LUK - NUMANA 13
13
Duŋ na zumimin kɔ izhin bǝ yik iyah
1Amɛ, aner anuŋ ne amkpama ne bla Yesɔ kiyiŋ ndi Bilatus ne duŋ aŋlɔk aner abɛ Galili anuŋ ndi azhizhi amen ne acɔk aglik ne azhizhi ane tuk amkpur. 2Yesɔ adi ba, <<Izhin yik te di aner abɛ Galili abaŋa ne na zumimin anaŋ nki aner abɛ Galili me waŋai kiyiŋ ndi ne yik iyah amei? 3Mbla zhin, ba yeme ba! Izhineba min yi, mba zhin te duŋ na zumimin ba, izhin tei ku dɔ. 4kɔ izhin tei di aner awur ane tender ndi iki kɛ shu ne zhaku te ŋlɔk ba ne Silɔm, zhin yik te di aner abaŋa nena zumimin anaŋ nki aneshir abaŋ ndi ayi ne Urshelimai? 5Mbla zhin, ba yi amɛ ba! Izhin te kyak duŋ na zumimin, izhin tei ku dɔ.>>
6Fe Yesɔ abla ba nkan lɛ te di: <<Ner nuŋ ane yi ne tiŋ ŋgliŋgli ne ahwaŋa amaa, ankyak ne gar wɔb dɔ maa bane yik kinuŋ ba. 7Fe adi ner waŋ ndi ablɛ ahwaŋ ŋgliŋgli me, <Ase me tar ndi mne nyɛ kye dɔ ŋgliŋgli me, bam yik kinuŋ ba tsɔm tiŋe tyak zhɔk! Aduŋ kɛ klɛ te na anii ne mimi me?>
8<<<Amamgblɛ,Nɛrɛ adi, > <Duŋ kɛ bǝ na te ise zhin, M tei nka tiŋe te shur kɛ asu. 9Te yi ndi te dɔ ire amɛ! Te yi ndi bate dɔ ba M tei ntsom kɛ ntyak zhɔk.>>>
Yesɔ ne na Iwa ne tsib goŋ ne bɛr yi sɔŋ sik
10Nǝ bɛr yi sɔŋ sik Yesɔ ne zen tsar ne Akabaŋkɔŋ anuŋ, 11iwa nuŋ ndi anerim ne nau azhɔk itsibgoŋ ase awur ane tender. Nǝ baŋ mkpaŋ bane ya lu kli ba. 12Ndi Yesɔ ne yigu, azhɔu aŋyak ne ti te diu, <<Iwa, ne tunu ilɔ mi agli tibɛ.>> 13Fe a sagu ŋɔk maa, ne amkpamkpaŋ ma iwama alɔ nab aklɛ te nyɛr Arik.
14Ankyak fe ŋgɔŋ ne Akabaŋkɔŋ akɔ te mfu ndi Yesɔ ne duŋ iwama are ne bɛr yi sɔŋ sik, ngɔŋ ne Akabaŋkɔŋ ŋɔ adi aneshire te di, <<Ber tani yime iyi na ndum. Amɛ izhin nyɛ te duŋ abɛ duŋ zhin rɛ, ba ne bɛr yi sɔŋ sik yiŋɛ ba.>>
15Fe ngɔŋ adiu, <<Izhin abɛ na iyik ayi! Ba zhin zuk alandɔŋ kɔ atatur amin ne bɛr yiŋɛ te gli ba te gar nek ba amashir ata so kai? 16Ne me iwa waŋa ndi ayi nga ŋli ikɛ Ibrai, shetan ne kpau nyak ase wur ane tender, ba tei rɛ ndi abɛ zu gu azhɔk ne bɛr yi sɔŋ sik kai?>>
17Ndi ne di amɛ, abɛ kyagu yi ishisha ku vuŋ ba, ankyak aneshir ne nyɛr tetɛk ne ki yiŋ ndi Yesɔ ne nai.
