MALAKO 14

Linginda tine bowa Yesu

(Endja pongono ta Mat 26, 1-5; Luk 22, 1-2; Yoa 11, 45-53)

1Edikaka masu mabae boso bo tɛkɛ e pasika ko miɛmbɛ mapɛ ipetu bokɔme#14, 1 Endja pongono ta Boi 12, 1-27.. Bakumu ba banganga ba Ndjakomba ko na balehi ba mobeko bahombaka enɔeli e bopea Yesu ta mbombi bɛngi bamowoe. 2Tengasa babalaka: «Etakɔmɔ ta ehole ye e tɛkɛ, esakapa wusuwusu adi bato.»

Mwali omɔti asopei Yesu mosoloa moso e itindi ta molo

(Endja pongono ta Mat 26, 6-13; Yoa 12, 1-8)

3Ehole yena edaka Yesu ta Betania, adi Simo, moto o mabha; mwali omɔti akweaka ta ehole edaka bo bayaka, apeaka molangi mokɔmɔkɔ na ibanga ikabe bo abatele#14, 3 Abatele Endja pongono ta Mat 26, 7 ko ta molɔngɔ.. Molangi momina molumaka na malasi maso e itindi, mokɔmɔkɔ na mele mikabe bo nale baiputoanedja na eka ekina. Malasi ma mina madaka ma motuya monɛnɛ. Abukaka molangi ko asopeaka Yesu malasi ma mina ta molo mo nde. 4Bato ibadaka ena baisepaka na modjɔ momina ko baimeaka bonunguna: «Abedji malasi tina nda? 5Eboanaki botɛkisa malasi mamina na motuya moboani na boputa bato mikama misato, ko bopa palanga#14, 5 Pata e palanga Endja 6, 37 ko ta molɔngɔ. imina adi batakeli!» 6Endolo Yesu abalaka na bu: «Mokinani bogo. Tina ndani wanungunakani tina e nde? Modjɔ mosakɔ yo modi mopele tine mbi. 7Tengasa odini na batakeli adi no bihole bisusu#14, 7 Endja pongono ta Mib 15, 11., ko obwanini bobakɔmedjani ta bihole bisusu bidi no bopala; endolo oditini na mbi bihole bisusu. 8Akɔi eka eboanaki na nde bokɔ; asopeini malasi tine bobɔngedja mokuku mo mbi boso bo bogwa#14, 8 Makɔkɔ ma malaka ma Bayuda imayou madaka bosopea malasi ta mokuku.. 9Okobea, nabalaka na nu, bisika bisusu bitɔndɔkɔbi bo Bwɛndi Bopele ta ngondo esusu, babalakabi pongono tine modjɔ mokɔi mwali yo, ko bamolɛdjɛkɛbi.»

Yudasi adimi bokaba Yesu ta mɔmɔ ma bakumu ba banganga

(Endja pongono ta Mat 26, 14-16; Luk 22, 3-6)

10Na bea Yudasi Isikaliota, omɔti o bapɔsɔlu domi na babae, akɛkɛ adi bakondji ba banganga ba Ndjakomba, tine bokaba Yesu. 11Ehole ehokamedjaka bo Yudasi, basepaka ko bamodikanaka bamopɛ palanga. Ko Yudasi ahombaka enɔli epele tine bokaba Yesu.

Yesu ayaki mia ma Pasika na batingami ba nde.

(Endja pongono ta Mat 26, 17-25; Luk 22, 7-14-23; Yoa 13, 21-30)

12Ta isu i boso i tɛkɛ e miɛmbɛ mapɛ ipetu, busa bowaka bo bana ba bhata tine tɛkɛ e pasika, batingami ba Yesu bamohɔdjɔkɔ: «Apalaka wɛ lokabɔngedja mia ma pasika djɔɔ?» 13Na bea Yesu alomaka batingami ba nde babae boso ko abalaka na bu: «Kɛni ta ibonga enɛnɛ, wasakanakeni na momi omɔti alwali mbola e madiba. Mokimanani, 14ko polo akweake yo, balani na moswa ndako: “Molehi abali: adi ekenge e ndako ebwani mbi boyaka mia ma tɛkɛ e pasika engbanga na batingami ba mbi djɔɔ?” 15Yo ainedjakeni ta egbili, ekenge e ndako enɛnɛ ebɔngedjabo na leka losusu loboani oho diko. Edi oho wabɔngedjakeni no mia ma pasika.» 16Batingami bakɛkɛ ko baimeaka ta ibonga enɛnɛ; bataneaka misusu oko moda mobalaka Yesu na bu, ko babɔngedja mia ma tɛkɛ e pasika.

