2 Korɛŋto 11
11
Pɔ́lə pwɛ ghaŋátsɔ́mbwɔ́ pɛ́ pɔ́b gbéé ndzwé ghaŋántɔ́b Kristo nɛ́
1A ghɛ́ tɛɛmbɛ pǔŋ mgbaa mbəb yuŋ ndzóʼ no yɛ́, mə ntsɔ́ ne puŋ njʉ́ taʼ mbɛ́ɛ́ ndɛ tsɔ̂ no nɛ́! Ɔ́ŋɔ́! Puŋ naʼ gbaa mbəb yuŋ ndzóʼ. 2Mə ŋkʉyě wúŋ njʉ́, məŋgʉ́yé kífʉ́ʉ́ ndɛ ŋkʉyě ndwɔ́ yé nɛ́. A ke mbé nɛ́ njʉ́ Mboʼmvé ŋkʉyě wúŋ nɛ́. Mə kɛ tswɛɛ wúŋ pwó ndaʼ taʼ tsefɔŋ, á pé Kristo. Yânéré ŋgâ puŋ náʼ tsɛ́ síŋi yé, njʉ́ taʼ mɔ́ŋndɛ́mɛ́ wɛ́ a síŋ mbəb ye nɛ́ pó. 3Ntsʉʼmbɛ́ njʉ́ nɔ́ kɛ yɔ̌ ŋgɔ́b, shʉyɛ́ Éfa núŋ nɛ́, mə tsé mbɔ́ɔ́ ŋgâ, kpaŋató yúŋ sɛ́rɛ́, shʉyɛ̂ wúŋ, puŋ tee mbéne ŋgerɛ́ŋged pwɛ ndáŋne mɛ́ Kristo fɛ́ nɛ́. 4Pǔŋ kɛ mgbǎ mbəb yuŋ ŋgɔ́rɔ́ syé, zóʼntswee sɔ́ ŋɔŋ wɛ́ a kʉ́yó ncʉri cyó yěsô ndúŋ, kii a pé wɛ́ psi kɛ cʉrɛ́ ne puŋ nɛ́! Puŋ pó mbzyɛ́ cyó zhʉye, kii a pe wɛ́ psi kɛ fɛ́ ne puŋ nɛ́, mbó mbzyɛ́ cyó Ŋkəŋ sʉ́ʼʉ, kii a pe wɛ́ psi kɛ cʉrɛ́ ne puŋ, puŋ psyɛ́ nɛ́! 5Tsʉ́ʼŋgɛmbɛ, mə mbé zhʉ́ kpaʼ yɔ́b yɛ́, pɔŋ pé ke nɛ́ pǔŋ fú wɔ́b ne mɛ́mɛ́ ghaŋántɔ́b nɛ́, tsɛ́ɛ́ ya núŋ nɛ́ pó. 6Mbɛ njʉ́ mə ndzɛ́ tsɔ́ no nɛ́ pó! Ntsʉ́ʼmbɛ ne zɛ́no a pé no ndúŋ. Ne ŋkɔŋɔ no náá, ne ŋkɔŋɔ ndzáʼá náá, psi kɛ nyoʼó ne puŋ. 7Néré kɛ́ʼɛ́, mə kɛ vǒ njʉ́, mə kɛ fɛ́ mbəb ya syé, ne ŋkʉrʉ́ne wúŋ cʉrí Ŋkəŋ sʉ́ʼʉ Mboʼmvé ne puŋ, ndzəndzoʼ nɛ́? 8Ntsʉʼmbé, mə kɛ pó ntee ŋgâ yéré peʼ tɛ́rɛ́ tó, pecyó yáʼméted. Mbzyɛ́ ŋgâ, pɔ́b fɛ́ yɔ́b yɛ́ a kɛ zɔŋɔ ne mo, ne fǎʼne ne puŋ nɛ́. 