Umatiu 16
16
Be bii le u tyung abe kitaa
(Mak 8:11-13; Luk 12:54-56)
1Bendi besuso le he likwu Iferesis befe le Isadusis be te le hwaa le Ujeso. Be ma kung he le he kusi he be gyo ashi u kọng. Be de-e le u tyung abe kitaa le he lifung-atabe.
2Ujeso a ha fan abe le, “Men abe likwu-lukwu li ndu gyeb, ma de le nyọng bibu bi bung gbuu ana, nyin ki kwa ngwọng. 3Le-iti, ma de le nyin umbwo u ndọ likọye bibu bi gye kpen. Ma nda bibu bife ma ngya ashi bi tyung le nyin ki sha, ukpọ bitaa gbe le ati anyin ma ha ndu ngya ashi ki ze ye.” 4Ujeso a mbee kọng le, “Men bendi abe he ati anyin ma fel bebibi, ma tem fa Unim ọ ye. Ma kee le mi shi kikwole-kuhwo tyung amen a?” A ha swan de be le “Mi sha bitaa tyung amen ye. Kitaa ashi mi be tyung amen ki kee-kee yi ashi Ujona a.” A ha gbe tyang abe gye he kiteng kisuso.
Iyist Iferesis befe le Isadusis
(Mak 8:14-21)
5Bendi-utung Ujeso be ma tia kidyeshọ kpe igbindi, ukpọ be ma wel kung ibred ye. 6Ujeso a de be le, “Ma baa kuhwo-men teng kiwọm Iferesis befe le Isadusis ashi ki yi na iyist angi i shi ibred i mbwee ki ban amen.”
7Bendi-utung bema be fel kọng ha bende le, “Ujeso a kọng ashin le gbe li be le ibred ye a.”
8Ujeso a ngye ashi be kọng. A kung de be le, “Ma fe lityam ha ami gbung ye. Kife na ki shi amen ma kọng le ma be le ibred ye ana. 9Nyọng ki yi i ọ, ki wa nung amen ye a? Ma nya naa lityam le mi ma kung bikem ibred bidyọng bun ke bendi asi lisi kugbe lihwo le kugbe afee le bendi asi lihwo be ma zi gwul puu a? Bigem abi be zi bi teng bi ma sho bitetel bifung? 10Ha bendi abe asi lisi kugbe lihwo abe mi ma kung bikem ibred bidyọng-ifee ke abe, ma ma gbọng bigem abi be zi bi teng, bi ma sho bitetel bifung? 11Ki shi na a, ki nung amen le mi kọng ha amen gba le ibred a ye? Ukpọ, ma baa kuhwo-men teng kiwọm Iferesis le Isadusis ashi ki yi na iyist angi i shi ibred i mbwee ki ban amen.” 12Ki ma ha nung abe le Ujeso a maa kọng gba le iyist angi i shi ibred i mbwee a ye, a maa da abe le be baa kuhwobel le he biwọm abi Iferesis le Isadusis be hwọ a.
Ipita a ko Ujeso le Ukristi
(Mak 8:27-30; Luk 9:18-21)
13Ujeso a ma gye he lishi Usesaria Filipai, a ma bii bendi-utung bema le, bendi be da le ufe Unwaa undi-gye, u yi ayang undi a?
14Be fan he le, “Bendi besuso be de le wo yi Ujọn angwu a maa wu bendi umbwo a. Besuso be de le wo yi Elaija a, besuso be de le wo yi Ujerimaya a. Gbe ki yi na ye, ha wo yi utye-ugie kisọm Unim le-iti a.”
15Ujeso a ha tem le shi bii abe befe le, “Men ufe ma ha de le mi yi ayang a?”
16Usaimọn Pita a kung fan he le, “Wo yi Ukristi, Unwaa Unim angwu u yi uwum a.” (Ukristi na Unim a kyeb le u ba sọm ba he igye anyin le u kwu Undi-likpan.)
17Ujeso a kung de Ipita le, “Kukwun ku kwu ka-a Usaimọn unwaa Ujona. Agwo le anung na a hwọ kigyang ashi wo kọng i ye. Atyagi ugyang angwu he lifung-atabe na a tyung a ashi wo kọng i. 18Mi da awo le, wo yi Ipita,#16:18 He igie Igrik lizen Ipita li ze le utie-ukọ. he utie-ukọ angwun na mi be tye lishii liwu bendi abọng-ale ligi. Kusu-behwuu ọ ku ba kwa le ikeb le ku hwa angi ye. 19Mi ka-a ikukol kiteng kusu lifung-atabe le kiwọm kiyang-yang ashi wo tel he igye anyin, Unim u tel ashi titi he lifung-atabe. Kiwọm kiyang-yang ashi wo tel ashi he igye anyin ye, Unim u ba tel ashi he lifung-atabe ye.” 20Ujeso a ha teb bendi-utung bema le be de bendi le u yi Ukristi a ye.
