᓯ ᓯᕗᓪᓕᖅᐹᒥ ᐊᕐᕌᒍᒥ ᐊᖓᔪᖅᑳᕐᔪᐊᖑᑎᓪᓗᒍ ᐴᕐᓯᐊᒥ, ᐊᑕᓂᐅᑉ ᐅᖃᐅᓯᕆᓚᐅᖅᑕᖓ ᐅᖃᖅᑎᒥᒍᑦ ᔨᕆᒤᐊᒃᑯᑦ ᓇᓚᐅᑦᓯᓚᐅᖅᐳᖅ, ᓮᕋᓯ ᐊᑕᓂᐅᑉ ᐃᓱᒪᑎᓚᐅᖅᐹ ᐱᓇᓱᐊᖁᓪᓗᒍ ᑎᓕᓯᖁᓪᓗᒍᓗ ᑎᑎᕋᖅᓯᒪᔪᑎᒍᑦ ᐅᖃᓕᒫᖅᑕᐅᖁᓪᓗᒋᓪᓗ ᓂᐱᖃᖅᓗᑎᒃ ᓄᓇᓂ ᐊᖓᔪᖅᑲᐅᕕᒋᔭᓕᒫᒥᓂ ᐃᒫᒃ:
2 #
ᐂᓮᐊᓯ 44:28. “ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᖅᑎᓚᐅᖅᐹᖓ ᓯᓚᕐᔪᐊᕐᖕᒥᐅᓕᒫᓄᑦ ᐱᔭᒃᓴᖅᑖᖅᑎᓚᐅᖅᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ. 3ᒎᑎᐅᑉ ᐃᓚᒋᓕᓯ ᐃᓄᖁᑕᐅᔪᓯ ᑖᑦᓱᒧᖓ. ᔨᕉᓴᓕᒧᐊᖅᑐᒃᓴᐅᕗᓯ ᐋᖅᑭᒋᐊᖅᓗᒍᓗ ᐊᑕᓂᐅᑉ ᑐᒃᓯᐊᕐᕕᖓ, ᐃᓴᕆᐊᓕᒥᐅᑦ ᒎᑎᖓ, ᒎᑎᐅᔪᖅ ᑐᒃᓯᐊᕐᕕᐅᕙᒃᑐᖅ ᔨᕉᓴᓕᒥ. 4ᐃᓄᖁᑎᖏᑦ ᐊᐅᓪᓚᐅᑦᔭᐅᓯᒪᔪᑦ ᐃᑲᔪᖅᑕᐅᔭᕆᐊᖃᑐᐊᖅᐸᑕ ᐅᑎᓕᖅᑎᓪᓗᒋᑦ, ᓯᓚᖅᑲᑎᖏᑦᑕ ᐃᑲᔪᖅᑕᒃᓴᕆᕔᑦ. ᐃᑲᔪᖅᑐᒃᓴᐅᕗᑦ ᓯᐅᓪᕕᕆᓂ ᒎᓗᓂᒡᓗ, ᑕᖁᐊᒃᓴᖏᓂᒡᓗ ᐅᓯᓕᖅᑐᖅᓗᒋᓪᓗ ᐆᒪᔪᖁᑎᖏᑦ, ᑐᓂᕐᕈᑎᒃᓴᖏᓐᓂᒡᓗ ᒎᑎᐅᑉ ᑐᒃᓯᐊᕐᕕᖓᓄᑦ ᔨᕉᓴᓕᒥ.”
5ᐊᖓᔪᖅᑳᕆᔭᐅᔪᑦ ᐃᓚᒌᓄᑦ ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᖏᓐᓄᑦ, ᑐᓂᕐᕈᓯᖅᑎᑦᓯᔨᓄᑦ ᓕᕔᑎᓄᓪᓗ, ᑭᓇᑐᐃᓐᓇᓕᒫᓄᓪᓗ ᒎᑎᐅᑉ ᐆᒻᒪᑎᖏᑦ ᐊᐅᓚᑦᔭᒃᓯᒪᔭᖏᓐᓂ ᐊᐅᓪᓚᑐᐃᓐᓇᕆᐊᖃᓕᓚᐅᖅᐳᑦ ᐊᑕᓂᐅᓪᓗ ᑐᒃᓯᐊᕐᕕᖓ ᐋᖅᑭᒋᐊᕆᐊᖅᑐᖅᓗᒍ ᔨᕉᓴᓕᒦᑦᑐᖅ. 6ᓯᓚᖅᑲᑎᓕᒫᖏᓐᓄᑦ ᐃᑲᔪᖅᑕᐅᓚᐅᖅᐳᑦ ᑐᓂᔭᐅᓪᓗᑎᒃ ᐅᓄᖅᑐᓂᒃ: ᓂᕆᑦᔪᑎᓂᒃ ᓯᐅᓪᕕᕆᓂᒃ, ᒎᓗᓂᒃ, ᑕᖁᐊᒃᓴᓂᒡᓗ, ᐆᒪᔪᖁᑎᖏᓪᓗ ᐅᓯᓕᖅᑐᖅᓱᒋᑦ, ᐊᓯᖏᓐᓂᒡᓗ ᐱᔪᒥᓇᖅᑐᓂᒃ, ᑐᓂᕐᕈᑎᒃᓴᓂᒡᓗ ᑐᒃᓯᐊᕐᕕᖕᒧᑦ.