9Mbɛ ŋkhoʼyɛ́ mə kɛ tsé kaa yɔ́b ŋkhoʼyɛ́ mə kɛ pɛ́ yóʼó puŋ nɛ́, mə mbé tsɔ́ʼ pfiŋi mbəb tsye ŋɔŋ ndzɔ́ʼɔ́ puŋ pó. Ŋkyé ŋgâ, pɔ́ŋmɛ́ pɛ́ pɔ́b kɛ twɔ́ Makadoniya nɛ́, kɛ fɛ́ mɔ́b pɛ́ a kɛ tsé kaa ne mo nɛ́. Mə mbé pé taʼ peʼ ne puŋ ndúŋú cyó no, ne cyó ndzaʼye pó. Mə tsʉʼ ke ntsaa ŋgâ a náʼ ke mbɛɛ néré. 10Mə tsɔ́ kaʼa pé ne ŋgerɛ́ŋged Kristo yɛ́ mə ntséʼé nɛ́. Tɛɛmbɛ ŋɔŋ náʼ mbé zhyɛ́ mə tee kii tsé ntiʼɛ́ núŋ ndzó pɛ́rɛ́ ŋgɔŋ Akayi pó. 11Néré kɛ́ʼɛ́ ŋkyé kɔ́? ŋkyé ŋgâ mə kʉ́yé wúŋ pɔɔ? Mboʼmvé zé! 12Yɔ́b yɛ́ mə ŋgyɛ̂ nɛ́, mə ke ŋgyɛ̌ yéré ŋgú ne ssó. Néré kɛ́ʼɛ́ ŋgâ, kii pɔŋ ndɛ ndzáʼa ndúŋú tsé ŋɛʼɛ, ntsɔ́ ŋgâ, psyɛ́ pɔ́b taʼ no. 13A twɔ́ Kristo ntwɔ́ pɔŋ péré pó, pɔ́b ghaŋátsɔ́mbwɔ́ mgbéé ndzwé ghaŋántɔ́b Kristo. 14Yéré pɛɛ no ffé pó. Ŋkyé ŋgâ Sátaŋ ke ŋgyɛ̂ yé pé néré, mgbéé ndzwé pɛ aŋgere kiʼa ywoʼ. 15A ke mbé nɛ́ njʉ́ ŋgaŋafaʼ pé, ke mgbéé ndzwé ŋgaŋafaʼ meno sʉ́ʼʉ nɛ́. Pɔ́b ke ŋkʉ́yó mě njʉ́ pwófaʼ yɔ́b nɛ́.
Mkpeʼe pɛ́ Pɔ́lə kɛ zaʼa ndzóʼó nɛ́
16Mə ntsɔ nɛ́ ŋkʉ́rʉ́ ŋgâ, kii puŋ ndɛ mkpáŋ ŋgâ mə mbɛ́ɛ́. Kii ŋgâ puŋ psyɛ́ ya ŋgâ mə mbɛ́ɛ́! Cyó ŋkhoʼ, mə ndáá ndúŋú náʼ tíʼé ya. 17No yɛ́ mə nzɔŋɔ tsɔ́ nɛ́, a zhyɛ́ Ntsɛɛpɔŋ ŋgâ mə ntsó pó. Ntsʉʼmbé mə ntsɔ́ɔ́ ne pɛ́ɛ́ ya. Yǎneré ŋgâ mə náʼá tíʼé kii tsé mbɔ́ɔ́. 18Njʉ́ puzááme tíʼé ŋkyé sí yɛ́ pɔ́b tsɛʼɛ njʉ́ pumésɔŋ nɛ́, a zɔŋɔ ŋgâ mə ke tiʼe yaa néré. 19Puŋ pɛ́ pǔŋ kpaŋató nɛ́, puŋ tséʼé gbǎndzɔʼ ŋkyé pɔŋ pɛ́ pɔ́b pɛ́ɛ́ nɛ́. 