Bata 16
16
Paul zierangta tei eh hebeuh ketei kenabe
1Paul Derbe nah Lystra namdi ga de gwanglu; nah ainie, caisuime ge pe zi Timothy lie kecuge cika bam, pa pui Jewme kenlumme pui ge dede pe pei au Greekme ge. 2Lystra nah Iconium ga kebam kenlummedung pelane pecu rang hemisüt la. 3Paul Timothy de ngngwa mbeuh neudi; cine pa pecu ngngwalwe Jewme cika kebamme ziemne pe geurumlu, kedanemene pe pei Greekme gelie kecu penui pelane ci kecune. 4Penui namdidung ga tetkah kegwangdau, Jerusalem ga kebam langkegaime nah hangkiame mpau kelu hezaidung de mzai lulo penuide ranglia beu. 5Iciu eh ngqwadung kenlum teingkienglu nah tingba ramsangne hemaa kiee silu.
Paul Macedoniame gede kengau
6Paul nah pe zangmedung Phrygia nah Galatia cuikuidung ga tetkah gwang, kedanemene Kemci Rabe penuide Asia deuceu ga samliakeyi zierang tei kera kaam kedine. 7Penui Mysia deurai ga gwang luge, penui Bithynia ga lütkera teidi, dede Jisu Rabe penuide peu lüt ma. 8Cine Mysia cuikui tetkah pwa Troas namdi ga penui nghunglu. 9Ge tingmui Paul marengei ge ngau: Macedoniame ge mige saplwe pe dade pe nggia kie eh ranggai , “Macedonia ga gwang delwe anuide nghalo.” 10Cine Paul marengei de ngau luge, anui zette Macedonia gage tetgai kera mteilu, Tinggwang anuide penui dage samliakeyi zierang tei kera qu zeulie nlum eh.
Philippi ga Lydia helungkenreu
11Troas gade liem taugai eh anui tetmzui pwa Samothrace duigwadeu ga mie, nah pecai benai anui Neapolis namdi ga gwanglu. 12Cikade anui Philippi#16:12 Philippi: Namdi aide zi kehegwa cai Dathos. Namdi cide Alexander Kedibe pei Philip ne retak nah tei hezuyi lu. gage tetgai, cide au Macedonia deuzi gade namdi mlangtube, nah Romme kangga kebam nam ge, nah anui aipau namdi ga tingbazie kiee kemakge bam. 13Sabbath tingba benai anui namdi rieki gwale kereuki ga mie, cika kekie teikera heni ge bam ha de cet eh. Pecai anui bamlwe mipuidung ngngwa ngkwa kebamme dage marang gai. 14Mipui ge pe zi Lydia, Thyatira namdi ga gieremang pai zwa kecume ge, Tinggwang de kenlumme puige anui kwa kingneilu. Rampaube pecu peu Paul kerangde kingneilu kera pe lung ngkeibeu. 15Lydia nah pe nahpei duipum tei luge, pa anui dade kiegai, “Nnui kecet gade Ih Rampaube de kenlumme kesang gelie lacai, a kiga gwang eh bam lulo.” Iciu eh pa anuide gwang anui lung teilu.
Paul penai Silas hebaangki ga
16Anui kekie ketei henige ga mie keladau, rabe kengkieng teukela releipui gede anui redaulu. Pa reka sam kerang gade peu pe mpaume de mmisüt lula. 17Aipau puide Paul nah anui caisui eh sahgai, “Mina aidungde au Hutube Tinggwang kilamedung. Penui kelikelu lampuibe nnui dage ndulia la.” 18Pa tingbazie kekiee ge ainzwa ladi. Dede Paul, cipau puide de lunglei zudi eh, nreugwang rabe dage ranggai, “Jisu Khrista zi gade Ih ncu pe dade mpet dilo aja kai gaila.” Cidau herakesiabe zette mpetdi.