17Ehole eimeaka mɔmɔkɔ, Yesu aimeaka ta polo emina na bapɔsɔlu ba nde domi na babae. 18Ehole edaka bo ta mesa bayaka, Yesu abalaka: Okobea, «Nabali na nu soti: omɔti o bino, ayaka na mbi, akabakeni#14, 18 Endja pongono ta Ndj 41, 10.!» 19Batingami baimeaka na ndjokwa, ko bamohɔdjɔkɔ omɔti ngɔngɔ i okina: «Edi mbi?» 20Yesu abasɔmbedjaka: «Edi omɔti ta ndanda e bino, omɔti o bino o ba domi na babae, yona wasakanake na mbi ebɔ ta saani#14, 20 Boyaka mia polo emɔti. Endja pongono ta Ndj 41, 10.. 21Soti Mwana o Moto akɛke oko moda mokomama tina e nde#14, 21 Endja pongono ta Ndj 22, 2-19; Isa 53.. Endolo ndjokwa adi moto yona na ndjea e nde Mwana o Moto akabamake! Ebɔngɔkɔ boo moto omina adae pɛ bobotama!»

Mesa e Kumu

(Endja pongono ta Mat 26, 26-30; Luk 22, 14-20; 1Ko 11, 23-25)

22Ehole edaka bo bayaka, Yesu atombaka mwɛmbɛ ko ngɔngɔ i bosakoa Ndjakomba, abukaka ko apaka adi batingami. Abalaka na bu: «Tombani, iye edi mokuku mo mbi.» 23Atombaka naikina kɔbɔ e vino ko, ngɔngɔ i bosakoa Ndjakomba, abapaka, ko bamwaka bo basusu. 24Yesu abalaka na bu: «Iye edi makia ma mbi#14, 24 Endja pongono ta Boi 24, 8; Yil 31, 31-34., makia mabwela imasopeami tina e emumu e bato. 25Okobea, nabalaka na nu: namwɛtebi vino ye naikina, mbunoko busa bomwakabi mbi vino eyanie ta bokumu bo Ndjakomba.»

26Ngɔngɔ iboemba ndjembo#14, 26 Ndjembo i tɛkɛ Endja pongono ta Mat 26, 30 ko ta molɔngɔ , bakɛkɛ ta ngomba e Olipa.

Yesu abali boo Piɛlɛ amoinganeake

(Endja pongono ta Mat 26, 31-35; Luk 22, 31-34; Yoa 13, 36-38)

27Yesu abalaka na bu: «Ino basusu watiakenini, tengasa ekomama ta makomi: “Nabomake mobanei, ko bwela bo bhata inanganabi pamba isusu#14, 27 Dja 13, 7.”. 28Endolo ngɔngɔ ibopusoa bo mbi, nakɛbi boso ambani ta Galilea.» 29Piɛlɛ abalaka na nde: «Nongo bo basusu bakotia, mbi natotiake.» 30Na bea Yesu amosɔmbedjaka: «Okobea, nabali na wɛ, busa bu, ta boso bo kɔkɔ akɔkɔle mbala ibae, wɛ winganeakeni mbala isato.» 31Endolo Piɛlɛ adaka oko abala: «Ekada bogwa na wɛ, lagwake; mbi nitoinganeake!» Ko bo basusu babalaka oko bea.

