Uumama 49
49
Yaaʼikuub Ilmaan Isaa Eebbise
49:1‑28 kwi – KeD 33:1‑29
1Yaaʼikuub ilmaan isaa ofitti waamee akkana jedhe: “Akka ani waan bara dhumaa keessa isinitti dhufu isinitti himuuf mee walitti qabamaa.
2“Yaa ilmaan Yaaʼikuub mee walitti qabamaa dhaggeeffadhaa;
abbaa keessan Israaʼelin dhaggeeffadhaa.
3“Yaa Ruubeen, ati ilma koo hangafa;
humna koo, mallattoo jalqabaa kan jabina kootii ti;
ati ulfinaan ni caalta; humnaan illee ni caalta.
4Ati akka bishaanii asii fi achi raafamta; ol aantummaas hin qabaattu;
ati siree abbaa keetiitti ol baatee,
afata kootti ol baatee xureessiteertaatii.
5“Simiʼoonii fi Lewwiin obboloota;
goraadeen isaanii miʼa fincilaa ti.
6Lubbuun koo marii isaaniitti hin seenin;
ulfinni koos yaaʼii isaaniitti hin dabalamin;
isaan dheekkamsa isaaniitiin nama ajjeesaniiruutii;
fedhii ofii isaaniitiinis qotiyyoo naafachiisaniiru.
7Aariin isaanii inni hamaan,
dheekkamsi isaanii inni gara jabeessi abaaramaa haa taʼu!
Ani Yaaʼikuub keessa isaan nan bittinneessa;
Israaʼel keessas isaan nan facaasa.
8“Yaa Yihuudaa obboloonni kee si leellisu;
harki kee morma diina keetii qaba;
ilmaan abbaa keetii siif sagadu.
9Yaa Yihuudaa ati saafela leencaa ti;
yaa ilma koo ati adamoodhaa deebita.
Inni akka leencaa, akka leenca dhalaas, riphee ciisa;
eenyutu ija jabaatee isa kaasa ree?
10Hamma bulchaan dhufutti
bokkuun harka Yihuudaatii,
uleen bulchiinsaa miilla isaa gidduudhaa hin dhabamu;
saboonnis isaaf ni ajajamu.
11Inni harree isaa muka wayiniitti,
ilmoo harree isaa immoo damee filatamaatti hidhata;
wayyaa isaa daadhii wayiniitiin,
wandaboo isaa immoo dhiiga gumaa wayiniitiin miiccata.
12Iji isaa daadhii wayinii irra diimata;
ilkaan isaa immoo aannan irra addaata.
13“Zebuuloon qarqara galaanaa jiraata;
buufata dooniiwwaniis taʼa;
daangaan isaas hamma Siidoonaatti balʼata.
14“Yisaakor harree jabaa
feʼiisa lama gidduu ciisuu dha.
15Innis yeroo akka iddoon boqonnaa isaa hammam gaarii taʼee fi
akka lafti isaa tolaa taʼe argutti
baʼaa baachuuf gatiittii isaa gad qabata;
hojii humnaa hojjechuuf of kenna.
16“Daan gosoota Israaʼel keessaa akka isa tokkootti,
saba isaatiif murtii qajeelaa ni kenna.
17Daan bofa qarqara karaa ti;
akka buutii daandii irraa,
kan akka namichi farda yaabbatu gara duubaatti kufuuf
kottee fardaa idduu ni taʼa.
18“Rabbii Allaah, ani fayyisuu kee nan eeggadha.
19“Gaad weerartootaan ni dhaʼama;
inni garuu faana buʼee isaan dhaʼa.
20“Aasheer buddeenni isaa furdaa dha;
inni mootiidhaaf nyaata tolaa ni kenna.
21“Niftaalem borofa hiikamtee dha;
dubbii gaariis ni dubbata.
22“Yuusuf muka wayinii ija qabeessa,
muka wayinii ija qabeessa burqaa bishaaniitti dhiʼoo jiruu dha;
dameen isaa dallaa irra yaaʼa.
23Warri iddaa qabatan waraana isatti banan;
isatti futtaasan; isa jibbanis.
24Garuu iddaan isaa jabaatee hafe;
irreen harka isaa,
harka Allaah Jabaa Yaaʼikuubiin jabeeffame.
Achiis Tiksee sanaan, Kattaa Israaʼeliin,
25Allaah abbaa keetii isa si gargaaruun,
Allaah Waan Hunda Dandaʼu isa
eebba shamaayʼun gubbaatiin,
eebba gadi fagoo isa jalaatiin,
eebba harmaatii fi gadameessaatiin si eebbisu sanaan ni eebbifamta.