19Dede pe mpaume penui rangkang hilu kera ziuyi de gahkedi ngau luge, penui Paul penai Silas de tuilwe litakni ga kengkieng teu kelame dwaga penaide teu kerei gwangdi. 20Penui penaide Romme kedime da ngngwa gwang luge, penui rangdi, “Mina aikenade anui namdi teukebwak bam dida. Penai au Jewme.#1 Heg. 18:17 21Penai anui Romme zai kemak zaidung de luu lulo nah mzai lulo rangla.” 22Cidau hemaabe ncütlwe Paul penai Silas de mmau cuhdi, nah Romme kedime penai painidung hietdi delwe hegeutiedung le penaide daplo aja kaigai. 23Penui penaide pia kekiee ge dap kedicai, penui penaide hebaangki gage kelien gaidi delwe hebaangki kekwabe de penaide kwasiakte lulo aja kaigai. 24Hebaangki kekwabe aja de siu ngau luge, penaide hebaangki lung kecok gage banglwe penai pi tsingkang kerütdung gage kang nzeudi. 25Tingmui muisum dauge paul penai Silas kekie tei nah Tinggwang de ketwa lei teibam, nah hebaangme kedamedung penai kwa kingnei bam. 26Zette cika nluiteu sütdi, iciu eh hebaangki tsiadung teu kelaidi; nah zette kikamdung pelane ngkeidi, nah pelane dade hegeuriadung de nlwak mpetdi. 27Hebaangki kekwabe zip kebam gade mrak gwanglwe hebaangki kikamdung ngkei pwa kebam ngau luge; pa pe kingtie züt mpetlwe pekatei pecu teitsetdi kera mteilu, kedanemene hebaangme pakdi de ha pa cet kelune. 28Dede Paul sahbak eh ranggai, “Nkatei ncu tei rejam diso, kedanemene anui pelane aika bamlu.” 29Cine hebaangki kekwabe kebaa kielwe paklüt, mbeu nah ngngi eh Paul penai Silas dwaga kauzeudi, 30nah penaide teumpetlwe keteu, “Kedibe kena, Ih kelilu kerane daipai tei maisia no?” 31Penai keligai, “Rampaube Jisu de nlumlu, iciude ncu kelilu zie, nang de nah n kilungme de.” 32Penai pe dage nah pe kilungme pelane dage Rampaube sam ranglia. 33Cipau ziu cipau bamdakkak dau hebaangki kekwabe penaide ngngwalwe penai zamdung huidi, nah zette pecu nah pe kilungme pelane de duipum teilu. 34Pecai pa Paul penai Silas de pe ki ga ngngwa gwanglwe ketyeipok penaide kaibeu, nah pa Tinggwang de nlum kelu ziemne pe kilungme pelane de ngngwa pe suiyisüt bamdi.
35Pecai benai tingcang, kedime kekwame dage, “Peu penaide tetdi lulo,” de sam kaigai. 36Hebaangki kekwabe Paul dage sam paubeu eh ranggai, “Kedimedung nnaide peu tetdi lulo a dage sam langgai beu. Ciziemne mpetlu delwe nnai lung nciep eh tet lulo.” 37Dede Paul penui dade rangdi, “Penui mteibe dwade hetutiak mene anaide dap, anai Romme deuketme ge liede, nah penui anaide hebaangki gage tuigai. Cu penui ngkim eh anaide langgidi neu lani? Lak! Meliene, penui depeu gwang eh anaide lungmpet lulo.” 38Pecai hebaangki kekwame Romme kedimedung de sam aide paubeu, nah penui Paul penai Silas Romme lie kecu siu luge, penui ngngidi. 39Cine penui gwang penai dade penui mau kie nah penaide lungmpet beu, nah namdibe gade tetdi lulo penai dade kiedi. 40Cine Paul penai Silas hebaangki gade mpetlwe Lydia kiga gwanglu. Penai kenlummedung de ngau ngau luge, penuide kecunggai eh namdibe gade tetdi.