Yesu aongoni ta Getesemane

(Endja pongono ta Mat 26, 36-46; Luk 22, 39-46)

32Baimeaka ta polo e kombe Getesemane#14, 32 Endja pongono ta Mat 26, 36 ko ta molɔngɔ., Yesu abalaka na batingami ba nde: «Dani iya, yana akɛi mbi aongɔnɔ.» 33Na bea abeaka Piɛlɛ, Djake, ko Yoane. Aimeaka booka ndjokwa ko asatungeaka mɛnɛ ta molema. 34Ko abalaka na bu: «Molema mo mbi molumi na ndjokwa mbuti na bogwa; daani iya ko pɛ bohwɛni!» 35Asasuaka na bu moobohali, akwaka magbundɔ ta kpɔtɔ ko aongɔnɔkɔ Ndjakomba, ekada bopele, boo ehole ye e saya ekɛe bohali na nde. 36Abalaka: «Aba, Sange e mbi#14, 36 Kombe e kɔpi e ba Alamɛ etingodjaka sange mbi mɛnɛ., Eboani bokɔ midjɔ misusu; dongedja bohali na mbi kɔbɔ ye e saya. Te bopala bo mbi, endolo bopala bo wɛ.» 37Ehole ehulaka Yesu Adibo, abataneaka bahwɛli. Abalaka na Piɛlɛ: «Simo, ohwɛli? Odihiti ngulu eboda mosu nongo moo ehole omɔti? 38Dani mosu ko ongɔnɔni, osakakwani ta bomekama. Molema mo moto modi na posa epipo e bokɔ bopele, endolo mokuku modi na bwɛmbu.» 39Asasuaka naikina aongɔnɔkɔ ko abalaka oko kɔpi imina. 40Ngɔngɔ ahulaka ko abataneaka naikina bahwɛli, tengasa miso mahiyɔ mabanɔkɔ. 41Asɔmbɔkɔ mbala e basato ko abalaka na bu: «Ohwɛlini oko ko osahemedjini? Mosi! Ehole eimei! Mwana o Moto akabami ta mɔmɔ ma bato babe! 42Angɔni, lokɛni! Endjani moto okabini adi mbuti!»

Yesu apeami

(Endja pongono ta Mat 26, 47-56; Luk 22, 47-53; Yoa 18, 3-12)

43Na mbala emɔti, ehole yena ebalaka Yesu, Yudasi omɔti o bapɔsɔlu domi na babae, aduaka engbanga na emumu e basoda na mipamba ko na mihukuku. Balomamaka na bakumu ba banganga ba Ndjakomba, na balehi ba mobeko ko na basuku ba ibonga. 44Yudasi, yona okabaka Yesu, abapaka embete: «Momi yona wabhimbake mbi, edi yo. Mopeani ko duani na nde bopele.» 45Na mbala emɔti baimeaka, Yudasi asabateaka mbuti na Yesu ko abalaka na nde: «Labi!» Ko amobhimbaka. 46Na bea bakwaka diko i nde ko bamopeaka. 47Omɔti o batingami odaka ena aiwaka mopamba, alenaka mosali o nganga monɛnɛ o Ndjakomba itoi#14, 47 Endja pongono ta Yoa 18, 26.. 48Yesu abalaka na bu: «Odoini apeanini, na mipamba na mihukuku elenge moweli o bato? 49Masu masusu nadaka na nu ta tepelo, ko nalehaka oiduakani apeanini. Endolo kina boo ekɔme bea bɛngi makomi makokedjame.» 50Na bea batingami basusu bamosundolaka ko batiaka#14, 50 Kokanedja ta 14, 27.. 51Mwenga momi omɔti akimanaka Yesu, alwoaka esendja e mbendja. Bamopeaka, 52endolo abasundolaka mbendja emina, atiaka mbundu.

Yesu ta boso bo esambi e banganga

(Endja pongono ta Mat 26, 57-68; Luk 22, 54-55; Yoa 18, 13-14)

