Mishingo 20
20
KuMasedoniya nokuAkeyiya
1Palyakapela Igwilakwila, Paulu wakashoba balayijwa, akabasungwaja nokubakoneka akanyamuka enda kuMasedoniya. 2Paakati apinda munoobu bugalo akale akabakutaija, akenda kuGilisi. 3Wakagala kwemyeji mitatu, yoko baJuda bakalangana kunkubaja alobongwina mubwato, kuti ende kuSiliya, iye akazwimisila kubwilila epinda muMasedoniya. 4Sopata wokuBheliya, mwananhulumyana waPilusi ndiye wakompelekeja, nabokuTesalonika naAlisitakasi naSekundasi, naGayusi wokuDebhe, naTimoti, nabokuEzhiya, Tayikikusi naTilofimasi. 5Yaba bakatungamila bakanotimilila kuTulowasi, 6koga takakwenda nobwato tibhuda muFilipu mushule mwamazhuba echinkwa chisina umfufumuso, mumazhuba mashanu takaswika kwabali kuTulowasi, kwatakagala mazhuba mashanu ana mabili.
Lwendo lwaPaulu lwokupejeleja kuTulowasi
7Nezhuba lyotanga lyemviki, patakashangana pamwempela komedula chinkwa, Paulu wakalebeleka nabo, eli nendangalilo yokunyamuka muchimuka, wakalebhesa iNdebo yiye mane kukaswika pakati pobusiku. 8Pakaba peli nezwimuniko zwinji mungumba yopezhulu mwatakabakashanganila. 9Unzhuzha izina lilye waluwhi Yutikasi wakaba eligele pewindo. Iye wakabhatwa nehope, Paulu paakandila mbeli elebeleka, ihope jakwonzunda, akambwelela pasi eva mungumba yechitatu yopezhulu, akanyamulwa afa. 10Koga Paulu wakadelela, akakotama pezhulu pape, akomungutila akati, “Musitenhuuke, uchimpenyu yoyu.” 11Paulu wakatanha, akamedula chinkwa akalya, kova elebeleka nabo kwonshaji undefu, kuswikila muchimuka ndipo paakakwenda. 12Bakontola unzhuzha eliumpenyu, bakanyalajika kasakasa.
Kuva kuTulowasi kunda kuMiletasi
13Koga takenda mbeli kubwato, tikakwenda tinda kuAsosi, takananga kunogadisa Paulu mubwato, nokuti iye wakaba eli nendangalilo jokukwenda nenzila yomudunhu. 14Paakashangana nasu kuAsosi, isu takontola nobwato tikaswika kuMitilini. 15Takakwenda nobwato nezhuba linotobela tikaswika kubugalo bulolingana neKiyosi, izhuba linotobela takaswika kuSamosi, muchimuka ndipo patakaswika kuMiletusi. 16Nokuti, Paulu wakazwimisila kupindila nobwato kuEfesu, kutila kuti esitole unshaji muEzhiya, nokuti wakaba eda kukambijisa kuti ebe kuJelusalema, kana zwitikana, nezhuba lyePentekositi.
Indebo yokukoneka yaPaulu kubakulwana begubungano bokuEfesu
17Eli ku Miletusi wakatumija iwhi kuti bakulwana begubungano kuEfesu bezhe kwaali. 18Pabakaswika wakati kwabali, “Imwi momene mwoziba kuti ndakagala chini mukati mwenu, unshaji wose kuvila izhuba lyotanga lyandakatoba negumbo lyangu muEzhiya. 19Ndishingila She nokuzwininipisa, ndili nemishoji nokukwejwa kwakandizhila pezhulu pokuchetwa nabaJuda. 20Kuti andijakabwilila mushule mukuzibisa imwi zwose zwalumubhancha, kana kumulayija pazhele banhu akale nomujingumba. 21Ndimusumikija kunaibo bose baJuda nabaGiliki, kuti beshandukile kuna Mwali akale nokudimbwa kuna Tezi wedu Jesu. 22Bonani ngweno, ndikumunda kuJelusalema, ndakasungwa mumpepo, ndisinoziba kuti ini zwichatikana kwandili kwakalekuya; 23koga uMpepo Nchena umusumikija kwandili muguta neguta kuti ijele nokusheteswa kulondimilila. 24Imi anditokuja bupenyu bwangu ndibupa bukulwana bwopezhulu kwandili, asi kuti nditubule kuta zwandinokwelela munshingo wandakatambula kuna She Jesu, wokusumikija iNdebo iMbuya yechipiwo chaMwali. 25Ngweno lingani ndinoziba kuti mose imwi bandaba ndingwinuka ndibhaunula Bushe, amuchinofa mwachibona chiso changu akale. 26Nokudalo, ndosumikija kwamuli nasi yelino izhuba kuti andina undandu welopa lyaani nani wenu, 27nokuti andijakabwilila mushule kumubuja imwi chose chilayo chaMwali. 28Zwichenjeleleni imwi, nokudanga lyose, lyamwakapiwa noMpepo uNchena kuti mube batondeji, mulondote igubungano lyaMwali lyaakawana nelopa lyomwananhulumyana uwe. 29Ndoziba kuti pandichakwenda, mashambo anotyisa anooswika mukati mwenu esinolekeja idanga, 30akale kuva mukati mwenu munoobhutunuka banhu bachalebeleka zwinhu zwinopesanisa, zwichanyungumula balayijwa kuti bebatobele. 31Nokudalo, chenjelani, mukumbulukwa kuti kwamakole matatu, andijakalekeja kumuchenjeja busiku kana masikati, umwe noumwe wenu ndili nemishoji.
