2 Korɛŋto 9
9
Mboʼmvé kʉyě ŋɔŋ wɛ́ a fɛ́ ne ndebéne nɛ́
1Ŋgɛ ŋkhu ne ghebe yɛ́ pe fɛ́ pwó pǔkristo nɛ́, a tsyɛ́ ŋgâ mə mbó tsé ŋwɛʼɛ ŋweʼe fɛ̂ ne puŋ? 2Mə ndzé kpaŋató sʉ́ʼʉ yɛ́ pʉŋ tséʼé nɛ́. A zhyɛ́ yéré, mə ndɔ́ɔ́ wuŋ ntíʼɛ núŋ pwó pɛ Makadoniya. Mə kɛ tsɔ ne pɔ́b ŋgâ: «Pǔkristo Akayi kuʼɔ́ ne fɛ́ne yɔ́b, féré ŋgoʼnâŋ.» Nzyaŋambəb yuŋ tuʼɔ́ záá yáʼméted. 3Puŋ zé ŋgâ mə ntíʼɛ́ ne wúŋ. Mə ntwɔ́ pɔ́ŋmɛ́ nɛ́ pfúŋɔ́ puŋ kɛ́ʼɛ́ ŋgâ ntiʼéne méré ndɛ ndzaʼ ndzəndzoʼ ne no yɔŋ. Mə tsé ntsaa ŋgâ, pɔ́b ghɛ́ mbáŋa puŋ tsúŋú mbəb yuŋ njʉ́ mə ntsó nɛ́. 4Mə tsé mbɔ́ɔ́ ŋgâ, a pɛɛ yɛ́ pecyó pǔmakadoniya tsyaŋá, psyɛ̌ pɔ́b ghɛ́ mbáŋa, puŋ pe tsúŋú mbəb yuŋ nɛ́ pó, mbǒ tiʼéne méré sɛ́rɛ́ cʉ́ʼɔ́ pfɔ́shʉ́ŋ ne psi, ghɛmbɛ mbé yɛ́ pé cʉyǐ njʉ́ nɛ́, a ke mbɛɛ pfɔ́shʉ́ŋ ne puŋ. 5A zhyɛ́ yéré nɛ́ mə mbéé twɔ́ pɔ́ŋmɛ́ ŋgâ pɔ́b kpɛ́ɛ́ síŋ psi tsúŋú mɔ́b pɛ́ puŋ fɛ nɛ́, mɔ́b pɛ́ puŋ kɛ kaʼ ne pǔndzɔʼ yuŋ nɛ́. Pɔ́b pe tɛ ndɛ́rɛ́ náá fɛ́ ndzó taʼ ywoʼ, pe zhʉ kpaʼ sísíŋ mbéyɛ́ puŋ fɛ́ ne taʼ ndzɔʼ kii ŋgâ ne ndzɔʼ yípáá nɛ́.
6Puŋ cʉ̌yi ndzé ŋgâ:
«Ŋɔŋ wɛ́ a pfê mɔ́ŋtii nɛ́
ŋkʉ́yó ke ŋkábá mɔ́ŋtii.
Ŋɔŋ wɛ́ a pfê a záá nɛ́,
ŋkʉ́yó ke ŋkábá, a záá.»
7A mbɛwɔ̂ ke fɛ̌ njʉ́ a tíí ndzó ndzɔʼ yé nɛ́, kii fɛ́ ne tsúŋine. Kii pó mbɛ̌ njʉ́ pe ziʼɛ wé ziʼ nɛ́. Ŋkyé ŋgâ Mboʼmvé kʉyě ŋɔŋ wɛ́ a fɛɛ ne ndebéne nɛ́. 8Mboʼmvé tséʼé tʉ̌ŋ ne ndûŋne páb púŋ, ne ŋkɔŋɔ mɔ́b sʉ́ʼʉ náá. Kɛ́ʼɛ́ ŋgâ puŋ ghɛ̂ tsɛʼɛ ŋkɔŋɔ mɔ́b pɛ́ a zɔŋɔ wúŋ ŋkɔŋɔ ŋkhoʼ náá nɛ́, kémbó tséʼé pɛ́ tɛɛmbɛ puŋ zhyɛ́ pɛ meno sʉ́ʼʉ núŋ ŋkʉ́rʉ nɛ́. 9Njʉ́ ŋweʼe tsɔ́ ŋgâ:
«A ghób fɛ pwó mbɔ́ŋmbɔŋ,
ŋgerɛ́ŋged yé naʼ mye pó.»
