Esther (Hebrew) 1
1
Lihungu lya Mutwa
1Chipindi mutwa Ahasuelu paghaveyi mutwa wa mikowa mya na milongu mivili na saba kufumila Indiya mbaka Kushi.
2Pakwandi aveli akutavala payikala mbwani ya Shushani. 3Mumwaka wa tatu wa wutwa waki, mutwa Ahasuelu avagolililili lihungu filongosi na vandumindumi vaki va wutwa na filongosi va vamachonda va Uwajemi na Umedi na vana va chiwutwa na vakomi va mikowa. 4Kwa chipindi cha myesi sita, mutwa Ahasuelu alangushili ulundamali wa wutwa waki mkomi na jumu ya wutwa.
5Majuva ava pavapitili mutwa agolili lihungu kwa chipindi cha majuva saba muchiwunga chivelili mugati ya luviwu lwa nyumba ya wutwa, kwanongwa vandu vosi, kukandila mkomi mbaka mdokwa yivavelili muluviwu lwa mbwani ya Shushani. 6Mahali apa pamelimetishiwili kwa mbayi sha fitambala fikeli na kangungu sikongiwa kwa ngoyi sha chitambala chikeli na chitambala cha salabati. Mufigwambikilu afi fya madini va mbiya na kwa ng'oyi sha chitambala chanyanyi cha salabati na kuning'inisha kumbindi ya mipanda ya migonguveli yivikiwili malumalu. Wuwula wula kwavelili na figoda fya chumang'andu na sha madini va mbiya yifivikiwili musimendi yigoliwili kwa figonguveli fya langi na malumalu na lulumisi na figonguveli fitalamili. 7Vandu valandililili difwayi mufikombi fya chumang'andu, kila mundu aveli na chikombi cha ndambu ya paweka, na mweni mutwa avelili msangi munu wa difwayi ya chiwutwa. 8Kwa amuli ya mutwa kila muhenja ajumishiwili kulanda chadayilili, nongwa mutwa ndi yalayilili vandumindumi vosi munyumba ya wutwa vamukimbanikili kila mundu nga wawesha kulanda. 9Chipindi chichila chila muhumbu Vashiti na mweni avagolilili vadadala lihungu munyumba ya wutwa ya mutwa Ahasuelu.
10Lijuva lya saba lya lihungu ali, Mutwa Ahasuelu, avelili kana seku ngomi kwanongwa ya difwayi yalandili, avakemili vandumindumi vaki saba yivafuniwili yivamkimbanikila mweni weka, ava ndi Mehumani na Bisita na Haliboni na Bigita na Abagita na Setali pamu na Kalikasi. 11Ava avalayilili vamuyeghi muhumbu Vashiti, kunu kafwala likokoma lyaki lya uhumbu, ili mutwa avalangushi uvayisi waki vahenja vaki na filongosi kwanongwa muhumbu ayu avayilili munu. 12Pambeli vala yivafuniwili pavamuwombilili muhumbu amuli yifumili kwa mutwa, muhumbu Vashiti alemili. Topi mutwa akalalili munu na kukoliwa maya.
13Kwanongwa yavelili chishovi cha mutwa kuwombana na vanaluhunja vaki kwanongwa ya shaliya na haki, topi avakemili vawula malawu na yivamanyili malawu ili vamuwombeli cha kugola. 14Vala yivaveli pabehi na mutwa ndi Kalishena na Shetali na Adimata na Talishishi na Melesi na Memukani ava ndi filongosi saba va Pelisia na Umedi yivavelili vakuwombana na mutwa. 15Mutwa avadashili, “Ngimu wuvavelili malawu vetu, tumgoli liki muhumbu Vashiti? Kwanongwa ndivalayisha vandumindumi vangu vamkemi mweni kalema, kalema amuli yangu nenga mutwa Ahasuelu.”
