Gálatas 5

Jesucristomena marĩcã dotire docapʉ niriguere peotirigue

1Jesucristora marĩrẽ dotire doca nimiriarare diamacãrã cametʉogʉ marĩcã ñañarẽ tirigue wapare cʉ̃cã cõwõãrẽmena wapatibosarigʉ niwĩ. Tairo tira tie dotirerena tirucũnirã tiecã dotiepeyoribasocara abiro nirã eanemoherara Jesucristoyepere ĩcãdiamacãrã wãcũtutuaremena wedewõrucũmocãña. Ĩritoremena bueribasocacã mʉjãrẽ upatutira tamʉ Moisére dotire cũriguere tidotira eañerõcã cʉ̃jãrẽ icãta tʉoherimocãña; tie dotirere tinirãrã tamʉ mʉjã tie dotiro doca nirã eanirã tiere dotiepeyoriabasocara abiro nirã eari ĩrã.#Ga 1:4; 2:4; 4:3-9, 22-31; 5:13; Jn 8:32-36; Hch 15:10-11; Mt 11:28-30. 2Mʉjã yʉre ñurõ tʉoya. Yʉ Pablo mʉjãrẽ atiere abiro wedegʉda. Mʉjã Manigʉ̃rẽ “ñurã ñeno wapa cʉohera ñawã” ĩñerõcã bonirã mʉjãya conerigʉ yapa macã caserore widetacõãrẽrẽ yʉra eara Jesucristocã mʉjãrẽ ñurõ tibosa cametʉoriguepere icãta wapamanirẽrã abiro pʉtʉañerõcã tira tiroacu.#Hch 15:1. 3Mʉjãrẽ yʉ upatutira wedenemogʉ̃da tamʉ. No nigʉ̃ conerigʉ yapa macã caserore widetacõãdotirere yʉgʉnorẽ Moisére dotire cũrigue nipetirepʉrena tipetiro boro ya.#Ga 3:10. 4Mʉjã watoa macãrã noborara Moisére dotire cũriguere tirecʉtiremenape Manigʉ̃rẽ “ñurã ñeno wapa cʉohera ñawã” ĩñerõcã boribasocara ñawã cʉ̃jãcã Jesucristomena ĩcãrõ nirã eariguere pitinirã Manigʉ̃cã cʉ̃jãrẽ maĩgʉ̃ ñurõ tinigʉ̃ cʉ̃cã cametʉoriguere boheribasoca nirã eara.#Heb 12:15; 2Pe 3:17. 5Buri ʉ̃sãpere Espíritu Santora ʉ̃sãcã Jesucristore wedewõrẽ cʉoremenarã Manigʉ̃cã ʉ̃sãrẽ ñurã ñeno wapa cʉohera pʉtʉa ĩrẽrẽ queorora ña ĩ masĩñerõcã yawí. Atiera ña ʉ̃sãcã wedewõ ʉsearemena yuere.#Ro 8:23-24; Ga 2:16; 2Tm 4:8. 6Tairo tiro marĩcã Jesucristore wedewõrã niñerõcãrã Manigʉ̃cã ĩñacorore conerigʉ yapa macã caserore widetacõãyore nirẽ o widetacõãyoya manirẽ nirẽcã icãta wapamani. Marĩcã Jesucristore wedewõrẽ cʉore wadora Manigʉ̃cã ĩñacorore wapacʉtire ña. Tie cʉ̃rẽ wedewõrẽ cʉorera ña marĩrẽ Manigʉ̃rẽ ĩñerõcã ãpẽrãrẽ came maĩrẽmena niñerõcã tire.#1Co 7:19; Ga 6:15; Stg 2:14, 18-19; Ro 6:16; 16:25-26; 1Ts 1:3. 7¡Mʉjã mamarõpʉre Jesucristoyere tʉora eara; cʉ̃ye buerere wedewõ ñurõ tiquetatura eara timiwʉta no! ¿Noã mʉjãrẽ sua queoro nirẽ quetirena mʉjãcã ñurõ yʉquetatura eamiriguere tiere tipitira eañerõcã tiri? #1Co 9:24; Ga 3:1; Flp 2:16. 8Atiere mʉjã Manigʉ̃rẽ dioherimocãña. Mʉjãrẽ cʉ̃merã tiere tipitira eañerõcã tigatiyi. Cʉ̃pe doca mʉjãrẽ Jesucristore wedewõrã eañerõcã tinigʉ̃ cʉ̃ pũnarã abiro nirã eañerõcã tigʉ siorigʉra ñawĩ.#Ga 1:6. 9Mʉjãrẽ wede. “Panrẽ pũmasãñerõcã tire pẽrõgãrã nicaperocãrã pan tiribʉrʉare pairo pũmasãñerõcã ya” ĩrẽ ña. Tiera abirora ĩritoremena bueribasocʉ ĩcʉ̃gãrã nimocãcapeicãrã ĩcã ʉseromenarã mʉjã Jesúre wedewõrãcã mʉjãye wãcũrẽpʉre ñurẽ maquẽ buere cʉorere merĩãpe wasoa posopetimocãmasĩwĩ.