7ᐊᖓᔪᖅᑳᕐᔪᐊᑉ ᓮᕋᓯᐅᑉ ᐅᑎᖅᑎᓚᐅᖅᐰᑦ ᐴᒍᑍᑦ ᐃᒥᐅᑏᓪᓗ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᑎᒍᔭᕕᓂᖏᑦ ᔨᕉᓴᓕᐅᑉ ᑐᒃᓯᐊᕐᕕᖓᓂᑦ ᐃᓕᔭᕕᓂᖏᓪᓗ ᑐᒃᓯᐊᕐᕕᖁᑎᒥᓄᑦ ᒎᑎᓐᖑᐊᖁᑎᒥᓄᓪᓗ. 8ᓮᕋᓯᐅᓪᓗ ᐴᕐᓯᐊᒥᐅᑦ ᐊᖓᔪᖅᑳᕐᔪᐊᖓᑕ ᑐᓂᓚᐅᖅᐰᑦ ᒥᓱᕆᑕᒧᑦ, ᑖᓐᓇ ᐊᖓᔪᖅᑳᖑᓚᐅᖅᑐᖅ ᐊᖓᔪᖅᑳᕐᔪᐊᑉ ᑮᓇᐅᔭᖁᑎᖏᓐᓄᑦ, ᓈᓮᓚᐅᖅᑐᕐᓗ ᑖᒃᑯᓂᖓ ᑕᒤᓐᓂᒃ ᑖᑦᓱᒧᖓ ᓯᓯᐸᔮᕐᒧᑦ ᔫᑕᐅᑉ ᓄᓇᖁᑎᖓᓄᑦ ᑲᒪᔨᐅᔪᒧᑦ, 9ᑖᒃᑯᐊ ᑕᕝᕙ ᐅᓄᕐᖕᓂᖃᓚᐅᖅᐳᑦ ᐃᒫᒃ: ᒎᓗᐃᑦ ᐴᒍᑍᑦ ᑐᓂᕐᕈᓯᖅᑐᖅᓯᐅᑎᑦ 30 ᓯᐅᓪᕕᕇᑦ, ᐴᒍᑍᑦ ᑐᓂᕐᕈᓯᖅᑐᖅᓯᐅᑎᑦ 1,000, ᐴᒍᑍᑦ ᐊᓯᖏᑦ 29 ᒥᑭᔪᐃᑦ ᒎᓗᐃᑦ ᓴᕖᑦ, 1030 ᒥᑭᔪᑦ ᒎᓗᐃᑦ ᐴᒍᑍᑦ, 410 ᐴᒍᑍᑦ ᐊᑦᔨᐸᓗᖏᑦ, ᐊᓯᖏᓪᓗ 1,000 ᓂᕆᑦᔪᑏᑦ ᐊᑦᔨᒌᖏᑦᑐᑦ. 11ᑲᑎᓕᒫᖅᓗᑎᒃ 5,400ᖑᓚᐅᖅᐳᑦ ᒎᓗᐃᑦ ᓯᐅᓪᕕᕇᓪᓗ ᐴᒍᑍᑦ ᐊᓯᖏᓪᓗ ᓯᓯᐸᔮᑉ ᓇᒃᓴᓚᐅᖅᑕᖏᑦ ᐊᐅᓪᓚᓕᕋᒥᒃ ᐊᐅᓪᓚᕈᑦᔭᐅᕕᒋᓯᒪᔭᕕᓂᕐᖕᒥᖕᓂᑦ ᐹᐱᓘᓂᒥᑦ ᔨᕉᓴᓕᒧᑦ.
Currently Selected:
ᐄᓱᕋᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.