1 Corintios 2
2
Jesucristo curusapʉ cõwõãrigʉye queti
1Yara Jesucristore wedewõrã yʉ mʉjãrẽ mʉjã cʉtiropʉ Manigʉ̃ye quetire basocacã masĩheririguere buegʉ eagʉ wisioheriwãmemenape wedewʉ. Wisioriwãmemenape atibʉreco macãrãcã masĩrĩwãmemenape buerora abiro bueheriwʉ.#1Co 1:17. 2Mʉjã cʉtiropʉ nigʉ̃ apeyere wedero boga ĩheriwʉ; Jesucristoye queti wadorena queorojoropʉare cʉ̃cã curusapʉ papatuyo cõwõãrigue wadorena yʉre wederugare niwʉ̃.#1Co 1:23; Ga 6:14. 3Apeyere mʉjã cʉtiropʉre tie quetire buegʉdagʉ buri nigʉ̃rã abiro tʉoiñagʉ̃ eawʉ; tairora “yʉ queorora tie quetire buegʉagariye ĩgʉ̃” cui tʉoiña nanarẽmena nigʉ̃ eawʉ.#Hch 18:1-18; 2Co 3:4-5, 12. 4Yʉ mʉjãrẽ tie quetire buegʉ, mʉjãrẽ tie quetire wedewõrã eañerõcã bogʉ, atibʉreco macãrãcã masĩrẽmena buerora abiro bue wedeheriwʉ. Buripe Espíritu Santoye tutuaremenape mʉjãrẽ “tie quetire queorora ña” ĩ wedewõrã eañerõcã tiwʉ.#Ro 15:19; 1Co 4:20; 1Ts 1:5. 5Tairo tira mʉjã Manigʉ̃ye tutuaremenape cʉ̃rẽ wedewõrã eawʉ. Atibʉreco macãrãcã masĩrẽmena buerora abirope bueremenape mʉjã cʉ̃rẽ wedewõrã eaheriwʉ.#2Co 4:7; 6:7.
Manigʉ̃ye masĩrẽ Espíritu Santomena watire
6Tairo nicapetacã ʉ̃sã mʉjãrẽ Jesucristore bʉtoro wedewõ cʉ̃ye maquẽrẽ ñurõ tʉomasĩrãpʉre buera Manigʉ̃cã cʉ̃ye masĩrẽ nʉnirẽmenarã bue. Tie masĩrẽ atibʉreco macãrãcã masĩrẽ cʉore niheri. Tairora atibʉreco macãrã basocare dotiraya masĩrẽ cʉorecã niheri. Merẽ tie atibʉreco macãrã cʉ̃jãcã masĩrẽ cʉore cʉ̃jãmenarã ditiwʉmʉãrẽ niñerõcã. 7Ʉ̃sã Manigʉ̃ye quetire buera cʉ̃mena masĩrẽ watiremenarã bue. Tie quetira mamarõpʉra Manigʉ̃cã atibʉrecore tiatosʉgueropʉra cʉ̃cã abiro tigʉda ĩriguere cʉ̃cã basocare masĩñerõcã tiheririguere bue. Ĩñerõcã cʉ̃cã marĩrẽ cametʉoatere, marĩcã ʉmʉãwesepʉ cʉ̃menarã nirucũãtere cʉ̃cã wãcũyueriguere bue. 8Atiera ña icãta ĩcʉ̃no atibʉreco macãrã basocare dotiracã icãta tʉomasĩrã eahere. Tiere cʉ̃jã ñurõ tʉomasĩrãnopʉa marĩ Nirũpʉ̃ Jesucristo ñucametʉagʉre curusapʉ papatu sĩãheribogatiyuwa. 9Tie maquẽrẽna Manigʉ̃ye wederucũrẽrẽ ojayoriapũpʉ abiro ojayorigue ña: «Manigʉ̃ cʉ̃rẽ maĩrãye niãtere ñurõ quenoyuesiarigʉ niwĩ. Atie cʉ̃cã ñurẽ quenobosarigue cʉ̃jãcã icãta ĩñaheririgue, tʉoheririgue, icãta pẽrõgã wãcũheririgue ña»#Is 64:4. ĩ ojayorigue ña. 10Atiera ña Manigʉ̃cã cʉ̃cã tiriguere marĩcã masĩheririguere Espíritu Santomenarã marĩrẽ masĩñerõcã tire. Merẽ Espíritu Santora nipetirere ñurõ ĩñabesepeticõãgʉ̃ ñawĩ. Pʉ Manigʉ̃ye tʉoiñarẽ pupea maquẽpʉcãrẽ masĩpeticõãmocãgʉ̃rã ñawĩ.#Mt 16:17; Jn 14:26; Ef 3:3, 5.
