Uluk 3
3
Ujọn angwu u maa wu bendi umbwo a kam kukwo
(Mat 3:1-12; Mak 1:1-8; Jọn 1:19-28)
1Ki ma fel aze lihwo le ngi adyọng na Utiberius a ma yi Usu ukandi he Urom. Upontius Palet a ma yi usu Ujudia, Uherọd u shi usu Ugalili, unwaa-nde Ufilip u shi usu he kigie ashi Ituria le Utrakonitis, Ulysanias u shi usu he Abilen. 2Anas le Ukaifas be shi besu bekandi bishang Unim. Nyin he kunyọng kumen i na Unim a ma kọng ha Ujọn, unwaa Uzakariya, he afee ugbaa-libeb de-e le u bun igie ima. 3Ujọn a ma le tan mbee ashi angi gwaa ha umbwo Ujọdan puu bun kisọm Unim le bendi be shi beshi he u wu abe umbwo, ma Unim u tyang biban bibel ka abe. 4Ki shi nya ana Azaya, utye-ugie kisọm Unim, a ma fee he ahe kushia. A ma fee le,
“Undi u ba gaa le he ugbaa-libeb le,
‘Ma kam kukwo Ada ndọ he.
Ma shi kukwo ahwu ku nọng ndọ he u be gbe.
5Unim u ba shan bibebel,
u dyel ikwel le bigugo,
u shi akwo angi a niam a fel sii.
U shi akwo angi a yi akọ-akọ a fel tele-tele.
6Bendi-gye puu be ba nda likpan kunyọng Unim.’ ”#3:6 Azaya 40:3-5
7Bendi gbam be ma be le Ujọn u wu abe umbwo. A bii abe le, “Ayang a teb amen abe ma yi na ishii ibibi le ma buu hwaa le he ingyo Unim angi i ndu be ukpọ? 8Ma shi biwọm abi bi tyung le ma shi beshi. Ma fel tan pwọm ungwu le gbe Ebraham u yi atyamen a ye. Ma ngye dang le Unim u yi le ikeb le u sha akọ anyin a bel bebwaa Ebraham mbee. 9Likee li fel yi ndọ li nyọng li wob ikwan le idaa le idaa a. Ukwan uyang-yang angwu a wum agbe anunung ye, be ba wob he fa he kinde.”
10Bendi bemen i be bii he le, “Li ha shi na a?”
11A kung fan abe le: “Undi uyang-yang angwu u yi le aliga afee, u waa ken ke undi angwu u yi le ngi ye; angwu u yi le lizi u zi ke bendi.”
12Bendi besuso abe be kpe ukpanda be be le u wu abe umbwo, be bii he le, “Itisha, li ha shi na a?”
13A de be le, “Ma tem kpe ukpanda le ha bendi gbe-gyọng kitaa uten a kọng ye.”
14Ishogya isuso i bii he le, “Ha bel ufe, li shi na a?”
A de be le. “Ma kwu kpe bendi unde he ikeb ọ, ngwu ma kpe he likpam ọ ye. Ki kwun amen kigyọ le unde angwu be ke men he kufel.”
15Bendi be ma fel le kigyọ abele Undi-likpan, be keb be fel gim gba le Ujọn le ha u yi Ukristi, Undi-likpan a ọ. 16Ujọn a de be le, “Undi angwu a dyam hwo-m u ba le ha. Mi kpe le mi pel he undii ikwob abee ọ ye. Mi wa amen umbwo a, ufe u ba shwa amen le Ukatia Kunyọng le kinde. 17Men ma yi na iwit. Ufe u yi le kudiya kuma kwu he kubwo. U ba kam kipi u kpam iwit, u puu kung itọng igyang angyel fa he libel, ukpọ u ba tie abia le he kipi ashi a kpam iwit kung angi ting sha he kinde ashi ki nim ye ngyọ igye kpam.” 18Ujọn a maa bun kisọm kinunung gba le Ujeso da bendi, a bun ashi he akwo atyetye-atyetye he ki nung abe.
19Ujọn a ma swan fe Uherọd angwu a ma yi usu, likọye a kpeb kung Uherọdias angwu a ma yi ungye unwaa-nde, u shi bibibi bisuso gbam. 20Ashi a ma ha mbee shi ki fel ban hwo puu ki yi le a ma kwu Ujọn fe he igaadye.
