ᐲᑦᑐᕉᓯ ᓯᕗᓪᓖᑦ 1
1
ᓇᓗᓁᖅᓯᑦᔪᑏᑦ
1ᐲᑦᑐᕉᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖁᑎᖓᓂᑦ,
ᐃᓄᖕᓄᑦ ᒎᑎᒧᑦ ᓂᕈᐊᖅᑕᐅᓯᒪᔪᓄᑦ ᕿᒫᓯᒪᓪᓗᑎᒃ ᓯᐊᒻᒪᖅᓯᒪᔪᓄᑦ ᓄᓇᓄᑦ ᐹᓐᑕᓯᒥ, ᒐᓔᑎᐊᒥ, ᑲᐸᑑᓯᐊᒥ, ᐂᓯᐊᒥ, ᐱᑎᓂᐊᒦᑦᑐᓄᓪᓗ. 2ᓂᕈᐊᖅᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᖅᑕᐅᖁᔭᖓᓄᑦ ᐃᑦᔪᕐᖕᓁᑎᑕᐅᖁᓪᓗᓯ ᐊᓂᕐᖕᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᖅᑎᑕᐅᓗᓯ:
ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓ ᓮᒻᒪᖅᑎᑕᐅᓇᖅᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.
ᓂᕆᐅᒋᔭᒃᓴᖃᑦᓯᐊᕐᖕᓂᖅ
3ᒎᑎ ᓂᖅᑐᕐᓚᕗᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᓂᑲᒍᓱᖕᓂᖓᑕ ᐊᖏᔪᐊᓘᓂᖓᓄᑦ ᐃᓅᓯᖅᑖᖅᑎᒻᒪᑎᒍᑦ ᓄᑖᒥᒃ ᑕᒪᑐᒨᓇ ᓂᕆᐅᒋᔭᒃᓴᖃᑦᓯᐊᓕᖅᑎᑉᐹᑎᒍᑦ ᑐᖁᖓᔪᓂᑦ ᒪᑭᑎᑦᓯᓂᕐᖕᒥᒍᑦ ᔩᓱᓯ ᙭ᔅᑑᓯᒥᒃ, 4ᑭᖑᕐᖑᑦᔨᖁᓪᓗᑕ ᐊᓯᕈᔪᐃᑦᑐᒥᒃ, ᐃᑦᔪᕐᖕᓁᑦᑐᒥᒃ, ᑐᖁᓕᔪᐃᑦᑐᒥᒡᓗ, ᕿᓚᖕᒥ ᐅᑕᖅᑭᑎᑕᐅᔪᓂᒃ ᐃᓕᑦᓯᓐᓄᑦ, 5ᒎᑎᐅᑉ ᐱᔪᓐᓇᕐᖕᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᖕᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.
6ᑕᒪᓐᓇ ᖁᕕᐊᓲᑎᒋᕙᓯ, ᒫᓐᓇᐅᓂᖓᓂ ᓯᕕᑭᑦᑐᒥᒃ ᐱᔭᕆᐊᖃᕈᑦᓯ, ᖁᕕᐊᓇᖏᑦᑐᒃᑰᖃᑦᑕᕋᓗᐊᖅᑐᓯ ᐊᒃᓱᕈᕐᖕᓇᖅᑐᑦ ᐅᓄᕐᖕᒪᑕ ᐊᑦᔨᒌᖏᑦᑐᑦ. 7ᑕᒪᒃᑯᐊ ᐱᑦᔪᑎᖃᖅᐳᑦ ᐅᒃᐱᕐᖕᓂᐅᑉ ᓇᓚᒍᑦᓯᐊᕐᖕᓂᖓᓂᒃ, ᐱᕕᐊᕐᖕᓇᕐᖕᓂᖅᓴᐅᓪᓗᓂ ᒎᓗᒥᑦ ᓄᖑᔪᒫᖅᑐᒥᑦ ᐃᑯᒪᒧᑦ ᖃᐅᔨᓴᖅᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᖕᓇᖅᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ. 8ᑖᓐᓇ ᑕᑯᓚᐅᖅᓯᒪᖏᒃᑲᓗᐊᕐᓗᒍ, ᓇᒡᓕᒋᕙᓯ. ᑕᑯᕙᖏᓐᑲᓗᐊᕋᑦᓯᐅᒃ, ᐅᒃᐱᕆᕙᓯ ᐃᓗᒻᒥᖅᑕᐅᓪᓗᓯᓗ ᖁᕕᐊᓱᖕᓂᕐᖕᒧᑦ ᐊᖏᔪᕐᔪᐊᒧᑦ ᓈᒻᒪᒃᑐᒥᒃ ᐅᖃᐅᓯᖅᑕᖃᕈᓐᓇᖏᑦᑐᒧᑦ, 9ᐅᒃᐱᕐᖕᓂᑦᓯ ᑐᕌᖅᑕᖓ ᑎᑭᓐᓇᑦᓯᐅᒃ, ᑕᕝᕙ ᑕᕐᖕᓂᑦᓯ ᐱᐅᓕᔭᐅᓂᖓ.
