Gálatas 1

Ñudoticore

1Yʉ Pablo basocacã Jesucristoyere buedotigʉ ticoyorigʉmerã, cʉ̃jãcã soneyorigʉmerã ña; buripe cʉ̃ Jesucristobasurupera cʉ̃yere buedotigʉ cũyorigʉpe ĩñerõcã Manigʉ̃ cʉ̃ Pacʉ Jesúre cõwõãrigʉpʉrena masõrigʉcã cũyorigʉra nigʉ̃ ya cʉ̃yere buearo ĩgʉ̃.#Hch 2:24; 9:3-6; 26:15-18; Ro 1:4; 1Co 15:8, 20; 2Co 1:1; Flp 3:4-14; 1Pe 1:3-4. 2Tairo tigʉ marĩyara Jesucristore wedewõrã yʉmena nirã nipetiramenarã mʉjã nipetira Galacia ditapʉ nirã Jesúre wedewõrãrẽ yʉ ñudotico.#1Co 16:1; 1Pe 1:1; 2Tm 4:10; Ga 3:1; 4:8, 13-14. 3Manigʉ̃ marĩ Pacʉ ĩñerõcã marĩ Nirũpʉ̃ Jesucristo mʉjãrẽ ñurẽrẽ nʉniãro#1:3 Torena aperore ñurõ tiaro, ĩñamaĩrẽ cʉoaro ĩ wede. tairora yerisãrẽrẽ mʉjãrẽ nʉniãro.#Jn 14:27; 20:19; Ro 1:7; Ef 1:2. 4Jesucristo, Manigʉ̃ marĩ Pacʉcã borora abirora cʉ̃cã dotirere queoro tigʉ marĩye ñañarẽ wapare tigʉra cʉ̃basurupera cʉ̃ye catirere wiyonigʉ̃ marĩrẽ cõwõãbosarigʉ niwĩ. Cʉ̃cã tairo tiremenarã Manigʉ̃rẽ acõboyora nirã eañerõcã tigʉ tirigʉ niwĩ ĩñerõcã marĩrẽ atibʉreco maquẽ ñañarẽ nirucũrẽrẽ cametʉoyora eañerõcã tigʉ tirigʉ niwĩ; atibʉreco macãrãrã abiro ñañarẽrẽ tirucũrãrã niherimocãro ĩgʉ̃.#Mt 1:21; 20:28; Jn 1:29; Ro 4:25; 1Co 15:3; 2Co 4:4; Ga 2:20; 1Pe 2:24; Ef 2:2; 6:12; Tit 2:14. 5¡Tairo tira nipetira bʉrecoricãrõ Manigʉ̃rẽ “mʉ ñucametʉanʉcãgʉ̃rã ña” ĩ ʉseare nʉnirucũmocãrãda! Tairora tirada.#Ro 9:5; 11:36; 16:27; Ef 3:21; 1Tm 1:17.