11Tairora ña. Marĩ ãpĩ basocʉcã wãcũrẽpʉre icãta masĩheri. Cʉ̃basurupe wadora cʉ̃ye tʉoiñarẽpʉmena wadora cʉ̃cã wãcũrẽrẽ masĩwĩ. Tiwãmerã icãta ĩcʉ̃no Manigʉ̃cã wãcũrẽrẽ masĩheriwi. Espíritu Santo wadora cʉ̃ye wãcũrẽrẽ masĩwĩ.#Mt 11:27; Lc 10:22; Pr 20:27; Jer 17:9. 12Marĩ atibʉreco macãrãcã masĩrẽ tʉoiñarẽcʉtirepere ñeheriwʉ. Buripe Manigʉ̃mena watigʉ Espíritu Santopere ñewʉ̃; marĩrẽ cʉ̃cã ĩñamaĩrẽmena ñucametʉaro tigʉ ticoriguere tʉomasĩrãdara.#Jn 16:13-14; Ro 8:15; 1Co 1:27. 13Tairo tira ʉ̃sã Manigʉ̃ye quetire cʉ̃cã marĩrẽ ñurõ tibosariguere buera Manigʉ̃cã Espíritu Santomena masĩrẽ nʉnirẽmenarã ñurõ bue. Ʉ̃sãbasurupe basocacã masĩrẽ cʉoremenape bueheri. Tairo tira Espíritu Santocã ʉ̃sãrẽ buerora abirora cʉ̃rẽ cʉorare bue.#1Co 1:17.
14Espíritu Santore cʉoherape Manigʉ̃cã Espíritu Santomena masĩrẽ nʉnirẽmenarã buerere icãta boheriwa. Cʉ̃jãpʉare tie tairo ĩmequẽderera ña. Marĩpʉa Espíritu Santocã masĩrẽ nʉnirẽmenarã Manigʉ̃yere tʉomasĩriaro ña. Tairo tira Espíritu Santore cʉoherapʉa icãta cʉ̃ye maquẽrẽ tʉomasĩheriwa.#1Co 1:18; Stg 3:15; Jn 8:47; 14:17. 15Marĩ Manigʉ̃yagʉ Espíritu Santore cʉora nipetire cʉ̃ye maquẽrẽ ñurõ besemasĩ, nipetirepʉrena tʉomasĩmasĩ. Buri Espíritu Santore cʉoherape cʉ̃rẽ cʉoracã tirere icãta ĩñabesemasĩherigawa; “diamacãrã tira tigari” ĩmasĩherigawa.#1Jn 2:20. 16Manigʉ̃ye wederucũrẽrẽ ojayoriapũpʉ abiro ĩ ojayorigue ña: «icãta ĩcʉ̃no Manigʉ̃cã wãcũrẽrẽ masĩgʉ̃no maniwĩ cʉ̃rẽ “mʉ atiere abiro tiya” ĩ wedemasĩbogʉno» ĩ ojayore ña. Marĩpe Espíritu Santore cʉora ninirã marĩ Nirũpʉ̃ Jesucristocã wãcũrẽrẽ masĩ.#Is 40:13; Jn 15:15; Ro 11:34.
