LUKA 6
6
Yesu na sabata
(Hokea koko Mat 12, 1-8; Mal 2, 23-28)
1Busa bomɔti ba sabata, Yesu akatisaka gue ɛ ndongo. Batingami ba nde babuka mingbɔndu ma ndongo, baminɛlɛkɛkɛ na mabɔ ko ena baya mbuma. 2Bakina Bafalusai babala na bu boo: «Tina ndani ɔkɔkɔni modjɔ imasia mobeko ma booso boo motakɔɔmɔ ta iswi la sabata?» 3Yesu abasɔmbɛdja boo: «Ɔilangani mua imakɔɔ Davidi busa bomɔti ta ehole ɛdaka yo na ndja yo mɛɛnɛ ko na bato ibadalaka na nde? 4Aingea ta ndako ɛ Ndjambe, atomba mapa imabudjeama tina ɛ Ndjambe, amayaka ko amapa na bato ibadalaka na nde, noko mobeko ma booso mokapɛ enɔli oko odii banganga ba Ndjambe boo bamayake.» 5Yesu abala koko na bu boo: «Mwana ɔ moto adii moswa sabata.»
Moto ɔgwa ebɔ
(Hokea koko Mat 12, 9-14; Mal 3, 1-6)
6Busa bokina ba sabata, Yesu aingea ta ndako ɛ miongɔɔnɔ ɛ Bayuda ko abanga oleha. Moto omɔti ɔgwa ebɔ ɛ baami adaka ena. 7Bato ba edjebeli ɛ mibeko na Bafalusai batingea Yesu miso, bɛngɛɛ baenɛ kaoko aboani oheledja moto ta iswi la sabata, bɛngɛɛ badihe modjɔ ma omopunda. 8Endolo Yesu adjeba malɛi ma bobo. Na bea abala na moto ɔ ebɔ ɛgwa boo: «Emaa ko dua haa, boso ba bato basusu.» Aemaa ko adika diko. 9Bea Yesu abala na bu boo: «Naohɔdjakani: enɔli elopi mobeko ma boso nda? Okɔ opele kaoko obe ta busa ba sabata? Oheledja moto kaoko omobungedja?» 10Abahokea ibo basusu, abala na moto ona boo: «Ninodja ebɔ!» Akɔɔ oko bea, ko ebɔ ɛ nde ɛhela. 11Endolo bato ba edjebeli ɛ mibeko na Bafalusai baluma na kɛlɛ ko babaleana ta ndanda ɛ bobo diko la modjɔ moboani bo okɔ na Yesu.
Yesu ahɔɔ baapotele doomi na babae
(Hokea koko Mat 10, 1-4; Mal 3, 13-19)
12Ta maswi mia, Yesu aihwea ta ngomba tina ɛ oongɔɔnɔ ko anɔdja bulu bosusu aongɔɔnɔ Ndjambe. 13Ɔya busa, abea batingami ba nde ko ahɔɔ ta ndanda ɛ bobo doomi na babae ibapa yo kombe ɛ baapotele: 14Simo, ona ɔɔpa yo koko kombe ɛ Piɛlɛ na mwanango Andele, Djake na Yoani, Pilipo na Batelemi, 15Matie na Toma, Djake mwana ɔ Alefe, Simo ona osweaka ngando, 16Yude mwana ɔ Djake na Yudasi Isikalioti ɔimea mokabi ɔ Yesu.
Yesu alehi ko aheledjai bato
(Hokea koko Mat 4, 24-25; Mal 3, 7-13)
17Yesu atita ta ngomba na baapotele ko aema ta esika ɛ tandabanu, ena ɔdaka batingami ba nde bike, ko bato bike badaka koko ena: ibadonga mɔngɔ masusu ma Yuda, na Yelusalema ko na mabonga ma ekulu ɛ ibeke ilinɛnɛ, Tule na Sidona; 18baduaka tina ɛ omooka na osaheledja ta bipeko ba bobo. Bato ibatungeamaka na miembo mibe bahela. 19Moto mosusu ahombaka amobinge, tina ɛ boo ngulu ɛ Ndjambe ɛimanaka odii yo ko ɛbaheledjaka ibo basusu.
Ibɔngɛ na ndjokwa
(Hokea koko Mat 5, 1-12)
20Na bea Yesu ahokea batingami ba nde ko abala na bu boo:
«Sepi, ino ibadii bakwali,
tina ɛ boo Okumu ba Ndjambe bodii ba boono!»
21Sepi, ino ibadii na ndja hadɛdi,
tina ɛ boo odihabini mia mike!
