Yelemiya 35
35
Yelemia atawatogola Walekabu
1Mwe mishi ya ugholokezi wa Yehoyakimu ng'wana wa Yosia zumbe wa Yuda, Zumbe Mulungu aanighamba, 2“Hita kwe mzi wa kolwa ja Walekabu, ukalonge nawo. Vikibinda, uwakonge na mwe chumba king'we cha nyumba yangu imi Zumbe Mulungu, uwainke divai wavate.” 3Kwa ivyoho, nikamghua Yaazania ng'wana wa Yelemia mtuhu, ng'wezukuue ja Habazinia na wandughu wakwe hang'we na wanae wa kibwanga wa kolwa ja Walekabu. 4Nikawaeta na mwe nyumba ya Zumbe Mulungu, mwe chumba cha wana wa Hanani ng'wana wa Igidalia, mntu wa Zumbe Mulungu. Icho chumba nee chii hehi na chumba cha wagholokezi watuhu, ulanga ya chumba cha Maaseya ng'wana wa Shalumu, mghojo wa nyumba ya Zumbe Mulungu. 5Vikibinda, nikaeta vitumbi na vibakui vimemievyo divai mwe mesho ya awo Walekabu, nikawaghamba, “Vatai divai.”
6Miya wo wakaghamba, “Ishwi hetivata divai, kwa kuti baba yeshu Yonadabu ng'wana wa Lekabi, aatighamba tishevate divai ishwi na wana weshu kale na kale. 7Vingi mushezenge nyumba, mushezaima mbuwa wala mushezahanda mizabibu hambu kughula mbuwa za mizabibu. Miya nemuikale mwe makumbi mishi yoshe ya ugima wenyu, kunga mudahe kuikala mavui mangi mwe shi muyeikala sa wagheni. 8Ishwi tizaiiva maaghiizo yoshe tiinkighweyo ni Yonadabu ng'wana wa Lekabu. Ishwi hetivata divai, wala wavyele weshu na wana weshu wa kibwanga na wa kindele. 9Hetizenga nyumba za kuikala, vingi hetina mbuwa za mizabibu wala mbuwa za kuima na kuhanda mbeyu. 10Tiikale mwe makumbi na kutongela maaghiizo yoshe tiinkighweyo ni Yonadabu, baba yeshu. 11Miya Nebukadineza zumbe wa Babeli, ahezaiza kweitoa inu shi, tikaamuwa kuiza Yelusalemu kunga kuwanyiika waghojo wa Wakalidayo na Waashulu. Nee vyeleka tiikala mwe mzi wa Yelusalemu.”
12Vikibinda, Zumbe Mulungu mwena nguvu zoshe, Mulungu wa Izilaeli akanighambila, 13“Hita ukawaghambile wantu wa Yuda na wantu wa Yelusalemu kuti, Imi Zumbe Mulungu naghamba ivi, ‘Kwai hemukunda kutegheleza vinyanyi vyangu na kuiiva maaghiizo niyeminka?’ 14Yonadabu ng'wana wa Lekabu aawaaghiiza wanae washevate divai, wohe wazamuiva, hewavata divai mpaka ivi lelo kwa kuti wazaiva maaghiizo ya baba awe. Miya imi nee nikishindia longa na inywi, miya inywi hemuniivile. 15Vingi nee nikishindia mietea watung'wa wangu wateghanyi, wamishunde mueke sia zenyu mbada, vingi muandushe kughoshola mbuli ntana. Waamishunda mueke kuvika mulungu mituhu na kuitumikila, kunga muikale kwa mpolele mwe inu shi naminkayo inywi na baba zenyu. Miya inywi hemunitegheleze wala kuniiva. 16Wana wa Yonadabu ng'wana wa Lekabu, waatoza kanwa wainkwacho ni baba awe, miya inywi hemuniiva. 17Kwa ivyoho, imi Zumbe Mulungu mwena nguvu zoshe, Mulungu wa Izilaeli, naghamba kuti, wantu wa Yuda na wantu woshe wa Yelusalemu, neniwaetee mbuli zosheni mbada nighambilezo kuti neniwaetee, kwa kuti imi nizalonga nawo, miya hewanitegheleze, nizawaitanga, miya hewaniitikile.”
18Vikibinda Yelemia akawaghambila wantu wa kolwa ja Walekabu kuti, Zumbe Mulungu mwena nguvu zoshe, Mulungu wa Izilaeli, aghamba ivi, “Inywi wantu wa kolwa ja Walekabu, muzaiva kanwa cha baba enyu Yonadabu na kutongela mbuli zoshe vingi muzaghoshola kia kintu amiaghiizecho. 19Kwa ivyoho imi Zumbe Mulungu nena nguvu zoshe, Mulungu wa Izilaeli naghamba kuti, Yonadabu ng'wana wa Lekabu heashoe mvyawa wa kunitumikila imi kale na kale.”
Currently Selected:
Yelemiya 35: SHBV
Highlight
Share
Copy
Want to have your highlights saved across all your devices? Sign up or sign in
The Old Testament in Shambala, @The Word for The World International, and Shambala Language translation. All rights reserved.