Ujeso a kọng gbe le lihwu lima
(Mak 8:31–9:1; Luk 9:22-27)
21Kung le he kunyọng kumen ana gye kushu, Ujeso a maa fel bun gboo da bendi-utung bema le, ki yi kpe-kpe le u gye he Ujeruselem he bekandi kubọng le abe be shang Unim le bitisha Iten be be ke-e kingie ha kaang. Be ba gwa he, ukpọ u ba tem wum le he lihwu he liti angi lekie.
22Ipita a ha ko he gye he ufaa, le swan de-e le, “Ki kwa ye! Ashin ki ha ndu sha fa-a ye!”
23Ujeso a bel ashi nde Ipita kpọ, a kung igie ikaa-ikaa kọng he ahe le, “Usu bibibi, gbe-m le i nyin. Wo la teng mi le mi shi ban Atyagi a? Ugim ugang u yi angwu undi-gye a, u yi angwu Unim a ye.”
24Ujeso a ha kung de bendi-utung bema le, “Undi uyang-yang angwu a kee le u pwọm mi, u zob kuhwo-ma. U bọng lihwu kung kikpakpa ashi be be maa he bee so, pwọm mi. 25Undi angwu a kee le u kpan lishi lima, u ba nim le kuhwo-ma. Undi angwu a bọng lihwu he kuhwo ahwu kugi na u be kwu le likpan. 26Gbe undi-gye u yi le biwọm puu he igye anyin, kibang ki be kwu lifem lima, gbe a nim kunyọng kuma? U ba kwa le lifem ye, likọye ki yi le kiwọm ashi undi u be ke gie kpe kunyọng kuma ahwu ku nim ye. 27He ashin, baale mi Unwaa Undi-gye, mi be be he ifem atyagi utung ha idengel ima. Mi ba ka undi uyang-yang lifem he ashi a shi he igye anyin.
28“Kigyang-kigyang mi de men le, men besuso abe ma yi naa nyin, ma ba hwa ye, kpam ma gbe nde-m mi Unwaa Undi-gye, nyọng mi be he kiteng kusu kigi.”
Currently Selected:
Umatiu 16: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umatiu 16
16
Be bii le u tyung abe kitaa
(Mak 8:11-13; Luk 12:54-56)
1Bendi besuso le he likwu Iferesis befe le Isadusis be te le hwaa le Ujeso. Be ma kung he le he kusi he be gyo ashi u kọng. Be de-e le u tyung abe kitaa le he lifung-atabe.
2Ujeso a ha fan abe le, “Men abe likwu-lukwu li ndu gyeb, ma de le nyọng bibu bi bung gbuu ana, nyin ki kwa ngwọng. 3Le-iti, ma de le nyin umbwo u ndọ likọye bibu bi gye kpen. Ma nda bibu bife ma ngya ashi bi tyung le nyin ki sha, ukpọ bitaa gbe le ati anyin ma ha ndu ngya ashi ki ze ye.” 4Ujeso a mbee kọng le, “Men bendi abe he ati anyin ma fel bebibi, ma tem fa Unim ọ ye. Ma kee le mi shi kikwole-kuhwo tyung amen a?” A ha swan de be le “Mi sha bitaa tyung amen ye. Kitaa ashi mi be tyung amen ki kee-kee yi ashi Ujona a.” A ha gbe tyang abe gye he kiteng kisuso.
Iyist Iferesis befe le Isadusis
(Mak 8:14-21)
5Bendi-utung Ujeso be ma tia kidyeshọ kpe igbindi, ukpọ be ma wel kung ibred ye. 6Ujeso a de be le, “Ma baa kuhwo-men teng kiwọm Iferesis befe le Isadusis ashi ki yi na iyist angi i shi ibred i mbwee ki ban amen.”
7Bendi-utung bema be fel kọng ha bende le, “Ujeso a kọng ashin le gbe li be le ibred ye a.”