Sepi, ino ibayeaka bie hadɛdi,
tina ɛ boo osɛkɛbini!
22«Sepi ɛ boono ekadaa boo bato ba oinini, baodumbini, baosingani ko bakabala obe tina ɛ boono, tina ɛ Mwana ɔ moto. 23Mokakɔmɔbi bea na nu, pimbwani na sepi, tina ɛ boo ndese enɛnɛ ɛombakani ta busa. Edii bea moda manɔngɛdjaka bataatabu batɛli.»
24«Endolo ndjokwa odii ino badiheli, tina ɛ boo odihani ibɔngɛ la boono ehele!
25Ndjokwa odii ino ibadii na mia mike hadɛdi,
tina ɛ boo omatakabini!
Ndjokwa odii ino ibasɛkɛkɛ hadɛdi,
tina ɛ boo odabini na ndjokwa ko oyeabini!
26Ndjokwa odii ino ekadaa boo bato basusu babalaka na nu opele, tina ɛ boo bataata bu bakɔkɔ bea na batɛli ba epulu!»
Bwela tina ɛ baloni
(Hokea koko Mat 5, 38-48; 7, 12a)
27«Endolo nabali na nu, ibaokakani: palani baloni ba boono, kɔɔni opele odii bii ibakaoloneni, 28djongoani ibakaolakedjɛni ko ongɔɔnɔni tina ɛ bia ibakaonɔngedjɛni. 29Ekadaa boo moto aobomi epataka ta mobanga momɔti, molɛkɛɛ koko mokina; ekadaa boo moto atombi mokoto ma wɛ, pɛpɛ omosia boo atombe koko simisi ɛ wɛ. 30Pa odii ona ɔsɛngɛkɛ, ko ekadaa boo moto ndani aotombei eka ɛ wɛ pɛpɛ owa mohɔdja yo. 31Kɔɔni odii bato bakina misusu imapalaka no boo bakɔe tina ɛ boono. 32Ekadaa boo ɔpalakani oko bia ibakaopaleni, tina ndani eboani no oomba sakola ɛ onɔ? Noko na bato ba masumu bakapale koko bia ibakabapale! 33Ekadaa boo ɔkɔkɔni opele oko odii bia ibakaokɔmɛɛni opele, tina ndani eboani no oomba sakola ɛ onɔ? Noko na bato ba masumu bakakɔe onɔ! 34Ekadaa boo obekedjɛni falanga oko odii bia ibalɛndɛkɛ no boo baosɔmbɛdjɛni, tina ndani eboani no oomba sakola ɛ onɔ? Noko na bato ba masumu bakabekedjae koko falanga odii bato ba masumu bɛngɛɛ boo babasɔmbɛdjae motwuia mua momɔti! 35Endolo palani baloni ba boono, bakɔmɛɛni opele ko babekedjani na pɛpɛ olɛndɛ oosɔ eka ɛ osɔmbɛdja. Na bea odihabini ndese enɛnɛ, ko odabini bana ba Ndjambe Oonɔi Diko, tina ɛ boo yo, adii mopele odii bato bakadae pɛpɛ odjeba opele bokabakɔe bo ko na bato ba mikɔ mibe. 36Lumani na bwela elengɛɛ Sangwanu ona odii molumake na bwela.»
Pɛpɛ osambedjani moto
(Hokea koko Mat 7, 1-5)
37«Pɛpɛ osambedjani moto ko Ndjambe aosambɛdjetebini; pɛpɛ odumbani moto na ikambo ko Ndjambe aodumbetebini na ikambo; yɛɛni ko Ndjambe aoyɛɛbini. 38Pani ko Ndjambe aopabini: ibenga inɛnɛ la esendja ɛ wɛ ilumabi na mwɛngi moboani, imbambamabi, ihɛhɛmɛbi ko mwɛngi monɔbi; tina ɛ boo baoedjɛbini oko na mwɛngi modii no oedjɛ bakina.»
39Yesu abala koko na bu na indjɛ boo: «Moto ɔgwa miso aboani olɔndɔ minande okina ɔɔgwa miso? Pɛpɛ! Ibo asusu babae bakwalea ta mombɔndɔ! 40Pɛpɛ moikoi omɔti onɔi molehi ɔ nde, endolo moikoi mosusu olehami opele mɛɛnɛ adalea oko elengɛɛ molehi ɔ nde. 41Tina ndani odii osisimodja oko mondjani mokɛkɛ modii ta diso la mwangwao, ko oditi oenɛ yaale ɛ ibaya edii ta diso la wɛ? 42Moda ndani mohɔni wɛ obala na mwangwao boo: “Mwaninga, kina naodongedjae mondjani mokɛkɛ modii ta diso la wɛ”, wɛ ona odii pɛpɛ oenɛ yaale ɛ ibaya idii ta diso la wɛ? Moto ɔ epulu, dongedja boso mɛɛnɛ yaale ɛ ibaya ilidii ta diso la wɛ na bea oenɛlea ohuu tina ɛ odongedja mondjani mokɛkɛ imodii ta diso la mwangwao.»
