Kendeu 41
41
Pharaoh mang
1Cinzwa eh mmi kena kekam le gwang di ge Pharaoh hemang ge mmi. Ainie, pa Nile reuki ga sap bam. 2Ainie, Nile reuki gade ketumdung hena mpetlu, pelui yi, nah mdui süt eh, nah penui kiinaa bangdung peei tyeila. 3Ainie, ketumpuidung keda hena, peluisia nah perarie kecu penui cai Nile reuki gade mpet lu. Penui keda ketumpuidung tai ga kereuki ga saplu. 4Pecai pelui kesia nah perarie tumpuidung ne pelui keyi nah mdui süt tumpuidung hena de tyeilu. Ge Pharaoh mrak cuhdi. 5Pecai hegwangpei zipmie dai ge hemang keda mmi dai. Ainie, meibui hena meibang ge ga lungh bam, pui nah meu eh. 6Ainie, meibui keda hena repei nah kepetle tingkai ne guikidi nah cidungde cai pwakcu lu. 7Nah meibui kerepeidung dene kepuidung hena de mneulu. Nah Pharaoh mrak cuhlu, nah ainie, pa hemang mmi kebam cilu. 8Cinzwa eh tingcang di ge pa pelung keherei di. Cine pa Egypt ga rekamedung nah makecime pelane de ngngwa gwang lo mide langgai. Pharaoh penui dage pe mangdung ranglia, dede cika migede cidung de kie Pharaoh de rangbeu gailak di.
9Ciu eh hepiak kepwa kedibe Pharaoh dage rang eh, “Henai Ih teimau kedidung de mning bam. 10Pharaoh pegwa keteimedung de perata di, nah kekwame kedibe ki ga hebaangki gage acu kaidi, tangku keru kedibe anaide. 11Zeuziu ge anai hangna na hemang mmi hiplu, pa nah Ih de. Anai hangge ge kecu mangkie ketsamtsam rehi gade mmilu. 12Cika Hebrewme rehangme ge anai de ngngwa bam, pumkwame reu kedibe kilabe ge. Anai pedage pau beu nah pa anai ziemne anai mang pekie ranglia. Pa anai mang rehi gade anai de pekie ranglia. 13Cinzwa eh pa pekie anai dage kerang nzwa, cide nzwa teilu. Pharaoh peu acu a bam ga bam dailu, dede pa tangku kerube de gwaktset di.”
14Ciu eh Pharaoh mide langpwa Joseph de qugai. Penui zette pecu hangdeukang baangki gade ngngwa mpetlu. Pa pekatei pemai taidi, penia keyi kailwe Pharaoh dwa ga lüt. 15Pharaoh Joseph dage ranggai, “Ih hemang ge mmi, dede mige de pekie ranglu ma. Dede Ih n ha siu, nang hemang siu kegai dau nang cide kie rang lubui lie kecu.” 16Joseph Pharaoh de keli eh ranggai, “Ih ne teigai lak. Dede Tinggwang Pharaoh de pekie be siaklia zie.” 17Pharaoh Joseph dage rang eh, “A mang gade, ainie, Ih Nile reuki kung ga sap bam. 18Nah ainie, ketumpuidung hena Nile reuki gade mpetlu, pelui yi, nah kemduidung, nah penui kiinaa bangdung peei tyei ladi. 19Nah ainie, ketumpuidung keda hena penui cai gade mpetlu, nnei nah pelui sia süt, nah pe pum perarie rünne. Ih madau de Egyptme deu pelane ga cidungde kenzwa pelui kesia ngau ma. 20Ketum peluisia nah kesiadung dene keraibe ketumdung pelui keyi hena de tyeilu. 21Penui cidungde de tyeilu ge, penui de tyeilu cu ciswa gailak, kedanemene penui cude nda nzwa pelui sia bam reu kecune. Ciu eh Ih nrak cuhdi. 22Ih a mang gade ngau, nah, ainie, meibui hena mei bang ge ga lung bam, puih nah yi eh. 23Ainie, meibuidung keda hena, kidi, repei nah kepetle tingkai ne guiki kedi, cidungde cai mtwacuhlu. 24Nah meibui kesiadung ne keyi hena pui kebamdung de de mneulu. Ih rekame dage a mangdung paubeu, dede cika penui mige de ada cidung ranglu meda.”