16Tepu Mamukeni amuyangulili mutwa pamu na vakomi yivavelili pasi ya mutwa, “Muhumbu Vashiti kagola wafu kwa mutwa hela ha, kagola wafu kwa vakomi vonda na vandu vonda yivayikala mumikowa ya mutwa Ahasuelu! 17Chindu achi chagolili muhumbu Vashiti dachimanyiki na vadadala vonda, topi davavatundamili ha vabambu vawu davadeti, ‘Mbona mutwa Ahasuelu amukemili muhumbu Vashiti lakini alemili.’ 18Nalelu vadadala vonda va Pelisia na Umedi yivapikanili fyagolili muhumbu Vashiti, davavagoleli wuwowu filongosi vosi yivavelili pasi ya mutwa. Topi mbedalu na ndilingu dasimemi kila mahali. 19Leki payikunowela mutwa, layishi amuli ya chiwutwa na yiyandikiwi mumalawu va Pelisia na Umedi, na yikotoo kughalambuliwa, kucha muhumbu Vashiti akotoo kwisa kandi kwa mutwa Ahusuelu. Pambeli mutwa ashawuli muhumbu wingi yavayilili pitu mweni. 20Pambeli malawu ava va mutwa pavalanduliwa muwutwa waki wuvelili mkomi munu, vadadala vonda davavatundamili vabambu vawu, kukandila mdokwa mbaka mkomi.”
21Topi, mutwa na maufisa vaki vanoviliwili va filongu afi, Mutwa agolili ngimu wadetili Mamukani. 22Pambeli Payeghili baluwa mungengileka shosi sha wutwa waki, kwa kila ngengileka avayandikilili kila vandu kwa nyandikilu yawu na kwa detelu yawu veni kucha, kila mlulumi akudayiliwa kuva mtavala wa nyumba yaki mweni.
Currently Selected:
Esther (Hebrew) 1: OTNdambBL
Highlight
Share
Copy
Want to have your highlights saved across all your devices? Sign up or sign in
The Old Testament in Ndamba @The Word for The World International and Ndamba Language translation. All rights reserved.
Esther (Hebrew) 1
1
Lihungu lya Mutwa
1Chipindi mutwa Ahasuelu paghaveyi mutwa wa mikowa mya na milongu mivili na saba kufumila Indiya mbaka Kushi.
2Pakwandi aveli akutavala payikala mbwani ya Shushani. 3Mumwaka wa tatu wa wutwa waki, mutwa Ahasuelu avagolililili lihungu filongosi na vandumindumi vaki va wutwa na filongosi va vamachonda va Uwajemi na Umedi na vana va chiwutwa na vakomi va mikowa. 4Kwa chipindi cha myesi sita, mutwa Ahasuelu alangushili ulundamali wa wutwa waki mkomi na jumu ya wutwa.
5Majuva ava pavapitili mutwa agolili lihungu kwa chipindi cha majuva saba muchiwunga chivelili mugati ya luviwu lwa nyumba ya wutwa, kwanongwa vandu vosi, kukandila mkomi mbaka mdokwa yivavelili muluviwu lwa mbwani ya Shushani. 6Mahali apa pamelimetishiwili kwa mbayi sha fitambala fikeli na kangungu sikongiwa kwa ngoyi sha chitambala chikeli na chitambala cha salabati. Mufigwambikilu afi fya madini va mbiya na kwa ng'oyi sha chitambala chanyanyi cha salabati na kuning'inisha kumbindi ya mipanda ya migonguveli yivikiwili malumalu. Wuwula wula kwavelili na figoda fya chumang'andu na sha madini va mbiya yifivikiwili musimendi yigoliwili kwa figonguveli fya langi na malumalu na lulumisi na figonguveli fitalamili. 7Vandu valandililili difwayi mufikombi fya chumang'andu, kila mundu aveli na chikombi cha ndambu ya paweka, na mweni mutwa avelili msangi munu wa difwayi ya chiwutwa. 8Kwa amuli ya mutwa kila muhenja ajumishiwili kulanda chadayilili, nongwa mutwa ndi yalayilili vandumindumi vosi munyumba ya wutwa vamukimbanikili kila mundu nga wawesha kulanda. 9Chipindi chichila chila muhumbu Vashiti na mweni avagolilili vadadala lihungu munyumba ya wutwa ya mutwa Ahasuelu.