Mole mokadjebame na mbuma dja mu
(Hokea koko Mat 7, 16-20; 12, 33-35)
43«Pɛpɛ mole mopele imokabote mbuma ebe, na mole mobe imokabote mbuma epele. 44Tina ɛ boo eengi mole na mole mokadjebame na mbuma ɛ yu mɛɛnɛ. Tebatswɛ mbuma dja mole ma figi diko la ndjubɛ ko tebabuke mbuma dja vino diko la ndjubɛ. 45Moto mopele akaimusedjae midjɔ mipele imilumi ta ebombelo epele ɛ molema ma nde; moto mobe akaimusedjae midjɔ mibe imilumi ta molema ma nde, tina ɛ monɔko ma moto mokaimusedjae midjɔ imilumi ta molema ma nde.»
Ndako ibae
(Hokea koko Mat 7, 24-27)
46«Tina ndani okabeenini “Kumu, Kumu”, ko tokɔeni eka ekabale mbai na nu? 47Napalaka boo naoinedjaeni ndani okoani na moto odoi odii mbai, ɔɔkaka mibalo ma mbai ko amikokedjaka: 48adii elengɛɛ moto ona ɔpika ndako; alonga mombɔndɔ ma mbɛngɛ ko abakei moboko diko la mondeke. Ehole edua pela, madiba ma dua mala ndako na ngulu, endolo maihɔnɔ oyebuka, tina ɛ boo ɛpikama opele. 49Endolo moto ona okaoke bibaeli ba mbai ko pɛpɛ obikokedja adii elengɛ moto hoo ɔpika ndako ɛ nde diko la mokpɔtɔ, pɛpɛ miboko. Ehole ɛla madiba ma dua ndako na ngulu, ebukea pɛpɛlɛ: ekwa esusu mɛɛnɛ.»
Currently Selected:
LUKA 6: ngc
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)
LUKA 6
6
Yesu na sabata
(Hokea koko Mat 12, 1-8; Mal 2, 23-28)
1Busa bomɔti ba sabata, Yesu akatisaka gue ɛ ndongo. Batingami ba nde babuka mingbɔndu ma ndongo, baminɛlɛkɛkɛ na mabɔ ko ena baya mbuma. 2Bakina Bafalusai babala na bu boo: «Tina ndani ɔkɔkɔni modjɔ imasia mobeko ma booso boo motakɔɔmɔ ta iswi la sabata?» 3Yesu abasɔmbɛdja boo: «Ɔilangani mua imakɔɔ Davidi busa bomɔti ta ehole ɛdaka yo na ndja yo mɛɛnɛ ko na bato ibadalaka na nde? 4Aingea ta ndako ɛ Ndjambe, atomba mapa imabudjeama tina ɛ Ndjambe, amayaka ko amapa na bato ibadalaka na nde, noko mobeko ma booso mokapɛ enɔli oko odii banganga ba Ndjambe boo bamayake.» 5Yesu abala koko na bu boo: «Mwana ɔ moto adii moswa sabata.»
Moto ɔgwa ebɔ
(Hokea koko Mat 12, 9-14; Mal 3, 1-6)
6Busa bokina ba sabata, Yesu aingea ta ndako ɛ miongɔɔnɔ ɛ Bayuda ko abanga oleha. Moto omɔti ɔgwa ebɔ ɛ baami adaka ena. 7Bato ba edjebeli ɛ mibeko na Bafalusai batingea Yesu miso, bɛngɛɛ baenɛ kaoko aboani oheledja moto ta iswi la sabata, bɛngɛɛ badihe modjɔ ma omopunda. 8Endolo Yesu adjeba malɛi ma bobo. Na bea abala na moto ɔ ebɔ ɛgwa boo: «Emaa ko dua haa, boso ba bato basusu.» Aemaa ko adika diko. 9Bea Yesu abala na bu boo: «Naohɔdjakani: enɔli elopi mobeko ma boso nda? Okɔ opele kaoko obe ta busa ba sabata? Oheledja moto kaoko omobungedja?» 10Abahokea ibo basusu, abala na moto ona boo: «Ninodja ebɔ!» Akɔɔ oko bea, ko ebɔ ɛ nde ɛhela. 11Endolo bato ba edjebeli ɛ mibeko na Bafalusai baluma na kɛlɛ ko babaleana ta ndanda ɛ bobo diko la modjɔ moboani bo okɔ na Yesu.
