Yelemiya 33
33
Waizilaeli newaonee kialilo vingi
1Zumbe Mulungu alonga vingi na Yelemia, haja akiituka akezughaiwe mwe ukomea wa waghojo. 2Zumbe Mulungu aumbieye shi, aighosholeye na kuiika hantu hakwe, ye zina jakwe ni Zumbe Mulungu, aghamba, 3“Niitanga na imi nenikuitikile nenikughambile mbuli nkulu ushitailazo na zishidahazo kutaiwa. 4Imi Zumbe Mulungu, Mulungu wa Izilaeli, naghamba kwa mbuli ya nyumba za mzi wa Yelusalemu na nyumba za wazumbe wa Yuda, zikinyighwezo kunga waike viugha ndivyo viwahonye na vidanto vighosholevyo ni wankuu, kunga wawatoe wantu we ndai ya mzi, 5‘Wantu newagheze kutoana na Wakalidayo miya hewadahe, kwa kuti mpanga nezimeme maiti za wantu ndiwo niwakome kwa maya na kuihiwa kwangu. Neniuweke unu mzi kwa kuti woshe wazaghoshola uhuza. 6Hang'we na ivyoho, neniuhonye unu mzi na kuwainka wantu wakwe ugima na nguvu, waonee na waikale kwa mpolele. 7Neniwauze wantu wa Yuda na wantu wa Izilaeli kulawa kwe shi ya ugheni nawaighalako na neniwaeke waonee vingi sa via ndivyo waivyo aho boosi. 8Wazanighoshoela uhuza, miya neniwang'aze na kuwaushiiza uhuza wawe. 9Unu mzi neunietee ukulu, nyemi, ntogoo na ishima mwe wantu wa mbali zoshe za mwe shi ndiwo waive mbuli ntana nizeughoshoela, wohe newamake na kuzingiza kwa kuonea na mpolele ndivyo niuwetee unu mzi wa Yelusalemu.’ ”
10Zumbe Mulungu aghamba ivi, “Muzaghamba aha hantu hazaituka ukiwa, hehana wantu wala vizama. Muzalonga kweli, mwe mizi ya Yuda na mwe sia za Yelusalemu hekuna kintu chochoshe, wantu wala vizama. Miya aha hantu nehaivikane vingi, 11vuzo ja visheko na nkeeghee, vuzo ja nteghuzi, vuzo ja weeta ntogoo za kutogola mwe nyumba ya Zumbe Mulungu, wakighamba,
‘Mtogolei Zumbe Mulungu mwena nguvu zoshe,
kwa kuti ye ni mtana,
lukundisho lwakwe ni lwa kale na kale.’
Neniitamize inu shi sa ivyo ndivyo iivyo aho kale.” Ni miyo Zumbe Mulungu nilongiewo.
12Zumbe Mulungu mwena nguvu zoshe aghamba ivi, “Aha hantu haekwaho ukiwa, hashinaho wantu wala vizama mwe mizi yakwe yoshe, nehaituke vingi na mani, ndiho walishi waishiize mafyo yawe. 13Mwe mizi ya shi ya vitui, mwe mizi ya shi ishinayo vitui ye wazu zua jikwegongookea na mwe mizi ya ughongo ya kasikasini mwa Yuda, mwe shi ya Benjamini na nkandankanda ya mzi wa Yelusalemu na mwe mizi ya Yuda, walishi newatae vingi mafyo yawe.” Ni miyo Zumbe Mulungu nilongiewo.
14Zumbe Mulungu aghamba ivi, “Mishi yaaiza ndiho nibontole kilagha changu niikilecho na wantu wa Izilaeli na wantu wa Yuda. 15Mwe iyo mishi, na muda uwo nenimshaghule zumbe mkweli kuanduka mwe kolwa ja Daudi. Yohe nealahe kwa utanda na kwa ukweli mwe shi ngima. 16Mwe iyo mishi, wantu wa Yuda newavuniwe na wantu wa Yelusalemu newaikale vitana. Na uwo mzi newiitangwe, ‘Zumbe Mulungu nee Mghojo weshu.’ 17Imi Zumbe Mulungu naghamba, hekushoe kale mvyawa wa kolwa ja Daudi ndiye agholokele Izilaeli. 18Vingi na wavikizi weanduka na mwe kolwa ja Lawi, newaituke aho kale na kale wanitumikila kunilaviiza ntogoo za kuoka za nkande na kunighoshoela fika kale na kale.”