#Mc 8:15; Mt 13:33; 1Co 5:6. 10Buri bicapeicãrã yʉ marĩ Nirũpʉ̃ Jesucristore wãcũtutuaremena wedewõ. Mʉjãcã yʉcã tirora abirora cʉ̃rẽ wedewõ. Tairo tigʉ mʉjãye niãte maquẽrẽ abiro wãcũ: “cʉ̃jã ĩritoremena bueribasocacã buerere pãnrẽ pũmasãñerõcã tirera abiro nirẽrẽ cʉ̃jãcã tiquetaturere piti, upatuti yʉra abiro Jesucristoye diamacã maquẽrẽ tiquetatura earagawa tamʉ” ĩ wãcũrẽ cʉo. Atiepʉare mʉjãrẽ ĩritoremena bue posorugaranorẽ Manigʉ̃ ñañarõ tiherigawi ĩmasĩheriga; merẽ cʉ̃ tairo tiranorẽ dairo nigʉ̃rẽ ñañarõ tijomocãgʉagawi.#2Co 2:3; Ga 1:7. 11Yara Jesucristore wedewõrã ãpẽrã yʉre abiro ĩwã: Pablo basocare “Manigʉ̃mena ñurõ nirugara conerigʉ yapa macã caserore widetacõãrẽrẽ tiro bo ĩ buewi” ĩwã. Yʉ tiere icãta tora abiro ĩ bueheri. Yʉcã tiere tora abiro bueñerõcãpʉare judío basoca tiere bueribasoca doca yʉre ĩñãtutira ñañarõ tirugara quetatuheribogawa. Yʉ Jesucristocã cʉ̃cã curusapʉ cõwõãriguemena basocare cametʉore quetipere bue. Yʉcã tiere buere wapape doca judío basoca tiere ñañarõ ĩdocatuyora tiemena cuara yʉre ĩñatutira ñañarõ cametʉañerõcã yawa.#Ro 9:32-33; 1Co 1:23; 15:30; Ga 4:29; 6:12. 12Yʉ cʉ̃jã ĩritoremena bueribasocare mʉjãrẽ conerigʉ yapa macã caserore widetacõãrẽrẽ tidoti mawisioribasocare ticaserogã wadorena widetacõãrõno tira cʉ̃jãpʉare niãriguepʉrena widetacõãdisuasuñerõcã ñucametʉasuboga ĩ.#Dt 23:1; Flp 3:2. 13Yara Jesucristore wedewõrã mʉjã Moisére dotire cũriguecã dotiepeyoribasoca niriara tie dotire docapʉra ninemoheradara, dotiepeyoyamanirãrã nirã earadara Manigʉ̃cã sioyora eariarara nirã ya. Tairo tira mʉjã Moisére dotire cũrigue docapʉ niherinirã; Manigʉ̃cã newioco dotiepeyoyamanirãrã abiro nirã tiriasiro niñerõcãrã “ʉ̃sãcã boriwãmepe ʉ̃sãcã tirugarere timasĩ” ĩrẽrẽ cʉora earemenape “ñañarẽ mʉjãye ũpʉ̃rĩ ʉgaripearepere tirada” ĩ wãcũherimocãña. Tora abiro wãcũrõno tira buripe came maĩrẽmena mʉjãbasurupe came titamu nirẽcʉtiya.#Mt 20:26; Ro 6:1; 13:8-10; 1Co 8:9; 9:19; 1Pe 2:16; Jud 1:4. 14Mʉjã ãpẽrãrẽ diamacãrã maĩrẽ cʉora Moisécã dotire cũrigue nipetirere tipetirara ya. Merẽ tie nipetire dotirerena ĩcãrõrã neõnʉcõñẽrõcã ĩcãrõrã dotiro pʉtʉaro earo ya. To abiro ĩ: «Mʉ cʉtiro nigʉ̃rẽ maĩña mʉbasurupe mʉcã maĩrõrã abiro» ĩ.#Lv 19:18; Mt 7:12; 22:39-40; Mc 12:31; Ro 13:8-9. 15Mʉjãrẽ wede. Mʉjã ñurõ tʉomasĩrẽmena niña. Mʉjã came maĩherara nirã, mʉjãbasurupera came ñañarõ ĩtutiremena nirã, ñañarõ came wedepasʉtiremena nirã waibʉcʉra diayiwara abiro came baca wejebaterara abiro bira tiroacu. Mʉjãcã tairo tiremenarã mʉjãbasurupera came dicawatipetiasu, mʉjãcã maĩrẽ cʉomuãrigue petiasuroacu.