20Puŋ gbǎndzɔʼ ŋkhoʼyɛ́ pe tsé ndɔ́ɔ́ wúŋ ne mkpaŋ nɛ́, ŋkhoʼyɛ́ pe tsé gbǎ wúŋ mkpee mɔ́b puŋ nɛ́, ŋkhoʼyɛ́ pé tsé ndzwê mɔ́b púŋ nɛ́, ŋkhoʼyɛ́ pé tsé mgbáŋá wúŋ nɛ́, ŋkhoʼyɛ́ pe tsé mgbii wúŋ nɛ́. 21Mə tsɔ́ nɛ́ kɛ́ʼɛ́ a pɛ́ɛ́ ndáá pfɔ́shʉ́ŋ nɛ́ ne psi. Ŋkyé ŋgâ a pé nɛ́ pé njʉ́, psi kɛ pɛ́ɛ́ pupɔ́bme nɛ́. Mə tsɔ nɛ́ ŋkhoʼyɔŋ pé njʉ́ taʼ mbɛ́ɛ́ nɛ́, no yɛ́ pɔŋ mwɔ̂ ntsɔ́ nɛ́, mə ke ntsɔ́ yáá. 22Pɔ́b pɛ Ebərə! mə ke mbɛ́ ya cyó! Pɔ́b pɔ́ŋ Issayɛ! mə ke mbɛ́ ya cyó! Pɔ́b pɔ́ŋ Ábraham! mə ke mbɛ́ ya cyó! 23Pɔ́b ghaŋáfaʼ Kristo? Mə ntsɔ́ nɛ́ njʉ́ kii tó ya ndzó nɛ́ pó. Ŋkɔʼɔtómbəb ya mə tsɛ̌ yéré,
Ndzɔ́ʼɔ́ pɛ ŋgəʼo, mə kɛ njʉ́ tsɛɛ wɔ́b náá,
ndáb tsáŋ, mə ŋkuŋ tsáŋ tsɛɛ wɔ́b náá,
mbɛ no ŋkɔ́d? Pe kɛ gbíí ya tsɛɛ ŋkɔŋɔ wɔ́b náá.
Mbɛ tswee vó, a kɛ mî ya kɛ zááme!
24Pɛ Yúda kɛ mgbíí ya kɛɛ yítaŋ ne mgbaa ghúbmekyéd ne yípfuʼɔ.
25Pé kɛ mgbíí yá ne féé ŋkɛɛ yíkyéd.
Pe ntswɔ́ yá ne pɛ ŋgɔʼ ne nɔ̌ʼne ya, taʼ kɛɛ.
Páŋ zɔŋɔ ŋgú ne mo nse ŋkɛɛ yíkyéd.
Mə kɛ tsó taʼ netsúʼ ne taʼ nwɔ̌nsó ndzó sə́b.
26Mə kɛ nyí pecyó ŋkhoʼ ne kpee.
Ntsɛ́ mésɔvó ndzó pɛ nse.
Ntsɛ́ mésɔvó síŋ pɛ gháŋagháŋ!
Ntsɛ́ mésɔvó síŋ pɔ́ŋmɛ́ páá pe Yúda.
Ntsɛ́ mésɔvó síŋ pɛ kiizɛ́mboʼmvé.
Ntsɛ́ mésɔvó ndzó pɛ mbɛ́lʉ́ŋ.
Ntsɛ́ mésɔvó ghúŋkwéʼé.
Ntsɛ́ mésɔvó ndúŋú lepaanse.
Ntsɛ́ mésɔvó síŋ pɔŋ pɛ́, pɔ́b gháá pɔ́b pɛɛ pɔŋmɛ́ tsʉʼ mbé pe nɛ́ pó.