19Zumbe Mulungu akanighambila, 20“Kati mukidaha kuusha kilagha changu niikilecho na nakio na mshii kuti mshii na nakio visheoneke sa niikilevyo, 21vivyo ivyo naimi neniushe kilagha changu niikilecho na mtung'wa wangu Daudi, kunga asheituke na ng'wana wa kibwanga ndiye agholokele hantu hakwe, viavia kilagha changu niikilecho na watung'wa wangu Walawi nechihake. 22Sa via ntondwe za uko ulanga hambu mshanga wa bahai vishitaikavyo, nee ndivyo niwaghenyeeze wavyawa wa Daudi na wavikizi wa kolwa ja Lawi wenitumikila.”
23Zumbe Mulungu akanighambila vingi kuti, 24“Ivi, huivile wantu wavyelonga kuti imi Zumbe Mulungu nizawashaghula wantu wa Izilaeli na wantu wa Yuda na iviaha nizawaeka? Kwa ivyoho wazawabea wantu wangu na wawaona kuti wo shiyo wantu wa inu shi. 25Miya imi Zumbe Mulungu nizaika kilagha cha kio na mshii na kuika sheiya zigholokele lwingu na shi. 26Kwa ivyo nighosholevyo, nee ndivyo nibontole kilagha changu niikilecho na wavyawa wa Yakobo na mtung'wa wangu Daudi. Nenishaghule mng'we wa wavyawa wa Daudi awagholokele wavyawa wa Ibulahimu, Isaka na Yakobo. Neniwauze vingi na mwe shi yawe kulawa mwe shi ya ugheni na kuwaivila mbazi.”
Currently Selected:
Yelemiya 33: SHBV
Highlight
Share
Copy
Want to have your highlights saved across all your devices? Sign up or sign in
The Old Testament in Shambala, @The Word for The World International, and Shambala Language translation. All rights reserved.
Yelemiya 33
33
Waizilaeli newaonee kialilo vingi
1Zumbe Mulungu alonga vingi na Yelemia, haja akiituka akezughaiwe mwe ukomea wa waghojo. 2Zumbe Mulungu aumbieye shi, aighosholeye na kuiika hantu hakwe, ye zina jakwe ni Zumbe Mulungu, aghamba, 3“Niitanga na imi nenikuitikile nenikughambile mbuli nkulu ushitailazo na zishidahazo kutaiwa. 4Imi Zumbe Mulungu, Mulungu wa Izilaeli, naghamba kwa mbuli ya nyumba za mzi wa Yelusalemu na nyumba za wazumbe wa Yuda, zikinyighwezo kunga waike viugha ndivyo viwahonye na vidanto vighosholevyo ni wankuu, kunga wawatoe wantu we ndai ya mzi, 5‘Wantu newagheze kutoana na Wakalidayo miya hewadahe, kwa kuti mpanga nezimeme maiti za wantu ndiwo niwakome kwa maya na kuihiwa kwangu. Neniuweke unu mzi kwa kuti woshe wazaghoshola uhuza. 6Hang'we na ivyoho, neniuhonye unu mzi na kuwainka wantu wakwe ugima na nguvu, waonee na waikale kwa mpolele. 7Neniwauze wantu wa Yuda na wantu wa Izilaeli kulawa kwe shi ya ugheni nawaighalako na neniwaeke waonee vingi sa via ndivyo waivyo aho boosi. 8Wazanighoshoela uhuza, miya neniwang'aze na kuwaushiiza uhuza wawe. 9Unu mzi neunietee ukulu, nyemi, ntogoo na ishima mwe wantu wa mbali zoshe za mwe shi ndiwo waive mbuli ntana nizeughoshoela, wohe newamake na kuzingiza kwa kuonea na mpolele ndivyo niuwetee unu mzi wa Yelusalemu.’ ”
10Zumbe Mulungu aghamba ivi, “Muzaghamba aha hantu hazaituka ukiwa, hehana wantu wala vizama. Muzalonga kweli, mwe mizi ya Yuda na mwe sia za Yelusalemu hekuna kintu chochoshe, wantu wala vizama. Miya aha hantu nehaivikane vingi, 11vuzo ja visheko na nkeeghee, vuzo ja nteghuzi, vuzo ja weeta ntogoo za kutogola mwe nyumba ya Zumbe Mulungu, wakighamba,
‘Mtogolei Zumbe Mulungu mwena nguvu zoshe,
kwa kuti ye ni mtana,
lukundisho lwakwe ni lwa kale na kale.’
