Umak 15
15
Ujeso a naa he kushu Upalet
(Mat 27:1-2, 11-14; Luk 23:1-5; Jọn 18:28-38)
1Ashi a taa le-iti-le-iti, bekandi bishang Unim le bekandi kubọng le bitisha Iten le bikem ukoto abi bi teng, be gbọng he be tim ashi nyin be shi. Be tim puu, be kung indii bwọ Ujeso he abwo gbe le he le ke Upalet.
2Upalet a bii he le, “Wo yi usu Ijuus a?”
Ujeso a fan he le, “wogyang na wo kọng na.”
3Bekandi bishang Unim, be de le Ujeso a shi bibibi gbam. 4Upalet a mbee bii he le, “Gyo biwọm abi be kọng fa-a. Wo yi le ashi wo fan ye a?”
5Ujeso a mbee fan ye. Ki kwu Upalet he kuhwo mbee bitetaa puu.
6He kunyọng ahwu be shi kipam agbele-gyọng, Upalet u maa tyang undi igaadye ken abwo angwu be waa le u tyang he. 7He kunyọng kumen ana bendi abe be ban Iten kubọng, be gwu bendi, be tan le kakwa-ushu, be ma yi he igaadye. Ungikye ken angwu be ko le Ubarabas a ma yi he liwu libel ha he igaadye. 8Bendi gbam be be hwaa le Upalet de-e le u fem undi ken tyang abwo nya ana u sha shi.
9Upalet a bii abe le be kee le u fem usu Ijuus a tyang abwo a? 10A ma bii a be na likọye a ngye dang le bekandi bishang Unim be tel Ujeso itel. Kife na ki tan le shi be kwu-e be ke-e. 11Bekandi bishang Unim be ma le tim ititim de bendi le be kọng le Upalet u fem Ubarabas hwan tyang abwo.
12Upalet a mbee bii bendi abena le, “Kibang ma ha kee mi le mi shi undi angwu ma ko le Usu Ijuus?”
13Befe puu be gaa kọng le, “Maa he bee he kikpakpa!”
14Upalet a bii abe le kibang kibibi ashi a shi?
Be mbee gaa kaang le, “Maa he bee he kikpakpa.”
15Upalet a ma kee le u sha nyin bendi abena a. A tyang Ubarabas abwo. A de ishogya le i kpam Ujeso kaang, a ha kung he ke be le be le maa bee he kikpakpa.
Ama-ale Ujeso bee he kikpakpa
(Mat 27:27-31; Jọn 19:2-3)
16Ishogya imen ana i kpe Ujeso gye he kudyan usha-ale Upalet, le ko ishogya likwu libel puu angi i teng. 17Be kung aliga uwulu abwaa shi Ujeso na usu. Be tim kishi-lishi itọng shi-e he lishi. 18Be fel nyan kọng he ahe le, “Usu Ijuus, kukwun ku kwa-a he kuhwo!” 19Be kpam he udongsi he lishi, be sho akung wu-e, be tim anung he itang fe-e. 20Be nyan he puu, be ha waa he aliga uwulu abwaa tem le ama agyang shi-e. Be ha ndu gbe le he gye he kipi be le maa he bee he kikpakpa.
Be maa Ujeso bee he kikpakpa
(Mat 27:32-44; Luk 23:26-43; Jọn 19:17-27)
21Be le fel he kukwo, be kpee le ungikye ken angwu a ma yi kubọng Usairen a, be maa ko le Usaimọn angwu a ma yi atyam Alezanda befe le Urufọs a. U maa ba le he libeb gya he usha-ale. Ishogya i kwu-e he ikeb le u so kikpakpa ashi be le maa Ujeso bee. 22Be te le Ujeso he kiteng ashi be ko le Ugolgọta. (Ugolgọta u yi kigugo ashi be ko le kiteng kikpukpo lishi.) 23Be ma kung kutyo ahwu be bel ahwu le umyrr ke Ujeso le u ngwo. A swan le u ngwa ye. 24Be kwu Ujeso maa bee he kikpakpa, kung ashi beb he itang. Be kung inditen ima hwọ ke bende gbe he ububo-ububo atyele.