Nkanlɛ netu ayi mgbyaŋ ŋklik ben mumuŋ atuntu
18Fe Yesɔ arib, <<Ikɔb Arik yi kikin? M tei tsar kɛ ne ni? 19Iyi ndi mgbyaŋ nklik, ndi neshir ne baŋǝ ayi ne ahwaŋ ama. Nǝ tɔ te tiŋ nkunkun, fe aŋliŋlɔ ne shɔr anjer ne ngǝŋga ma.
20Fe ana rib ba, M tei ntsar ikɔb Arik ne anii? 21Iyi ndi mumuŋ atuntu yiŋ ndi uwa nuŋ ane shur ne mumuŋ alikama te duŋǝ ne saŋ shak agbǝgba.>>
Ankɔŋ avetsɔb
22Fe Yesɔ ne yir ntuntun ngɔngɔŋ ben mɔtsɔtsɔb, te zin tsar te bene vuŋ ankɔŋ ane gar Urushelima. 23Ankyak ner nuŋ aribu te di, <<Ŋgon, atei aner watsɔb ankyak ashur yi?>>
Adi ba, 24<<Zhin bɛ nak tsǝ kli te zǝ zhin ankɔŋ avetsɔb, mbla zhin, aner tetɛk atɛi te tɛ aba abɛ zǝ ankɔŋ awaŋa ayir ate lak akɛne. 25Ankyak ndi ner ne kɔbɔ te lu te ku ankɔŋɔ, izhin tei kli ne abɛm te kpyaŋu te ben te di, <Ngɔŋ, bu ta ankɔŋɔ.>
<<Akyak atei di, <Zhin rɛ me? Bam ne zhi zhin ba.>
26Fe izhin tei di, <Ta ne li te so bene bɔu, une na tsar ne nkuŋkɔŋ mɔr.>
27<<Ankyak atei di ba, <Bam ne zhi zhin ba, bam ne na zhi amkpa waŋ di zhin rɛ me ba. Kam deme zhin ne ti muŋ, bɔbɔk min abɛ na ki mimin!>
28<<Zhin tei zhin te fa aŋin ndi izhin te yik Ibrai, Ishaku ben Yakubu ben bɔbɔk abɛ bla shar yi Arik ne kɔb Arik, ankyak atei yar zhin ashur ne bɛm. 29Aneshir atei rǝ ti kǝ anzaŋ ben amgbalu, atushu ben ishin, atei zǝ asɔŋ ne mben men ne gyaŋ yi kɔb Arik. 30Fena anuŋ abɛ ku goŋ atei zǝ ti, anuŋ abɛ ku ti atei zǝ goŋ.>>
Yesɔ ne lɔ susun ne tu Urushelima
31Nǝ mkpaŋ yuŋɔ Ferisawa nuŋ ane nyɛ ben Yesɔ te diu, <<Lu duŋ ayaŋa te na kɔmɔ ne amkpa nuŋ. Hiridus azǝnǝ wɔb bu ne fǝr ŋun.>>
32Yesɔ adi ba, <<Tsǝn gar bla zhin vǝn bon, <M tei nak Gli anerim Gli rumɔ te na nduŋ aneshir are aliŋ ben amblɛ, ne bɛr yi ntar me ntei aklɛ ndum muŋ. 33kɔ abɛ di anii, M tei nak kɔmɔ ne ti aliŋ ben amblɛ ben bɛr ŋan ndi ner ni bla lɛ arik bai nku ne abɛm Urshelima ba!
