Bata 3
3
Peter ha tyeikela pi kesia pei gede teikengkei
1Tingnaige Peter penai John kekie ketei ting, tingna bam cum ting dauge kerecaki ga hangla. 2Cu mipei ge mna kelu gade pe pi sia kebam gede pwa gwangla, pecu tingba ramsangne kerecaki rieki Hezukeyi de eh qukela gage kaila, iciu eh pa kerecaki ga kegwangme dade rangkang halu kerane. 3Pa Peter penai John kerecaki ga lütlai eh kebam ngau luge, pa penai dade pecu rangkang peulo kiedi. 4Dede Peter penai John, pecu pielingci gai eh rangdi, “Anaide pielu.” 5Cine pe pi kesiabe peide penai dade mage ngaulu kera nlum eh penaide pie bamdi. 6Dede Peter rangdi, “Ih rangkanggeu nah kecak gede gah, dede Ih kebambe, aide Ih ncu peuzie. Nazarethme Jisu Khrista zi gade cuhlwe tetlu.” 7Peter zetle ba le pecu gielwe teuncuh lu, ge zette pe pi nah pe piki ngkienglu. 8Cidau pi kesiabe peide nsau cuh saplu delwe tetdi; nah pa penaide ngngwa kerecaki ga lütdi, tet nah nsün nah Tinggwang de twa eh. 9Mina leune pa tet nah Tinggwang de twa kebam ngaulu. 10Penui pa kerecaki Hezukeyi rieki ga bam eh mina dade rangkang ha bam kelabe pei delie cilu; nah penui peda teikedi de ziemne penui swagah nah penui macangdi.
Peter minadung dage sam kerang
11Pa Peter penai John de gielwe kebamdau, mina pelane penui swagah süt eh Solomon kigu lie qukela ga penui taiga pakgwang. 12Peter aide ngau luge, minadung dage ranggai, “Israelmedung, daitei aide ngau nnui swagah bamno? Mede daitei nnui anuide pielingci eh bamno, anai anai kengkieng le mede kenlum keyi le pecu peu tetkelu nzwa? 13Abraham Tinggwang,#3:13 Abraham Tinggwang: Tinggwang de Abraham Tinggwang lie eh qula kedanemene Abraham pecu le pwane pe Tinggwang lie la kecune. nah Isaac Tinggwang, nah Jacob Tinggwang, nah anui peime Tinggwang, pe kilabe Jisu de tei ndulia gaida, nnui pecu Pilate ba gage tuigai nah pe dwade pecu mlai kedibe de, Pilate pecu püt gaibeu kera cetlu liede. 14Dede nnui Kemci nah Kesamsangbe#3:14 Kesamsangbe: Hezaibe gade petau kelabe. de mlaidi nah mide dapketsetbe de nnuide lungmpet beulo kiedi. 15Dede nnui keringria Bangdwabe de teitsetdi, Tinggwang ketsai gade kwakcuh kelubede, nah anui au aide zierangme da. 16Cu, pe zi kenlum gade, nnui ci nah ngau kebam mina aipaude de tei ngkeing lulie. Jisu zi gade nah pe dade kepet kenlum de ne nnui pelane dwa gade mina aipaude de tei mmi cang beuda. 17Cu, sinamedung, nnui muiteumedung tei kedinzwa, nnuide ci mene teimau kedi, Ih cibam. 18Dede Tinggwang caihakecime pelane mui gade Khrista keherei zielie mrairang kegaide, pa ainzwa teicang luda. 19Cine, helungnreulu, nah nreu caililu, iciu eh nnui maudung teinggah dilu kerane, 20iciu eh Rampaube dade teikemcang ting gwanglu kerane; nah pa nnui ziemne kedet pwa kebambe de langgailu kerane, cide Khrista Jisu. 21Tinggwang ndaa pe kemci caihakecimedung dade rang kegai nzwa, ma pelane teihemi dailu kemaktane pa tinggim ga bamlu maisia. 22Moses ranggai kesangda, ‘Rampaube nnui Tinggwang nnui siname kakgade caihakeci Ih kenzwa gede teucuh beuzie. Nnui ma pelane ga pe kwa kingnei zie—pa nnui dage kerangbe leune.#3:22 Hez. 18:15-18 23Dede keheibe de caihakecibe kwa kingnei kemakbe de mina kakgade ngkap dizie.’ 24Kesang, caihakecime pelane Samuel gade gwang pecai kegwangmedung kekiee ge cudau ting ha mrairang gaida. 25Nnui caihakecime nah Tinggwang nnui paume dage samkak kelu name da. Tinggwang Abraham dage, ‘N leuh gade kideu ga mina pelane de samlam beuzie,’ de ranggai. 26Tinggwang pe kilabe de teucuh kelucai, pa pecu nnui dage langgai raibeu, nnui pelane de nnui kenlien gade teu nreulu eh nnuide samlam beu kerane.”