10ᐱᐅᓕᔭᐅᓂᖅ ᑕᒪᓐᓇ ᐱᑦᔪᑎᒋᓪᓗᒍ, ᓇᓚᐅᑦᑍᔪᑦ ᕿᓂᓚᐅᖅᐹᑦ ᐊᒃᓱᕈᕐᓗᑎᒃ ᖃᐅᔨᓇᓱᐊᑦᓯᐊᕐᓗᒍᓗ; ᑕᕝᕙ ᐅᖃᐅᓯᕆᓕᓚᐅᖅᐹᑦ ᒎᑎᐅᑉ ᑐᓂᓯᔪᒫᕐᖕᓂᖓ ᑕᒪᑐᒥᖓ ᐃᓕᑦᓯᓐᓄᑦ, 11ᖃᐅᔨᓇᓱᐊᓚᐅᖅᐳᑦ ᖃᖓᐅᓂᐊᕐᖕᒪᖔᑦ ᖃᓄᕐᓗ ᓴᖅᑭᓐᓂᐊᕐᖕᒪᖔᑦ ᙭ᔅᑑᓯᐅᑉ ᐊᓂᕐᖕᓂᖓ ᑖᒃᑯᓇᓃᑦᑐᖅ ᑕᒪᑐᒥᖓ ᓇᓗᓁᖅᓯᓚᐅᖅᐳᖅ; ᙭ᔅᑑᓯᐅᑉ ᐋᓐᓂᐊᑎᑕᐅᓂᕐᖕᒥᒃ ᐊᑐᕈᒫᕐᖕᓂᖓᓂᒃ ᖁᕕᐊᓇᖅᑐᕐᔪᐊᒥᒡᓗ ᑭᖑᓂᖃᕈᒫᕐᖕᓂᖓᓂᒃ. 12ᓴᖅᑭᑎᑦᓯᕕᐅᓚᐅᖅᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᖅᐳᑦ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᐅᖃᓪᓚᒃᑎᓄᑦ, ᐊᓂᕐᖕᓂᖅ ᐃᑦᔪᕐᖕᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.
ᐃᑦᔪᕐᖕᓁᑦᑐᒥᒃ ᐃᓅᓯᖃᖁᔭᐅᓂᖅ
13ᑍᒤᒻᒪᑦ ᐃᓱᒪᑦᓯᒍᑦ ᐅᐸᓗᖕᒊᖅᓯᒪᓕᕆᑦᓯ; ᓇᖕᒥᓂᑦᓯᓐᓂᒃ ᑲᒪᑦᓯᐊᕐᓗᓯ ᐃᓅᓯᑦᓯᓐᓂᒃ; ᓂᕆᐅᖕᓂᓯ ᓱᖁᓯᖅᑍᓕᓗᒍ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓ ᐃᓕᑦᓯᓐᓄᑦ ᑎᑭᓐᓂᐊᕐᖕᒪᑦ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ. 14ᕿᑐᕐᖓᑎᑐᑦ ᓈᓚᑦᓯᐊᖃᑦᑕᕆᑦᓯ, ᐃᓅᓯᓯᓗ ᐱᐅᖏᑦᑐᓄᑦ ᐊᐅᓚᑕᐅᓕᖅᑎᑦᑍᓕᓗᒍ ᓲᕐᓗ ᑍᑦᓱᒪᓂᑐᑦ ᖃᐅᔨᒪᖏᑦᑑᓚᐅᕈᓯᑦᓯᑐᑦ, 15ᑖᓐᓇ ᐃᓕᑦᓯᓐᓂᒃ ᕾᖁᔨᓯᒪᔪᖅ ᐃᑦᔪᕐᖕᓁᑦᑑᖕᒪᑦ, ᑍᒤᒻᒪᑦ ᐃᑦᔪᕐᖕᓁᑦᑑᔭᕆᐊᖃᕆᕗᓯ ᖃᓄᐃᓕᐅᕐᓂᕆᔭᓯᓂᒃ ᑕᒤᓐᓂᒃ. 16#ᒨᓯᓯ ᐱᖓᔪᖏᑦ 11:44,45; 19:2.ᐊᒡᓚᒃᓯᒪᖕᒪᑦ, “ᐃᑦᔪᕐᖕᓁᑦᑕᕆᐊᖃᖅᐳᓯ, ᐃᑦᔪᕐᖕᓁᑦᑑᒐᒪ.”
17ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᖅᑐᐃᓲᖅ ᐊᑐᓂᑦ ᐱᓂᐊᕐᖕᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ. 18ᖃᐅᔨᒪᑦᓯᐊᕋᑦᓯ ᐊᓯᕈᖅᑐᒃᓴᒧᑦ ᓯᐅᓪᕕᕆᒧᓪᓘᓐᓃᑦ ᒎᓗᒧᓪᓘᓐᓃᑦ ᐊᑭᓕᖅᑕᐅᓯᒪᖏᓐᓇᑦᓯ ᒪᑐᒪᓐᖓᑦ ᐃᓅᓯᕐᖕᒥᑦ ᓱᒃᓴᐅᖏᑦᑐᒥᑦ ᓯᕗᓕᑦᓯᓐᓂᑦ ᐃᓅᓯᖅᑖᕆᓯᒪᔭᑦᓯᓐᓂᑦ ᕿᓚᕈᑦᔮᖅᑕᐅᓚᐅᕐᕋᓯ, 19᙭ᔅᑑᓯᐅᑉ ᐊᐅᖓᑕ ᐊᑭᑐᔪᕐᔪᐊᑉ ᑐᓂᕐᕈᑕᐅᓂᖓᒍᑦ, ᓰᐱᐅᑉ ᓄᕐᕋᖓᑐᑦ ᐱᐅᖏᓐᓂᖃᖏᑦᑐᑐᑦ ᓇᕐᕈᓇᕐᓂᖃᖏᑐᑐᓪᓗ. 20ᑖᓐᓇ ᓂᕈᐊᖅᑕᐅᓯᒪᓚᐅᐳᖅ ᓱᓕ ᓯᓚᕐᔪᐊᖅ ᐱᓐᖑᖅᑎᑕᐅᓚᐅᖅᑳᖅᑎᓐᓇᒍ, ᐅᓪᓗᐃᓪᓕ ᑭᖑᓪᓕᖏᓐᓂ ᓴᖅᑭᑎᑕᐅᓚᐅᖅᐳᖅ ᐱᑦᔪᑎᒋᓪᓗᓯ. 21ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᖅᑐᖅ ᑖᑦᓱᒥᖓ ᓂᖅᑐᕐᖕᓇᖅᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᖕᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.
22ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᖅᓯᒪᕙᓯ ᓇᒡᓕᖕᓂᖅᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ. 23ᓄᑖᒥᒃ ᐃᕐᖕᓂᐊᖑᓯᒪᒐᑦᓯ, ᐊᓯᕈᕐᖕᓂᐊᖅᑐᒥᐅᖏᑦᑐᖅ ᕿᑐᕐᖓᖅᑖᖑᓪᓗᓯ, ᐊᓯᕈᕐᖕᓂᐊᖏᑦᑐᒥᒡᓕ, ᒎᑎᐅᑉ ᐅᖃᐅᓯᖓᒍᑦ ᐆᒪᔪᒃᑯᑦ ᐃᓱᖃᖏᑦᑐᒃᑯᓪᓗ. 24#ᐂᓮᐊᓯ 40:6-8.ᐊᒡᓔᑦ ᐅᖃᕐᖕᒪᑕ,
“ᐃᓄᓕᒫᑦ ᐃᕕᒃᓱᒐᖅᑎᑐᑦ ᑍᒤᑉᐳᑦ,
ᑕᑯᒥᓇᕐᖕᓂᖏᓪᓗ ᓄᓇᕋᖅᑎᑐᑦ ᑍᒤᑦᑑᓪᓗᑎᒃ;
ᐃᕕᒃᓱᒃᑲᑦ ᐸᓂᓕᖅᐳᑦ ᐱᕈᖅᑐᓪᓗ ᑐᖁᓕᓪᓗᑎᒃ.
25ᐊᑕᓂᐅᓪᓕ ᐅᖃᐅᓯᖓ ᓱᖁᓯᕐᖕᓂᐊᓐᖏᓚᖅ ᐃᓱᖃᖏᑦᑐᒧᑦ.”
ᐅᖃᐅᓯᕐᓗ ᑕᒪᑦᔭ ᐊᔪᕆᖅᑐᐃᑦᔪᑕᐅᓚᐅᖅᑐᖅ ᐃᓕᑦᓯᓐᓄᑦ.
Currently Selected:
ᐲᑦᑐᕉᓯ ᓯᕗᓪᓖᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.