34<<Uu Urshelima, Urshelima, zhineba ŋlɔk abɛ bla shar yi Arik te tyak abaŋ ndi ne shar ba bǝn abɛ zhin ne mkpaŋ, mǝne mbaŋ mkpaŋ ndi M tei biŋ amumun amin amkpa zhin, ndi kukɔ abiŋ mumuen ma te alab ba aku ne amgba maa, izhin ne nak kyak! 35Nak tɔ zhin, izhin ne duŋ akɔb amin ne te janjak. Mbla zhin, ba zhin tei na yik me ba se mkpaŋ ndi izhin te di iwaŋ ndi anyɛ ne sak kɛ Arik ne sagu ŋɔk didik.>>>
Currently Selected:
LUK - NUMANA 13: NAA
Highlight
Share
Copy
Want to have your highlights saved across all your devices? Sign up or sign in
The word for the World International and The word for the World Nigeria
LUK - NUMANA 13
13
Duŋ na zumimin kɔ izhin bǝ yik iyah
1Amɛ, aner anuŋ ne amkpama ne bla Yesɔ kiyiŋ ndi Bilatus ne duŋ aŋlɔk aner abɛ Galili anuŋ ndi azhizhi amen ne acɔk aglik ne azhizhi ane tuk amkpur. 2Yesɔ adi ba, <<Izhin yik te di aner abɛ Galili abaŋa ne na zumimin anaŋ nki aner abɛ Galili me waŋai kiyiŋ ndi ne yik iyah amei? 3Mbla zhin, ba yeme ba! Izhineba min yi, mba zhin te duŋ na zumimin ba, izhin tei ku dɔ. 4kɔ izhin tei di aner awur ane tender ndi iki kɛ shu ne zhaku te ŋlɔk ba ne Silɔm, zhin yik te di aner abaŋa nena zumimin anaŋ nki aneshir abaŋ ndi ayi ne Urshelimai? 5Mbla zhin, ba yi amɛ ba! Izhin te kyak duŋ na zumimin, izhin tei ku dɔ.>>
6Fe Yesɔ abla ba nkan lɛ te di: <<Ner nuŋ ane yi ne tiŋ ŋgliŋgli ne ahwaŋa amaa, ankyak ne gar wɔb dɔ maa bane yik kinuŋ ba. 7Fe adi ner waŋ ndi ablɛ ahwaŋ ŋgliŋgli me, <Ase me tar ndi mne nyɛ kye dɔ ŋgliŋgli me, bam yik kinuŋ ba tsɔm tiŋe tyak zhɔk! Aduŋ kɛ klɛ te na anii ne mimi me?>
8<<<Amamgblɛ,Nɛrɛ adi, > <Duŋ kɛ bǝ na te ise zhin, M tei nka tiŋe te shur kɛ asu. 9Te yi ndi te dɔ ire amɛ! Te yi ndi bate dɔ ba M tei ntsom kɛ ntyak zhɔk.>>>
Yesɔ ne na Iwa ne tsib goŋ ne bɛr yi sɔŋ sik
10Nǝ bɛr yi sɔŋ sik Yesɔ ne zen tsar ne Akabaŋkɔŋ anuŋ, 11iwa nuŋ ndi anerim ne nau azhɔk itsibgoŋ ase awur ane tender. Nǝ baŋ mkpaŋ bane ya lu kli ba. 12Ndi Yesɔ ne yigu, azhɔu aŋyak ne ti te diu, <<Iwa, ne tunu ilɔ mi agli tibɛ.>> 13Fe a sagu ŋɔk maa, ne amkpamkpaŋ ma iwama alɔ nab aklɛ te nyɛr Arik.
14Ankyak fe ŋgɔŋ ne Akabaŋkɔŋ akɔ te mfu ndi Yesɔ ne duŋ iwama are ne bɛr yi sɔŋ sik, ngɔŋ ne Akabaŋkɔŋ ŋɔ adi aneshire te di, <<Ber tani yime iyi na ndum. Amɛ izhin nyɛ te duŋ abɛ duŋ zhin rɛ, ba ne bɛr yi sɔŋ sik yiŋɛ ba.>>
15Fe ngɔŋ adiu, <<Izhin abɛ na iyik ayi! Ba zhin zuk alandɔŋ kɔ atatur amin ne bɛr yiŋɛ te gli ba te gar nek ba amashir ata so kai? 16Ne me iwa waŋa ndi ayi nga ŋli ikɛ Ibrai, shetan ne kpau nyak ase wur ane tender, ba tei rɛ ndi abɛ zu gu azhɔk ne bɛr yi sɔŋ sik kai?>>
17Ndi ne di amɛ, abɛ kyagu yi ishisha ku vuŋ ba, ankyak aneshir ne nyɛr tetɛk ne ki yiŋ ndi Yesɔ ne nai.
