प्रेरित 3
3
टोबो डुन्डा ओसोमो
1पत्रुसनि सोनो युहन्नानि लाका तीन बजे प्रार्ठना डोने बेलाकं प्रार्ठना डोने ज़ी:मलं नेनाज़्याव। 2मीराई टोबो ओजर्मनकामज़ं लङगरा मीलाई मन्डिरला राज़्याव मीरंलाई भिख गनि:वकं वार्डे डिनकापतिज़ घुर्डे प्रार्ठना डोने ज़ी:मलं नाने सुन्डर याडोज़्याव झला येमकं रैडे ख्यानैरंये। 3पत्रुस सोनो युहन्नानिलाई प्रार्ठना डोने ज़ी:मलं नेनाज़्याव र:ङडे नोये बिन्ती डाडे भिख उनि:वनि। 4पत्रुसनि सोनो युहन्नानि नोलाई र:ङडेज़नैडे हैनेडोव, “गिन लेवडे भाल्सिन!” 5नोये नोनि कडिरं याङनि सै वार्ने आस डोडे होनि लेवडे ओभाल्सिव।
6होकाम पत्रुसये हैओडोव, “सुन, चान्डी ङासं माले। बुरु ङासं जो लिज़्या, नङलाई होज़ ङायान। नासरतला येसु ख्रीस्टलो उमिनट च्याङसिडे बाङन!” 7नोये होलाई वो:रटा उकुइ क्योडे ओसच्यानो, होकाम होलो ओखङ उकुइ सोनो उकजिलं ओसा ओराव। 8होकाम ठर च्याङसिडे नो ओबाव, होकाम रेङडे फर-फर चो:इडे परमेस्वरलो ओप्रसन्सा डावग्यान होनिसं प्रार्ठना डोने ज़ी:मलं ओनाव। 9होकाम स्यान्टै मीराई होलाई परमेस्वरलो ओप्रसन्सा डोवग्यान बावग्यान ओडोज़्याव यारो:ङो। 10नोराई होलाई प्रार्ठना डोने ज़ी:मला सुन्डर याडोज़्याव झला येमका भिख नि:ने आवज़ वार्डे यास:रेव, होकाम हो ओसोमो रो:टं नोरं अचम्ब ङप्सिडे छक्क याटाव।
प्रार्ठना डोने ज़ी:मलं पत्रुसलो ओसिछ्या
11नो मी पत्रुस सोनो युहन्नानि निझिन-निझिन ओराज़्याव र:ङडे स्यान्टै मीरं बनै अचम्ब टाडे सोलोमन याडोज़्याव मैराकं स्यान्टै ज़ोय-ज़ोय याराव। 12आव र:ङडे पत्रुसये मीरंलाई हैओडोवरं, “इस्राएलला मीरं, जे आवरो:टं कडाने अचम्ब जेटाज़्याव? होसोनो गेसक्ति सोनो गेभक्तिये आवलाई बाने गेझोयो मान्टि कडाने गिनलाई ङ्वा टाडे जेर:ङसिज़्याव? 13अब्राहाम, इसहाक, याकुबराई यापरमेस्वर सोनो गेपुर्खाराई यापरमेस्वरये ओसेवक येसुलाई बनै घ्योव ओमहिमा लेव ओझोयो, जोलाई जे जेसक्योव, होकाम पिलातसये नोलाई रा:ने बिचार ओडोकं पनि जेज़ नोलाई मारा:नेची वार्डे होलो ओङा:कं डोसैडे हैजेवारो। 14होकाम जे चोखो सोनो चाव मीलाई रा:ने माभन्डे टोबो मी सै:नेलाई रा:व जिपरि:ङखे, 15होकाम जे जीबन यानेलाई जेसै:खे, जोलाई परमेस्वरये सिवलाम ज्युङडा ओझोयो, आवलो ओसाची गेज़ गेलिज़्या। 16येसुलो उमिन्ट ओडोव बिस्वासये सोनो नोलो उमिनयेज़ जेरो:ङो सोनो जेसरेव आव मीलाई सक्ति ओयोव। हो येसुङाम ओडोयो बिस्वासये आव मीलाई जे स्यान्टैराई जेङा:कं ओसोसोमो।”