10Mboʼmvé, Ŋɔŋ wɛ́ a fɛ́ mvěmɔ́b pwó mvémvé nɛ́, mbó fɛ pé ne njʉyǐne wé núŋ nɛ́, náʼá ŋkʉ́yó kémbó fɛ́ mvěmɔ́b ne puŋ, ŋgyɛ́ a záá. Mbó ŋkʉ́yó ŋgyɛ́ ŋgerɛ́ŋged yuŋ tséʼé pfiŋi zááme. 11Puŋ ŋkʉ́yó mbɛ pɛ foʼ ne ŋkɔŋɔ ndzáʼamé náá, mbó mbé ghaŋázhyɛ́ no sʉ́ʼʉ ne ŋkɔŋɔ ndzáʼá náá. Néré, záá pɔŋ fɛ́ ŋgúʼune pwó Mboʼmvé, ŋkyé fɛ pɛ́ puŋ záʼa mbəb psi, fɛ ne pɔ́b nɛ́. 12Ŋkyé ŋgâ mɔ́b péré pɛ́ pé téré nɛ́, ké mbé tséʼé ghebe pe ndaʼ pwó pǔkristo pó. Ntsʉʼmbé, a ŋgyɛ́ ŋgâ záá pɔŋ pó fɛ́ khǐŋgóʼ pwó Mboʼmvé. 13Záá pɔŋ ghóʼ no yɛ́ puŋ ŋgyɛ nɛ́, njʉ́ a nzɔŋɔ nɛ́. Néré pɔ́b ghɛ́ fɛ́ ŋgúʼune pwó Mboʼmvé, ŋkyé zóʼntswee yɛ́, puŋ tsɔ́ ŋgâ puŋ tséʼé ŋkyé Ŋkəŋ sʉ́ʼʉ Kristo nɛ́. Pɔ́b kémbó fɛ́ ŋgúʼune pwó Mboʼmvé, ŋkyé pǔpfob yuŋ yɛ́, a zhyɛ́, puŋ ghôb mɔ́b puŋ fɛ́ yɔ́b, mbó fɛ́ ye pecyó pɔŋ. 14Mboʼmvé fɛ́ mɔ́b sʉ́ʼʉ nné puŋ zááme, nné pǔpfob yé. A zhyɛ́ yéré nɛ́, pɔ́b ghɛ́ nyóʼó kəŋe yɛ́ pɔ́b tséʼé ŋkyé wúŋ nɛ́, ntsɛʼɛ Mboʼmvé ŋkyé wúŋ. 15Ŋgúʼune pɛ pwó Mboʼmvé wɛ́ a zhyɛ́ pɛ meno sʉ́ʼʉ pɛ́ pe kaa kɛ zhʉ́ nɛ́ pó.
Currently Selected:
2 Korɛŋto 9: XMG
Highlight
Share
Copy
Want to have your highlights saved across all your devices? Sign up or sign in
2 Korɛŋto 9
9
Mboʼmvé kʉyě ŋɔŋ wɛ́ a fɛ́ ne ndebéne nɛ́
1Ŋgɛ ŋkhu ne ghebe yɛ́ pe fɛ́ pwó pǔkristo nɛ́, a tsyɛ́ ŋgâ mə mbó tsé ŋwɛʼɛ ŋweʼe fɛ̂ ne puŋ? 2Mə ndzé kpaŋató sʉ́ʼʉ yɛ́ pʉŋ tséʼé nɛ́. A zhyɛ́ yéré, mə ndɔ́ɔ́ wuŋ ntíʼɛ núŋ pwó pɛ Makadoniya. Mə kɛ tsɔ ne pɔ́b ŋgâ: «Pǔkristo Akayi kuʼɔ́ ne fɛ́ne yɔ́b, féré ŋgoʼnâŋ.» Nzyaŋambəb yuŋ tuʼɔ́ záá yáʼméted. 3Puŋ zé ŋgâ mə ntíʼɛ́ ne wúŋ. Mə ntwɔ́ pɔ́ŋmɛ́ nɛ́ pfúŋɔ́ puŋ kɛ́ʼɛ́ ŋgâ ntiʼéne méré ndɛ ndzaʼ ndzəndzoʼ ne no yɔŋ. Mə tsé ntsaa ŋgâ, pɔ́b ghɛ́ mbáŋa puŋ tsúŋú mbəb yuŋ njʉ́ mə ntsó nɛ́. 4Mə tsé mbɔ́ɔ́ ŋgâ, a pɛɛ yɛ́ pecyó pǔmakadoniya tsyaŋá, psyɛ̌ pɔ́b ghɛ́ mbáŋa, puŋ pe tsúŋú mbəb yuŋ nɛ́ pó, mbǒ tiʼéne méré sɛ́rɛ́ cʉ́ʼɔ́ pfɔ́shʉ́ŋ ne psi, ghɛmbɛ mbé yɛ́ pé cʉyǐ njʉ́ nɛ́, a ke mbɛɛ pfɔ́shʉ́ŋ ne puŋ. 5A zhyɛ́ yéré nɛ́ mə mbéé twɔ́ pɔ́ŋmɛ́ ŋgâ pɔ́b kpɛ́ɛ́ síŋ psi tsúŋú mɔ́b pɛ́ puŋ fɛ nɛ́, mɔ́b pɛ́ puŋ kɛ kaʼ ne pǔndzɔʼ yuŋ nɛ́. Pɔ́b pe tɛ ndɛ́rɛ́ náá fɛ́ ndzó taʼ ywoʼ, pe zhʉ kpaʼ sísíŋ mbéyɛ́ puŋ fɛ́ ne taʼ ndzɔʼ kii ŋgâ ne ndzɔʼ yípáá nɛ́.
