ᒫᑎᐅᓯᐅᑉ ᐊᒡᓚᖏᑦ 1
1
ᔩᓱᓯ ᙭ᔅᑑᓯᐅᑉ ᓯᕗᓕᕕᓂᖏᑦ
ᓘᑲᓯ 3:23-38
1ᐅᑯᐊ ᓇᓗᓁᖅᓯᕗᑦ ᔩᓱᓯ ᙭ᔅᑑᓯᐅᑉ ᓯᕗᓕᕕᓂᖏᓐᓂᒃ, ᑖᓐᓇ ᑍᕕᑎᐅᑉ ᑭᖑᕚᕆᓚᐅᑕᖓ, ᐂᑉᕋᕼᐋᒻᓗ ᑭᖑᕚᕆᓪᓗᓂᐅᒃ.
2ᐂᑉᕋᕼᐋᒻ ᐃᕐᖕᓂᖅᑖᕆᕚ ᐂᓴᑭ, ᐂᓴᑭ ᐃᕐᖕᓂᖅᑖᖅᐳᖅ ᔧᑯᒥᒃ, ᔧᑯᑉ ᐃᕐᖕᓂᖅᑖᐳᖅ ᔫᑕᒥᒃ ᖃᑕᓐᖑᑎᖏᓐᓂᓪᓗ. 3ᔫᑕ ᐃᕐᖕᓂᖅᑖᖅᐳᖅ ᐱᕆᓯ ᔩᕋᓗ ᐊᓈᓇᖃᖅᑑᒃ ᑕᒫᕆᒥᒃ, ᐱᕆᓯ ᐃᕐᖕᓂᖅᑖᐳᖅ ᕼᐃᔅᕋᓐ, ᕼᐃᔅᕋᓐ ᐃᕐᖕᓂᖅᑖᕆᕚ ᕌᒻ, 4ᕌᒥᐅᓪᓗ ᐃᕐᖕᓂᖅᑖᕆᕚ ᐊᒥᓇᑕᑉ, ᐊᒥᓇᑕᐅᓪᓗ ᐃᕐᖕᓂᖅᑖᕆᕚ ᓁᓴᓇ, ᓁᓴᓇᐅᓪᓗ ᐃᕐᖕᓂᖅᑖᕆᕚ ᓵᓪᒪᓐ, 5ᓵᓪᒪᓇᐅᓪᓗ ᐃᕐᖕᓂᖅᑖᕆᕚ ᐳᐊᓯ ᕅᕼᐋᐱᒥᑦ, ᐳᐊᓯᐅᓪᓗ ᐃᕐᖕᓂᖅᑖᕆᕚ ᐅᐱᑎ ᕉᑎᒥᑦ, ᐅᐱᑎᐅᓪᓗ ᐃᕐᖕᓂᖅᑖᕆᕚ ᔨᓯ, 6#ᐊᑕᓃᑦ ᐂᑉᐸᖏᑦ 24:14,15; ᑯᕉᓂᑲ ᐂᑉᐸᖏᑦ 36:10; ᔨᕆᒤᐊ 27:20.ᔨᓯᐅᓪᓗ ᐃᕐᖕᓂᖅᑖᕆᕚ ᐊᖓᔪᖅᑳᕐᔪᐊᖅ ᑍᕕᑎ.