Apeye marĩrẽ Jesucristomena cametʉore queti mani

6Manigʉ̃ cʉ̃ye maĩrẽmenarã mʉjãrẽ maĩgʉ̃ Jesucristocã mʉjãrẽ tibosariguemenarã cʉ̃rẽ wedewõdotigʉ mʉjãrẽ siorigʉ niwĩ. Buri cʉ̃cã tora abiro cʉ̃ye maĩrẽ docapʉ mʉjãrẽ nidotigʉ cʉ̃cã sioriasiro nicãpetacãrã ĩñerõcã ñeno wapamerẽna cʉ̃rẽ acõboyora eariara nicaperacãrã cʉ̃rẽ matajoro wedewõdura eanirã apeye merĩãwãmepe buere quetipere mʉjãcã tʉo wedewõquetature earere yʉ bʉtorojoro wãcũpasʉtigʉjoro nigʉ̃ eagʉ cati.#2Co 11:4; Ga 5:8. 7Queorojoropʉare apeye ñurẽ queti marĩrẽ Jesucristomena cametʉore quetinopʉa icãta manijomocã. Buri atierena ĩcãrã basoca Jesucristomena basocare cametʉore queti queoro nirẽrẽna newasoa merĩãwãmepe bue mawisio, ĩritowa; mʉjãcã Jesucristoye quetire wedewõsocoriguere wedewõduñerõcã tira.#Hch 15:24; Ga 5:10. 8Mʉjãrẽ wede: ĩcʉ̃no mʉjãrẽ wati Jesucristomena basocare cametʉore quetire ʉ̃sãcã mʉjãrẽ wederiarora abiro wedehegʉra merĩãwãmepe mʉjãrẽ buegʉ eañerõcã Manigʉ̃rẽ “cʉ̃rẽ pecame tairo ʉ̃rũcũrĩmepʉ docasãcõãmocãña” ĩ sãĩ; ʉ̃sãnocãrẽ ʉ̃sãcã tora abiro tiñerõcã o dairo nigʉ̃ ĩcʉ̃ Manigʉ̃rẽ wedecoteribasocʉ ʉmʉãwesepʉmena wati tairo tiñerõcãnocãrẽ tairora tiya ĩ sãĩ.#Ro 9:3; 1Co 12:3; 16:22; 2Co 11:4, 14. 9Yʉ mʉjãrẽ atierena tosʉgueropʉ wedesiawʉ; buri wederigʉ nicapeicãrã yʉ marĩcʉorore mʉjãrẽ upatutira tierena wedenemogʉ̃da tamʉ: ĩcʉ̃no mʉjãrẽ wati Jesucristomena basocare cametʉore quetire ʉ̃sãcã mʉjãrẽ wederiguerena mʉjãcã tiere tʉo mʉjãcã wedewõrã eariguere tiera abiriwãmerã wedehegʉra merĩãwãmepe mʉjãrẽ bue mawisiogʉ eagʉnorẽ yʉ Manigʉ̃rẽ “¡cʉ̃rẽ pecame tairo ʉ̃rũcũrĩmepʉ docasãcõãmocãña!” ĩ sãĩ.#Ro 16:17. 10Yʉ mʉjãrẽ atiere anorã abiro wede ojacogʉ basocapere “cʉ̃ queorora ĩgʉ̃ yawí” ĩñerõcã bogʉmerã ya. Tairora ãpẽrãmena ñurõ pʉtʉarugagʉ amagʉ̃merã ya. Tora abiro tigʉpʉa yʉ Jesucristoyere tiheriboga; cʉ̃rẽ padedecoteribasocʉmerã nigʉ̃ tiboga. Yʉre yawãme nirõ Manigʉ̃basurupera “cʉ̃ queorora ĩgʉ̃ yawí” ĩrẽpe doca yʉre bʉtoro wapacʉtire nirõ ya.#1Ts 2:4.