6Puŋ cʉ̌yi ndzé ŋgâ:
«Ŋɔŋ wɛ́ a pfê mɔ́ŋtii nɛ́
ŋkʉ́yó ke ŋkábá mɔ́ŋtii.
Ŋɔŋ wɛ́ a pfê a záá nɛ́,
ŋkʉ́yó ke ŋkábá, a záá.»
7A mbɛwɔ̂ ke fɛ̌ njʉ́ a tíí ndzó ndzɔʼ yé nɛ́, kii fɛ́ ne tsúŋine. Kii pó mbɛ̌ njʉ́ pe ziʼɛ wé ziʼ nɛ́. Ŋkyé ŋgâ Mboʼmvé kʉyě ŋɔŋ wɛ́ a fɛɛ ne ndebéne nɛ́. 8Mboʼmvé tséʼé tʉ̌ŋ ne ndûŋne páb púŋ, ne ŋkɔŋɔ mɔ́b sʉ́ʼʉ náá. Kɛ́ʼɛ́ ŋgâ puŋ ghɛ̂ tsɛʼɛ ŋkɔŋɔ mɔ́b pɛ́ a zɔŋɔ wúŋ ŋkɔŋɔ ŋkhoʼ náá nɛ́, kémbó tséʼé pɛ́ tɛɛmbɛ puŋ zhyɛ́ pɛ meno sʉ́ʼʉ núŋ ŋkʉ́rʉ nɛ́. 9Njʉ́ ŋweʼe tsɔ́ ŋgâ:
«A ghób fɛ pwó mbɔ́ŋmbɔŋ,
ŋgerɛ́ŋged yé naʼ mye pó.»
10Mboʼmvé, Ŋɔŋ wɛ́ a fɛ́ mvěmɔ́b pwó mvémvé nɛ́, mbó fɛ pé ne njʉyǐne wé núŋ nɛ́, náʼá ŋkʉ́yó kémbó fɛ́ mvěmɔ́b ne puŋ, ŋgyɛ́ a záá. Mbó ŋkʉ́yó ŋgyɛ́ ŋgerɛ́ŋged yuŋ tséʼé pfiŋi zááme. 11Puŋ ŋkʉ́yó mbɛ pɛ foʼ ne ŋkɔŋɔ ndzáʼamé náá, mbó mbé ghaŋázhyɛ́ no sʉ́ʼʉ ne ŋkɔŋɔ ndzáʼá náá. Néré, záá pɔŋ fɛ́ ŋgúʼune pwó Mboʼmvé, ŋkyé fɛ pɛ́ puŋ záʼa mbəb psi, fɛ ne pɔ́b nɛ́. 12Ŋkyé ŋgâ mɔ́b péré pɛ́ pé téré nɛ́, ké mbé tséʼé ghebe pe ndaʼ pwó pǔkristo pó. Ntsʉʼmbé, a ŋgyɛ́ ŋgâ záá pɔŋ pó fɛ́ khǐŋgóʼ pwó Mboʼmvé. 13Záá pɔŋ ghóʼ no yɛ́ puŋ ŋgyɛ nɛ́, njʉ́ a nzɔŋɔ nɛ́. Néré pɔ́b ghɛ́ fɛ́ ŋgúʼune pwó Mboʼmvé, ŋkyé zóʼntswee yɛ́, puŋ tsɔ́ ŋgâ puŋ tséʼé ŋkyé Ŋkəŋ sʉ́ʼʉ Kristo nɛ́. Pɔ́b kémbó fɛ́ ŋgúʼune pwó Mboʼmvé, ŋkyé pǔpfob yuŋ yɛ́, a zhyɛ́, puŋ ghôb mɔ́b puŋ fɛ́ yɔ́b, mbó fɛ́ ye pecyó pɔŋ. 14Mboʼmvé fɛ́ mɔ́b sʉ́ʼʉ nné puŋ zááme, nné pǔpfob yé. A zhyɛ́ yéré nɛ́, pɔ́b ghɛ́ nyóʼó kəŋe yɛ́ pɔ́b tséʼé ŋkyé wúŋ nɛ́, ntsɛʼɛ Mboʼmvé ŋkyé wúŋ. 15Ŋgúʼune pɛ pwó Mboʼmvé wɛ́ a zhyɛ́ pɛ meno sʉ́ʼʉ pɛ́ pe kaa kɛ zhʉ́ nɛ́ pó.
Currently Selected:
:
Highlight
Share
Copy
Want to have your highlights saved across all your devices? Sign up or sign in