Ubu Ujeso, mbee le umbwo awole uma
(Mat 3:13-17; Mak 1:9-11; Mat 1:1-17)
21Ujọn a ma wu bendi abe be ma yi ha puu umbwo, Ujeso a ha be. A wu-e ufe ọ umbwo. Nya ana a maa kọng ha Unim, lifung-atabe li buu. 22Ukatia Kunyọng a ma be he agwo na kalulu be so-e he lishi. Be gyo lingbam le he lifung-atabe le, “Wo yi kiken Unwa-agi a. Ki nyin mi le wo kindee-kindee.”
23He kunyọng ahwu Ujeso a ma kpi aki ama ashele, a ma fel aze lisi le ngi lihwo. Bendi be maa kọng le Ujeso u yi unwaa Ujosef:
Ujosef u shi unwaa Uheli,
24Uheli a ma yi unwaa Umatat,
Umatat u shi unwaa Ulevi,
Ulevi a ma yi unwaa Umelki,
Umelki u shi unwaa Ujanai,
Ujanai a ma yi unwaa Ujosef,
25Ujosef u shi unwaa Umatatiyes,
Umatatayas a ma yi unwaa Emọs,
Emọs u shi unwaa Unahum,
Unahum a ma yi unwaa Esili,
Esli u shi unwaa Unagayi,
26Unagai a ma yi unwaa Umaat,
Umaat u shi unwaa Umatatiyes,
Umatatayas a ma yi unwaa Usemen,
Usemen u shi unwaa Ujosek,
Ujosek a ma yi unwaa Ujoda,
27Ujoda u shi unwaa Ujoana,
Ujoana a ma yi unwaa Uresa,
Uresa u shi unwaa Uzerubabel,
Uzerubabel a ma yi unwaa Ushiatiel,
U shi unwaa Uneri,
28Uneri a ma yi unwaa Umelki,
Umelki u shi unwaa Adi,
Adi a ma yi unwaa Ukosam,
Ukosam u shi unwaa Elmadam,
Elmadam a ma yi unwaa Er,
29Er u shi unwaa Ujoshwa,
Ujoshwa a ma yi unwaa Eliyeza,
Eliyeza u shi unwaa Ujorim,
Ujorim a ma yi unwaa Umatat,
Umatat u shi unwaa Ulevi,
30Ulevi a ma yi unwaa Usimeọn,
Usimeọn u shi unwaa Ujuda,
Ujuda a ma yi unwaa Ujosef,
Ujosef u shi unwaa Ujonam,
Ujonam a ma yi unwaa Eliakim,
31Eliakim u shi unwaa Umelia,
Umelia a ma yi unwaa Umena,
Umena u shi unwaa Umatata,
Umatata a ma yi unwaa Unatan,
Unatan u shi unwaa Udebid,
32Udebid a ma yi unwaa Ujesi,
Ujesi u shi unwaa Obed,
Obed a ma yi unwaa Ubowaz,
Ubowaz u shi unwaa Usalmọn,
Usalmọn a ma yi unwaa Unashọn,
33Unashọn u shi unwaa Aminadab,
Aminadab a ma yi unwaa Uram,
Uram a ma yi unwaa Uhezrọn,
Uhezrọn u shi unwaa Uperez,
Uperez ama yi unwaa Ujuda,
34Ujuda u shi unwaa Ujekọb,
Ujekọb a ma yi unwaa Azik,
Azik u shi unwaa Ebraham,
Ebraham a ma yi unwaa Utera,
Utera u shi unwaa Unahọ,
35Unahọ a ma yi unwaa Userug,
Userug u shi unwaa Uriyu,
Uriyu a ma yi unwaa Upeleg,
Upeleg u shi unwaa Eba,
Eba a ma yi unwaa Ushela,
36Ushela u shi unwaa Ukenan,
Ukenan a ma yi unwaa Afasad,
Afasad u shi unwaa Ushem,
Ushem a ma yi unwaa Unuwa,
Unuwa u shi unwaa Ulamek,
37Ulamek a ma yi unwaa Umetusela,
Umetusela u shi unwaa Inọk,
Enọk a ma yi unwaa Ujared,
Ujared u shi unwaa Umahalaliel,
Umahalaliel a ma yi unwaa Ukenan,
38Ukenan u shi unwaa Enọs,
Enọs a ma yi unwaa Uset,
Uset u shi unwaa Adam,
Adam a ma yi Unwaa Unim.