27Faʼ pwɛ pɛ ŋgəʼo kɛ zhyɛ́ mə ndaʼ sáŋ pecyó ŋkhoʼ, ndzyekúʼú pwɛ ndzye nse kɛ zí ya, mə mbó ndzɛ́ nse pe pecyó ŋkhoʼ, ndaʼ fóó, mbó tsó kii ndzwé. 28Mvuʼɔ́ kɔ́! Yɔ́b yɛ́ mə kɛ kpaŋá ŋkɔŋɔ ŋkhoʼ náá nɛ́, kɛ njʉ́yǐ ŋgâ, faʼa ŋkɔŋɔ pɛ yáʼméted náá ghú ne ssó. 29A pɔ́rɔ́ ŋɔŋ, psi kpaʼ náá mbɔ́d. A vɔ wɔ̂, a tsó kii zúʼú ya mɔ? 30A pɛ́ɛ́ no ntiʼéne, mbǒ mə ntiʼɛ́ ne mbɔ́dne máá. 31Mboʼmvé, ye wɛ́ a Tɛd Ntsɛɛpɔŋ Yěsô nɛ́, ye wɛ́ pe fɛ́ ŋgúʼune pwó ye ŋgǒʼ ne ŋgôʼ nɛ́, zé ŋgâ mə ntsɔɔ mbwɔ́ pó. 32Ŋkhoʼyɛ́ mə kɛ pɛ́ Damáásə nɛ́, ŋgɔ́menaʼ wɛ́ a kɛ pɛ yóʼó, ndzó mbwó fɔŋ Aretâsə nɛ́, kɛ tíí pɛ kaŋátó ntswee kaŋ mbɛ́lʉ́ŋ ŋgâ pɔ́b mgbáá ya. 33Ntsʉʼmbé, pé níŋí yáá pé ndzó taʼ kékáʼá, ndziʼa yá ntswěwéndo, mə shʉ̌yí ndúŋú kaŋ, ndzú ntswee pɔ́b.
Currently Selected:
2 Korɛŋto 11: XMG
Highlight
Share
Copy
Want to have your highlights saved across all your devices? Sign up or sign in
2 Korɛŋto 11
11
Pɔ́lə pwɛ ghaŋátsɔ́mbwɔ́ pɛ́ pɔ́b gbéé ndzwé ghaŋántɔ́b Kristo nɛ́
1A ghɛ́ tɛɛmbɛ pǔŋ mgbaa mbəb yuŋ ndzóʼ no yɛ́, mə ntsɔ́ ne puŋ njʉ́ taʼ mbɛ́ɛ́ ndɛ tsɔ̂ no nɛ́! Ɔ́ŋɔ́! Puŋ naʼ gbaa mbəb yuŋ ndzóʼ. 2Mə ŋkʉyě wúŋ njʉ́, məŋgʉ́yé kífʉ́ʉ́ ndɛ ŋkʉyě ndwɔ́ yé nɛ́. A ke mbé nɛ́ njʉ́ Mboʼmvé ŋkʉyě wúŋ nɛ́. Mə kɛ tswɛɛ wúŋ pwó ndaʼ taʼ tsefɔŋ, á pé Kristo. Yânéré ŋgâ puŋ náʼ tsɛ́ síŋi yé, njʉ́ taʼ mɔ́ŋndɛ́mɛ́ wɛ́ a síŋ mbəb ye nɛ́ pó. 3Ntsʉʼmbɛ́ njʉ́ nɔ́ kɛ yɔ̌ ŋgɔ́b, shʉyɛ́ Éfa núŋ nɛ́, mə tsé mbɔ́ɔ́ ŋgâ, kpaŋató yúŋ sɛ́rɛ́, shʉyɛ̂ wúŋ, puŋ tee mbéne ŋgerɛ́ŋged pwɛ ndáŋne mɛ́ Kristo fɛ́ nɛ́. 