25Joseph Pharaoh dage rang eh, “Pharaoh mang kena de pekie nzwakap. Tinggwang teigai lai kezeu de, pa Pharaoh dage keulia beuda. 26Ketumpui pelui keyi hena de mmi hena, nah mei bui kepui henadung de mmi hena. Hemang kenade au nsam kap. 27Ketumpuidung pelui kesia nah perarie hena cidung de cai cuh kecudung de cai mmi hena nah meibui kesia hena kepetle tingkai ne guiki kedidung de herakum mmi hena zie. 28Ih Pharaoh dage sam rang kebeu de cide da. Tinggwang teigai lai kezeu de pa Pharaoh dage keulia beu. 29Ainie mmi hena Egyptme deu pelane ga pui nlim gwang zie. 30Nah mmi hena herakum nnui da gwang zie, nah pui kenlim mmidung pelane nsungta dizie Egyptme deu ga, nah herakum dene deu be de ngkap dizie. 31Pui kenlim ting de hangdeube ga nsungta dizie kedanemene herakum pecai ga gwang kera de ziemne, kedanemene cide au siasüt zie kecune. 32Hemang piana Pharaoh mmi keswa kedi de au kedanemene Tinggwang ne makie de peting riem lwe nah Tinggwang cide peu kelwa gwang kera mtei kelune. 33Pharaoh de peu cu au lungcet keyi nah maci kebam mige de peeilu, nah pecu peu Egyptme deu reu kedi teu kera kailu. 34Peu Pharaoh de kedimedung de deu reu ga kedetlu, nah penui de peu Egypt ga pui kenlim mmi hena meidung gu zi mengei de peu keulu. 35Peu penui taktyei pelane hekwalu aipau mmi keyidung kegwang dau ge, nah Pharaoh kengkieng kang gade mei hekwa lu, namdidung ga taktyei teilu kerane. Penui cide kai nzeulu kerane. 36Taktyei de herakum mmi hena de ziemne hangdeube ziemne taktyei zi beu zie cide Egyptme deu ga de zie. Ainzwa eh hangdeube ga herakum kekum dau keherei di melu kerane.”
37Heciem aide Pharaoh miak gade nah pegwa keteimedung pelane miak gade ngau penui suilu. 38Pharaoh pegwa keteimedung dage rang gai, “Anui mina aikenzwa ge ngaulu bui ni, peda Tinggwang Rabe kebam?” 39Cine Pharaoh Joseph dage rangdi, “Kedanemene Tinggwang ma pelane aidungde ncu keu keliane, nswa mige de maci nah lungcet keyi ga da. 40Nang a ki keteube teizie nah nsam nzwa a minadung pelane reu teu zie. Hegwangbam ga rünne Ih nswa di zie.”#Bat. 7:10
Joseph Egypt reu kedi teikelu
41Pharaoh Joseph dage rang eh, “Pielo, Ih ncu Egyptme deu pelane teu kecube kai dida.” 42Pharaoh peba gade bakap pe hegwang kaugiak kenzeu de keu mpet Joseph ba gage kai beu. Pa pecu langcim keyi paidung pwa ba beu nah kecak teiria pwa pe ngwang gage kaibeu. 43Pa peda kebam de bagi pekenabe ga pecu peu tetlu. Minadung sah eh pedwa ga, “Keu mielu.” Pharaoh pecu peu Egyptme deu pelane reu gage kaibeu da. 44Pharaoh Joseph dage rangdi, “Ih au Pharaoh nah nang gwale migede pe ba mede pe pi Egyptme deu pelane ga hwacu gailak.” 45Pharaoh Joseph zi “Zaphenath-Paneah qulu.” Pa pecu penau kerane On cingkupei Potiphera napui Asenath de pecu peu. Joseph Egyptme deu pelane rwamie di#41:45 Joseph Egyptme deu pelane rwamie di: “Ainzwa eh Joseph kideube reu kedi tei.” .