Espíritu Santocã boriwãmepe tirucũ nirẽcʉtire

16Yʉ mʉjãrẽ abiro ĩ wedegʉ ya: Mʉjã Espíritu Santocã tiñerõcã borere yʉrucũmocãña. Mʉjã tora abiro cʉ̃cã borepere tirucũrã mʉjãya ũpʉ̃rĩcã ñañarẽ ʉgaripearere tirugarepere tira eaheriga.#Ro 8:4-6; Ef 2:3; 1Ts 4:1. 17Espíritu Santocã tiñerõcã borere marĩcã tiñerõcã marĩya ũpʉ̃rĩcã ñañarẽ ʉgaripearere tiñerõcã tirepe tiere icãta tiñerõcã boheri. Tiwãmerã marĩya ũpʉ̃rĩcã ñañarẽ ʉgaripearere marĩcã tiñerõcãpere Espíritu Santopecã tamʉ tiere icãta pẽrõgãno tiñerõcã boherijomocãwĩ. Anorã abiro atiecã tiebasurupe came acuta biñerõcãrã marĩ marĩcã tirugariwãmepe toquẽrĩpʉra timasĩheri.#Ro 7:15-23; 8:6-7. 18Espíritu Santocã tiñerõcã borepere marĩ yʉmasĩrã eara Moisére dotire cũrigue doca niherinirã tiecã tidotiriwãmerã tidotiyoribasoca nirã earamerã tiroacu.#Ro 6:14; 8:2, 14. 19Ũpʉ̃rĩcã ñañarẽ ʉgaripearere tiñerõcã borepere yʉquetaturibasocanorẽ cʉ̃jãcã tirecʉtiremenarã cʉ̃jãrẽ ñurõ ĩñamasĩriaro ña. Ĩcãye cʉ̃jãcã tire atie ña: nʉmocʉticaperãcãrã, manʉcʉticaperacãrã cʉ̃jã nʉmosãrõmiã niheramena, cʉ̃jã manʉsʉmʉã niheramena apayosa noborora ñañarõ ticãwã. Tairora ʉmʉã, nomiã tidotiheriwãmepe came apayosa ñañarõ ticãwã. Apeyere dairo nirẽ boborere tiyamanirẽnopʉrẽna ticametʉonʉcõrã ñawã.#Ro 1:29; 1Co 6:9-10; Ef 5:3; Col 3:5. 20Queore weriguerenarã wedewõrã ĩñerõcã yaiwacã o baseribasocacã wãtĩã tutuaremena tirecʉtirenorẽ tirecʉtira ñawã. Tairora ãpẽrã ĩñatutirepira ñawã. Ãpẽrãmena camequẽrẽpira, dowerepira ĩñerõcã noboregãmenarã cuapacara, came ĩñarugahera ñawã. Cʉ̃jãye niãte wadorena boribasoca, cʉ̃jãyabumacãrãrẽ came dicawatipetiasuñerõcã tira ñawã. 21Ãpẽrãcã cʉorere ĩñanirã ĩñaʉgo ĩñatutirepira, basocare sĩãrãno, mequẽderepira, bosebʉrecorire tira mequẽdenirã ñañarẽrẽ tirecʉtira ñawã. Ĩñerõcã apeye ñañarẽ tairesãñurẽ nirẽcãrẽ paje tirecʉtira ñawã. Tairo tigʉ yʉcã tosʉguero wederiaronorã mʉjãrẽ tamʉ cuwiopesaremena ñurõ tiya ĩnemogʉ̃da: Tora abiro tie ñañarẽrẽ tirucũrãno Manigʉ̃ye ʉmʉãwesepʉ cʉ̃yarare dotire marĩpʉre eariguere cʉora eamasĩheriroagawa.