32“Ngweno ndomupila kunaMwali, akale nokuwhi lyechipiwo chiche, linotubula kumubaka imwi akale kupiwa ishabo kunabo bakacheneswa. 33Imi andijakachiba isiliva kana igolide kana zwimbalo zwomwe unhu. 34Imwi momene mwoziba kuti yaya maboko akandishingila munaizo zwose zwandakaba ndishaka, nokushingila yabo bakaba beli nami. 35Munaizwo yezwi zwinhu ndakatondejela kuti nokushinga umwe unobhancha balodemuka, mukumbulukwa mawhi aShe Jesu, mwaakalebeleka eti, ‘Kulokombolelwa kasa kupa kunakutambula.’”
36Paakati alebeleka alo, iye wakafhigama akanamata nabo bose. 37Ibo bose bakalila, bakomfufuzhila Paulu akale bakomyonta, 38zwakababhaya, kasa namawhi aakalebeleka, eti abachinochibona chiso chiche akale. Bakava bompelekeja kubwato bubwe.
Currently Selected:
Mishingo 20: LTP
Highlight
Share
Copy
Want to have your highlights saved across all your devices? Sign up or sign in
The word for The World International
Mishingo 20
20
KuMasedoniya nokuAkeyiya
1Palyakapela Igwilakwila, Paulu wakashoba balayijwa, akabasungwaja nokubakoneka akanyamuka enda kuMasedoniya. 2Paakati apinda munoobu bugalo akale akabakutaija, akenda kuGilisi. 3Wakagala kwemyeji mitatu, yoko baJuda bakalangana kunkubaja alobongwina mubwato, kuti ende kuSiliya, iye akazwimisila kubwilila epinda muMasedoniya. 4Sopata wokuBheliya, mwananhulumyana waPilusi ndiye wakompelekeja, nabokuTesalonika naAlisitakasi naSekundasi, naGayusi wokuDebhe, naTimoti, nabokuEzhiya, Tayikikusi naTilofimasi. 5Yaba bakatungamila bakanotimilila kuTulowasi, 6koga takakwenda nobwato tibhuda muFilipu mushule mwamazhuba echinkwa chisina umfufumuso, mumazhuba mashanu takaswika kwabali kuTulowasi, kwatakagala mazhuba mashanu ana mabili.
Lwendo lwaPaulu lwokupejeleja kuTulowasi
7Nezhuba lyotanga lyemviki, patakashangana pamwempela komedula chinkwa, Paulu wakalebeleka nabo, eli nendangalilo yokunyamuka muchimuka, wakalebhesa iNdebo yiye mane kukaswika pakati pobusiku. 8Pakaba peli nezwimuniko zwinji mungumba yopezhulu mwatakabakashanganila. 9Unzhuzha izina lilye waluwhi Yutikasi wakaba eligele pewindo. Iye wakabhatwa nehope, Paulu paakandila mbeli elebeleka, ihope jakwonzunda, akambwelela pasi eva mungumba yechitatu yopezhulu, akanyamulwa afa. 10Koga Paulu wakadelela, akakotama pezhulu pape, akomungutila akati, “Musitenhuuke, uchimpenyu yoyu.” 11Paulu wakatanha, akamedula chinkwa akalya, kova elebeleka nabo kwonshaji undefu, kuswikila muchimuka ndipo paakakwenda. 12Bakontola unzhuzha eliumpenyu, bakanyalajika kasakasa.