Currently Selected:
Uluk 3: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 3
3
Ujọn angwu u maa wu bendi umbwo a kam kukwo
(Mat 3:1-12; Mak 1:1-8; Jọn 1:19-28)
1Ki ma fel aze lihwo le ngi adyọng na Utiberius a ma yi Usu ukandi he Urom. Upontius Palet a ma yi usu Ujudia, Uherọd u shi usu Ugalili, unwaa-nde Ufilip u shi usu he kigie ashi Ituria le Utrakonitis, Ulysanias u shi usu he Abilen. 2Anas le Ukaifas be shi besu bekandi bishang Unim. Nyin he kunyọng kumen i na Unim a ma kọng ha Ujọn, unwaa Uzakariya, he afee ugbaa-libeb de-e le u bun igie ima. 3Ujọn a ma le tan mbee ashi angi gwaa ha umbwo Ujọdan puu bun kisọm Unim le bendi be shi beshi he u wu abe umbwo, ma Unim u tyang biban bibel ka abe. 4Ki shi nya ana Azaya, utye-ugie kisọm Unim, a ma fee he ahe kushia. A ma fee le,
“Undi u ba gaa le he ugbaa-libeb le,
‘Ma kam kukwo Ada ndọ he.
Ma shi kukwo ahwu ku nọng ndọ he u be gbe.
5Unim u ba shan bibebel,
u dyel ikwel le bigugo,
u shi akwo angi a niam a fel sii.
U shi akwo angi a yi akọ-akọ a fel tele-tele.
6Bendi-gye puu be ba nda likpan kunyọng Unim.’ ”#3:6 Azaya 40:3-5
7Bendi gbam be ma be le Ujọn u wu abe umbwo. A bii abe le, “Ayang a teb amen abe ma yi na ishii ibibi le ma buu hwaa le he ingyo Unim angi i ndu be ukpọ? 8Ma shi biwọm abi bi tyung le ma shi beshi. Ma fel tan pwọm ungwu le gbe Ebraham u yi atyamen a ye. Ma ngye dang le Unim u yi le ikeb le u sha akọ anyin a bel bebwaa Ebraham mbee. 9Likee li fel yi ndọ li nyọng li wob ikwan le idaa le idaa a. Ukwan uyang-yang angwu a wum agbe anunung ye, be ba wob he fa he kinde.”
10Bendi bemen i be bii he le, “Li ha shi na a?”
11A kung fan abe le: “Undi uyang-yang angwu u yi le aliga afee, u waa ken ke undi angwu u yi le ngi ye; angwu u yi le lizi u zi ke bendi.”
12Bendi besuso abe be kpe ukpanda be be le u wu abe umbwo, be bii he le, “Itisha, li ha shi na a?”
13A de be le, “Ma tem kpe ukpanda le ha bendi gbe-gyọng kitaa uten a kọng ye.”
14Ishogya isuso i bii he le, “Ha bel ufe, li shi na a?”
A de be le. “Ma kwu kpe bendi unde he ikeb ọ, ngwu ma kpe he likpam ọ ye. Ki kwun amen kigyọ le unde angwu be ke men he kufel.”
15Bendi be ma fel le kigyọ abele Undi-likpan, be keb be fel gim gba le Ujọn le ha u yi Ukristi, Undi-likpan a ọ. 16Ujọn a de be le, “Undi angwu a dyam hwo-m u ba le ha. Mi kpe le mi pel he undii ikwob abee ọ ye. Mi wa amen umbwo a, ufe u ba shwa amen le Ukatia Kunyọng le kinde. 17Men ma yi na iwit. Ufe u yi le kudiya kuma kwu he kubwo. U ba kam kipi u kpam iwit, u puu kung itọng igyang angyel fa he libel, ukpọ u ba tie abia le he kipi ashi a kpam iwit kung angi ting sha he kinde ashi ki nim ye ngyọ igye kpam.” 18Ujọn a maa bun kisọm kinunung gba le Ujeso da bendi, a bun ashi he akwo atyetye-atyetye he ki nung abe.
19Ujọn a ma swan fe Uherọd angwu a ma yi usu, likọye a kpeb kung Uherọdias angwu a ma yi ungye unwaa-nde, u shi bibibi bisuso gbam. 20Ashi a ma ha mbee shi ki fel ban hwo puu ki yi le a ma kwu Ujọn fe he igaadye.