Nkanlɛ netu ayi mgbyaŋ ŋklik ben mumuŋ atuntu
18Fe Yesɔ arib, <<Ikɔb Arik yi kikin? M tei tsar kɛ ne ni? 19Iyi ndi mgbyaŋ nklik, ndi neshir ne baŋǝ ayi ne ahwaŋ ama. Nǝ tɔ te tiŋ nkunkun, fe aŋliŋlɔ ne shɔr anjer ne ngǝŋga ma.
20Fe ana rib ba, M tei ntsar ikɔb Arik ne anii? 21Iyi ndi mumuŋ atuntu yiŋ ndi uwa nuŋ ane shur ne mumuŋ alikama te duŋǝ ne saŋ shak agbǝgba.>>
Ankɔŋ avetsɔb
22Fe Yesɔ ne yir ntuntun ngɔngɔŋ ben mɔtsɔtsɔb, te zin tsar te bene vuŋ ankɔŋ ane gar Urushelima. 23Ankyak ner nuŋ aribu te di, <<Ŋgon, atei aner watsɔb ankyak ashur yi?>>
Adi ba, 24<<Zhin bɛ nak tsǝ kli te zǝ zhin ankɔŋ avetsɔb, mbla zhin, aner tetɛk atɛi te tɛ aba abɛ zǝ ankɔŋ awaŋa ayir ate lak akɛne. 25Ankyak ndi ner ne kɔbɔ te lu te ku ankɔŋɔ, izhin tei kli ne abɛm te kpyaŋu te ben te di, <Ngɔŋ, bu ta ankɔŋɔ.>
<<Akyak atei di, <Zhin rɛ me? Bam ne zhi zhin ba.>
26Fe izhin tei di, <Ta ne li te so bene bɔu, une na tsar ne nkuŋkɔŋ mɔr.>
27<<Ankyak atei di ba, <Bam ne zhi zhin ba, bam ne na zhi amkpa waŋ di zhin rɛ me ba. Kam deme zhin ne ti muŋ, bɔbɔk min abɛ na ki mimin!>
28<<Zhin tei zhin te fa aŋin ndi izhin te yik Ibrai, Ishaku ben Yakubu ben bɔbɔk abɛ bla shar yi Arik ne kɔb Arik, ankyak atei yar zhin ashur ne bɛm. 29Aneshir atei rǝ ti kǝ anzaŋ ben amgbalu, atushu ben ishin, atei zǝ asɔŋ ne mben men ne gyaŋ yi kɔb Arik. 30Fena anuŋ abɛ ku goŋ atei zǝ ti, anuŋ abɛ ku ti atei zǝ goŋ.>>
Yesɔ ne lɔ susun ne tu Urushelima
31Nǝ mkpaŋ yuŋɔ Ferisawa nuŋ ane nyɛ ben Yesɔ te diu, <<Lu duŋ ayaŋa te na kɔmɔ ne amkpa nuŋ. Hiridus azǝnǝ wɔb bu ne fǝr ŋun.>>
32Yesɔ adi ba, <<Tsǝn gar bla zhin vǝn bon, <M tei nak Gli anerim Gli rumɔ te na nduŋ aneshir are aliŋ ben amblɛ, ne bɛr yi ntar me ntei aklɛ ndum muŋ. 33kɔ abɛ di anii, M tei nak kɔmɔ ne ti aliŋ ben amblɛ ben bɛr ŋan ndi ner ni bla lɛ arik bai nku ne abɛm Urshelima ba!
34<<Uu Urshelima, Urshelima, zhineba ŋlɔk abɛ bla shar yi Arik te tyak abaŋ ndi ne shar ba bǝn abɛ zhin ne mkpaŋ, mǝne mbaŋ mkpaŋ ndi M tei biŋ amumun amin amkpa zhin, ndi kukɔ abiŋ mumuen ma te alab ba aku ne amgba maa, izhin ne nak kyak! 35Nak tɔ zhin, izhin ne duŋ akɔb amin ne te janjak. Mbla zhin, ba zhin tei na yik me ba se mkpaŋ ndi izhin te di iwaŋ ndi anyɛ ne sak kɛ Arik ne sagu ŋɔk didik.>>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
The word for the World International and The word for the World Nigeria