Currently Selected:
Bata 16: NorthernZeme
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Bata 16
16
Paul zierangta tei eh hebeuh ketei kenabe
1Paul Derbe nah Lystra namdi ga de gwanglu; nah ainie, caisuime ge pe zi Timothy lie kecuge cika bam, pa pui Jewme kenlumme pui ge dede pe pei au Greekme ge. 2Lystra nah Iconium ga kebam kenlummedung pelane pecu rang hemisüt la. 3Paul Timothy de ngngwa mbeuh neudi; cine pa pecu ngngwalwe Jewme cika kebamme ziemne pe geurumlu, kedanemene pe pei Greekme gelie kecu penui pelane ci kecune. 4Penui namdidung ga tetkah kegwangdau, Jerusalem ga kebam langkegaime nah hangkiame mpau kelu hezaidung de mzai lulo penuide ranglia beu. 5Iciu eh ngqwadung kenlum teingkienglu nah tingba ramsangne hemaa kiee silu.
Paul Macedoniame gede kengau
6Paul nah pe zangmedung Phrygia nah Galatia cuikuidung ga tetkah gwang, kedanemene Kemci Rabe penuide Asia deuceu ga samliakeyi zierang tei kera kaam kedine. 7Penui Mysia deurai ga gwang luge, penui Bithynia ga lütkera teidi, dede Jisu Rabe penuide peu lüt ma. 8Cine Mysia cuikui tetkah pwa Troas namdi ga penui nghunglu. 9Ge tingmui Paul marengei ge ngau: Macedoniame ge mige saplwe pe dade pe nggia kie eh ranggai , “Macedonia ga gwang delwe anuide nghalo.” 10Cine Paul marengei de ngau luge, anui zette Macedonia gage tetgai kera mteilu, Tinggwang anuide penui dage samliakeyi zierang tei kera qu zeulie nlum eh.
Philippi ga Lydia helungkenreu
11Troas gade liem taugai eh anui tetmzui pwa Samothrace duigwadeu ga mie, nah pecai benai anui Neapolis namdi ga gwanglu. 12Cikade anui Philippi#16:12 Philippi: Namdi aide zi kehegwa cai Dathos. Namdi cide Alexander Kedibe pei Philip ne retak nah tei hezuyi lu. gage tetgai, cide au Macedonia deuzi gade namdi mlangtube, nah Romme kangga kebam nam ge, nah anui aipau namdi ga tingbazie kiee kemakge bam. 13Sabbath tingba benai anui namdi rieki gwale kereuki ga mie, cika kekie teikera heni ge bam ha de cet eh. Pecai anui bamlwe mipuidung ngngwa ngkwa kebamme dage marang gai. 14Mipui ge pe zi Lydia, Thyatira namdi ga gieremang pai zwa kecume ge, Tinggwang de kenlumme puige anui kwa kingneilu. Rampaube pecu peu Paul kerangde kingneilu kera pe lung ngkeibeu. 15Lydia nah pe nahpei duipum tei luge, pa anui dade kiegai, “Nnui kecet gade Ih Rampaube de kenlumme kesang gelie lacai, a kiga gwang eh bam lulo.” Iciu eh pa anuide gwang anui lung teilu.
Paul penai Silas hebaangki ga
16Anui kekie ketei henige ga mie keladau, rabe kengkieng teukela releipui gede anui redaulu. Pa reka sam kerang gade peu pe mpaume de mmisüt lula. 17Aipau puide Paul nah anui caisui eh sahgai, “Mina aidungde au Hutube Tinggwang kilamedung. Penui kelikelu lampuibe nnui dage ndulia la.” 18Pa tingbazie kekiee ge ainzwa ladi. Dede Paul, cipau puide de lunglei zudi eh, nreugwang rabe dage ranggai, “Jisu Khrista zi gade Ih ncu pe dade mpet dilo aja kai gaila.” Cidau herakesiabe zette mpetdi.