ᑍᕕᑎᒥᑦ ᐱᒋᐊᕐᓗᒋᑦ ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖏᓐᓄᑦ ᑎᑭᓪᓗᒋᑦ, ᑖᒃᑯᐊ ᑭᖑᕚᕆᑦ ᑎᑎᕋᖅᓯᒪᒋᕗᑦ; ᑍᕕᑎᐅᑉ ᐃᕐᖕᓂᖅᑖᕆᕚ ᓲᓗᒨᓂ ᔪᕅᐊᑉ ᓄᓕᐊᕆᓚᐅᖅᑕᖓᓂᑦ. 7ᓲᓗᒨᓂᐅᑉ ᐃᕐᖕᓂᖅᑖᕆᕚ ᕆᕼᐅᐳᐊᒻ, ᕆᕼᐅᐳᐊᒻ ᐃᕐᖕᓂᖅᑖᕆᕚ ᐊᐰᔭ, ᐊᐰᔭᐅᑉ ᐃᕐᖕᓂᖅᑖᕆᕚ ᐂᓴ, 8ᐂᓴᐅᑉ ᐃᕐᖕᓂᖅᑖᕆᕚ ᔨᕼᐆᓴᐸᑦ, ᔨᕼᐆᓴᐸᑦ ᐃᕐᖕᓂᖅᑖᕆᕚ ᔪᕌᒻ, ᔪᕌᒥᐅᑉ ᐃᕐᖕᓂᖅᑖᕆᕚ ᐅᓮᐊ, 9ᐅᓮᐊᐅᑉ ᐃᕐᖕᓂᖅᑖᕆᕚ ᔫᑕᒻ, ᔫᑕᒥᐅᑉ ᐃᕐᖕᓂᖅᑖᕆᕚ ᐂᕼᐊᔅ, ᐂᕼᐊᓯᐅᑉ ᐃᕐᖕᓂᖅᑖᕆᕚ ᕼᐃᓯᑬᐊ, 10ᕼᐃᓯᑬᐊᐅᑉ ᐃᕐᖕᓂᖅᑖᕆᕚ ᒪᓇᓯ, ᒪᓇᓯᐅᑉ ᐃᕐᖕᓂᖅᑖᕆᕚ ᐂᒨᓯ, ᐂᒨᓯᐅᑉ ᐃᕐᖕᓂᖅᑖᕆᕙ ᔪᓮᐊ, 11ᔪᓮᐊᐅᑉ ᐃᕐᖕᓂᖅᑖᕆᕚ ᔨᑯᓁᐊ ᖃᑕᓐᖑᑎᖏᓪᓗ, ᑕᕝᕙᓂ ᐹᐱᓘᓂᒧᑦ ᐊᐅᓪᓚᕈᑦᔭᐅᓕᓚᐅᖅᐳᑦ.
12ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖓᓂᑦ ᑭᖑᕚᕇᑦ ᑎᑎᕋᖅᓯᒪᒋᕗᑦ; ᔨᑯᓁᐊᐅᑉ ᐃᕐᖕᓂᖅᑖᕆᕚ ᓯᐊᓪᑎᐅᓪ, ᓯᐊᓪᑎᐅᓕᐅᑉ ᐃᕐᖕᓂᖅᑖᕆᕚ ᔨᕈᐸᐱᐅᓪ, 13ᔨᕈᐸᐱᐅᓕᐅᑉ ᐃᕐᖕᓂᖅᑖᕆᕚ ᐊᐱᐅᑦ, ᐊᐱᐅᑎᐅᑉ ᐃᕐᖕᓂᖅᑖᕆᕚ ᐃᓕᐊᑭᒻ, ᐃᓕᐊᑭᒥᐅᑉ ᐃᕐᖕᓂᖅᑖᕆᕚ ᐊᓱᕆ, 14ᐊᓱᕆᐅᑉ ᐃᕐᖕᓂᖅᑖᕆᕚ ᓴᑑᒃ, ᓴᑑᑭᐅᑉ ᐃᕐᖕᓂᖅᑖᕆᕚ ᐊᑭᒻ, ᐊᑭᒥᐅᑉ ᐃᕐᖕᓂᖅᑖᕆᕚ ᐃᓕᐅᑦ, 15ᐃᓕᐅᑎᐅᑉ ᐃᕐᖕᓂᖅᑖᕆᕚ ᐃᓕᐊᓴ, ᐃᓕᐊᓴᐅᑉ ᐃᕐᖕᓂᖅᑖᕆᕚ ᒫᑕᓇ, ᒫᑕᓇᐅᑉ ᐃᕐᖕᓂᖅᑖᕆᕚ ᔧᑯ, 16ᔧᑰᑉ ᐃᕐᖕᓂᖅᑖᕆᕚ ᔫᓯᐱ ᒥᐊᕆᐅᑉ ᐅᐃᖓ, ᑖᑦᓱᒪ ᐃᕐᖕᓂᖅᑖᕆᕚ ᔩᓱᓯ, ᑖᓐᓇ ᙭ᔅᑑᓯᒥᒃ ᑍᔭᐅᔪᖅ.
17ᑕᕝᕙ ᐂᑉᕋᕼᐋᒻᒥᑦ ᑍᕕᑎ ᑎᑭᓪᓗᒍ ᐃᕐᖕᓂᕇᑦ 14ᖑᕗᑦ, ᑍᕕᑎᒥᓪᓗ ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖓᓐᓄᑦ ᑎᑭᓪᓗᒍ ᐃᕐᖕᓂᕇᑦ 14ᖑᒋᕗᑦ, ᐹᐱᓘᓂᒧᓪᓗ ᐊᐅᓪᓚᕈᑦᔭᐅᓂᖓᓂᑦ ᙭ᔅᑑᓯᐅᑉ ᐃᕐᖕᓂᐊᖑᓂᖓ ᑎᑭᓪᓗᒍ ᐃᕐᖕᓂᕇᑦ 14ᖑᒋᕗᑦ.