26Eebbi abbaa keetii,
eebba tulluuwwan durii,
arjummaa gaarran durii caala.
Kun hundi mataa Yuusufiitti,
gubbee mataa isa obboloota isaa keessaa hoogganaa taʼeetti haa qabatu.
27“Biniyaam yeeyyii baayʼee beelaʼee dha;
ganama waan adamse itti gaggabee nyaata;
galgala immoo boojuu hira.”
28Warri kunneen hundi gosoota Israaʼel kudha lamaan; kunis waan abbaan isaanii yeroo eebba tokkoo tokkoo isaaniif taʼuun isaan eebbisetti isaanitti dubbatee dha.
Yaaʼikuub Duʼuu Isaa
29Ergasiis Yaaʼikuub akkana jedhee isaan ajaje; “Ani gara saba kootiitti walitti qabamuu gaʼeera; holqa lafa qotiisaa Efroon namicha gosa Heeti sanaatti abbootii koo biratti na qabbaraa. 30Holqi kunis holqa biyya Kanaʼaan keessatti Mamree biratti lafa qotiisaa Makfelaa keessatti argamu kan Ibraahim iddoo qabrii godhachuuf Efroon namicha gosa Heeti sana irraa lafa qotiisaa wajjin bitatee dha. 31Ibraahimii fi niitiin isaa Saaraan achitti qabbaraman; Yisihaaqii fi niitiin isaa Ribqaan achitti qabbaraman; anis achumattan Liyaa qabbare. 32Lafti qotiisaatii fi holqi isa keessa jiru Heetota irraa bitaman.”
33Yaaʼikuub akkuma ilmaan isaa ajajuu raawwateen miilla isaa siree irratti ol deebifatee hafuura dhumaa baafate; gara saba isaattis walitti qabame.
Currently Selected:
Uumama 49: KQTAB
Highlight
Share
Copy
Want to have your highlights saved across all your devices? Sign up or sign in
Biblica® Katabbiiwwan Qulqulluu, Turjumaana Ammayyaa Banamaa™
Mirgi seeraan eegama © 2024 Biblica, Inc.
Biblica® Open Oromo Contemporary Scriptures™
Copyright © 2024 by Biblica, Inc.
Uumama 49
49
Yaaʼikuub Ilmaan Isaa Eebbise
49:1‑28 kwi – KeD 33:1‑29
1Yaaʼikuub ilmaan isaa ofitti waamee akkana jedhe: “Akka ani waan bara dhumaa keessa isinitti dhufu isinitti himuuf mee walitti qabamaa.
2“Yaa ilmaan Yaaʼikuub mee walitti qabamaa dhaggeeffadhaa;
abbaa keessan Israaʼelin dhaggeeffadhaa.
3“Yaa Ruubeen, ati ilma koo hangafa;
humna koo, mallattoo jalqabaa kan jabina kootii ti;
ati ulfinaan ni caalta; humnaan illee ni caalta.
4Ati akka bishaanii asii fi achi raafamta; ol aantummaas hin qabaattu;
ati siree abbaa keetiitti ol baatee,
afata kootti ol baatee xureessiteertaatii.
5“Simiʼoonii fi Lewwiin obboloota;
goraadeen isaanii miʼa fincilaa ti.
6Lubbuun koo marii isaaniitti hin seenin;
ulfinni koos yaaʼii isaaniitti hin dabalamin;
isaan dheekkamsa isaaniitiin nama ajjeesaniiruutii;
fedhii ofii isaaniitiinis qotiyyoo naafachiisaniiru.
7Aariin isaanii inni hamaan,
dheekkamsi isaanii inni gara jabeessi abaaramaa haa taʼu!
Ani Yaaʼikuub keessa isaan nan bittinneessa;
Israaʼel keessas isaan nan facaasa.
8“Yaa Yihuudaa obboloonni kee si leellisu;
harki kee morma diina keetii qaba;
ilmaan abbaa keetii siif sagadu.
9Yaa Yihuudaa ati saafela leencaa ti;
yaa ilma koo ati adamoodhaa deebita.
Inni akka leencaa, akka leenca dhalaas, riphee ciisa;
eenyutu ija jabaatee isa kaasa ree?
10Hamma bulchaan dhufutti
bokkuun harka Yihuudaatii,
uleen bulchiinsaa miilla isaa gidduudhaa hin dhabamu;
saboonnis isaaf ni ajajamu.