19Dede pe mpaume penui rangkang hilu kera ziuyi de gahkedi ngau luge, penui Paul penai Silas de tuilwe litakni ga kengkieng teu kelame dwaga penaide teu kerei gwangdi. 20Penui penaide Romme kedime da ngngwa gwang luge, penui rangdi, “Mina aikenade anui namdi teukebwak bam dida. Penai au Jewme.#1 Heg. 18:17 21Penai anui Romme zai kemak zaidung de luu lulo nah mzai lulo rangla.” 22Cidau hemaabe ncütlwe Paul penai Silas de mmau cuhdi, nah Romme kedime penai painidung hietdi delwe hegeutiedung le penaide daplo aja kaigai. 23Penui penaide pia kekiee ge dap kedicai, penui penaide hebaangki gage kelien gaidi delwe hebaangki kekwabe de penaide kwasiakte lulo aja kaigai. 24Hebaangki kekwabe aja de siu ngau luge, penaide hebaangki lung kecok gage banglwe penai pi tsingkang kerütdung gage kang nzeudi. 25Tingmui muisum dauge paul penai Silas kekie tei nah Tinggwang de ketwa lei teibam, nah hebaangme kedamedung penai kwa kingnei bam. 26Zette cika nluiteu sütdi, iciu eh hebaangki tsiadung teu kelaidi; nah zette kikamdung pelane ngkeidi, nah pelane dade hegeuriadung de nlwak mpetdi. 27Hebaangki kekwabe zip kebam gade mrak gwanglwe hebaangki kikamdung ngkei pwa kebam ngau luge; pa pe kingtie züt mpetlwe pekatei pecu teitsetdi kera mteilu, kedanemene hebaangme pakdi de ha pa cet kelune. 28Dede Paul sahbak eh ranggai, “Nkatei ncu tei rejam diso, kedanemene anui pelane aika bamlu.” 29Cine hebaangki kekwabe kebaa kielwe paklüt, mbeu nah ngngi eh Paul penai Silas dwaga kauzeudi, 30nah penaide teumpetlwe keteu, “Kedibe kena, Ih kelilu kerane daipai tei maisia no?” 31Penai keligai, “Rampaube Jisu de nlumlu, iciude ncu kelilu zie, nang de nah n kilungme de.” 32Penai pe dage nah pe kilungme pelane dage Rampaube sam ranglia. 33Cipau ziu cipau bamdakkak dau hebaangki kekwabe penaide ngngwalwe penai zamdung huidi, nah zette pecu nah pe kilungme pelane de duipum teilu. 34Pecai pa Paul penai Silas de pe ki ga ngngwa gwanglwe ketyeipok penaide kaibeu, nah pa Tinggwang de nlum kelu ziemne pe kilungme pelane de ngngwa pe suiyisüt bamdi.
35Pecai benai tingcang, kedime kekwame dage, “Peu penaide tetdi lulo,” de sam kaigai. 36Hebaangki kekwabe Paul dage sam paubeu eh ranggai, “Kedimedung nnaide peu tetdi lulo a dage sam langgai beu. Ciziemne mpetlu delwe nnai lung nciep eh tet lulo.” 37Dede Paul penui dade rangdi, “Penui mteibe dwade hetutiak mene anaide dap, anai Romme deuketme ge liede, nah penui anaide hebaangki gage tuigai. Cu penui ngkim eh anaide langgidi neu lani? Lak! Meliene, penui depeu gwang eh anaide lungmpet lulo.” 38Pecai hebaangki kekwame Romme kedimedung de sam aide paubeu, nah penui Paul penai Silas Romme lie kecu siu luge, penui ngngidi. 39Cine penui gwang penai dade penui mau kie nah penaide lungmpet beu, nah namdibe gade tetdi lulo penai dade kiedi. 40Cine Paul penai Silas hebaangki gade mpetlwe Lydia kiga gwanglu. Penai kenlummedung de ngau ngau luge, penuide kecunggai eh namdibe gade tetdi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.