ᔩᓱᓯ ᙭ᔅᑑᓯᐅᑉ ᐃᕐᖕᓂᐊᖑᓂᖓ
ᓘᑲᓯ 2:1-7
18 #
ᓘᑲᓯ 1:27. ᔩᓱᓯ ᙭ᔅᑑᓯᐅᑉ ᐃᕐᖕᓂᐊᖑᓂᖓ ᐃᒫᒃ ᐱᓚᐅᖅᐳᖅ. ᐊᓈᓇᖓ ᒥᐊᕆ ᐅᐃᒃᓴᖃᓚᐅᕐᒪᑦ ᔫᓯᐱᒥᒃ, ᑲᑎᓚᐅᕋᑎᒡᓕ ᒥᐊᕆ ᖃᐅᔨᔭᐅᕗᖅ ᓄᑕᕋᒃᓴᖃᓕᖅᑐᖅ ᐊᓂᕐᖕᓂᕐᖕᒥᑦ ᐃᑦᔪᕐᖕᓁᑦᑐᒥᑦ ᐱᔪᒥᒃ; 19ᐅᐃᒃᓴᖓ ᔫᓯᐱ, ᐱᖁᔭᓂᒃ ᒪᓕᑦᓯᐊᕋᒥ ᑲᓐᖑᓱᒃᑎᑦᓯᔪᒪᓚᐅᓐᖏᓚᖅ ᒥᐊᕆᒥᒃ, ᐃᓱᒪᖃᓕᖅᐳᖅ ᖃᐅᔨᑎᑦᓯᖏᓪᓗᓂ ᐊᕕᑦᓱᒪᓪᓗᓂᐅᒃ. 20ᑕᒪᑐᒥᖓ ᐃᓱᒪᖃᓕᖅᑎᓪᓗᒍ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᔫᓯᐲ, ᑍᕕᑎᐅᑉ ᐃᕐᖕᓂᖓ, ᓯᕘᕋᓂᐊᕐᖕᓇᒃ ᒥᐊᕆᒥᒃ ᓄᓕᐊᖅᑖᕆᐊᒃᓴᖅ, ᓄᑕᕋᒃᓴᖓ ᐊᓂᕐᖕᓂᕐᖕᒥᑦ ᐃᑦᔪᕐᖕᓁᑦᑐᒥᑦ ᐱᖕᒪᑦ. 21#ᓘᑲᓯ 1:31.ᐃᕐᖕᓂᕐᖕᒥᒃ ᐃᕐᖕᓂᔪᒫᖅᐳᖅ, ᑖᓐᓇ ᔩᓱᓯᒥᒃ ᐊᑎᖅᑖᖅᑎᓛᖅᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᖕᒪᒋᑦ ᐊᔪᕐᖕᓂᖏᓐᓂᑦ.”
22ᑕᒪᓐᓇ ᑍᒤᓚᐅᖅᐳᖅ ᐊᑕᓂᐅᑉ ᐅᖃᐅᓯᖏᑦ ᓇᓚᐅᑍᔪᑯᑦ ᓇᓚᐅᑦᓯᓕᖁᓪᓗᒋᑦ, ᐃᒤᓕᔪᑦ: 23#ᐂᓮᐊᓯ 7:14.“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᖅᑕᐅᓚᐅᖅᓯᒪᖏᑦᑐᖅ ᓄᑕᕋᒃᓴᖅᑖᕈᒫᖅᐳᖅ, ᐃᕐᖕᓂᕐᖕᒥᒃ ᐃᕐᖕᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᖅᑎᑦᓱᒫᖅᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᖅᐹᑎᒍᑦ”.
24ᔫᓯᐱ ᓯᓂᖕᒥᓂᑦ ᑐᐸᑲᒥ, ᐊᑕᓂᐅᑉ ᐂᖏᓕᖓᑕ ᐅᖃᐅᓯᖏᑦ ᒪᓕᒡᓗᒋᑦ ᐱᓇᓱᐊᓚᐅᖅᐳᖅ; ᓄᓕᐊᒃᓴᓂ ᒥᐊᕆ ᓄᓕᐊᖅᑖᕆᕚ. 25#ᓘᑲᓯ 2:21.ᑲᑎᒪᑐᐃᓐᓇᓚᐅᖅᐹᓕ, ᐊᒃᑐᓚᐅᕐᖕᓇᒍ, ᐃᕐᖕᓂᕐᖕᒥᒃ ᐃᕐᖕᓂᓚᐅᖅᑳᖅᑎᓐᓇᒍ; ᐃᓅᖕᒪᓪᓗ ᐊᑎᖅᑖᖅᑎᑉᐹ ᔩᓱᓯᒥᒃ.
Currently Selected:
ᒫᑎᐅᓯᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.