Yelemiya 35
35
Yelemia atawatogola Walekabu
1Mwe mishi ya ugholokezi wa Yehoyakimu ng'wana wa Yosia zumbe wa Yuda, Zumbe Mulungu aanighamba, 2“Hita kwe mzi wa kolwa ja Walekabu, ukalonge nawo. Vikibinda, uwakonge na mwe chumba king'we cha nyumba yangu imi Zumbe Mulungu, uwainke divai wavate.” 3Kwa ivyoho, nikamghua Yaazania ng'wana wa Yelemia mtuhu, ng'wezukuue ja Habazinia na wandughu wakwe hang'we na wanae wa kibwanga wa kolwa ja Walekabu. 4Nikawaeta na mwe nyumba ya Zumbe Mulungu, mwe chumba cha wana wa Hanani ng'wana wa Igidalia, mntu wa Zumbe Mulungu. Icho chumba nee chii hehi na chumba cha wagholokezi watuhu, ulanga ya chumba cha Maaseya ng'wana wa Shalumu, mghojo wa nyumba ya Zumbe Mulungu. 5Vikibinda, nikaeta vitumbi na vibakui vimemievyo divai mwe mesho ya awo Walekabu, nikawaghamba, “Vatai divai.”
6Miya wo wakaghamba, “Ishwi hetivata divai, kwa kuti baba yeshu Yonadabu ng'wana wa Lekabi, aatighamba tishevate divai ishwi na wana weshu kale na kale. 7Vingi mushezenge nyumba, mushezaima mbuwa wala mushezahanda mizabibu hambu kughula mbuwa za mizabibu. Miya nemuikale mwe makumbi mishi yoshe ya ugima wenyu, kunga mudahe kuikala mavui mangi mwe shi muyeikala sa wagheni. 8Ishwi tizaiiva maaghiizo yoshe tiinkighweyo ni Yonadabu ng'wana wa Lekabu. Ishwi hetivata divai, wala wavyele weshu na wana weshu wa kibwanga na wa kindele. 9Hetizenga nyumba za kuikala, vingi hetina mbuwa za mizabibu wala mbuwa za kuima na kuhanda mbeyu. 10Tiikale mwe makumbi na kutongela maaghiizo yoshe tiinkighweyo ni Yonadabu, baba yeshu. 11Miya Nebukadineza zumbe wa Babeli, ahezaiza kweitoa inu shi, tikaamuwa kuiza Yelusalemu kunga kuwanyiika waghojo wa Wakalidayo na Waashulu. Nee vyeleka tiikala mwe mzi wa Yelusalemu.”
12Vikibinda, Zumbe Mulungu mwena nguvu zoshe, Mulungu wa Izilaeli akanighambila, 13“Hita ukawaghambile wantu wa Yuda na wantu wa Yelusalemu kuti, Imi Zumbe Mulungu naghamba ivi, ‘Kwai hemukunda kutegheleza vinyanyi vyangu na kuiiva maaghiizo niyeminka?’ 14Yonadabu ng'wana wa Lekabu aawaaghiiza wanae washevate divai, wohe wazamuiva, hewavata divai mpaka ivi lelo kwa kuti wazaiva maaghiizo ya baba awe. Miya imi nee nikishindia longa na inywi, miya inywi hemuniivile. 15Vingi nee nikishindia mietea watung'wa wangu wateghanyi, wamishunde mueke sia zenyu mbada, vingi muandushe kughoshola mbuli ntana. Waamishunda mueke kuvika mulungu mituhu na kuitumikila, kunga muikale kwa mpolele mwe inu shi naminkayo inywi na baba zenyu. Miya inywi hemunitegheleze wala kuniiva. 16Wana wa Yonadabu ng'wana wa Lekabu, waatoza kanwa wainkwacho ni baba awe, miya inywi hemuniiva. 17Kwa ivyoho, imi Zumbe Mulungu mwena nguvu zoshe, Mulungu wa Izilaeli, naghamba kuti, wantu wa Yuda na wantu woshe wa Yelusalemu, neniwaetee mbuli zosheni mbada nighambilezo kuti neniwaetee, kwa kuti imi nizalonga nawo, miya hewanitegheleze, nizawaitanga, miya hewaniitikile.”
18Vikibinda Yelemia akawaghambila wantu wa kolwa ja Walekabu kuti, Zumbe Mulungu mwena nguvu zoshe, Mulungu wa Izilaeli, aghamba ivi, “Inywi wantu wa kolwa ja Walekabu, muzaiva kanwa cha baba enyu Yonadabu na kutongela mbuli zoshe vingi muzaghoshola kia kintu amiaghiizecho. 19Kwa ivyoho imi Zumbe Mulungu nena nguvu zoshe, Mulungu wa Izilaeli naghamba kuti, Yonadabu ng'wana wa Lekabu heashoe mvyawa wa kunitumikila imi kale na kale.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Old Testament in Shambala, @The Word for The World International, and Shambala Language translation. All rights reserved.