10Lijuva lya saba lya lihungu ali, Mutwa Ahasuelu, avelili kana seku ngomi kwanongwa ya difwayi yalandili, avakemili vandumindumi vaki saba yivafuniwili yivamkimbanikila mweni weka, ava ndi Mehumani na Bisita na Haliboni na Bigita na Abagita na Setali pamu na Kalikasi. 11Ava avalayilili vamuyeghi muhumbu Vashiti, kunu kafwala likokoma lyaki lya uhumbu, ili mutwa avalangushi uvayisi waki vahenja vaki na filongosi kwanongwa muhumbu ayu avayilili munu. 12Pambeli vala yivafuniwili pavamuwombilili muhumbu amuli yifumili kwa mutwa, muhumbu Vashiti alemili. Topi mutwa akalalili munu na kukoliwa maya.
13Kwanongwa yavelili chishovi cha mutwa kuwombana na vanaluhunja vaki kwanongwa ya shaliya na haki, topi avakemili vawula malawu na yivamanyili malawu ili vamuwombeli cha kugola. 14Vala yivaveli pabehi na mutwa ndi Kalishena na Shetali na Adimata na Talishishi na Melesi na Memukani ava ndi filongosi saba va Pelisia na Umedi yivavelili vakuwombana na mutwa. 15Mutwa avadashili, “Ngimu wuvavelili malawu vetu, tumgoli liki muhumbu Vashiti? Kwanongwa ndivalayisha vandumindumi vangu vamkemi mweni kalema, kalema amuli yangu nenga mutwa Ahasuelu.”
16Tepu Mamukeni amuyangulili mutwa pamu na vakomi yivavelili pasi ya mutwa, “Muhumbu Vashiti kagola wafu kwa mutwa hela ha, kagola wafu kwa vakomi vonda na vandu vonda yivayikala mumikowa ya mutwa Ahasuelu! 17Chindu achi chagolili muhumbu Vashiti dachimanyiki na vadadala vonda, topi davavatundamili ha vabambu vawu davadeti, ‘Mbona mutwa Ahasuelu amukemili muhumbu Vashiti lakini alemili.’ 18Nalelu vadadala vonda va Pelisia na Umedi yivapikanili fyagolili muhumbu Vashiti, davavagoleli wuwowu filongosi vosi yivavelili pasi ya mutwa. Topi mbedalu na ndilingu dasimemi kila mahali. 19Leki payikunowela mutwa, layishi amuli ya chiwutwa na yiyandikiwi mumalawu va Pelisia na Umedi, na yikotoo kughalambuliwa, kucha muhumbu Vashiti akotoo kwisa kandi kwa mutwa Ahusuelu. Pambeli mutwa ashawuli muhumbu wingi yavayilili pitu mweni. 20Pambeli malawu ava va mutwa pavalanduliwa muwutwa waki wuvelili mkomi munu, vadadala vonda davavatundamili vabambu vawu, kukandila mdokwa mbaka mkomi.”
21Topi, mutwa na maufisa vaki vanoviliwili va filongu afi, Mutwa agolili ngimu wadetili Mamukani. 22Pambeli Payeghili baluwa mungengileka shosi sha wutwa waki, kwa kila ngengileka avayandikilili kila vandu kwa nyandikilu yawu na kwa detelu yawu veni kucha, kila mlulumi akudayiliwa kuva mtavala wa nyumba yaki mweni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Old Testament in Ndamba @The Word for The World International and Ndamba Language translation. All rights reserved.