17आबो ए डाज्युरं सोनो भाइरं, ङालाई ठा ले, जे मासन्डे नैजेलेव ची, होकाम जे जिमुख्याराई पनि नैज़ यालेव। 18परमेस्वरलो ओख्रीस्टये डुखं डोयोपरिये वार्डे होये स्यान्टै अगमबक्ताराई याया:नि हैओवारो अगमबानी परमेस्वरये ऐजैडे पुरा ओझोयो। 19ऐजैडे जेपापलाम वोल्च्यो, होकाम जेपाप गमेटिकं, होसोनो घ्योव प्रभुङाम आनन्डला डिन गराकं, 20होकाम परमेस्वरये ङाडेकामज़ ओरुजिव ख्रीस्ट वार्ने येसुलाई जेलागिटं परि:ङनेले। 21परमेस्वरये डोङ्कामज़ चोखो ओअगमबक्ताराई या या:लाम ओपाङो स्यान्टै रो:रं फरि टखेप झैने समय ओमरायासमं ख्रीस्ट स्वर्गटं लेवज़ परिये। 22मोसाये ऐ वार्डेले,
घ्योव प्रभु परमेस्वरये ङालाई उरुजिसोङो मान्टि
जेलागिटं जेडाज्यु जेभाइरंलाम टोबो अगमबक्ता रुजिनेले।
होये जेलाई जो-जो हैडाच्योव हो स्यान्टै जे ठैच्यो।
23एटाव टानेले, नो अगमबक्तालो ओपाङ जोये माठोयो
नोलो ओपोहोन परमेस्वरलो उमीराई याखार्लाम नास टाडे नानेले।
24“समुएलकाम रैडे उझिन्डेङा स्यान्टै अगमबक्ताराई जो जोराई पाङडेलेरं, हो स्यान्टैराई आव समयलो ओबारेलंज़ हैवार्डेलेरं। 25जे नो अगमबक्ताराई सोनो नो बाचालो ओसन्तानरं ची, जो बाचा परमेस्वरये जेपुर्खा अब्राहामसं ऐ वार्डे ओडोव, ‘प्रिठीबीला स्यान्टै झानराई नसन्तानरंङामज़ आसिक डैनेलेरं।’ 26जे स्यान्टैरंलाई माचाव जेये:नटाम सोवोल्डे आसिक यानेरं वार्डे परमेस्वरये ओसेवकलाई ओरुजिव, होकाम स्यान्टैराई भन्डा ङा:डे जेलेवङं उपरिङो।”
Currently Selected:
प्रेरित 3: NTWMK25
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
प्रेरित 3
3
टोबो डुन्डा ओसोमो
1पत्रुसनि सोनो युहन्नानि लाका तीन बजे प्रार्ठना डोने बेलाकं प्रार्ठना डोने ज़ी:मलं नेनाज़्याव। 2मीराई टोबो ओजर्मनकामज़ं लङगरा मीलाई मन्डिरला राज़्याव मीरंलाई भिख गनि:वकं वार्डे डिनकापतिज़ घुर्डे प्रार्ठना डोने ज़ी:मलं नाने सुन्डर याडोज़्याव झला येमकं रैडे ख्यानैरंये। 3पत्रुस सोनो युहन्नानिलाई प्रार्ठना डोने ज़ी:मलं नेनाज़्याव र:ङडे नोये बिन्ती डाडे भिख उनि:वनि। 4पत्रुसनि सोनो युहन्नानि नोलाई र:ङडेज़नैडे हैनेडोव, “गिन लेवडे भाल्सिन!” 5नोये नोनि कडिरं याङनि सै वार्ने आस डोडे होनि लेवडे ओभाल्सिव।
6होकाम पत्रुसये हैओडोव, “सुन, चान्डी ङासं माले। बुरु ङासं जो लिज़्या, नङलाई होज़ ङायान। नासरतला येसु ख्रीस्टलो उमिनट च्याङसिडे बाङन!” 7नोये होलाई वो:रटा उकुइ क्योडे ओसच्यानो, होकाम होलो ओखङ उकुइ सोनो उकजिलं ओसा ओराव। 8होकाम ठर च्याङसिडे नो ओबाव, होकाम रेङडे फर-फर चो:इडे परमेस्वरलो ओप्रसन्सा डावग्यान होनिसं प्रार्ठना डोने ज़ी:मलं ओनाव। 9होकाम स्यान्टै मीराई होलाई परमेस्वरलो ओप्रसन्सा डोवग्यान बावग्यान ओडोज़्याव यारो:ङो। 10नोराई होलाई प्रार्ठना डोने ज़ी:मला सुन्डर याडोज़्याव झला येमका भिख नि:ने आवज़ वार्डे यास:रेव, होकाम हो ओसोमो रो:टं नोरं अचम्ब ङप्सिडे छक्क याटाव।