4Pǔŋ kɛ mgbǎ mbəb yuŋ ŋgɔ́rɔ́ syé, zóʼntswee sɔ́ ŋɔŋ wɛ́ a kʉ́yó ncʉri cyó yěsô ndúŋ, kii a pé wɛ́ psi kɛ cʉrɛ́ ne puŋ nɛ́! Puŋ pó mbzyɛ́ cyó zhʉye, kii a pe wɛ́ psi kɛ fɛ́ ne puŋ nɛ́, mbó mbzyɛ́ cyó Ŋkəŋ sʉ́ʼʉ, kii a pe wɛ́ psi kɛ cʉrɛ́ ne puŋ, puŋ psyɛ́ nɛ́! 5Tsʉ́ʼŋgɛmbɛ, mə mbé zhʉ́ kpaʼ yɔ́b yɛ́, pɔŋ pé ke nɛ́ pǔŋ fú wɔ́b ne mɛ́mɛ́ ghaŋántɔ́b nɛ́, tsɛ́ɛ́ ya núŋ nɛ́ pó. 6Mbɛ njʉ́ mə ndzɛ́ tsɔ́ no nɛ́ pó! Ntsʉ́ʼmbɛ ne zɛ́no a pé no ndúŋ. Ne ŋkɔŋɔ no náá, ne ŋkɔŋɔ ndzáʼá náá, psi kɛ nyoʼó ne puŋ. 7Néré kɛ́ʼɛ́, mə kɛ vǒ njʉ́, mə kɛ fɛ́ mbəb ya syé, ne ŋkʉrʉ́ne wúŋ cʉrí Ŋkəŋ sʉ́ʼʉ Mboʼmvé ne puŋ, ndzəndzoʼ nɛ́? 8Ntsʉʼmbé, mə kɛ pó ntee ŋgâ yéré peʼ tɛ́rɛ́ tó, pecyó yáʼméted. Mbzyɛ́ ŋgâ, pɔ́b fɛ́ yɔ́b yɛ́ a kɛ zɔŋɔ ne mo, ne fǎʼne ne puŋ nɛ́. 9Mbɛ ŋkhoʼyɛ́ mə kɛ tsé kaa yɔ́b ŋkhoʼyɛ́ mə kɛ pɛ́ yóʼó puŋ nɛ́, mə mbé tsɔ́ʼ pfiŋi mbəb tsye ŋɔŋ ndzɔ́ʼɔ́ puŋ pó. Ŋkyé ŋgâ, pɔ́ŋmɛ́ pɛ́ pɔ́b kɛ twɔ́ Makadoniya nɛ́, kɛ fɛ́ mɔ́b pɛ́ a kɛ tsé kaa ne mo nɛ́. Mə mbé pé taʼ peʼ ne puŋ ndúŋú cyó no, ne cyó ndzaʼye pó. Mə tsʉʼ ke ntsaa ŋgâ a náʼ ke mbɛɛ néré. 10Mə tsɔ́ kaʼa pé ne ŋgerɛ́ŋged Kristo yɛ́ mə ntséʼé nɛ́. Tɛɛmbɛ ŋɔŋ náʼ mbé zhyɛ́ mə tee kii tsé ntiʼɛ́ núŋ ndzó pɛ́rɛ́ ŋgɔŋ Akayi pó. 11Néré kɛ́ʼɛ́ ŋkyé kɔ́? ŋkyé ŋgâ mə kʉ́yé wúŋ pɔɔ? Mboʼmvé zé! 12Yɔ́b yɛ́ mə ŋgyɛ̂ nɛ́, mə ke ŋgyɛ̌ yéré ŋgú ne ssó. Néré kɛ́ʼɛ́ ŋgâ, kii pɔŋ ndɛ ndzáʼa ndúŋú tsé ŋɛʼɛ, ntsɔ́ ŋgâ, psyɛ́ pɔ́b taʼ no. 13A twɔ́ Kristo ntwɔ́ pɔŋ péré pó, pɔ́b ghaŋátsɔ́mbwɔ́ mgbéé ndzwé ghaŋántɔ́b Kristo. 14Yéré pɛɛ no ffé pó. Ŋkyé ŋgâ Sátaŋ ke ŋgyɛ̂ yé pé néré, mgbéé ndzwé pɛ aŋgere kiʼa ywoʼ. 15A ke mbé nɛ́ njʉ́ ŋgaŋafaʼ pé, ke mgbéé ndzwé ŋgaŋafaʼ meno sʉ́ʼʉ nɛ́. Pɔ́b ke ŋkʉ́yó mě njʉ́ pwófaʼ yɔ́b nɛ́.