Neniitamize inu shi sa ivyo ndivyo iivyo aho kale.” Ni miyo Zumbe Mulungu nilongiewo.
12Zumbe Mulungu mwena nguvu zoshe aghamba ivi, “Aha hantu haekwaho ukiwa, hashinaho wantu wala vizama mwe mizi yakwe yoshe, nehaituke vingi na mani, ndiho walishi waishiize mafyo yawe. 13Mwe mizi ya shi ya vitui, mwe mizi ya shi ishinayo vitui ye wazu zua jikwegongookea na mwe mizi ya ughongo ya kasikasini mwa Yuda, mwe shi ya Benjamini na nkandankanda ya mzi wa Yelusalemu na mwe mizi ya Yuda, walishi newatae vingi mafyo yawe.” Ni miyo Zumbe Mulungu nilongiewo.
14Zumbe Mulungu aghamba ivi, “Mishi yaaiza ndiho nibontole kilagha changu niikilecho na wantu wa Izilaeli na wantu wa Yuda. 15Mwe iyo mishi, na muda uwo nenimshaghule zumbe mkweli kuanduka mwe kolwa ja Daudi. Yohe nealahe kwa utanda na kwa ukweli mwe shi ngima. 16Mwe iyo mishi, wantu wa Yuda newavuniwe na wantu wa Yelusalemu newaikale vitana. Na uwo mzi newiitangwe, ‘Zumbe Mulungu nee Mghojo weshu.’ 17Imi Zumbe Mulungu naghamba, hekushoe kale mvyawa wa kolwa ja Daudi ndiye agholokele Izilaeli. 18Vingi na wavikizi weanduka na mwe kolwa ja Lawi, newaituke aho kale na kale wanitumikila kunilaviiza ntogoo za kuoka za nkande na kunighoshoela fika kale na kale.”
19Zumbe Mulungu akanighambila, 20“Kati mukidaha kuusha kilagha changu niikilecho na nakio na mshii kuti mshii na nakio visheoneke sa niikilevyo, 21vivyo ivyo naimi neniushe kilagha changu niikilecho na mtung'wa wangu Daudi, kunga asheituke na ng'wana wa kibwanga ndiye agholokele hantu hakwe, viavia kilagha changu niikilecho na watung'wa wangu Walawi nechihake. 22Sa via ntondwe za uko ulanga hambu mshanga wa bahai vishitaikavyo, nee ndivyo niwaghenyeeze wavyawa wa Daudi na wavikizi wa kolwa ja Lawi wenitumikila.”
23Zumbe Mulungu akanighambila vingi kuti, 24“Ivi, huivile wantu wavyelonga kuti imi Zumbe Mulungu nizawashaghula wantu wa Izilaeli na wantu wa Yuda na iviaha nizawaeka? Kwa ivyoho wazawabea wantu wangu na wawaona kuti wo shiyo wantu wa inu shi. 25Miya imi Zumbe Mulungu nizaika kilagha cha kio na mshii na kuika sheiya zigholokele lwingu na shi. 26Kwa ivyo nighosholevyo, nee ndivyo nibontole kilagha changu niikilecho na wavyawa wa Yakobo na mtung'wa wangu Daudi. Nenishaghule mng'we wa wavyawa wa Daudi awagholokele wavyawa wa Ibulahimu, Isaka na Yakobo. Neniwauze vingi na mwe shi yawe kulawa mwe shi ya ugheni na kuwaivila mbazi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Old Testament in Shambala, @The Word for The World International, and Shambala Language translation. All rights reserved.