8Ujeso a ngye ashi be kọng. A kung de be le, “Ma fe lityam ha ami gbung ye. Kife na ki shi amen ma kọng le ma be le ibred ye ana. 9Nyọng ki yi i ọ, ki wa nung amen ye a? Ma nya naa lityam le mi ma kung bikem ibred bidyọng bun ke bendi asi lisi kugbe lihwo le kugbe afee le bendi asi lihwo be ma zi gwul puu a? Bigem abi be zi bi teng bi ma sho bitetel bifung? 10Ha bendi abe asi lisi kugbe lihwo abe mi ma kung bikem ibred bidyọng-ifee ke abe, ma ma gbọng bigem abi be zi bi teng, bi ma sho bitetel bifung? 11Ki shi na a, ki nung amen le mi kọng ha amen gba le ibred a ye? Ukpọ, ma baa kuhwo-men teng kiwọm Iferesis le Isadusis ashi ki yi na iyist angi i shi ibred i mbwee ki ban amen.” 12Ki ma ha nung abe le Ujeso a maa kọng gba le iyist angi i shi ibred i mbwee a ye, a maa da abe le be baa kuhwobel le he biwọm abi Iferesis le Isadusis be hwọ a.
Ipita a ko Ujeso le Ukristi
(Mak 8:27-30; Luk 9:18-21)
13Ujeso a ma gye he lishi Usesaria Filipai, a ma bii bendi-utung bema le, bendi be da le ufe Unwaa undi-gye, u yi ayang undi a?
14Be fan he le, “Bendi besuso be de le wo yi Ujọn angwu a maa wu bendi umbwo a. Besuso be de le wo yi Elaija a, besuso be de le wo yi Ujerimaya a. Gbe ki yi na ye, ha wo yi utye-ugie kisọm Unim le-iti a.”
15Ujeso a ha tem le shi bii abe befe le, “Men ufe ma ha de le mi yi ayang a?”
16Usaimọn Pita a kung fan he le, “Wo yi Ukristi, Unwaa Unim angwu u yi uwum a.” (Ukristi na Unim a kyeb le u ba sọm ba he igye anyin le u kwu Undi-likpan.)
17Ujeso a kung de Ipita le, “Kukwun ku kwu ka-a Usaimọn unwaa Ujona. Agwo le anung na a hwọ kigyang ashi wo kọng i ye. Atyagi ugyang angwu he lifung-atabe na a tyung a ashi wo kọng i. 18Mi da awo le, wo yi Ipita,#16:18 He igie Igrik lizen Ipita li ze le utie-ukọ. he utie-ukọ angwun na mi be tye lishii liwu bendi abọng-ale ligi. Kusu-behwuu ọ ku ba kwa le ikeb le ku hwa angi ye. 19Mi ka-a ikukol kiteng kusu lifung-atabe le kiwọm kiyang-yang ashi wo tel he igye anyin, Unim u tel ashi titi he lifung-atabe. Kiwọm kiyang-yang ashi wo tel ashi he igye anyin ye, Unim u ba tel ashi he lifung-atabe ye.” 20Ujeso a ha teb bendi-utung bema le be de bendi le u yi Ukristi a ye.
Ujeso a kọng gbe le lihwu lima
(Mak 8:31–9:1; Luk 9:22-27)
21Kung le he kunyọng kumen ana gye kushu, Ujeso a maa fel bun gboo da bendi-utung bema le, ki yi kpe-kpe le u gye he Ujeruselem he bekandi kubọng le abe be shang Unim le bitisha Iten be be ke-e kingie ha kaang. Be ba gwa he, ukpọ u ba tem wum le he lihwu he liti angi lekie.
22Ipita a ha ko he gye he ufaa, le swan de-e le, “Ki kwa ye! Ashin ki ha ndu sha fa-a ye!”
23Ujeso a bel ashi nde Ipita kpọ, a kung igie ikaa-ikaa kọng he ahe le, “Usu bibibi, gbe-m le i nyin. Wo la teng mi le mi shi ban Atyagi a? Ugim ugang u yi angwu undi-gye a, u yi angwu Unim a ye.”
24Ujeso a ha kung de bendi-utung bema le, “Undi uyang-yang angwu a kee le u pwọm mi, u zob kuhwo-ma. U bọng lihwu kung kikpakpa ashi be be maa he bee so, pwọm mi. 25Undi angwu a kee le u kpan lishi lima, u ba nim le kuhwo-ma. Undi angwu a bọng lihwu he kuhwo ahwu kugi na u be kwu le likpan. 26Gbe undi-gye u yi le biwọm puu he igye anyin, kibang ki be kwu lifem lima, gbe a nim kunyọng kuma? U ba kwa le lifem ye, likọye ki yi le kiwọm ashi undi u be ke gie kpe kunyọng kuma ahwu ku nim ye. 27He ashin, baale mi Unwaa Undi-gye, mi be be he ifem atyagi utung ha idengel ima. Mi ba ka undi uyang-yang lifem he ashi a shi he igye anyin.
28“Kigyang-kigyang mi de men le, men besuso abe ma yi naa nyin, ma ba hwa ye, kpam ma gbe nde-m mi Unwaa Undi-gye, nyọng mi be he kiteng kusu kigi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.