Ubu Ujeso, mbee le umbwo awole uma
(Mat 3:13-17; Mak 1:9-11; Mat 1:1-17)
21Ujọn a ma wu bendi abe be ma yi ha puu umbwo, Ujeso a ha be. A wu-e ufe ọ umbwo. Nya ana a maa kọng ha Unim, lifung-atabe li buu. 22Ukatia Kunyọng a ma be he agwo na kalulu be so-e he lishi. Be gyo lingbam le he lifung-atabe le, “Wo yi kiken Unwa-agi a. Ki nyin mi le wo kindee-kindee.”
23He kunyọng ahwu Ujeso a ma kpi aki ama ashele, a ma fel aze lisi le ngi lihwo. Bendi be maa kọng le Ujeso u yi unwaa Ujosef:
Ujosef u shi unwaa Uheli,
24Uheli a ma yi unwaa Umatat,
Umatat u shi unwaa Ulevi,
Ulevi a ma yi unwaa Umelki,
Umelki u shi unwaa Ujanai,
Ujanai a ma yi unwaa Ujosef,
25Ujosef u shi unwaa Umatatiyes,
Umatatayas a ma yi unwaa Emọs,
Emọs u shi unwaa Unahum,
Unahum a ma yi unwaa Esili,
Esli u shi unwaa Unagayi,
26Unagai a ma yi unwaa Umaat,
Umaat u shi unwaa Umatatiyes,
Umatatayas a ma yi unwaa Usemen,
Usemen u shi unwaa Ujosek,
Ujosek a ma yi unwaa Ujoda,
27Ujoda u shi unwaa Ujoana,
Ujoana a ma yi unwaa Uresa,
Uresa u shi unwaa Uzerubabel,
Uzerubabel a ma yi unwaa Ushiatiel,
U shi unwaa Uneri,
28Uneri a ma yi unwaa Umelki,
Umelki u shi unwaa Adi,
Adi a ma yi unwaa Ukosam,
Ukosam u shi unwaa Elmadam,
Elmadam a ma yi unwaa Er,
29Er u shi unwaa Ujoshwa,
Ujoshwa a ma yi unwaa Eliyeza,
Eliyeza u shi unwaa Ujorim,
Ujorim a ma yi unwaa Umatat,
Umatat u shi unwaa Ulevi,
30Ulevi a ma yi unwaa Usimeọn,
Usimeọn u shi unwaa Ujuda,
Ujuda a ma yi unwaa Ujosef,
Ujosef u shi unwaa Ujonam,
Ujonam a ma yi unwaa Eliakim,
31Eliakim u shi unwaa Umelia,
Umelia a ma yi unwaa Umena,
Umena u shi unwaa Umatata,
Umatata a ma yi unwaa Unatan,
Unatan u shi unwaa Udebid,
32Udebid a ma yi unwaa Ujesi,
Ujesi u shi unwaa Obed,
Obed a ma yi unwaa Ubowaz,
Ubowaz u shi unwaa Usalmọn,
Usalmọn a ma yi unwaa Unashọn,
33Unashọn u shi unwaa Aminadab,
Aminadab a ma yi unwaa Uram,
Uram a ma yi unwaa Uhezrọn,
Uhezrọn u shi unwaa Uperez,
Uperez ama yi unwaa Ujuda,
34Ujuda u shi unwaa Ujekọb,
Ujekọb a ma yi unwaa Azik,
Azik u shi unwaa Ebraham,
Ebraham a ma yi unwaa Utera,
Utera u shi unwaa Unahọ,
35Unahọ a ma yi unwaa Userug,
Userug u shi unwaa Uriyu,
Uriyu a ma yi unwaa Upeleg,
Upeleg u shi unwaa Eba,
Eba a ma yi unwaa Ushela,
36Ushela u shi unwaa Ukenan,
Ukenan a ma yi unwaa Afasad,
Afasad u shi unwaa Ushem,
Ushem a ma yi unwaa Unuwa,
Unuwa u shi unwaa Ulamek,
37Ulamek a ma yi unwaa Umetusela,
Umetusela u shi unwaa Inọk,
Enọk a ma yi unwaa Ujared,
Ujared u shi unwaa Umahalaliel,
Umahalaliel a ma yi unwaa Ukenan,
38Ukenan u shi unwaa Enọs,
Enọs a ma yi unwaa Uset,
Uset u shi unwaa Adam,
Adam a ma yi Unwaa Unim.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.