25He inde idyọng-inde le-iti na be ma maa Ujeso bee he kikpakpa. 26Be ma fee fe he kusi kikpakpa gbe le kiwọm ashi be de le a shi le:
Angwun na u yi Usu Ijuus.
27Be ma maa bezi befee bee utung ha Ujeso ha. Be maa angwu ken bee he le he kubwo lizen, be maa angwel bee he le he kubwo limbel. [28Ashin ki shi nya ana be ma fee gbe le he he kushia Unim le-iti le be bo he fa pel ha liwu bendi abe be bia Iten.] 29Bendi abe be maa gbe he kukwo nde Ujeso bee ha he kikpakpa, be bọng he lishi kpeke-kpeke-kpeke, be kọng bia he. Be de-e le, “Engheng, wo angwu wo de le wo gyeb Ushọm Unim tem le he tya he ati akie, 30kpe kuhwo-gang tyang abwo shul le he kikpakpa be he itang.” 31Kitaa kimen na bekandi bishang Unim le bitisha Iten be maa fel nyan he. Be kọng ha bende le, “U kpan bendi, ukpọ u kpan kuhwo-ma mbee ye. 32Ufe angwu u yi Ukristi, Usu Izwel, u shul le he kikpakpa be he itang kanaa-anaa i he li nde, ma li bọng he ahe!” Be ma maa bendi bikpung befee bee ha utung he ahe ọ titi, befe ọ titi be maa kọng bia he.
Lihwu Ujeso
(Mat 27:45-56; Luk 23:44-49; Jọn 19:28-30)
33He libwee kudyan lishi, kifufeb ki ma gye kpen ha kubọng, kpam le kwọm he inde-ikie le ishu likwu-lukwu. 34He inde-ikie Ujeso a kung kaang he igie ibel le, “Eli, Eli, lema sabake-tani,” ashi ki ze le, “Unim ugi, Unim ugi, kibang a, wo mọ mi?”#15:34 Agyam 22:1
35Bendi besuso abe be ma yi naa ha, abe be gyo he, be fel da le, u ko Elaija a.
36Undi ken a buu le kung kudedel le kib he kimia kutyo, kung kil he ukwan le nda tyọ Ujeso he kikpu-ngwu. A de le, “Ma li kwu he li nde le Elaija u ba shul he le ha kikpakpa ba he itang a?”
37Ujeso a kung kaang, ha hwo.
38Kihwọm kikandi ashi be tye tang kipo he afee Ushọm Unim, ki gie kung le he kusi be tang he itang. 39Ukandi ishogya angwu a ma yi naa, u nda gya ha he kipi be maa Ujeso bee, a nde na Ujeso a hwo. A ha de le, “Ungikye angwun u yi Unwaa Unim a kigyang.”
40Bengingye besuso be ma yi naa kigbe-kigbe, be nda gya ha. Be ma yi Usalomi le Umeri Magdalen le Umeri, anam Ujoses befe le Ujems angwu kisun, le abe be teng. 41Be maa tan utung ha Ujeso kpel he he kunyọng ahwu a ma yi he Ugalili, be gia pwọm he gye he Ujeruselem.
Angyele Ujeso
(Mat 27:57-61; Luk 23:50-56; Jọn 19:38-42)
42Le likwu-lukwu he liti angi be kam nyọng liti-uwel Ijuus, 43Ungikye angwu be maa ko le Ujosef, u shi kubọng Alimatia, a ma yi undi angwu be ke-e ife he liwu bikem ukoto. A ma ndọ lishi he kunyọng ahwu Unim u fel Usu bendi puu, a ma te le kugamadye le de Upalet le u ke-e likwọm Ujeso. 44Ki kwu Upalet he kuhwo he kunyọng ahwu a gyo le Ujeso a hwo ma. A ko ukandi ishogya bii he le Ujeso a nya hwo ma a? 45Ukandi ishogya ana a bọng. Upalet a de Ujosef le u le kung likwọm Ujeso. 46Ujosef a ma ndyeb kihwọm kifung ashi ki ngbeb kunung. A shul likwọm Ujeso le he kikpakpa kung kihwọm ana nii he te le he le ngi he likwun angi be ma tem he kukọ. A mung kukọ kukandi le shi ha ungwu likwun. 47Umeri Magdalen le Umeri, anam Ujosef, be ma nde he kipi be ma ngi-e.