Yesu ahɔɔ baapotele doomi na babae
(Hokea koko Mat 10, 1-4; Mal 3, 13-19)
12Ta maswi mia, Yesu aihwea ta ngomba tina ɛ oongɔɔnɔ ko anɔdja bulu bosusu aongɔɔnɔ Ndjambe. 13Ɔya busa, abea batingami ba nde ko ahɔɔ ta ndanda ɛ bobo doomi na babae ibapa yo kombe ɛ baapotele: 14Simo, ona ɔɔpa yo koko kombe ɛ Piɛlɛ na mwanango Andele, Djake na Yoani, Pilipo na Batelemi, 15Matie na Toma, Djake mwana ɔ Alefe, Simo ona osweaka ngando, 16Yude mwana ɔ Djake na Yudasi Isikalioti ɔimea mokabi ɔ Yesu.
Yesu alehi ko aheledjai bato
(Hokea koko Mat 4, 24-25; Mal 3, 7-13)
17Yesu atita ta ngomba na baapotele ko aema ta esika ɛ tandabanu, ena ɔdaka batingami ba nde bike, ko bato bike badaka koko ena: ibadonga mɔngɔ masusu ma Yuda, na Yelusalema ko na mabonga ma ekulu ɛ ibeke ilinɛnɛ, Tule na Sidona; 18baduaka tina ɛ omooka na osaheledja ta bipeko ba bobo. Bato ibatungeamaka na miembo mibe bahela. 19Moto mosusu ahombaka amobinge, tina ɛ boo ngulu ɛ Ndjambe ɛimanaka odii yo ko ɛbaheledjaka ibo basusu.
Ibɔngɛ na ndjokwa
(Hokea koko Mat 5, 1-12)
20Na bea Yesu ahokea batingami ba nde ko abala na bu boo:
«Sepi, ino ibadii bakwali,
tina ɛ boo Okumu ba Ndjambe bodii ba boono!»
21Sepi, ino ibadii na ndja hadɛdi,
tina ɛ boo odihabini mia mike!
Sepi, ino ibayeaka bie hadɛdi,
tina ɛ boo osɛkɛbini!
22«Sepi ɛ boono ekadaa boo bato ba oinini, baodumbini, baosingani ko bakabala obe tina ɛ boono, tina ɛ Mwana ɔ moto. 23Mokakɔmɔbi bea na nu, pimbwani na sepi, tina ɛ boo ndese enɛnɛ ɛombakani ta busa. Edii bea moda manɔngɛdjaka bataatabu batɛli.»
24«Endolo ndjokwa odii ino badiheli, tina ɛ boo odihani ibɔngɛ la boono ehele!
25Ndjokwa odii ino ibadii na mia mike hadɛdi,
tina ɛ boo omatakabini!
Ndjokwa odii ino ibasɛkɛkɛ hadɛdi,
tina ɛ boo odabini na ndjokwa ko oyeabini!
26Ndjokwa odii ino ekadaa boo bato basusu babalaka na nu opele, tina ɛ boo bataata bu bakɔkɔ bea na batɛli ba epulu!»
Bwela tina ɛ baloni
(Hokea koko Mat 5, 38-48; 7, 12a)
27«Endolo nabali na nu, ibaokakani: palani baloni ba boono, kɔɔni opele odii bii ibakaoloneni, 28djongoani ibakaolakedjɛni ko ongɔɔnɔni tina ɛ bia ibakaonɔngedjɛni. 29Ekadaa boo moto aobomi epataka ta mobanga momɔti, molɛkɛɛ koko mokina; ekadaa boo moto atombi mokoto ma wɛ, pɛpɛ omosia boo atombe koko simisi ɛ wɛ. 30Pa odii ona ɔsɛngɛkɛ, ko ekadaa boo moto ndani aotombei eka ɛ wɛ pɛpɛ owa mohɔdja yo. 31Kɔɔni odii bato bakina misusu imapalaka no boo bakɔe tina ɛ boono. 32Ekadaa boo ɔpalakani oko bia ibakaopaleni, tina ndani eboani no oomba sakola ɛ onɔ? Noko na bato ba masumu bakapale koko bia ibakabapale! 33Ekadaa boo ɔkɔkɔni opele oko odii bia ibakaokɔmɛɛni opele, tina ndani eboani no oomba sakola ɛ onɔ? Noko na bato ba masumu bakakɔe onɔ! 34Ekadaa boo obekedjɛni falanga oko odii bia ibalɛndɛkɛ no boo baosɔmbɛdjɛni, tina ndani eboani no oomba sakola ɛ onɔ? Noko na bato ba masumu bakabekedjae koko falanga odii bato ba masumu bɛngɛɛ boo babasɔmbɛdjae motwuia mua momɔti! 35Endolo palani baloni ba boono, bakɔmɛɛni opele ko babekedjani na pɛpɛ olɛndɛ oosɔ eka ɛ osɔmbɛdja. Na bea odihabini ndese enɛnɛ, ko odabini bana ba Ndjambe Oonɔi Diko, tina ɛ boo yo, adii mopele odii bato bakadae pɛpɛ odjeba opele bokabakɔe bo ko na bato ba mikɔ mibe. 36Lumani na bwela elengɛɛ Sangwanu ona odii molumake na bwela.»