53Bakɛkɛ na Yesu adi nganga monɛnɛ o Ndjakomba, oho adaka bakumu basusu ba banganga ba Ndjakomba, basuku ko balehi ba mobeko baputoanaka. 54Piɛlɛ amokimanaka bohali ko akweaka ta bopango bo ndako e nganga monɛnɛ o Ndjakomba. Oho adaka engbanga na babanei ko baokaka mosa. 55Bakondji ba banganga ba Ndjakomba ko na ibolea inɛnɛ i basuku ba bayuda, bahombaka tati ebe tine Yesu bɛngi bamolome ta bogwa, endolo baimodiaka na yu. 56Bato banɛnɛ babalaka boloa tina e nde, endolo tati i bobo ibwanaka idaka ibe. 57Bato bakina bangɔkɔ tine bobala meako mi boloa tina e nde: 58«Lomokaka bobala: “nabukake tepelo ye etonga bato, ko ngɔngɔ imasu masato, natongake ekina edi pɛ botongama na mɔmɔ ma bato#14, 58 Endja pongono ta Yoa 2, 19..”» 59Nongo ta mibalo mia tati i bobo ibwanaka idaka ibe. 60Na bea nganga monɛnɛ o Ndjakomba asangɔdjɔkɔ ta ndanda emumu e bato ko ahɔdjɔkɔ Yesu: «Otasɔmbedjaka nongo kɔpi ta pundi idjabalaka bato na wɛ?» 61Endolo Yesu adikaka bogo, aisɔmbedjaka nongo kɔpi. Nganga monɛnɛ o Ndjakomba amohɔdjɔkɔ naikina: «Wɛ odi Kilito, Mwana o Ndjakomba yona modjongoamake?» 62Yesu asɔmbedjaka: «Soti, edi mbi. Ko oenɛbini Mwana o Moto adi ta ebɔ e bami e Ndjakomba o sueya odi ta diko i losusu; omoenɛbini bodua ta matute ma busa#14, 62 Ndj 110, 1; Dan 7, 13..» 63Na bea mokondji o banganga ba Ndjakomba alakaka bisendja bi nde ko abalaka: «Loditi naikina na posa e batemo! 64Okini yo mɛnɛ moda masingaka yo Ndjakomba. Alɛdjɛkɛno naikina nde?» Basusu badimedjaka boo adi mobe ko bamoleneaka etumbo e bogwa#14, 64 Endja pongono ta lew 24, 16.. 65Bakina babangaka bomotuea masɔi ta boso, bamonangaka esendja ta boso, bamoindaka ndumɔ ko bamohɔdjɔkɔ: «Elɛ bonganga!» Ko babanei bamotombaka badaka bomoboma#14, 65 Kokanedja ta Isa 50, 6..

Piɛlɛ aingani Yesu

(Endja pongono ta Mat 26, 69-75; Luk 22, 56-62; Yoa 18, 15-18)

66Ehole edaka Piɛlɛ adi na mobondo ta ikanga i ndako, mosali mwali omɔti o nganga monɛnɛ o Ndjakomba aimeaka. 67Aenɛkɛ Piɛlɛ adaka booka mosa, amokokoledjaka ko abalaka: «Wɛ pongono, odaki engbanga na Yesu, moto o Nasaleta.» 68Endolo amoinganeaka ko abalaka: «Natamodjebaka, natasipoaka eka apalaka wɛ bobala.» Ngɔngimina aimaka bɛngi akɛ ta ikanga i ndako, [oko ta ehole emina, kɔkɔ akɔkɔlɔkɔ#14, 68 Makomi makina maditi na kombe, na bea kɔkɔ akɔkɔlɔkɔ..] 69Mosali mwali amoenɛkɛ naikina ko asɔmbɔkɔ bobala na bia ibadaka ena: «Momi yo adi omɔti o bobo!» 70Ko Piɛlɛ amoinganeaka naikina. Ngɔngɔ i moo ehole, ibadaka ena babalaka pongono na Piɛlɛ: «Soti mɛnɛ, odi omɔti o bobo, tengasa, wɛ odi mogalilea.» 71Endolo Piɛlɛ agamaka: «Kina boo Ndjakomba apɛni etumbo ekada boo nakosaka! Nakataka seleka, natadjebaka moto yona wabalaka no!» 72Oko ta ehole emina, kɔkɔ akɔkɔlɔkɔ mbala e babae, ko Piɛlɛ asɔmbedjaka malɛi ta kɔpi ebalaka Yesu na nde: «Boso bo kɔkɔ akɔkɔle mbala ibae, wainganeakeni mbala isato.» Na bea, abangaka boyea#14, 72 Endja 14, 30 Abangaka boyea Ta makomi makina mabalaka boo aimaka pɛpɛlɛ mɛnɛ ayei Kaoko alɛdjɛkɛ kɔpi ebala bo na nde ayei, Apea mɔmɔ ta molo ayeaka..

Currently Selected:

MALAKO 14: ngc

Highlight

Copy