Mkpeʼe pɛ́ Pɔ́lə kɛ zaʼa ndzóʼó nɛ́
16Mə ntsɔ nɛ́ ŋkʉ́rʉ́ ŋgâ, kii puŋ ndɛ mkpáŋ ŋgâ mə mbɛ́ɛ́. Kii ŋgâ puŋ psyɛ́ ya ŋgâ mə mbɛ́ɛ́! Cyó ŋkhoʼ, mə ndáá ndúŋú náʼ tíʼé ya. 17No yɛ́ mə nzɔŋɔ tsɔ́ nɛ́, a zhyɛ́ Ntsɛɛpɔŋ ŋgâ mə ntsó pó. Ntsʉʼmbé mə ntsɔ́ɔ́ ne pɛ́ɛ́ ya. Yǎneré ŋgâ mə náʼá tíʼé kii tsé mbɔ́ɔ́. 18Njʉ́ puzááme tíʼé ŋkyé sí yɛ́ pɔ́b tsɛʼɛ njʉ́ pumésɔŋ nɛ́, a zɔŋɔ ŋgâ mə ke tiʼe yaa néré. 19Puŋ pɛ́ pǔŋ kpaŋató nɛ́, puŋ tséʼé gbǎndzɔʼ ŋkyé pɔŋ pɛ́ pɔ́b pɛ́ɛ́ nɛ́. 20Puŋ gbǎndzɔʼ ŋkhoʼyɛ́ pe tsé ndɔ́ɔ́ wúŋ ne mkpaŋ nɛ́, ŋkhoʼyɛ́ pe tsé gbǎ wúŋ mkpee mɔ́b puŋ nɛ́, ŋkhoʼyɛ́ pé tsé ndzwê mɔ́b púŋ nɛ́, ŋkhoʼyɛ́ pé tsé mgbáŋá wúŋ nɛ́, ŋkhoʼyɛ́ pe tsé mgbii wúŋ nɛ́. 21Mə tsɔ́ nɛ́ kɛ́ʼɛ́ a pɛ́ɛ́ ndáá pfɔ́shʉ́ŋ nɛ́ ne psi. Ŋkyé ŋgâ a pé nɛ́ pé njʉ́, psi kɛ pɛ́ɛ́ pupɔ́bme nɛ́. Mə tsɔ nɛ́ ŋkhoʼyɔŋ pé njʉ́ taʼ mbɛ́ɛ́ nɛ́, no yɛ́ pɔŋ mwɔ̂ ntsɔ́ nɛ́, mə ke ntsɔ́ yáá. 22Pɔ́b pɛ Ebərə! mə ke mbɛ́ ya cyó! Pɔ́b pɔ́ŋ Issayɛ! mə ke mbɛ́ ya cyó! Pɔ́b pɔ́ŋ Ábraham! mə ke mbɛ́ ya cyó! 23Pɔ́b ghaŋáfaʼ Kristo? Mə ntsɔ́ nɛ́ njʉ́ kii tó ya ndzó nɛ́ pó. Ŋkɔʼɔtómbəb ya mə tsɛ̌ yéré,
Ndzɔ́ʼɔ́ pɛ ŋgəʼo, mə kɛ njʉ́ tsɛɛ wɔ́b náá,
ndáb tsáŋ, mə ŋkuŋ tsáŋ tsɛɛ wɔ́b náá,
mbɛ no ŋkɔ́d? Pe kɛ gbíí ya tsɛɛ ŋkɔŋɔ wɔ́b náá.