Currently Selected:
Umak 15: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umak 15
15
Ujeso a naa he kushu Upalet
(Mat 27:1-2, 11-14; Luk 23:1-5; Jọn 18:28-38)
1Ashi a taa le-iti-le-iti, bekandi bishang Unim le bekandi kubọng le bitisha Iten le bikem ukoto abi bi teng, be gbọng he be tim ashi nyin be shi. Be tim puu, be kung indii bwọ Ujeso he abwo gbe le he le ke Upalet.
2Upalet a bii he le, “Wo yi usu Ijuus a?”
Ujeso a fan he le, “wogyang na wo kọng na.”
3Bekandi bishang Unim, be de le Ujeso a shi bibibi gbam. 4Upalet a mbee bii he le, “Gyo biwọm abi be kọng fa-a. Wo yi le ashi wo fan ye a?”
5Ujeso a mbee fan ye. Ki kwu Upalet he kuhwo mbee bitetaa puu.
6He kunyọng ahwu be shi kipam agbele-gyọng, Upalet u maa tyang undi igaadye ken abwo angwu be waa le u tyang he. 7He kunyọng kumen ana bendi abe be ban Iten kubọng, be gwu bendi, be tan le kakwa-ushu, be ma yi he igaadye. Ungikye ken angwu be ko le Ubarabas a ma yi he liwu libel ha he igaadye. 8Bendi gbam be be hwaa le Upalet de-e le u fem undi ken tyang abwo nya ana u sha shi.
9Upalet a bii abe le be kee le u fem usu Ijuus a tyang abwo a? 10A ma bii a be na likọye a ngye dang le bekandi bishang Unim be tel Ujeso itel. Kife na ki tan le shi be kwu-e be ke-e. 11Bekandi bishang Unim be ma le tim ititim de bendi le be kọng le Upalet u fem Ubarabas hwan tyang abwo.
12Upalet a mbee bii bendi abena le, “Kibang ma ha kee mi le mi shi undi angwu ma ko le Usu Ijuus?”
13Befe puu be gaa kọng le, “Maa he bee he kikpakpa!”
14Upalet a bii abe le kibang kibibi ashi a shi?
Be mbee gaa kaang le, “Maa he bee he kikpakpa.”
15Upalet a ma kee le u sha nyin bendi abena a. A tyang Ubarabas abwo. A de ishogya le i kpam Ujeso kaang, a ha kung he ke be le be le maa bee he kikpakpa.
Ama-ale Ujeso bee he kikpakpa
(Mat 27:27-31; Jọn 19:2-3)
16Ishogya imen ana i kpe Ujeso gye he kudyan usha-ale Upalet, le ko ishogya likwu libel puu angi i teng. 17Be kung aliga uwulu abwaa shi Ujeso na usu. Be tim kishi-lishi itọng shi-e he lishi. 18Be fel nyan kọng he ahe le, “Usu Ijuus, kukwun ku kwa-a he kuhwo!” 19Be kpam he udongsi he lishi, be sho akung wu-e, be tim anung he itang fe-e. 20Be nyan he puu, be ha waa he aliga uwulu abwaa tem le ama agyang shi-e. Be ha ndu gbe le he gye he kipi be le maa he bee he kikpakpa.
Be maa Ujeso bee he kikpakpa
(Mat 27:32-44; Luk 23:26-43; Jọn 19:17-27)
21Be le fel he kukwo, be kpee le ungikye ken angwu a ma yi kubọng Usairen a, be maa ko le Usaimọn angwu a ma yi atyam Alezanda befe le Urufọs a. U maa ba le he libeb gya he usha-ale. Ishogya i kwu-e he ikeb le u so kikpakpa ashi be le maa Ujeso bee. 22Be te le Ujeso he kiteng ashi be ko le Ugolgọta. (Ugolgọta u yi kigugo ashi be ko le kiteng kikpukpo lishi.) 23Be ma kung kutyo ahwu be bel ahwu le umyrr ke Ujeso le u ngwo. A swan le u ngwa ye. 24Be kwu Ujeso maa bee he kikpakpa, kung ashi beb he itang. Be kung inditen ima hwọ ke bende gbe he ububo-ububo atyele.