46Joseph mmi camrei di pa Egypt hegwangpei Pharaoh dwa ga kesap dau. Joseph Pharaoh kebam gade tet pwa nah Egyptme deu pelane ga miedi. 47Makehei mmi hena dau hangdeu meibui hemi süt beu. 48Pa taktyei pelane mmi hena gu hekwa lu Egyptme deu ga kebam ga nah namdidung gage taktyei kailu; pa taktyei luhdung gade namdidung twagwapung kebam leune gage kailu. 49Joseph mei hekwa lu jaaidi ga heciangdung nzwa, ciu eh kiee ham eh pa pei cu ntak di, kedanemene cide kiee zu kedine. 50Joseph pena hangna mipeina herakum kum kecu mmi gwang kemak dwa lunghlu, On deuceu Cingkupei Potiphera napui Asenath ne pecu mna kebeu kena de. 51Joseph pena neraibe zi Manasseh msiaklu, pa rang eh, “Tinggwang acu peu a reidung pelane nsungta dida, nah a pei kilungme pelane.” 52Pa pe napei pekena be zi Ephraim msiaklu ciu eh pa rang eh, “Tinggwang a reiketei deu gade acu a name pwa peu da.” 53Mmi hena pui kenlim Egyptme deu ga kebam de penli gwang di. 54Mmi hena herakum kum kecu ndeu di, Joseph kerang nzwa eh, hangdeudung pelane ga herakum kum gwang di, dede Egyptme deu ga taktyei dung bam lu. 55Cidau Egyptme deu pelane ga herakum kum dige, minadung Pharaoh dage taktyei ziemne nra gai eh qu. Pharaoh Egyptmedung pelane dage rang eh, “Joseph da mie cu nah pa dai rang bi teilu.”#41:55 Bat 7:11 56Herakum kum mtei zu eh hangdeu pelane reu ga gwangdi. Cine Joseph mei hekwa kelu kidung pelane let lwe Egyptmedung de zwabeu. Egyptme deu ga herakum kum mtei zudi. 57Kideu pelane Joseph dade mei lui kerane Egypt ga mie bam, kedanemene kideu pelane ga herakum kum süt kedine.
Currently Selected:
Kendeu 41: NorthernZeme
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Kendeu 41
41
Pharaoh mang
1Cinzwa eh mmi kena kekam le gwang di ge Pharaoh hemang ge mmi. Ainie, pa Nile reuki ga sap bam. 2Ainie, Nile reuki gade ketumdung hena mpetlu, pelui yi, nah mdui süt eh, nah penui kiinaa bangdung peei tyeila. 3Ainie, ketumpuidung keda hena, peluisia nah perarie kecu penui cai Nile reuki gade mpet lu. Penui keda ketumpuidung tai ga kereuki ga saplu. 4Pecai pelui kesia nah perarie tumpuidung ne pelui keyi nah mdui süt tumpuidung hena de tyeilu. Ge Pharaoh mrak cuhdi. 5Pecai hegwangpei zipmie dai ge hemang keda mmi dai. Ainie, meibui hena meibang ge ga lungh bam, pui nah meu eh. 6Ainie, meibui keda hena repei nah kepetle tingkai ne guikidi nah cidungde cai pwakcu lu. 7Nah meibui kerepeidung dene kepuidung hena de mneulu. Nah Pharaoh mrak cuhlu, nah ainie, pa hemang mmi kebam cilu. 8Cinzwa eh tingcang di ge pa pelung keherei di. Cine pa Egypt ga rekamedung nah makecime pelane de ngngwa gwang lo mide langgai. Pharaoh penui dage pe mangdung ranglia, dede cika migede cidung de kie Pharaoh de rangbeu gailak di.
9Ciu eh hepiak kepwa kedibe Pharaoh dage rang eh, “Henai Ih teimau kedidung de mning bam. 10Pharaoh pegwa keteimedung de perata di, nah kekwame kedibe ki ga hebaangki gage acu kaidi, tangku keru kedibe anaide. 11Zeuziu ge anai hangna na hemang mmi hiplu, pa nah Ih de. Anai hangge ge kecu mangkie ketsamtsam rehi gade mmilu. 12Cika Hebrewme rehangme ge anai de ngngwa bam, pumkwame reu kedibe kilabe ge. Anai pedage pau beu nah pa anai ziemne anai mang pekie ranglia. Pa anai mang rehi gade anai de pekie ranglia. 13Cinzwa eh pa pekie anai dage kerang nzwa, cide nzwa teilu. Pharaoh peu acu a bam ga bam dailu, dede pa tangku kerube de gwaktset di.”