#1Co 6:9-10; Ap 22:15. 22Buri Espíritu Santope basocare atiere tirecʉtira nirã eañerõcã yawí: Ãpẽrãrẽ came maĩrẽ cʉoremena, toquẽrĩpʉra bʉtoro ʉsearemena, came ñurõ nirẽcʉtiñerõcã tiremena, merĩã wañerõcã patacãrõ manirõ nirẽmena, ʉseari yeripũna cʉore nirẽmena, bopacaĩñarẽ cʉoremena, ñurõ wãcũrẽmena titamurugare cʉoremena, Manigʉ̃cã boriwãmerã ãpẽrãrẽ queoro ñurõ tirucũrẽmena,#1Co 13:7; 2Co 6:6; Ef 5:9; Col 3:12-15. 23“ãpẽrãsotoa ña” ĩrẽrẽ cʉoheremena ĩñerõcã ũpʉ̃rĩcã ñañarẽ ʉgaripearere tiñerõcã tirugarere nʉcãmasĩrẽmena nirã eamasĩñerõcã yawí. Tiera ña Espíritu Santomena watirere marĩcã timasĩrã eare. Atie nipetirepʉrena ĩcãrõ dotironopera “tairo tiherimocãña” ĩ acutamasĩborono icãta manijomocãrõ ea. 24Marĩ Jesucristoyara nirã eariarapʉa basocʉcã ñañarẽrẽ tirecʉtigʉ niriawãmerẽ ĩñerõcã ũpʉ̃cã ñañarẽ ʉgaripearere tiñerõcã tirugariguere tiere tidura eariara ninirã Jesucristomenarã curusapʉ papatuyo tiere cõwõãrã eariarara abiro nirã ya. Tairo tira marĩ marĩcã tirugarepere, ñañarẽ ʉgaripearepere timasĩboramerã nirã ya.#Ro 6:3-14; Ga 2:19-20; 6:14; Col 3:5. 25Cʉ̃ Espíritu Santora marĩrẽ marĩye catirere wasoa merĩãwãmepe marĩrẽ nirẽcʉtira eamasĩrã tiriasiro niñerõcãrã, cʉ̃cã tiñerõcã boriwãmepera yʉquetatunirã marĩye catirere cʉ̃rẽna siosʉguedotirada.#Ro 8:4. 26Marĩ “ãpẽrãsotoare nirã ña” ĩ tʉoiñarẽcʉtiherimocãrãda. Ãpẽrãrẽ came cuañerõcã tiherimocãrãda ĩñerõcã “mʉjãsotoa ñurã ña” ĩnirã came ĩñatutirere niñerõcã tiherimocãrãda. Ãpẽrãcã cʉorepʉre ʉgo cʉorugara niherimocãrãda.#Flp 2:3.

Currently Selected:

Gálatas 5: yui

Highlight

Copy