BaEfeso Manjililo
Manjililo
Lugwalo LwaPawulu kuBaEfeso lwakalembwa muchiindi ichimwi alugwalo lwaBaKkolose mumunyaka wamakkumi musanu akkumi alimwi muchiindi kaali wazyalwa Kkirisitu. Mulembi uliyubununa kali mutumwa Pawulu (BaEfeso 1:1). Basikufunkununa bayingi bazuminana kuti Pawulu ngwakalemba lugwalo lwa BaEfeso nikuba kuti talukwe kujuzya kwakwe mwini mbuli lwaBaKkolose. Nkaambo kacheechi ngalulaba kuti lwakaleleede kuti lukakuyeenzegwe kumbungano zisiyenesiyene zilimuchilikiti. Pawulu alubo ulaamba kuti wakali muntolongo naakali kulemba lugwalo oolu (BaEfeso 3:1, 4:1, alimwi BaEfeso 6:20). Pawulu wakalayizya Tayikkikkasi lugwalo lwakalikuya mumbungano yakuEfeso kulweendo lwakwe kukuswaya mbungano yaBaEfeso (BaEfeso 6:21-22).
Efeso chakali chisi chipati alimwi kalili dolopo lwachilikiti chaBaRoma kuchisi chaAnatoriya. Efeso yakali ampuwo yaŋanda yaleza yaayo yakapedekezededwe kuchileza chanakazi chabaGirikki chitegwa Atemisi (Inchito 19:23-31) Imbungano yaku Efeso yakatalika anguzu pesi kumamanino yakazoowola (Chiyubunuzyo 2:1-7).
Pawulu ulapanduulula muchipanzi chitaanzi chalugwalo lwakwe inzila Leza mbaakasala bantu bakwe akubafutula kuzwa kuzibi zyabo mukwiinda muli Jesu Kkirisitu. Ukozyanisya mbungano mbuli mubili aKkirisitu kali mutwe alubo mbuli bulambo Kkirisitu kali musemo waŋanda. Kuchipanzi chabili chalugwalo oolu Pawulu upa malayilile munaKkirisitu mbweelede kupona.
Bwiime
Pawulu ulalilugununa akujuzya BaEfeso (BaEfeso 1:1-2)
Mpawo ulapandulula bulyidilani bwambungano aKkirisitu (BaEfeso 1:3—3:21)
Eelyo Pawulu ulemba atala anzila banaKkirisitu mbubeelede kupona aayo (BaEfeso 4:1—6:20)
Kumamanino Pawulu upa majwi akweelelezya (BaEfeso 6:21-24)
Currently Selected:
BaEfeso Manjililo: TTP
Highlight
Share
Copy
Want to have your highlights saved across all your devices? Sign up or sign in
The Word for the World International