Pɛpɛ osambedjani moto
(Hokea koko Mat 7, 1-5)
37«Pɛpɛ osambedjani moto ko Ndjambe aosambɛdjetebini; pɛpɛ odumbani moto na ikambo ko Ndjambe aodumbetebini na ikambo; yɛɛni ko Ndjambe aoyɛɛbini. 38Pani ko Ndjambe aopabini: ibenga inɛnɛ la esendja ɛ wɛ ilumabi na mwɛngi moboani, imbambamabi, ihɛhɛmɛbi ko mwɛngi monɔbi; tina ɛ boo baoedjɛbini oko na mwɛngi modii no oedjɛ bakina.»
39Yesu abala koko na bu na indjɛ boo: «Moto ɔgwa miso aboani olɔndɔ minande okina ɔɔgwa miso? Pɛpɛ! Ibo asusu babae bakwalea ta mombɔndɔ! 40Pɛpɛ moikoi omɔti onɔi molehi ɔ nde, endolo moikoi mosusu olehami opele mɛɛnɛ adalea oko elengɛɛ molehi ɔ nde. 41Tina ndani odii osisimodja oko mondjani mokɛkɛ modii ta diso la mwangwao, ko oditi oenɛ yaale ɛ ibaya edii ta diso la wɛ? 42Moda ndani mohɔni wɛ obala na mwangwao boo: “Mwaninga, kina naodongedjae mondjani mokɛkɛ modii ta diso la wɛ”, wɛ ona odii pɛpɛ oenɛ yaale ɛ ibaya idii ta diso la wɛ? Moto ɔ epulu, dongedja boso mɛɛnɛ yaale ɛ ibaya ilidii ta diso la wɛ na bea oenɛlea ohuu tina ɛ odongedja mondjani mokɛkɛ imodii ta diso la mwangwao.»
Mole mokadjebame na mbuma dja mu
(Hokea koko Mat 7, 16-20; 12, 33-35)
43«Pɛpɛ mole mopele imokabote mbuma ebe, na mole mobe imokabote mbuma epele. 44Tina ɛ boo eengi mole na mole mokadjebame na mbuma ɛ yu mɛɛnɛ. Tebatswɛ mbuma dja mole ma figi diko la ndjubɛ ko tebabuke mbuma dja vino diko la ndjubɛ. 45Moto mopele akaimusedjae midjɔ mipele imilumi ta ebombelo epele ɛ molema ma nde; moto mobe akaimusedjae midjɔ mibe imilumi ta molema ma nde, tina ɛ monɔko ma moto mokaimusedjae midjɔ imilumi ta molema ma nde.»
Ndako ibae
(Hokea koko Mat 7, 24-27)
46«Tina ndani okabeenini “Kumu, Kumu”, ko tokɔeni eka ekabale mbai na nu? 47Napalaka boo naoinedjaeni ndani okoani na moto odoi odii mbai, ɔɔkaka mibalo ma mbai ko amikokedjaka: 48adii elengɛɛ moto ona ɔpika ndako; alonga mombɔndɔ ma mbɛngɛ ko abakei moboko diko la mondeke. Ehole edua pela, madiba ma dua mala ndako na ngulu, endolo maihɔnɔ oyebuka, tina ɛ boo ɛpikama opele. 49Endolo moto ona okaoke bibaeli ba mbai ko pɛpɛ obikokedja adii elengɛ moto hoo ɔpika ndako ɛ nde diko la mokpɔtɔ, pɛpɛ miboko. Ehole ɛla madiba ma dua ndako na ngulu, ebukea pɛpɛlɛ: ekwa esusu mɛɛnɛ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)