Mbɛ tswee vó, a kɛ mî ya kɛ zááme!
24Pɛ Yúda kɛ mgbíí ya kɛɛ yítaŋ ne mgbaa ghúbmekyéd ne yípfuʼɔ.
25Pé kɛ mgbíí yá ne féé ŋkɛɛ yíkyéd.
Pe ntswɔ́ yá ne pɛ ŋgɔʼ ne nɔ̌ʼne ya, taʼ kɛɛ.
Páŋ zɔŋɔ ŋgú ne mo nse ŋkɛɛ yíkyéd.
Mə kɛ tsó taʼ netsúʼ ne taʼ nwɔ̌nsó ndzó sə́b.
26Mə kɛ nyí pecyó ŋkhoʼ ne kpee.
Ntsɛ́ mésɔvó ndzó pɛ nse.
Ntsɛ́ mésɔvó síŋ pɛ gháŋagháŋ!
Ntsɛ́ mésɔvó síŋ pɔ́ŋmɛ́ páá pe Yúda.
Ntsɛ́ mésɔvó síŋ pɛ kiizɛ́mboʼmvé.
Ntsɛ́ mésɔvó ndzó pɛ mbɛ́lʉ́ŋ.
Ntsɛ́ mésɔvó ghúŋkwéʼé.
Ntsɛ́ mésɔvó ndúŋú lepaanse.
Ntsɛ́ mésɔvó síŋ pɔŋ pɛ́, pɔ́b gháá pɔ́b pɛɛ pɔŋmɛ́ tsʉʼ mbé pe nɛ́ pó.
27Faʼ pwɛ pɛ ŋgəʼo kɛ zhyɛ́ mə ndaʼ sáŋ pecyó ŋkhoʼ, ndzyekúʼú pwɛ ndzye nse kɛ zí ya, mə mbó ndzɛ́ nse pe pecyó ŋkhoʼ, ndaʼ fóó, mbó tsó kii ndzwé. 28Mvuʼɔ́ kɔ́! Yɔ́b yɛ́ mə kɛ kpaŋá ŋkɔŋɔ ŋkhoʼ náá nɛ́, kɛ njʉ́yǐ ŋgâ, faʼa ŋkɔŋɔ pɛ yáʼméted náá ghú ne ssó. 29A pɔ́rɔ́ ŋɔŋ, psi kpaʼ náá mbɔ́d. A vɔ wɔ̂, a tsó kii zúʼú ya mɔ? 30A pɛ́ɛ́ no ntiʼéne, mbǒ mə ntiʼɛ́ ne mbɔ́dne máá. 31Mboʼmvé, ye wɛ́ a Tɛd Ntsɛɛpɔŋ Yěsô nɛ́, ye wɛ́ pe fɛ́ ŋgúʼune pwó ye ŋgǒʼ ne ŋgôʼ nɛ́, zé ŋgâ mə ntsɔɔ mbwɔ́ pó. 32Ŋkhoʼyɛ́ mə kɛ pɛ́ Damáásə nɛ́, ŋgɔ́menaʼ wɛ́ a kɛ pɛ yóʼó, ndzó mbwó fɔŋ Aretâsə nɛ́, kɛ tíí pɛ kaŋátó ntswee kaŋ mbɛ́lʉ́ŋ ŋgâ pɔ́b mgbáá ya. 33Ntsʉʼmbé, pé níŋí yáá pé ndzó taʼ kékáʼá, ndziʼa yá ntswěwéndo, mə shʉ̌yí ndúŋú kaŋ, ndzú ntswee pɔ́b.
Currently Selected:
:
Highlight
Share
Copy
Want to have your highlights saved across all your devices? Sign up or sign in