11Inni harree isaa muka wayiniitti,
ilmoo harree isaa immoo damee filatamaatti hidhata;
wayyaa isaa daadhii wayiniitiin,
wandaboo isaa immoo dhiiga gumaa wayiniitiin miiccata.
12Iji isaa daadhii wayinii irra diimata;
ilkaan isaa immoo aannan irra addaata.
13“Zebuuloon qarqara galaanaa jiraata;
buufata dooniiwwaniis taʼa;
daangaan isaas hamma Siidoonaatti balʼata.
14“Yisaakor harree jabaa
feʼiisa lama gidduu ciisuu dha.
15Innis yeroo akka iddoon boqonnaa isaa hammam gaarii taʼee fi
akka lafti isaa tolaa taʼe argutti
baʼaa baachuuf gatiittii isaa gad qabata;
hojii humnaa hojjechuuf of kenna.
16“Daan gosoota Israaʼel keessaa akka isa tokkootti,
saba isaatiif murtii qajeelaa ni kenna.
17Daan bofa qarqara karaa ti;
akka buutii daandii irraa,
kan akka namichi farda yaabbatu gara duubaatti kufuuf
kottee fardaa idduu ni taʼa.
18“Rabbii Allaah, ani fayyisuu kee nan eeggadha.
19“Gaad weerartootaan ni dhaʼama;
inni garuu faana buʼee isaan dhaʼa.
20“Aasheer buddeenni isaa furdaa dha;
inni mootiidhaaf nyaata tolaa ni kenna.
21“Niftaalem borofa hiikamtee dha;
dubbii gaariis ni dubbata.
22“Yuusuf muka wayinii ija qabeessa,
muka wayinii ija qabeessa burqaa bishaaniitti dhiʼoo jiruu dha;
dameen isaa dallaa irra yaaʼa.
23Warri iddaa qabatan waraana isatti banan;
isatti futtaasan; isa jibbanis.
24Garuu iddaan isaa jabaatee hafe;
irreen harka isaa,
harka Allaah Jabaa Yaaʼikuubiin jabeeffame.
Achiis Tiksee sanaan, Kattaa Israaʼeliin,
25Allaah abbaa keetii isa si gargaaruun,
Allaah Waan Hunda Dandaʼu isa
eebba shamaayʼun gubbaatiin,
eebba gadi fagoo isa jalaatiin,
eebba harmaatii fi gadameessaatiin si eebbisu sanaan ni eebbifamta.
26Eebbi abbaa keetii,
eebba tulluuwwan durii,
arjummaa gaarran durii caala.
Kun hundi mataa Yuusufiitti,
gubbee mataa isa obboloota isaa keessaa hoogganaa taʼeetti haa qabatu.
27“Biniyaam yeeyyii baayʼee beelaʼee dha;
ganama waan adamse itti gaggabee nyaata;
galgala immoo boojuu hira.”
28Warri kunneen hundi gosoota Israaʼel kudha lamaan; kunis waan abbaan isaanii yeroo eebba tokkoo tokkoo isaaniif taʼuun isaan eebbisetti isaanitti dubbatee dha.
Yaaʼikuub Duʼuu Isaa
29Ergasiis Yaaʼikuub akkana jedhee isaan ajaje; “Ani gara saba kootiitti walitti qabamuu gaʼeera; holqa lafa qotiisaa Efroon namicha gosa Heeti sanaatti abbootii koo biratti na qabbaraa. 30Holqi kunis holqa biyya Kanaʼaan keessatti Mamree biratti lafa qotiisaa Makfelaa keessatti argamu kan Ibraahim iddoo qabrii godhachuuf Efroon namicha gosa Heeti sana irraa lafa qotiisaa wajjin bitatee dha. 31Ibraahimii fi niitiin isaa Saaraan achitti qabbaraman; Yisihaaqii fi niitiin isaa Ribqaan achitti qabbaraman; anis achumattan Liyaa qabbare. 32Lafti qotiisaatii fi holqi isa keessa jiru Heetota irraa bitaman.”
33Yaaʼikuub akkuma ilmaan isaa ajajuu raawwateen miilla isaa siree irratti ol deebifatee hafuura dhumaa baafate; gara saba isaattis walitti qabame.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Katabbiiwwan Qulqulluu, Turjumaana Ammayyaa Banamaa™
Mirgi seeraan eegama © 2024 Biblica, Inc.
Biblica® Open Oromo Contemporary Scriptures™
Copyright © 2024 by Biblica, Inc.