Pablocã “Manigʉ̃rã yʉre Jesucristoye quetire wededotigʉ cũwĩ” ĩ wederigue

11Yara Jesucristore wedewõrã yʉ mʉjãrẽ atiere ñurõ masĩrã eañerõcã boga: Manigʉ̃cã Jesucristomenarã basocare cametʉore quetire yʉcã wedere atibʉrecopʉre ĩcʉ̃ basocʉnorã wãcũbʉariguere bueremerã ña.#Ro 2:16; 16:25; 1Co 15:1; 2Pe 1:16; 1Jn 1:1-3. 12Tie quetire icãta ĩcʉ̃ basocʉno yʉre wedeheriwi. Icãta ĩcʉ̃norã yʉre tiere bueheriwi. Jesucristope doca cʉ̃basurupera yʉre tiere eño ĩñamasĩgʉ̃ eañerõcã tiwi.#Hch 9:3-6; 22:6-10; 26:13-18; Ef 3:2-6. 13Merẽ yʉcã tosʉgueropʉ judío basocacã wedewõ tirecʉtirere yʉcã tiere queoro yʉquetatugʉ nigʉ̃ niriguere mʉjã ñurõ masĩga. Yʉ Manigʉ̃yarare Jesúre wedewõrãrẽ bʉtoro ĩñatutiremena ñañarõ tigʉ cʉ̃jãrẽ posañerõcã tiwʉ; cʉ̃jãcã Jesúre wedewõrẽ cʉorere peotirugagʉ tairo timiwʉ̃.#Hch 8:3; 9:21; 22:4-5; 26:9-11. 14Yʉ judíoacã wedewõrẽrẽ tiquetatugʉ yara yʉmena ĩcãrõpe bajuaricʉmarĩ cʉoracãrẽ cʉ̃jãsotoaperena tiere ñucametʉaro ticametʉonʉcõgʉ̃ nigʉ̃ eawʉ; cʉ̃jãsotoaperena ʉ̃sã ñecʉ̃sʉmʉãcã tirecʉtiriguere buecametʉonʉcõ queoro nirĩwãmerã tiere tiquetatucametʉonʉcõgʉ̃rã nigʉ̃ eawʉ.#Mt 15:2; Hch 22:3; Flp 3:6; Col 2:8. 15Buri Manigʉ̃pe yʉcã tairo tigʉ nicapetacãrã yʉpacoya patotipʉ sãñagʉ̃pʉrena cʉ̃ye paca ĩñamaĩrẽmenarã yʉre ñurõ tigʉ yʉre besecũsiarigʉ niwĩ; cʉ̃yere tiquetaturibasocʉra nigʉ̃ earo ĩgʉ̃.#Is 49:1, 5; Jer 1:5; Hch 9:15; Ro 1:1. 16Cʉ̃cã tairo tiriarora abirora cʉ̃ macʉ̃rẽ yʉre queorora ĩñamasĩgʉ̃ eañerõcã tiwi; judío basoca niherare cʉ̃ macʉ̃menarã cʉ̃cã cametʉore quetire wedearo ĩgʉ̃. Atiecã yʉre tairo wariasiro yʉ ĩcʉ̃ basocʉnopʉre “yʉ dairo tiba” ĩ sãĩñagʉ̃ waheriwʉ.#Mt 16:17; Hch 9:1-6, 15, 20; 22:21; 26:17-18; 1Co 15:50; Ef 6:12. 17Tairora Jerusalénpʉ nirãrẽ Jesucristocã yʉsʉguero cʉ̃yere buedotigʉ besecũyoriaracãrẽ sãĩñagʉ̃ waheriwʉ. Buripe diamacãrã Arabia ditapʉ warisuawʉ; siro tomenarã Damascope coepʉtʉajeawʉ tamʉ.#Hch 9:1-9, 19-25; 2Co 11:32-33. 18Itia cʉmasiropʉ yʉ Jerusalénpʉ Cefare mama ĩñamasĩgʉ̃dagʉ cʉ̃rẽ ĩñagʉ̃ wawʉ; cʉ̃menarẽ pʉa semanarã nigʉ̃ eawʉ.#1:18 Griegoye ʉseromena Pedrorena Cefas pisuwa (Hch 9:22-23, 26-30). 19Buri topʉre ãpẽrã Jesúcã cʉ̃ye quetire buedotigʉ cũyoriarare yʉ icãta ĩñaheriwʉ; marĩ Nirũpʉ̃ Jesucristo baji Santiago wadorena ĩñawʉ̃. Tairo tigʉ cʉ̃jã pʉ̃ãrãrẽna ĩñamasĩgʉ̃ eawʉ.#Mt 13:55; Hch 21:18; Lc 8:19. 20Yʉcã mʉjãrẽ ano wede ojare yʉcã ĩritoremerã nirõ ya; tie queorora nirẽ ña. Merẽ Manigʉ̃pʉra “cʉ̃ tiere queorora ĩgʉ̃ yawí” ĩ masĩwĩ. 21Siro yʉ Jerusalénpʉ niãrigʉra ditari Siriapʉ, Ciliciapʉ warisuawʉ.#Hch 9:30; 11:25; 22:3. 22Tocawatoapʉre marĩcʉ̃ Judea ditapʉ nirã Jesucristore wedewõrĩburimacãrã yʉre ĩñamasĩheriwa cʉ̃jãbasurupera yʉpʉrena bʉajea ĩñaĩñahera ninirã.#1Ts 2:14. 23Cʉ̃jã yaye queti wadorena masĩriara niwã. “Õ niriawatoapʉre marĩrẽ ñañarõ tinigʉ̃ posañerõcã tiquetaturigʉra; marĩcã Jesúre wedewõrẽ cʉorere peotirugamirigʉra marĩcʉorore basocare ‘Manigʉ̃cã Jesucristomena basocare cametʉore quetire wedewõña’ ĩ wedewõnogʉ̃ tiayugʉ” ĩrẽ wadorena tʉoriara niwã. 24Tairo tira Judea ditapʉ nirã Jesucristore wedewõrã yʉcã Jesúre wedewõgʉ̃ earere tʉora Manigʉ̃rẽ ʉseapeoriara niwã.

Currently Selected:

Gálatas 1: yui

Highlight

Copy