14Ciu eh Pharaoh mide langpwa Joseph de qugai. Penui zette pecu hangdeukang baangki gade ngngwa mpetlu. Pa pekatei pemai taidi, penia keyi kailwe Pharaoh dwa ga lüt. 15Pharaoh Joseph dage ranggai, “Ih hemang ge mmi, dede mige de pekie ranglu ma. Dede Ih n ha siu, nang hemang siu kegai dau nang cide kie rang lubui lie kecu.” 16Joseph Pharaoh de keli eh ranggai, “Ih ne teigai lak. Dede Tinggwang Pharaoh de pekie be siaklia zie.” 17Pharaoh Joseph dage rang eh, “A mang gade, ainie, Ih Nile reuki kung ga sap bam. 18Nah ainie, ketumpuidung hena Nile reuki gade mpetlu, pelui yi, nah kemduidung, nah penui kiinaa bangdung peei tyei ladi. 19Nah ainie, ketumpuidung keda hena penui cai gade mpetlu, nnei nah pelui sia süt, nah pe pum perarie rünne. Ih madau de Egyptme deu pelane ga cidungde kenzwa pelui kesia ngau ma. 20Ketum peluisia nah kesiadung dene keraibe ketumdung pelui keyi hena de tyeilu. 21Penui cidungde de tyeilu ge, penui de tyeilu cu ciswa gailak, kedanemene penui cude nda nzwa pelui sia bam reu kecune. Ciu eh Ih nrak cuhdi. 22Ih a mang gade ngau, nah, ainie, meibui hena mei bang ge ga lung bam, puih nah yi eh. 23Ainie, meibuidung keda hena, kidi, repei nah kepetle tingkai ne guiki kedi, cidungde cai mtwacuhlu. 24Nah meibui kesiadung ne keyi hena pui kebamdung de de mneulu. Ih rekame dage a mangdung paubeu, dede cika penui mige de ada cidung ranglu meda.”
25Joseph Pharaoh dage rang eh, “Pharaoh mang kena de pekie nzwakap. Tinggwang teigai lai kezeu de, pa Pharaoh dage keulia beuda. 26Ketumpui pelui keyi hena de mmi hena, nah mei bui kepui henadung de mmi hena. Hemang kenade au nsam kap. 27Ketumpuidung pelui kesia nah perarie hena cidung de cai cuh kecudung de cai mmi hena nah meibui kesia hena kepetle tingkai ne guiki kedidung de herakum mmi hena zie. 28Ih Pharaoh dage sam rang kebeu de cide da. Tinggwang teigai lai kezeu de pa Pharaoh dage keulia beu. 29Ainie mmi hena Egyptme deu pelane ga pui nlim gwang zie. 30Nah mmi hena herakum nnui da gwang zie, nah pui kenlim mmidung pelane nsungta dizie Egyptme deu ga, nah herakum dene deu be de ngkap dizie. 31Pui kenlim ting de hangdeube ga nsungta dizie kedanemene herakum pecai ga gwang kera de ziemne, kedanemene cide au siasüt zie kecune. 32Hemang piana Pharaoh mmi keswa kedi de au kedanemene Tinggwang ne makie de peting riem lwe nah Tinggwang cide peu kelwa gwang kera mtei kelune. 33Pharaoh de peu cu au lungcet keyi nah maci kebam mige de peeilu, nah pecu peu Egyptme deu reu kedi teu kera kailu. 34Peu Pharaoh de kedimedung de deu reu ga kedetlu, nah penui de peu Egypt ga pui kenlim mmi hena meidung gu zi mengei de peu keulu. 35Peu penui taktyei pelane hekwalu aipau mmi keyidung kegwang dau ge, nah Pharaoh kengkieng kang gade mei hekwa lu, namdidung ga taktyei teilu kerane. Penui cide kai nzeulu kerane. 36Taktyei de herakum mmi hena de ziemne hangdeube ziemne taktyei zi beu zie cide Egyptme deu ga de zie. Ainzwa eh hangdeube ga herakum kekum dau keherei di melu kerane.”
