ປະຖົມມະການ 2
2
1ດັ່ງນັ້ນ ຟ້າສະຫວັນ ແລະ ໂລກພ້ອມກັບທຸກສິ່ງຈຶ່ງຖືກສ້າງຂຶ້ນສຳເລັດຄົບຖ້ວນ.
2ເມື່ອເຖິງວັນທີເຈັດ ພຣະເຈົ້າກໍໄດ້ສຳເລັດຈາກທີ່ເຮັດ, ດັ່ງນັ້ນ ໃນວັນທີເຈັດພຣະອົງຈຶ່ງຢຸດພັກງານສ້າງທັງໝົດຂອງພຣະອົງ. 3ແລ້ວພຣະເຈົ້າໄດ້ອວຍພອນວັນທີເຈັດ ແລະ ໄດ້ຕັ້ງວັນນັ້ນໄວ້ເປັນວັນສັກສິດ, ເພາະໃນວັນນັ້ນພຣະອົງໄດ້ຢຸດພັກຈາກງານສ້າງທັງໝົດທີ່ພຣະອົງໄດ້ກະທຳ.
ອາດາມ ແລະ ເອວາ
4ນີ້ຄືເລື່ອງລາວຂອງການສ້າງຟ້າສະຫວັນ ແລະ ໂລກ, ເມື່ອພຣະເຈົ້າຢາເວ ພຣະເຈົ້າໄດ້ສ້າງໂລກ ແລະ ຟ້າສະຫວັນ.
5ໃນເວລານັ້ນຍັງບໍ່ທັນມີພຸ່ມໄມ້ປາກົດຂຶ້ນເທິງໂລກ#2:5 ຫລື ແຜ່ນດິນ ເຊັ່ນດຽວກັບຂໍ້ 6 ແລະ ບໍ່ມີພືດເກີດຂຶ້ນມາເທື່ອ, ເພາະພຣະເຈົ້າຢາເວຍັງບໍ່ທັນໄດ້ໃຫ້ຝົນຕົກລົງມາໃສ່ໂລກ ແລະ ຍັງບໍ່ມີມະນຸດຄົນໃດທີ່ຈະຄາດໄຖດິນ, 6ແຕ່ມີນ້ຳ#2:6 ຫລື ນ້ຳໝອກພຸ່ງຂຶ້ນຈາກພື້ນໂລກ ແລະ ຫົດໜ້າດິນທັງໝົດ. 7ແລ້ວພຣະເຈົ້າຢາເວໄດ້ປັ້ນມະນຸດ#2:7 ໃນພາສາເຮັບເຣີຄຳທີ່ມີຄວາມໝາຍວ່າ ມະນຸດ ຫລື ຊາຍ (ອາດາມ) ມີສຽງຄ້າຍຄື ແລະ ອາດກ່ຽວຂ້ອງກັບຄຳທີ່ມີຄວາມຫມາຍວ່າ ພື້ນດິນ (ອະດາມາ) ຄຳນີ້ເປັນຊື່ຂອງອາດາມດ້ວຍ (ເບິ່ງ 2:20)ຈາກຂີ້ຝຸ່ນດິນ ແລະ ເປົ່າລົມຫາຍໃຈແຫ່ງຊີວິດເຂົ້າໄປທາງຮູດັງຂອງລາວ ແລ້ວມະນຸດຄົນນີ້ຈຶ່ງມີຊີວິດ.
8ແລ້ວພຣະເຈົ້າຢາເວໄດ້ສ້າງສວນແຫ່ງໜຶ່ງໄວ້ໃນເອເດນທາງທິດຕາເວັນອອກ ແລະ ພຣະອົງໃຫ້ຊາຍຜູ້ທີ່ພຣະອົງສ້າງຂຶ້ນມາອາໄສຢູ່ໃນທີ່ນັ້ນ. 9ພຣະເຈົ້າຢາເວໄດ້ເຮັດໃຫ້ຕົ້ນໄມ້ທຸກຊະນິດປົ່ງຂຶ້ນຈາກດິນ ມີທັງຕົ້ນໄມ້ທີ່ງາມຕາ ແລະ ເໝາະສຳລັບເປັນອາຫານ. ຢູ່ທີ່ກາງສວນມີຕົ້ນໄມ້ແຫ່ງຊີວິດ ແລະ ຕົ້ນໄມ້ແຫ່ງການຮູ້ຈັກດີ ແລະ ຮູ້ຈັກຊົ່ວ.
10ມີແມ່ນ້ຳສາຍໜຶ່ງຈາກເອເດນໄຫລມາຫົດສວນນັ້ນ, ແລ້ວແມ່ນໍ້າໄດ້ຖືກແຍກອອກເປັນຕົ້ນນ້ຳສີ່ສາຍ. 11ສາຍທີໜຶ່ງຊື່ວ່າປີໂຊນ, ໄຫລຜ່ານທົ່ວດິນແດນຮາວີລາ, ເຊິ່ງເປັນບ່ອນທີ່ມີຄຳ. 12(ດິນແດນນີ້ມີຄຳຄຸນນະພາບດີ; ຢາງໄມ້ຫອມ#2:12 ຫລື ໄຂ່ມຸກ ແລະ ຫີນໂກເມນກໍມີຢູ່ທີ່ນັ້ນດ້ວຍ.) 13ຊື່ຂອງແມ່ນໍ້າສາຍທີສອງແມ່ນກິໂຮນ; ໄຫລຜ່ານທົ່ວດິນແດນກູເຊ.#2:13 ອາດຢູ່ທາງທິດຕາເວັນອອກສຽງໃຕ້ຂອງເມໂຊໂປຕາເມຍ 14ຊື່ຂອງແມ່ນໍ້າສາຍທີສາມແມ່ນຕິກຣິດ; ເຊິ່ງໄຫລໄປທາງທິດຕາເວັນອອກຂອງອັດຊີເຣຍ. ແລະ ແມ່ນໍ້າສາຍທີສີ່ແມ່ນເອີຟຣັດ.