Currently Selected:
1 Corintios 2: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
1 Corintios 2
2
Jesucristo curusapʉ cõwõãrigʉye queti
1Yara Jesucristore wedewõrã yʉ mʉjãrẽ mʉjã cʉtiropʉ Manigʉ̃ye quetire basocacã masĩheririguere buegʉ eagʉ wisioheriwãmemenape wedewʉ. Wisioriwãmemenape atibʉreco macãrãcã masĩrĩwãmemenape buerora abiro bueheriwʉ.#1Co 1:17. 2Mʉjã cʉtiropʉ nigʉ̃ apeyere wedero boga ĩheriwʉ; Jesucristoye queti wadorena queorojoropʉare cʉ̃cã curusapʉ papatuyo cõwõãrigue wadorena yʉre wederugare niwʉ̃.#1Co 1:23; Ga 6:14. 3Apeyere mʉjã cʉtiropʉre tie quetire buegʉdagʉ buri nigʉ̃rã abiro tʉoiñagʉ̃ eawʉ; tairora “yʉ queorora tie quetire buegʉagariye ĩgʉ̃” cui tʉoiña nanarẽmena nigʉ̃ eawʉ.#Hch 18:1-18; 2Co 3:4-5, 12. 4Yʉ mʉjãrẽ tie quetire buegʉ, mʉjãrẽ tie quetire wedewõrã eañerõcã bogʉ, atibʉreco macãrãcã masĩrẽmena buerora abiro bue wedeheriwʉ. Buripe Espíritu Santoye tutuaremenape mʉjãrẽ “tie quetire queorora ña” ĩ wedewõrã eañerõcã tiwʉ.#Ro 15:19; 1Co 4:20; 1Ts 1:5. 5Tairo tira mʉjã Manigʉ̃ye tutuaremenape cʉ̃rẽ wedewõrã eawʉ. Atibʉreco macãrãcã masĩrẽmena buerora abirope bueremenape mʉjã cʉ̃rẽ wedewõrã eaheriwʉ.#2Co 4:7; 6:7.
Manigʉ̃ye masĩrẽ Espíritu Santomena watire
6Tairo nicapetacã ʉ̃sã mʉjãrẽ Jesucristore bʉtoro wedewõ cʉ̃ye maquẽrẽ ñurõ tʉomasĩrãpʉre buera Manigʉ̃cã cʉ̃ye masĩrẽ nʉnirẽmenarã bue. Tie masĩrẽ atibʉreco macãrãcã masĩrẽ cʉore niheri. Tairora atibʉreco macãrã basocare dotiraya masĩrẽ cʉorecã niheri. Merẽ tie atibʉreco macãrã cʉ̃jãcã masĩrẽ cʉore cʉ̃jãmenarã ditiwʉmʉãrẽ niñerõcã. 7Ʉ̃sã Manigʉ̃ye quetire buera cʉ̃mena masĩrẽ watiremenarã bue. Tie quetira mamarõpʉra Manigʉ̃cã atibʉrecore tiatosʉgueropʉra cʉ̃cã abiro tigʉda ĩriguere cʉ̃cã basocare masĩñerõcã tiheririguere bue. Ĩñerõcã cʉ̃cã marĩrẽ cametʉoatere, marĩcã ʉmʉãwesepʉ cʉ̃menarã nirucũãtere cʉ̃cã wãcũyueriguere bue. 8Atiera ña icãta ĩcʉ̃no atibʉreco macãrã basocare dotiracã icãta tʉomasĩrã eahere. Tiere cʉ̃jã ñurõ tʉomasĩrãnopʉa marĩ Nirũpʉ̃ Jesucristo ñucametʉagʉre curusapʉ papatu sĩãheribogatiyuwa. 9Tie maquẽrẽna Manigʉ̃ye wederucũrẽrẽ ojayoriapũpʉ abiro ojayorigue ña: «Manigʉ̃ cʉ̃rẽ maĩrãye niãtere ñurõ quenoyuesiarigʉ niwĩ. Atie cʉ̃cã ñurẽ quenobosarigue cʉ̃jãcã icãta ĩñaheririgue, tʉoheririgue, icãta pẽrõgã wãcũheririgue ña»#Is 64:4. ĩ ojayorigue ña. 10Atiera ña Manigʉ̃cã cʉ̃cã tiriguere marĩcã masĩheririguere Espíritu Santomenarã marĩrẽ masĩñerõcã tire. Merẽ Espíritu Santora nipetirere ñurõ ĩñabesepeticõãgʉ̃ ñawĩ. Pʉ Manigʉ̃ye tʉoiñarẽ pupea maquẽpʉcãrẽ masĩpeticõãmocãgʉ̃rã ñawĩ.#Mt 16:17; Jn 14:26; Ef 3:3, 5.