Currently Selected:
Bata 3: NorthernZeme
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Bata 3
3
Peter ha tyeikela pi kesia pei gede teikengkei
1Tingnaige Peter penai John kekie ketei ting, tingna bam cum ting dauge kerecaki ga hangla. 2Cu mipei ge mna kelu gade pe pi sia kebam gede pwa gwangla, pecu tingba ramsangne kerecaki rieki Hezukeyi de eh qukela gage kaila, iciu eh pa kerecaki ga kegwangme dade rangkang halu kerane. 3Pa Peter penai John kerecaki ga lütlai eh kebam ngau luge, pa penai dade pecu rangkang peulo kiedi. 4Dede Peter penai John, pecu pielingci gai eh rangdi, “Anaide pielu.” 5Cine pe pi kesiabe peide penai dade mage ngaulu kera nlum eh penaide pie bamdi. 6Dede Peter rangdi, “Ih rangkanggeu nah kecak gede gah, dede Ih kebambe, aide Ih ncu peuzie. Nazarethme Jisu Khrista zi gade cuhlwe tetlu.” 7Peter zetle ba le pecu gielwe teuncuh lu, ge zette pe pi nah pe piki ngkienglu. 8Cidau pi kesiabe peide nsau cuh saplu delwe tetdi; nah pa penaide ngngwa kerecaki ga lütdi, tet nah nsün nah Tinggwang de twa eh. 9Mina leune pa tet nah Tinggwang de twa kebam ngaulu. 10Penui pa kerecaki Hezukeyi rieki ga bam eh mina dade rangkang ha bam kelabe pei delie cilu; nah penui peda teikedi de ziemne penui swagah nah penui macangdi.
Peter minadung dage sam kerang
11Pa Peter penai John de gielwe kebamdau, mina pelane penui swagah süt eh Solomon kigu lie qukela ga penui taiga pakgwang. 12Peter aide ngau luge, minadung dage ranggai, “Israelmedung, daitei aide ngau nnui swagah bamno? Mede daitei nnui anuide pielingci eh bamno, anai anai kengkieng le mede kenlum keyi le pecu peu tetkelu nzwa? 13Abraham Tinggwang,#3:13 Abraham Tinggwang: Tinggwang de Abraham Tinggwang lie eh qula kedanemene Abraham pecu le pwane pe Tinggwang lie la kecune. nah Isaac Tinggwang, nah Jacob Tinggwang, nah anui peime Tinggwang, pe kilabe Jisu de tei ndulia gaida, nnui pecu Pilate ba gage tuigai nah pe dwade pecu mlai kedibe de, Pilate pecu püt gaibeu kera cetlu liede. 14Dede nnui Kemci nah Kesamsangbe#3:14 Kesamsangbe: Hezaibe gade petau kelabe. de mlaidi nah mide dapketsetbe de nnuide lungmpet beulo kiedi. 15Dede nnui keringria Bangdwabe de teitsetdi, Tinggwang ketsai gade kwakcuh kelubede, nah anui au aide zierangme da. 16Cu, pe zi kenlum gade, nnui ci nah ngau kebam mina aipaude de tei ngkeing lulie. Jisu zi gade nah pe dade kepet kenlum de ne nnui pelane dwa gade mina aipaude de tei mmi cang beuda. 17Cu, sinamedung, nnui muiteumedung tei kedinzwa, nnuide ci mene teimau kedi, Ih cibam. 18Dede Tinggwang caihakecime pelane mui gade Khrista keherei zielie mrairang kegaide, pa ainzwa teicang luda. 19Cine, helungnreulu, nah nreu caililu, iciu eh nnui maudung teinggah dilu kerane, 20iciu eh Rampaube dade teikemcang ting gwanglu kerane; nah pa nnui ziemne kedet pwa kebambe de langgailu kerane, cide Khrista Jisu. 21Tinggwang ndaa pe kemci caihakecimedung dade rang kegai nzwa, ma pelane teihemi dailu kemaktane pa tinggim ga bamlu maisia. 22Moses ranggai kesangda, ‘Rampaube nnui Tinggwang nnui siname kakgade caihakeci Ih kenzwa gede teucuh beuzie. Nnui ma pelane ga pe kwa kingnei zie—pa nnui dage kerangbe leune.#3:22 Hez. 18:15-18 23Dede keheibe de caihakecibe kwa kingnei kemakbe de mina kakgade ngkap dizie.’ 24Kesang, caihakecime pelane Samuel gade gwang pecai kegwangmedung kekiee ge cudau ting ha mrairang gaida. 25Nnui caihakecime nah Tinggwang nnui paume dage samkak kelu name da. Tinggwang Abraham dage, ‘N leuh gade kideu ga mina pelane de samlam beuzie,’ de ranggai. 26Tinggwang pe kilabe de teucuh kelucai, pa pecu nnui dage langgai raibeu, nnui pelane de nnui kenlien gade teu nreulu eh nnuide samlam beu kerane.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.