15ພຣະເຈົ້າຢາເວໄດ້ເອົາຊາຍຜູ້ນັ້ນໄປຢູ່ໃນສວນເອເດນເພື່ອໃຫ້ລາວເຮັດວຽກ ແລະ ເບິ່ງແຍງຮັກສາສວນນີ້. 16ແລ້ວພຣະເຈົ້າຢາເວໄດ້ສັ່ງຊາຍນັ້ນວ່າ, “ເຈົ້າຈະກິນໝາກໄມ້ຈາກຕົ້ນໃດໃນສວນນີ້ກໍໄດ້; 17ແຕ່ເຈົ້າຫ້າມກິນໝາກໄມ້ຈາກຕົ້ນໄມ້ແຫ່ງການຮູ້ຈັກດີ ແລະ ຮູ້ຈັກຊົ່ວ, ເພາະເມື່ອໃດທີ່ເຈົ້າກິນໝາກໄມ້ຈາກຕົ້ນນີ້ ເຈົ້າຈະຕາຍແນ່ນອນ”.
18ພຣະເຈົ້າຢາເວໄດ້ເວົ້າວ່າ, “ບໍ່ເປັນການດີສຳລັບຜູ້ຊາຍທີ່ຈະຢູ່ຄົນດຽວ. ເຮົາຈະສ້າງຜູ້ຊ່ວຍຜູ້ໜຶ່ງທີ່ເໝາະສົມກັບລາວ”.
19ບັດນີ້ ພຣະເຈົ້າຢາເວໄດ້ເອົາດິນມາປັ້ນສັດປ່າ ແລະ ນົກທຸກຊະນິດທີ່ບິນຢູ່ເທິງທ້ອງຟ້າ. ພຣະອົງໄດ້ນຳສັດທັງຫລາຍມາຫາຊາຍຄົນນັ້ນເພື່ອເບິ່ງວ່າລາວຈະຕັ້ງຊື່ໃຫ້ສັດເຫລົ່ານັ້ນວ່າຢ່າງໃດ; ຊາຍຄົນນັ້ນເອີ້ນສິ່ງມີຊີວິດແຕ່ລະຢ່າງວ່າແນວໃດ, ສັດເຫລົ່ານັ້ນກໍມີຊື່ຕາມນັ້ນ. 20ດັ່ງນັ້ນ ຊາຍຄົນນັ້ນຈຶ່ງຕັ້ງຊື່ໃຫ້ສັດລ້ຽງທັງໝົດ, ນົກໃນທ້ອງຟ້າ ແລະ ສັດປ່າທັງໝົດ.
ແຕ່ອາດາມ#2:20 ຫລື ຊາຍຜູ້ນັ້ນຍັງບໍ່ພົບຜູ້ຊ່ວຍທີ່ເໝາະສົມສຳລັບລາວ. 21ດັ່ງນັ້ນ ພຣະເຈົ້າຢາເວຈຶ່ງໄດ້ເຮັດໃຫ້ຊາຍນັ້ນນອນຫລັບສະໜິດ; ແລ້ວໃນຂະນະທີ່ລາວນອນຫລັບຢູ່ນັ້ນ, ພຣະອົງໄດ້ເອົາກະດູກຂ້າງ#2:21 ຫລື ໄດ້ເອົາສ່ວນໜຶ່ງຈາກກະດູກຂ້າງຂອງຊາຍຜູ້ນັ້ນມາຊີກໜຶ່ງຂອງຊາຍນັ້ນອອກມາ ແລະ ປິດບ່ອນນັ້ນດ້ວຍເນື້ອໜັງ. 22ແລ້ວພຣະເຈົ້າຢາເວໄດ້ສ້າງແມ່ຍິງຈາກກະດູກຂ້າງ#2:22 ຫລື ສ່ວນນັ້ນທີ່ພຣະອົງໄດ້ນຳອອກມາຈາກຊາຍນັ້ນ ແລະ ພານາງມາຫາຊາຍນັ້ນ.
23ຊາຍຄົນນັ້ນໄດ້ກ່າວວ່າ,
“ນີ້ແມ່ນກະດູກຊີກໜຶ່ງຈາກບັນດາກະດູກຂອງເຮົາ
ແລະ ເນື້ອໜັງຈາກເນື້ອໜັງຂອງເຮົາ;
ນາງຈະຖືກເອີ້ນວ່າ ‘ແມ່ຍິງ,’
ເພາະນາງຖືກນຳອອກມາຈາກຜູ້ຊາຍ”.
24ດ້ວຍເຫດນີ້ ຜູ້ຊາຍຈຶ່ງອອກຈາກພໍ່ແມ່ຂອງຕົນໄປຜູກພັນຢູ່ກັບເມຍຂອງຕົນ ແລະ ພວກເຂົາກໍຈະເປັນກາຍດຽວກັນ.
25ອາດາມ ແລະ ເມຍຂອງລາວທັງສອງຄົນໄດ້ເປືອຍກາຍຢູ່ ແລະ ພວກເຂົາກໍບໍ່ຮູ້ສຶກອາຍເລີຍ.
Currently Selected:
ປະຖົມມະການ 2: LCV
Highlight
Share
Copy
Want to have your highlights saved across all your devices? Sign up or sign in
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.