25He inde idyọng-inde le-iti na be ma maa Ujeso bee he kikpakpa. 26Be ma fee fe he kusi kikpakpa gbe le kiwọm ashi be de le a shi le:
Angwun na u yi Usu Ijuus.
27Be ma maa bezi befee bee utung ha Ujeso ha. Be maa angwu ken bee he le he kubwo lizen, be maa angwel bee he le he kubwo limbel. [28Ashin ki shi nya ana be ma fee gbe le he he kushia Unim le-iti le be bo he fa pel ha liwu bendi abe be bia Iten.] 29Bendi abe be maa gbe he kukwo nde Ujeso bee ha he kikpakpa, be bọng he lishi kpeke-kpeke-kpeke, be kọng bia he. Be de-e le, “Engheng, wo angwu wo de le wo gyeb Ushọm Unim tem le he tya he ati akie, 30kpe kuhwo-gang tyang abwo shul le he kikpakpa be he itang.” 31Kitaa kimen na bekandi bishang Unim le bitisha Iten be maa fel nyan he. Be kọng ha bende le, “U kpan bendi, ukpọ u kpan kuhwo-ma mbee ye. 32Ufe angwu u yi Ukristi, Usu Izwel, u shul le he kikpakpa be he itang kanaa-anaa i he li nde, ma li bọng he ahe!” Be ma maa bendi bikpung befee bee ha utung he ahe ọ titi, befe ọ titi be maa kọng bia he.
Lihwu Ujeso
(Mat 27:45-56; Luk 23:44-49; Jọn 19:28-30)
33He libwee kudyan lishi, kifufeb ki ma gye kpen ha kubọng, kpam le kwọm he inde-ikie le ishu likwu-lukwu. 34He inde-ikie Ujeso a kung kaang he igie ibel le, “Eli, Eli, lema sabake-tani,” ashi ki ze le, “Unim ugi, Unim ugi, kibang a, wo mọ mi?”#15:34 Agyam 22:1
35Bendi besuso abe be ma yi naa ha, abe be gyo he, be fel da le, u ko Elaija a.
36Undi ken a buu le kung kudedel le kib he kimia kutyo, kung kil he ukwan le nda tyọ Ujeso he kikpu-ngwu. A de le, “Ma li kwu he li nde le Elaija u ba shul he le ha kikpakpa ba he itang a?”
37Ujeso a kung kaang, ha hwo.
38Kihwọm kikandi ashi be tye tang kipo he afee Ushọm Unim, ki gie kung le he kusi be tang he itang. 39Ukandi ishogya angwu a ma yi naa, u nda gya ha he kipi be maa Ujeso bee, a nde na Ujeso a hwo. A ha de le, “Ungikye angwun u yi Unwaa Unim a kigyang.”
40Bengingye besuso be ma yi naa kigbe-kigbe, be nda gya ha. Be ma yi Usalomi le Umeri Magdalen le Umeri, anam Ujoses befe le Ujems angwu kisun, le abe be teng. 41Be maa tan utung ha Ujeso kpel he he kunyọng ahwu a ma yi he Ugalili, be gia pwọm he gye he Ujeruselem.
Angyele Ujeso
(Mat 27:57-61; Luk 23:50-56; Jọn 19:38-42)
42Le likwu-lukwu he liti angi be kam nyọng liti-uwel Ijuus, 43Ungikye angwu be maa ko le Ujosef, u shi kubọng Alimatia, a ma yi undi angwu be ke-e ife he liwu bikem ukoto. A ma ndọ lishi he kunyọng ahwu Unim u fel Usu bendi puu, a ma te le kugamadye le de Upalet le u ke-e likwọm Ujeso. 44Ki kwu Upalet he kuhwo he kunyọng ahwu a gyo le Ujeso a hwo ma. A ko ukandi ishogya bii he le Ujeso a nya hwo ma a? 45Ukandi ishogya ana a bọng. Upalet a de Ujosef le u le kung likwọm Ujeso. 46Ujosef a ma ndyeb kihwọm kifung ashi ki ngbeb kunung. A shul likwọm Ujeso le he kikpakpa kung kihwọm ana nii he te le he le ngi he likwun angi be ma tem he kukọ. A mung kukọ kukandi le shi ha ungwu likwun. 47Umeri Magdalen le Umeri, anam Ujosef, be ma nde he kipi be ma ngi-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.