37Heciem aide Pharaoh miak gade nah pegwa keteimedung pelane miak gade ngau penui suilu. 38Pharaoh pegwa keteimedung dage rang gai, “Anui mina aikenzwa ge ngaulu bui ni, peda Tinggwang Rabe kebam?” 39Cine Pharaoh Joseph dage rangdi, “Kedanemene Tinggwang ma pelane aidungde ncu keu keliane, nswa mige de maci nah lungcet keyi ga da. 40Nang a ki keteube teizie nah nsam nzwa a minadung pelane reu teu zie. Hegwangbam ga rünne Ih nswa di zie.”#Bat. 7:10
Joseph Egypt reu kedi teikelu
41Pharaoh Joseph dage rang eh, “Pielo, Ih ncu Egyptme deu pelane teu kecube kai dida.” 42Pharaoh peba gade bakap pe hegwang kaugiak kenzeu de keu mpet Joseph ba gage kai beu. Pa pecu langcim keyi paidung pwa ba beu nah kecak teiria pwa pe ngwang gage kaibeu. 43Pa peda kebam de bagi pekenabe ga pecu peu tetlu. Minadung sah eh pedwa ga, “Keu mielu.” Pharaoh pecu peu Egyptme deu pelane reu gage kaibeu da. 44Pharaoh Joseph dage rangdi, “Ih au Pharaoh nah nang gwale migede pe ba mede pe pi Egyptme deu pelane ga hwacu gailak.” 45Pharaoh Joseph zi “Zaphenath-Paneah qulu.” Pa pecu penau kerane On cingkupei Potiphera napui Asenath de pecu peu. Joseph Egyptme deu pelane rwamie di#41:45 Joseph Egyptme deu pelane rwamie di: “Ainzwa eh Joseph kideube reu kedi tei.” .
46Joseph mmi camrei di pa Egypt hegwangpei Pharaoh dwa ga kesap dau. Joseph Pharaoh kebam gade tet pwa nah Egyptme deu pelane ga miedi. 47Makehei mmi hena dau hangdeu meibui hemi süt beu. 48Pa taktyei pelane mmi hena gu hekwa lu Egyptme deu ga kebam ga nah namdidung gage taktyei kailu; pa taktyei luhdung gade namdidung twagwapung kebam leune gage kailu. 49Joseph mei hekwa lu jaaidi ga heciangdung nzwa, ciu eh kiee ham eh pa pei cu ntak di, kedanemene cide kiee zu kedine. 50Joseph pena hangna mipeina herakum kum kecu mmi gwang kemak dwa lunghlu, On deuceu Cingkupei Potiphera napui Asenath ne pecu mna kebeu kena de. 51Joseph pena neraibe zi Manasseh msiaklu, pa rang eh, “Tinggwang acu peu a reidung pelane nsungta dida, nah a pei kilungme pelane.” 52Pa pe napei pekena be zi Ephraim msiaklu ciu eh pa rang eh, “Tinggwang a reiketei deu gade acu a name pwa peu da.” 53Mmi hena pui kenlim Egyptme deu ga kebam de penli gwang di. 54Mmi hena herakum kum kecu ndeu di, Joseph kerang nzwa eh, hangdeudung pelane ga herakum kum gwang di, dede Egyptme deu ga taktyei dung bam lu. 55Cidau Egyptme deu pelane ga herakum kum dige, minadung Pharaoh dage taktyei ziemne nra gai eh qu. Pharaoh Egyptmedung pelane dage rang eh, “Joseph da mie cu nah pa dai rang bi teilu.”#41:55 Bat 7:11 56Herakum kum mtei zu eh hangdeu pelane reu ga gwangdi. Cine Joseph mei hekwa kelu kidung pelane let lwe Egyptmedung de zwabeu. Egyptme deu ga herakum kum mtei zudi. 57Kideu pelane Joseph dade mei lui kerane Egypt ga mie bam, kedanemene kideu pelane ga herakum kum süt kedine.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.