प्रार्ठना डोने ज़ी:मलं पत्रुसलो ओसिछ्या
11नो मी पत्रुस सोनो युहन्नानि निझिन-निझिन ओराज़्याव र:ङडे स्यान्टै मीरं बनै अचम्ब टाडे सोलोमन याडोज़्याव मैराकं स्यान्टै ज़ोय-ज़ोय याराव। 12आव र:ङडे पत्रुसये मीरंलाई हैओडोवरं, “इस्राएलला मीरं, जे आवरो:टं कडाने अचम्ब जेटाज़्याव? होसोनो गेसक्ति सोनो गेभक्तिये आवलाई बाने गेझोयो मान्टि कडाने गिनलाई ङ्वा टाडे जेर:ङसिज़्याव? 13अब्राहाम, इसहाक, याकुबराई यापरमेस्वर सोनो गेपुर्खाराई यापरमेस्वरये ओसेवक येसुलाई बनै घ्योव ओमहिमा लेव ओझोयो, जोलाई जे जेसक्योव, होकाम पिलातसये नोलाई रा:ने बिचार ओडोकं पनि जेज़ नोलाई मारा:नेची वार्डे होलो ओङा:कं डोसैडे हैजेवारो। 14होकाम जे चोखो सोनो चाव मीलाई रा:ने माभन्डे टोबो मी सै:नेलाई रा:व जिपरि:ङखे, 15होकाम जे जीबन यानेलाई जेसै:खे, जोलाई परमेस्वरये सिवलाम ज्युङडा ओझोयो, आवलो ओसाची गेज़ गेलिज़्या। 16येसुलो उमिन्ट ओडोव बिस्वासये सोनो नोलो उमिनयेज़ जेरो:ङो सोनो जेसरेव आव मीलाई सक्ति ओयोव। हो येसुङाम ओडोयो बिस्वासये आव मीलाई जे स्यान्टैराई जेङा:कं ओसोसोमो।”
17आबो ए डाज्युरं सोनो भाइरं, ङालाई ठा ले, जे मासन्डे नैजेलेव ची, होकाम जे जिमुख्याराई पनि नैज़ यालेव। 18परमेस्वरलो ओख्रीस्टये डुखं डोयोपरिये वार्डे होये स्यान्टै अगमबक्ताराई याया:नि हैओवारो अगमबानी परमेस्वरये ऐजैडे पुरा ओझोयो। 19ऐजैडे जेपापलाम वोल्च्यो, होकाम जेपाप गमेटिकं, होसोनो घ्योव प्रभुङाम आनन्डला डिन गराकं, 20होकाम परमेस्वरये ङाडेकामज़ ओरुजिव ख्रीस्ट वार्ने येसुलाई जेलागिटं परि:ङनेले। 21परमेस्वरये डोङ्कामज़ चोखो ओअगमबक्ताराई या या:लाम ओपाङो स्यान्टै रो:रं फरि टखेप झैने समय ओमरायासमं ख्रीस्ट स्वर्गटं लेवज़ परिये। 22मोसाये ऐ वार्डेले,
घ्योव प्रभु परमेस्वरये ङालाई उरुजिसोङो मान्टि
जेलागिटं जेडाज्यु जेभाइरंलाम टोबो अगमबक्ता रुजिनेले।
होये जेलाई जो-जो हैडाच्योव हो स्यान्टै जे ठैच्यो।
23एटाव टानेले, नो अगमबक्तालो ओपाङ जोये माठोयो
नोलो ओपोहोन परमेस्वरलो उमीराई याखार्लाम नास टाडे नानेले।
24“समुएलकाम रैडे उझिन्डेङा स्यान्टै अगमबक्ताराई जो जोराई पाङडेलेरं, हो स्यान्टैराई आव समयलो ओबारेलंज़ हैवार्डेलेरं। 25जे नो अगमबक्ताराई सोनो नो बाचालो ओसन्तानरं ची, जो बाचा परमेस्वरये जेपुर्खा अब्राहामसं ऐ वार्डे ओडोव, ‘प्रिठीबीला स्यान्टै झानराई नसन्तानरंङामज़ आसिक डैनेलेरं।’ 26जे स्यान्टैरंलाई माचाव जेये:नटाम सोवोल्डे आसिक यानेरं वार्डे परमेस्वरये ओसेवकलाई ओरुजिव, होकाम स्यान्टैराई भन्डा ङा:डे जेलेवङं उपरिङो।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025