Kuva kuTulowasi kunda kuMiletasi
13Koga takenda mbeli kubwato, tikakwenda tinda kuAsosi, takananga kunogadisa Paulu mubwato, nokuti iye wakaba eli nendangalilo jokukwenda nenzila yomudunhu. 14Paakashangana nasu kuAsosi, isu takontola nobwato tikaswika kuMitilini. 15Takakwenda nobwato nezhuba linotobela tikaswika kubugalo bulolingana neKiyosi, izhuba linotobela takaswika kuSamosi, muchimuka ndipo patakaswika kuMiletusi. 16Nokuti, Paulu wakazwimisila kupindila nobwato kuEfesu, kutila kuti esitole unshaji muEzhiya, nokuti wakaba eda kukambijisa kuti ebe kuJelusalema, kana zwitikana, nezhuba lyePentekositi.
Indebo yokukoneka yaPaulu kubakulwana begubungano bokuEfesu
17Eli ku Miletusi wakatumija iwhi kuti bakulwana begubungano kuEfesu bezhe kwaali. 18Pabakaswika wakati kwabali, “Imwi momene mwoziba kuti ndakagala chini mukati mwenu, unshaji wose kuvila izhuba lyotanga lyandakatoba negumbo lyangu muEzhiya. 19Ndishingila She nokuzwininipisa, ndili nemishoji nokukwejwa kwakandizhila pezhulu pokuchetwa nabaJuda. 20Kuti andijakabwilila mushule mukuzibisa imwi zwose zwalumubhancha, kana kumulayija pazhele banhu akale nomujingumba. 21Ndimusumikija kunaibo bose baJuda nabaGiliki, kuti beshandukile kuna Mwali akale nokudimbwa kuna Tezi wedu Jesu. 22Bonani ngweno, ndikumunda kuJelusalema, ndakasungwa mumpepo, ndisinoziba kuti ini zwichatikana kwandili kwakalekuya; 23koga uMpepo Nchena umusumikija kwandili muguta neguta kuti ijele nokusheteswa kulondimilila. 24Imi anditokuja bupenyu bwangu ndibupa bukulwana bwopezhulu kwandili, asi kuti nditubule kuta zwandinokwelela munshingo wandakatambula kuna She Jesu, wokusumikija iNdebo iMbuya yechipiwo chaMwali. 25Ngweno lingani ndinoziba kuti mose imwi bandaba ndingwinuka ndibhaunula Bushe, amuchinofa mwachibona chiso changu akale. 26Nokudalo, ndosumikija kwamuli nasi yelino izhuba kuti andina undandu welopa lyaani nani wenu, 27nokuti andijakabwilila mushule kumubuja imwi chose chilayo chaMwali. 28Zwichenjeleleni imwi, nokudanga lyose, lyamwakapiwa noMpepo uNchena kuti mube batondeji, mulondote igubungano lyaMwali lyaakawana nelopa lyomwananhulumyana uwe. 29Ndoziba kuti pandichakwenda, mashambo anotyisa anooswika mukati mwenu esinolekeja idanga, 30akale kuva mukati mwenu munoobhutunuka banhu bachalebeleka zwinhu zwinopesanisa, zwichanyungumula balayijwa kuti bebatobele. 31Nokudalo, chenjelani, mukumbulukwa kuti kwamakole matatu, andijakalekeja kumuchenjeja busiku kana masikati, umwe noumwe wenu ndili nemishoji.
32“Ngweno ndomupila kunaMwali, akale nokuwhi lyechipiwo chiche, linotubula kumubaka imwi akale kupiwa ishabo kunabo bakacheneswa. 33Imi andijakachiba isiliva kana igolide kana zwimbalo zwomwe unhu. 34Imwi momene mwoziba kuti yaya maboko akandishingila munaizo zwose zwandakaba ndishaka, nokushingila yabo bakaba beli nami. 35Munaizwo yezwi zwinhu ndakatondejela kuti nokushinga umwe unobhancha balodemuka, mukumbulukwa mawhi aShe Jesu, mwaakalebeleka eti, ‘Kulokombolelwa kasa kupa kunakutambula.’”
36Paakati alebeleka alo, iye wakafhigama akanamata nabo bose. 37Ibo bose bakalila, bakomfufuzhila Paulu akale bakomyonta, 38zwakababhaya, kasa namawhi aakalebeleka, eti abachinochibona chiso chiche akale. Bakava bompelekeja kubwato bubwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The word for The World International