11Tairora ña. Marĩ ãpĩ basocʉcã wãcũrẽpʉre icãta masĩheri. Cʉ̃basurupe wadora cʉ̃ye tʉoiñarẽpʉmena wadora cʉ̃cã wãcũrẽrẽ masĩwĩ. Tiwãmerã icãta ĩcʉ̃no Manigʉ̃cã wãcũrẽrẽ masĩheriwi. Espíritu Santo wadora cʉ̃ye wãcũrẽrẽ masĩwĩ.#Mt 11:27; Lc 10:22; Pr 20:27; Jer 17:9. 12Marĩ atibʉreco macãrãcã masĩrẽ tʉoiñarẽcʉtirepere ñeheriwʉ. Buripe Manigʉ̃mena watigʉ Espíritu Santopere ñewʉ̃; marĩrẽ cʉ̃cã ĩñamaĩrẽmena ñucametʉaro tigʉ ticoriguere tʉomasĩrãdara.#Jn 16:13-14; Ro 8:15; 1Co 1:27. 13Tairo tira ʉ̃sã Manigʉ̃ye quetire cʉ̃cã marĩrẽ ñurõ tibosariguere buera Manigʉ̃cã Espíritu Santomena masĩrẽ nʉnirẽmenarã ñurõ bue. Ʉ̃sãbasurupe basocacã masĩrẽ cʉoremenape bueheri. Tairo tira Espíritu Santocã ʉ̃sãrẽ buerora abirora cʉ̃rẽ cʉorare bue.#1Co 1:17.
14Espíritu Santore cʉoherape Manigʉ̃cã Espíritu Santomena masĩrẽ nʉnirẽmenarã buerere icãta boheriwa. Cʉ̃jãpʉare tie tairo ĩmequẽderera ña. Marĩpʉa Espíritu Santocã masĩrẽ nʉnirẽmenarã Manigʉ̃yere tʉomasĩriaro ña. Tairo tira Espíritu Santore cʉoherapʉa icãta cʉ̃ye maquẽrẽ tʉomasĩheriwa.#1Co 1:18; Stg 3:15; Jn 8:47; 14:17. 15Marĩ Manigʉ̃yagʉ Espíritu Santore cʉora nipetire cʉ̃ye maquẽrẽ ñurõ besemasĩ, nipetirepʉrena tʉomasĩmasĩ. Buri Espíritu Santore cʉoherape cʉ̃rẽ cʉoracã tirere icãta ĩñabesemasĩherigawa; “diamacãrã tira tigari” ĩmasĩherigawa.#1Jn 2:20. 16Manigʉ̃ye wederucũrẽrẽ ojayoriapũpʉ abiro ĩ ojayorigue ña: «icãta ĩcʉ̃no Manigʉ̃cã wãcũrẽrẽ masĩgʉ̃no maniwĩ cʉ̃rẽ “mʉ atiere abiro tiya” ĩ wedemasĩbogʉno» ĩ ojayore ña. Marĩpe Espíritu Santore cʉora ninirã marĩ Nirũpʉ̃ Jesucristocã wãcũrẽrẽ masĩ.#Is 40:13; Jn 15:15; Ro 11:34.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.